لە کابینەی نۆیەم ، زۆرترین مۆڵەتی وەبەرھێنانمان داوەتە کەرتی پیشەسازی ، کە ژمارەیان ٦١ مۆڵەت بووەو سەرمایەکانیشیان زیاتر لە ملیارێک و ٧٨٦ ملیۆن دۆلاربووە ، بەشێک لە کارگەکان بەرھەمیان ھەیەو ئەوانی دیکەش لەقوناغی جێبەجێکردنن و بوونەتە ھۆی رەخساندنی ھەزاران ھەلی کار.

پێشوازیم کرد ، لە بەڕێز یونیدا گین نوێنەری ئاژانسی جایکای ژاپۆنی و باسمان لە پتەوکردنی ھەماھەنگی نێوان وەبەرھێنەرانی کوردستان و ژاپۆن کرد.. ھەروەھا داوام لە نوێنەری جایکا کرد، ئەزموونەکانیان لەبواری وەبەرھێنان ، بگوازنەوە کوردستان و ھانی وەبەرھێنەرانی ژاپۆنی بدەن بێنە کوردستان.

بە داخەوە یادی ھەشتەمین سەڵوەگەڕی جینۆسایدی خوشک و برایانی ئێزیدی شنگال دەکەینەوە.. لە ٣ی ئابی ٢٠١٤ ئێزییدییەکان کەوتنە پەلاماری دڕندانەی چەکدارانی داعش و سەدان کەسیان کردە قوربانی و ھەزارانی دیکەشیان بێسەروشوێن کرد ، ئێستاش ژمارەیەکیان چارەنووسیان نادیارە.

لە یادی شەھیدانی ئەنفالی بارزانییەکان و لە رێوڕەسمی ھێنانەوەو بە خاکسپاردنی رووفاتی 100 ئەنفالکراوی دیکەی بارزانیی ، سەری رێزو نەوازش بۆ گیانی بەرزە فڕیان دادەنوێنم و دەڵێم لەسایەی ئێوەو سەرجەم شەھیدان ، کوردستانێکی ئاوەدان ھاتۆتە ئاراوە.

کارو چالاکییەکانی سێ ساڵی دەستەی وەبەرھێنان لە کابینەی نۆیەم

لەگەڵ ئومێد خۆشناو پارێزگاری ھەولێر ، یەکێک لە پرۆژەکانی وەبەرھێنانمان لەناحیەی قوشتەپە بەسەرکردەوە ، ڤیابازاڕ لەسەر ڕووبەری ١٢٠ ھەزار مەتردووجا دروستکراوە ، ئەم باڕازە دەبێتە یارمەتیدەرێکی باش بۆ ساغکردنەوەی بەرھەمی جوتیاران و ھەزاران ھەلی کاری دەرەخسێنێت.

بەئامانجی پێشخستنی کەرتی پیشەسازی ، ئەمڕۆ فەرمانگەی شارو ناوچەی پیشەسازییم ڕاسپارد کار لەسەر پەرەپێدانی ناوچە پیشەسازییەکان بکەن و زەویان لە پارێزگاو ئیدارە سەربەخۆکان بۆدابین بکرێ ، ھەوڵەکانی حکومەت و دەستەی وەبەرھێنان رەخساندنی دەرفەتی نوێی وەبەرھێنانە لە ناوچە پیشەسازییەکان.

RT @masrour_barzani: We’re committed to reform and good governance. Our journey for a stronger Kurdistan continues -mb. My remarks in full…

جەژن لەھەموو لایەک پیرۆزبێ

ئەمڕۆ پێشوازیم کرد لە دەیڤد ھەنت کونسڵی گشتی بەریتانیا لە ھەولێر ، باسمان لە پتەوترکردنی پەیوەندییەکانی نێوان ھەولێر و لەندەن کرد ، کونسڵی بەریتانیا پێشنیازی کردنەوەی زانکۆی لەندەنی لە ھەولێر کردو منیش بەخۆشحاڵییەوە ئامادەیی ھەموو ھاوکاری و ئاسانکارییەکم بۆ پڕۆژەکە دەربڕی.

بەشداربووم لە یەکەمین مەراسیمی ھاوینەی فەرمانگەی پەیوەندییەکانی دەرەوە ، کە لەلایەن سەفین دزەیی، بەرپرسی فەرمانگەی پەیوەندییەکانی دەرەوەی حکومەتی ھـەرێمی کـوردستان رێکخرابوو.. لەمەراسیمەکەدا ژمارەیەک لە بەرپرسانی حکومەت و کۆنسڵ و نوێنەری وڵاتان و کەسایەتییەکان بەشداربوون.

ئەمڕۆ پێشوازیم کرد لە کۆنسڵی ھیندستان و شاندێکی وەبەرھێنەران و یەکێتی پیشەسازانی ئەو وڵاتە.. ھیندستان پێگەیەکی بەھێزی ئابووری ھەیە لە جیھاندا و ئەزموونێکی زۆریان لە پیشەسازییەکاندا ھەیە ، بۆیە داوام لێکردن بێنە کوردستان و وەبەرھێنان بکەن..

ئەمڕۆ پێشوازیم لە شاندێکی سەنتەری کشتوکاڵی جیھانی ھۆڵەندی WHC کرد ، ئەم سەنتەرە جیھانییە بۆیەکەمجار لقێک لە ھەولێر دەکاتەوەو ئامانجیان پاڵپشتی جوتیاران و کشتوکاڵی کوردستانە ، بەو بۆنەیەوە داوام ھۆڵەندییەکان کرد ،گرنگی زیاتر بە کوردستان بدەن و ھاوکارمان بن لە پەرەپێدانی کشتوکاڵ.

شەهیدبوونی هاوڕێی خۆشەویست و دێرینم د.ئیدریس حەمەخان و د.کاوان ئیسماعیل ، کارەساتێکی دڵتەزێن بوو ، پرسەو سەرەخۆشی خۆم ئاڕاستەی کەسوکار و سەرجەم مامۆستایان و قوتابیان لە زانکۆی سەڵاحەدین دەکەم ، خودای گەورە سەبووری بە کەسوکاریان بدات و رۆحی کۆچکردووانیش ، بە بەهەشت شاد بکات.

بەشداربووم لە پێشانگەی نێودەوڵەتی تەکنەلۆژی ھایتێکس ، سەڕەرای بەشداری کۆمپانیاکان ، لەھەمانکاتدا خۆشحاڵبوم بە��ینینی ژمارەیەک بەھرەمەندی گەنج ، کە داھێنانیان لە ئامێرە ئەلیکتڕۆنیەکان کردبوو ، جیھان سودی لە تەکنەلۆژیا وەرگرتوەو ھیوادارم ئێمەش کەڵکی لێوەرگرین.

بەمەبەستی ئاگاداربون لەدۆخی تەندروستی و وەرگرتنی چارەسەر ، سەردانی بەڕێز کەریم شنگالی بەڕێوەبەری نوسینگەی سەرۆکی ھەرێمی کوردستانم کرد ، ھیوای لەشساغی و تەمەن درێژیم خواست ، کاک کەریم جگە لەوەی پێشمەرگەی شۆڕشی ئەیلول و گوڵان بوو ، لەھەمانکدا جێی دەستی دیارە لە خزمەتکردن.

پێشوازیمکرد لە د. داود ئەتروشی ، سەرۆکی زانکۆی دهۆک و چەند مامۆستایەکی کۆلێژی کشتوکاڵ، داوامکرد توێژێنەوەکی فراوان لەسەر سێکتەری کشتوکاڵ بکەن و سوود لە خاک و ئاو هەوای کوردستان وەرگرن ، بێگومان ئەم ھەنگاوە دەبێتە هۆی بووژانەوەی کشتوکاڵ و بەرزکردنەوەی ئاستی بەرهەمی ناوخۆ.

ئەمڕۆ ٢٠ی حوزەیرانی ٢٠٢٢ ، بەشداریم لە کۆبوونەوەی ساڵانەی ژوورەکانی بازرگانی ئەمریکا لە کوردستان کرد و لەگوتارێکدا تەئکیدم لەسەر رەخساندنی دەرفەتی وەبەرھێنانی زیاتر بۆ وەبەرھێنەری بیانی و ئەمریکی کردەوەو داوام کرد وەبەرھێنەرانی ئەمریکا ، گرنگی زیاتر بە کوردستان بدەن.

لەگەڵ بەرپرسانی باڵای حکومەتی تورکیا ، ژمارەیەک کۆبوونەوەی گرنگمان لەبارەی دۆخی وەبەرھێنان و بازرگانی ئەنجامدا. ئامانجی کۆبوونەوەکە پەرەپێدانی وەبەرھێنان و بازرگانی نێوان ھەرێمی کوردستان و تورکیا بوو ، لەھەمانکاتدا رەخساندنی دەرفەتی کارکردن بوو لە نێوان وەبەرھێنەرانی ھەردوولا.

ئەنجوومەنی خاوەنکارانی کوردستان و ئیمارات دادەمەزرێت.. ئەمڕۆ پێشوازیم لە بەرێز ئەحمەد زاھری کونسڵی گشتی ئیماڕات لە ھەولێر کرد و بڕیارە مانگی داھاتوو ، ئەنجوومەنی خاوەنکارانی کوردستان- ئیماڕات رابگەیەنین و بەئامانجی فراوانکردنی وەبەرھێنان و بازرگانی نێوانمان.