Mohamed El Sayeed
@MohamedElSayeed
Followers
1,772
Following
238
Media
39
Statuses
9,230
General-Surgery Resident, Augusta Klinik Hattingen "وَلاَتَيْأَسُواْ مِن رَّوْحِ ٱللَّهِ"
Hattingen, Germany
Joined February 2011
Don't wanna be here?
Send us removal request.
Explore trending content on Musk Viewer
Hamas
• 952578 Tweets
Milton
• 655374 Tweets
Florida
• 601489 Tweets
Chilpancingo
• 217005 Tweets
Call Her Daddy
• 177371 Tweets
Category 5
• 142431 Tweets
DeSantis
• 124039 Tweets
Rigathi Gachagua
• 118846 Tweets
Cat 5
• 85041 Tweets
Atlantic
• 58737 Tweets
Polymarket
• 57173 Tweets
Floridians
• 43489 Tweets
Flies
• 42556 Tweets
Doocy
• 36256 Tweets
Orlando
• 30970 Tweets
emilia
• 28754 Tweets
Dragon Ball Z
• 26860 Tweets
Yucatán
• 24968 Tweets
Doc Harris
• 24867 Tweets
Tampa Bay
• 21638 Tweets
Cissy Houston
• 18954 Tweets
ياسر
• 18396 Tweets
Coachella
• 15019 Tweets
#فزعه_الشعب_السعودي
• 14920 Tweets
Vtubers
• 12689 Tweets
Cat 6
• 12198 Tweets
Shams
• 10649 Tweets
Pinned Tweet
النهارده حققت واحد من Life goals بتاعتي ... كنت متعقم و تليفوني رن و خليت حد يرد يقله الدكتور متعقم في عمليه 😎😂
6
10
509
ال Anxiety دي اسوا تجربه نفسيه ممكن يمر بيها اي حد
فكره انك تسيب نفسك لدماغك انها ترسم كل السيناريوهات السيئه وانك تلغي وجود لطف ربنا بعباده بتدمر حياتك
استمتاعك بالتجربه بيبقي صفر .. ادائك اساسا ف حد ذاته بيقل مع قلقك المستمر .. ويوم ما بتنجح خلاص ما بيبقاش فيك حيل انك تعرف تفرح
12
1K
5K
انا حقيقي اكتر ناس بتصعب عليا العساكر الغلابه اللي بتتقتل غدر في سينا دي ... كل واحد فيهم اغلب من الغلب معهوش واسطه فاتحدف في الصحرا ... في وسط حرب هو ما اختارش يكون جزء منها ... و يوم ما يموت اسمه حتي مش بيتقال مجرد رقم كده بيتكتب جنب اسم الظابط اللي استشهد جنبه
24
659
3K
منزل ستوري لتيست الكورونا اني بوزتيف …. نص الناس داخله تباركيلي علي ان مراتي حامل
23
19
1K
دكتورة امتياز عندنا في القسم وقفناها تراقب علي امتحان دكتوراة ... كانت عماله تشد مع المعيدين عشان الغش ... و في الاخر طلبت من معيد انه يقوم من مكانه بدل ما تسحب ورقته
البنت انتصرت لكل المقهورين من الامتياز و الجناير 😂😂
5
44
1K
جماعه مفيش تخصص في الطب اللايف ستايل فيه مريح ... مفيش بلد الطب فيها مريح ... مفيش شغلانه تانيه مفيش كارير شيفت .... اشتغلوا و انتوا ساكتين ... احنا كلنا لبسنا خلاص
9
69
968
فكره التقليل من فرحه الناس بالنيابه دي حقيقي ملهاش اي معني ... مش كل الناس اهدافها السفر .. مش كل الناس معاها الفلوس .. مش كل الناس ظروفها الاسريه تسمح ... فاكيد اكيد كونه ياخد نيابه تقربه من تخصص هو بيحبه فهو انجاز جميل و يستحق ينبسط و يفرح بيه
5
58
922
لو محدش عمل الدراسه دي قبل كده احب اكدلكم ان الشاي في الكوبايه الازاز طعمه احلي عشر مرات من لو اتعمل في ماج.
13
123
866
الدكاتره الامتياز الالمان مختلفين عننا فشخ .. مش ممكن العيال عارفه حاجات كتير جدا في الشغل العملي و دماغهم متاسسة صح جدا … احنا في نفس سنهم كان كل اللي نعرفه ارقام الديلفري بتاعه محلات الشاورما السوري حوالين المستشفي الميري
7
27
826
الدكاترة هنا بتتعامل مع الطب علي انه شغلانه عاديه زي اي شغلانه تانيه .. بتشتغل وقت معين عشان تجيب فلوس تقدر تعيش بيها حياتك ... عكسنا تماما حرفيا ... احنا الطب عندنا حياة كامله بياكل عمرنا كله
4
57
773
بتنام كويس بتاكل كويس .. اهلك بصحه كويسه مش مديون مش عايش ف اجواء حروب وتهجير .. فانت احسن من تسعين ف الميه من سكان العالم
التخصص .. امتحانات .. مكان شغلك .. انك تكمل في مصر او تسافر بره .. كلها قرارات مهمه وكل حاجه بس احنا في نعم كتير مش بنحس بيها لمجرد اننا اتعودنا علي وجودها
4
67
554
فكره ان حد يقارن تخصصه بتخصص تاني ويعزز ثقته في نفسه بانه يقلل من قيمة تخصص زميله ده بؤس ليفل عالي
كل تخصص له مميزات وعيوب بس برضه كل افرع الطب مهمه بنفس القدر لحياه المريض وأي منظومه ناجحه معتمده علي العمل الجماعي .. كلامي ده اكيد لا يسري علي الجلديه عشان دول عالم فرافير فعلا 😄
6
22
497
النهرده الشيخ ف الخطبه شم ريحه شراب منتنه في المسجد فقرر ان الخطبه كلها يتكلم فيها عن النظافه و انك لازم تستحمي و انت جي الجامع ولو ريحتك فضلت زي ما هي تحط برفان ... و ختم كلامه ان المحل اللي جنب الجامع عامل عرض حلو علي الشربات 😄
12
22
412
هو سافر و هاجر بس يقعد يقلك مفيش زي النيابه ف مصر و سناير مصر .. اصل هما اللي عملوا شخصيته المتحمله لكل انواع الضغط .. نسي في ثواني كم الاهانات و الاسابيع اللي كان مجبر ما يسبش فيها المستشفي بدون اي مبرر غير ان السينيور او الاستشاري يانتخ او يشتغل برايفت.
4
6
340
هو الناس اللي بتنصح عامه الطلبه اللي جابوا مجموع كبير ومعندهمش واسطه ومن الطبقه المتوسطه عادي مفيش لا فلوس ف البنك ولا شاليه ف الساحل .. انهم ما يخشوش طب .. بتهزروا صح .. انت لو بتنطبق عليك المواصفات اللي فاتت فانت الطب فرصتك الانسب ف تحسن ملحوظ ف مستواك المعيشي سواء ف مصر او بره
7
28
335
بكره يوم مميز جدا في المانيا .. هيكون اخر يوم رسمي لالزامية لبس الطاقم الطبي للماسك… قاعدين النهرده بقي بيتفقوا ان اللي عنده نبطشيه هيفضل لابسه لحد نص الليل وهيعملوا بقي عد تنازلي ويرموا الماسكات في الهوا كلهم سوا وانا قاعد وسطهم بحاول اندمج ف المجتمع وما اتنمرش ع شويه التخلف ده
3
5
305
بستغرب اوي الناس اللي مش معتبره انك تلاقي شريك حياتك و تكون بتحبه ده انجاز و هدف من اهداف حياتك ... الموضوع مش سهل انك توصله و معظمنا بيفشل و بيعاني في السكه دي
1
21
281
يعني الالمان معظمهم بيشربوا خمره سجاير حشيش عادي جدا بس حد فيهم يشوفني بحط معلقتين سكر ... ليه وليه و انت بتدمر صحتك يبني و ليه تعمل في نفسك كده و اللي هو تحس انك اذنبت في حقك نفسك و المجتمع
6
6
265
الاسبوع الجاي باذن الله بعد تلات سنين ف تخصص النفسيه ف المانيا هرجع لتخصص الجراحه اللي نفسي فيه من اول لحظه … حقيقي حاجه مفرحاني جدا … بس ف نفس الوقت مدرك اد ايه هي مغامره كبيره هضرب بيها استقراري سواء علي صعيد تغيير التخصص او اني هعزل لمدينه تانيه وعواقب ده كله مش قادر اتوقعها
15
1
228
داخلي ف المانيا تلات سنين مثلا بتمرن في الجيم عمو ما سمعت حد بيعلقلي علي حاجه في التمرينه … اول مره حد يقلي لا يا كوتش انت شغال غلط بتتلعب كده .. طلع واحد مصري
4
2
209
انت لو عايش تجربه الطب دي من غير Passion للتخصص اللي انت فيه او للطب عموما .. حياتك دي هتبقي عباره عن جهنم بس علي صغير كده
3
27
195
يعني اسيب مصر السناير فيه بتظبط الجناير البنات الحلوة و تحلق للولاد عشان اجي هنا بلد العلم و النظام الاقي برضه السناير مركزه مع البنات الحلوة و بتحلقلي ... يرب اسافر كينيا اشتغل ولا اعمل ايه بس 😆
2
3
195
كل اما تكبر هتفهم انك مش لازم تتجوز واحده بتحبها ... اد ما لازم تتجوز واحده ما توجعش دماغك
8
15
189
حد كاتب بوست عن تجربه شخصيه و عنصره ضده في المانيا و كاتب في نهايه البوست اننا كمغتربين دايما هيتم معاملتنا معامله مواطن درجه تانيه و انك بره بلدك ملكش قيمه و الحقيقه ان ده قدرنا و نحتسبها عند ربنا يوم القيامه لانك كمصري الحقيقه يعني لا ليك قيمه لا بره ولا جوا بلدك.
7
8
187
الارتباط في مرحله زي اللي احنا فيه دي مهم جدا ... بس تلاقي اللي يشاركك رحلتك و يهون عليك طريقك
مش حد عايز يخش حياتك عشان مجرد يرمي عليك مشاكله و يزود الحمل اللي علي كتفك .. لا منك هتنجح معاه ولا هتنجح في سكتك
9
18
164
الواحد فخور جدا ان في عز الغربه و ان كل اللي حواليك بيمارس حياته بشكل طبيعي اني صايم و ملتزم بده بالرغم من الشغل و النبطشيات و المذاكره و الامتحانات ... و اعتقد اي حد في نفس الموقف لازم يكون فخور بنفسه .. ربنا يثبتنا كلنا علي طاعته و فرائضه.
6
5
149
لافت نظري اوي التويتات بتاعت طبيب مقيم بين قوسين "ببوست او معيد" .... اللي هو انا مش زي عامه الشعب اصحوا فوقوا
5
2
149
بفرح فشخ لما حد من اصحابي ينجح في سكه في كاريره سواء سفر او شغل .. الناس مش مقدره كم التضحيات اللي بناخدها ... انت بتذاكر و تمتحن و تتعلم لغه و تسافر و تبعد عن اهلك و اصحابك وتأجل جواز او تكون سايب مراتك وعيالك وراك وممكن تفشل مره واتنين وتقوم تقف تاني لوحدك محدش بياخدك من ايدك
1
12
144
بالحديث عن رسم القلب ECG من امنياتي في الطب ان يوما ما قبل ما اعتزل المهنه اخصص فتره في حياتي اني افهم اللوغاريتمات بتاعته ... بس الاول اتجوز و اخلف و اشتري شاليه في الساحل عشان افضاله و ناخد و ندي انا وهو راجل لراجل كده علي رواقه
10
5
128
من شهر كانوا جيش مصر الابيض دلوقت بقي مخطط اخواني بيضرب الاطقم الطبيه ... بيتعاملوا معانا علي اننا عيال في تالته ابتدائي والله
3
28
130
جماعه متسروحش ببعض ونبي ... محدش هيسيب الطب و محدش هيعمل كارير شيفت و هتعيش طول حياتك في المستشفي و ووقت الفراغ هتذاكروا فيه عشان عندنا امتحانات ... مفيش خلعان انسوا احنا دخلنا الدوامه خلاص مفيش خروج منها
4
9
133
كده تويتر ناقصه جروب للدفعه و اكونتات اهالينا و يتقفل بشمع احمر بعدها
0
22
123
و بعد رحله طويله كده بتكتشف ان اكبر هدف لازم توصله .. انك يوما ما تبقي رايق البال راضي عن حياتك ... تشرب كوبايه شايك و تخش تنام مرتاح كده من غير دوشه في دماغك
1
26
123
اتنين نواب المان اتخانقوا مع بعض بسبب توزيعه نبطشيات فالنايبه قالت للنايب انت مش هتاخد النبطشيه عشان مستني ال٢٠ بنت اللي مصاحبهم يقررولك
الواد راح قدم فيه شكوي للاداره وقال انها اهنته جنسيا وانه هياخد اجازه شهر عشان نفسيته متدمره
2
3
122
السكن اللي عايش فيه التلاجه بتاعته مليانه ازايز فودكا و واين في كل ركن فيها ما عدا ركن صغير كده فيه علبه اللبن بتاعتي و حاجه تكسف والله 😆
6
0
115
انت بتسعي و بتعافر ف الدنيا عشان يوم ما تحقق حلم من احلامك تلاقي حد حواليك تحتفل معاه حد تحسه مبسوط لنجاحك و فخور بيك
لكن انك تعيش احادي الخليه كده و صاحب نظريه هخرج نفسي و انجح مع نفسي و احتفل مع نفسي ... ده انت ساعتها مش مجرد احادي خليه بس ده انت خليه هبلة كمان
2
12
111
الحلاق و هو بيحلقي اذ افتكر موضوع عابر مش مهم كده فبيحكي انه كان من كم يوم في مستشفي الصدر عشان كان عنده اعراض كورونا و المستشفي طلبت منه يتعزل في بيته ... بس هو يا بيه علي باب الله و يصرف منين علي العيال فقرر ينزل الشغل عادي و انا اسمع كلامه و اعيططط
4
2
106
حجزت عيان النهرده دكتور شغال طول حياته في جامعه ميونخ في ابحاث مختصه بالكشف المبكر عن مرض الزهايمر و كده .. الراجل طول حياته مركز في شغله معندوش صحاب ولا هوايات ... جايلنا ومتشخص بإيه بقي .. ايوه بالزبط زهايمر و حالته كانت متاخره جدا ... قوانين الحياه دي عموما غريبه و قاسيه فشخ
1
7
97
بابا اتجوز و هو عنده ٣١ سنه دايما كنت اقوله انا عمري ما هتاخر في الجواز زيك عشان فرق السن بيني و بين عيالي ما يبقاش كبير و ابقي فاهم دماغهم و كده ... دلوقتي انا ٢٨ سنه و ما اتجوزتش و مخلفتش عيال .. كل اللي بعمله اني قاعد بلعب كاندي كراش دلوقت عشان لما يجوا ابقي افهم دماغهم 😆
4
5
97
دعوه تيته قالتهالي زمان ... ربنا ما يحكم عليك ست مجنونه في شغل ... فهمت معناها دلوقت
4
11
94
بيعملوا ف القسم كل شهر حاجه اسمها Supervision اللي هو اخصائي نفسي بيقعد مع فريق العمل كله ف القسم تمريض ودكاتره وبيبقي هدف القعده ان كل واحد يتكلم عن مشاكله ويهاجم اي حد ف الفريق حتي لو كان قاعد ..حرفيا العيال سلخوا في بعض ومجرد ما طلعوا من المكان هزروا وضحكم وشربوا قهوه سوا عادي
5
0
90
النهرده اول مره استفاد من فساد المنظومه في مصر
النهرده رئيس الاقسام بيسالني انت اجازتك كانت فين قلتله في مصر قالي وعدد الحالات عندكوا كام قلتلوه ٣٠٠ في اليوم قالي تمام يعني كده الوضع هناك احسن من المانيا خلاص انت ترجع المستشفي بكره عادي مش لازم حجر صحي .. اللي هو عمار يا مصر 😆
4
0
83
اللي عايز يعاركني يتفضل بس شواطئ مطروح دي من احلي شواطئ العالم ... حتي لو مشفتش كل شواطئ العالم انا طلعت الجايزه من
ذمتي خلاص
2
4
80
امي باعته معايا شويه مبمار فبسخنه واحد من اللي ساكنين معايا منبهر بالريحه و بيسالني ده عباره عن ايه ... خايف اقله يبلغ عني يرحلوني بكره مصر 😆
3
0
81
نسي كل الاسباب اللي خلته مع اول فرصه يطفش من البلد كل اللي قادر يفتكره انهم كانوا بيخلوه يفتح زايده ولا خراج .... نفسي الناس تفهم ان يغور العلم اللي وراه تهزيق و قله قيمه
2
2
79
امبارح سمعت جمله عنصريه لطيفه ... مريضه بتقلي دكتور ما تتكسفش من لونك انا عن نفسي بحب الدكاتره اللي بشرتهم داكنه زيك ... اللي هو ربنا يكرمك بس انا مش داكن يا وسخه انا قمحي بس محروق شويه 😆
5
0
77
قررت ان النهرده يكون يوم محوري و اغير من نفسي وابتدي رياضه من تاني و انزل اجري بعد ٢٠٠ متر جري لمحت محل ايس كريم ... جبت بسكوته اتنين بوله و قعدت علي جنب اكله وامسح دموعي معاه ولا عزاء للنمر الاسود و الصحبة الكريمه
0
3
73
عيانه النهرده حجزتها سنها ٩٧ سنه يعني تقريبا ايام الحرب العالمبه التانيه كانت اكبر من عمري دلوقتي ... بتتكلم معايا النهرده انها عايز تروح بيتها باسرع وقت عشان بقالها فتره مركبتش عجل ... اللي هو يا حاجه عجل ايه بس ده انا بشحر و انا بلبس الكوتشي الصبح
2
2
74
فيه اضراب جزئي هيعملوا الدكاتره هنا في المانيا يوم الاتنين اللي جي … انا تلقائيا خايف اشارك معاهم لحسن أتعكش مع ان فيه حريه عادي ومحدش بيتقبض عليه طبعا … بس هنقول ايه علي مصر حبيبتنا الحكومه ربتنا فيها كلنا علي ان لا خروج عن طاعه الحاكم و لو فكرت تخرج هتتعكش 😂
2
4
71
مش عنصريه والله ... و مقدر جدا لمجهود اي حد في كلية و مهنه تانيه
بس مينفعش تقارن المجهود اللي بيبذله طالب الطب و الضغط العصبي اللي بيشوفه طول سنين دراسته اللي مش بتخلص باي مهنه و كليه تانيه ... احنا بنتهان طول حياتنا يا جماعه محدش حاسس بينا 😭🤦♂️
0
11
71
حتي رحله السعي في الطب ممله و تجيب المرض ... يعني تشوف مثلا لو حد رياضي رحلته مليانه تنطيط و جيم و اندورفين كده مالي دماغه و منعنشها .... لكن احنا رحلتنا عباره انك قاعد علي مكتب ضهرك هيتقسم بتذاكر و بتذاكر و بتذاكر لحد ما تتكفي علي وشك و تنام
1
4
71
اساتذه الجامعه مكانتهم العلميه مخلياهم مقتنعين انهم عايشين في السما فوق فاهمين كل حاجه ... كل خيوط اللعبه في ايديهم ... متطورين جينيا للدرجه اللي تخليهم عارفين كل بواطن الامور .... ربنا خلقهم عشان يعمروا في الارض و يتحكموا في البهايم اللي زينا وسارحين في الارض مش عارفين مصلحتها
1
5
70
و هو بيقول "علي الاقل فرحت ابويا" .. دي اهم جمله في القصه دي كلها .. بتلخص مشاعر كتير جدا
جزء كبير من فرحتك باي إنجاز عملته انك تشوف نظرات الفخر و الفرح في عيون اهلك و الناس اللي انت بتحبهم
الواد ده جدع ربنا يبارك فيه و يحقق كل اللي هو بيحلم بيه
1
2
67
اعلان فودافون حلو و كل حاجه ... بس فكره انك تبقي قاعد ف الفيلا بتاعتك بتوجه رساله عن القعده ف البيت و لازم نستحمل زي ما هما مستحملين ... ده مفيهوش اي شبه من Stay_home بتاعه اغلب المصريين اللي اي اسره منهم محشورين في شقه اصغر من المساحه اللي عايش فيها الكلب اللي في جنينه مني زكي
0
6
62
اكتر حاجه مطمنلها ان لو وباء الكورونا اتفشي في العالم كله مصر مش هتسجل ٧ حالات علي بعض
ليه مش عشان ربنا حافظنا و طمي النيل فيه الشفا
لان انت اساسا ف كل مستشفياتنا كل يوم ١٠ حالات علي الاقل بتموت علي باب العنايه عشان مفيش اماكن لو ال ١٠ دول بقوا ١٥ محدش هيحس ولا هيدور وراهم
2
14
63
كونك طبيب مصري دي قصه كفاح في حد ذاتها سواء كملت في مصر او سافرت
2
8
60
ببقي محرج جدا لما حد يكلمني من مصر و يسالني انت مشغول في ايه و اقله اني بغسل او بطبخ ولا بنشر الغسيل ... اللي هو انا خذلتك انا عارف و دمرتلك الحلم الاوربي بس الفانلات لازم تتغسل
2
0
59
المذاكره علي كبر دي حاجه بائسه جدا مفيش حاجه بتثبت و مفيش تقل تمسك ورقتين حتي ... السن وله احكامه برضه
2
3
60
الصوره المثاليه المتاخده عن الالمان و الاوروبين بشكل عام انهم بتوع شغل و انضباط دي هجص جدا ... اي واحد جي من بلدنا ودخل في المنظومه بيشتغل و يلتزم احسن عشر مرات من احسن واحد فيهم ... احنا حقيقي محتاجين في بلدنا قانون و نظام الناس تلتزم بيه ساعتها نص مشاكل حياتنا هتختفي
5
7
57
صديق بيحكيلي ان عشان يحافظ علي عياله انهم ما ينسوش لغتنا في المانيا فوداهم مدرسه اسلاميه .. فبعد فتره لقي العيال بتتكلم سوري و مش بيفهمهم برضه
4
1
54
المشهد المفروض بيضحك ... بس حقيقي هو واقعي و حزين فشخ ... احنا خسرانين عمرو واكد في السينما عندنا حقيقي
2
8
50
مش الانجاز انك تلاقي حد يحبك ... الانجاز انك تلاقي حد يستحمل�� بعيوبك و دماغك ... الموضوع صعب يا جماعه يا والله
3
5
54
طول ما انت لوحدك في رحلتك عمرك ما هتحس بطعم اي انجاز تحققه
6
5
53
الظروف صعبه والامكانيات قليله وفيه نقص في الافراد مختلفناش اكيد .. لكن نظام السينيورتي في مصر ده اوسخ حاجه ف المنظومه كلها .. و اللي يغيظك ان السبب فيها هما الدكاتره ذات نفسهم مش عنصر تاني من بره مثلا هو اللي بيخلي نايب سبق غيره بكم شهر يفتكر نفسه له الحق يبيع ويشتري ف الاصغر منه
2
4
53
اسوا صفه ممكن يتصف بيها اي شخص انه يكون دائم الشكو�� و مش عارف يقدر نعمه ربنا اللي هو فيها ... لازم الكلمتين دول الواحد يبقي حاططهم في دماغه دايما
2
18
53
في الواقع الازمه مش في موت الدكاتره نتيجه الكورونا لان فيه نسبه وفيات بين الدكاتره علي مستوي العالم مش مصر بس
لكن المحزن انك تبقي كطبيب بتحارب وباء زي دي بأقل الامكانيات المتاحه ويوم ما تتعب ميتسحبلكش عينه ولا تلاقي سرير عنايه وفي المقابل مجرد فنانه لقطت عدوي الدنيا تتقلب فوق تحت
0
11
48
فيه حادثه حصلت لطفله من اسره عربيه ف المانيا والدتها اكتشفت ان البنت طول الفتره اللي فاتت بيتم الاعتداء عليها جنسيا من موظفين ف الحضانه وبيصوروها كمان
كارثه بمعني الكلمه .. الواضح ان النفس البشريه مياله دايما للفوضي و الوحشيه و القذاره باختلاف اطيافها .. فتره وسخه ف تاريخ البشريه
2
8
46
انا بسمع القصه دي منهم وكل اللي ف بالي انه زمانه هايص دلوقتي مع ال٢٠ بنت اصحابه عشان يرفه عن نفسيته 😆
1
0
47
لو تتعامل مع حياتك علي انها رحله كده تاخدها علي الهادي و تشوف الدنيا بتوديك لفين و تحاول تتكيف معاها هترتاح مليون مرة عن لو انك واخدها طول الوقت سباق مع غيرك و ده عمل و ده وصل و انا ما عملتش و انا متاخر
1
5
45
كل اما الدنيا تضيق افتكر ايام الطورائ لما مكنتش بلاقي مكان انام فيه الساعتين بتوع الليل غير علي سرير في عنبر القئ الدموي ... و كان ساعتها السناير كمان مستكترين السرير ده عليا ومعتبرينه رفاهيه ... و اللي هو يا ابني احنا لما كنا ادك كنا بنام في الحمام بتاع القئ الدموي
1
1
45
انا حقيقي مكنتش مصدق خبر وفاة موسي و كنت فاكر انهم اكيد بيتكلموا عن حد تاني ... الموت قريب اوي يا جماعه قريب من اي حد فينا وحقيقي بيخطف انضف و احسن الناس من وسطنا
موسي ده كان احسن مثال للدكتور الخلوق اللي الناس كلها دايما بتحلف باخلاقه و بشغله ... ربنا يرحمه و يصبر اهله
0
6
45
الواحد ممكن يهزر كتير في موضوع التعويم بس الوضع كارثي ... ربنا يعين اهالينا اللي مضطرين يستحملوا و يكافحوا اكتر و اكتر .. و يعين اي حد ناوي يسافر و فجاه لقي نفسه محتاج يطحن نفسه اكتر و اكتر عشان يعوض الفلوس دي ... و يعين اي حد بيطلع صدقه بانتظام و بيحاول ما يقللهاش بسبب اللي حصل
1
11
46
عدي قدامي تويتة لواحد نفسه يرجع مصر ومش قادر يستحمل الغربه.
الحقيقه نفسي نفهم اننا مش في الجنه … احنا في دار محدش فيها بياخد كل حاجه .. لازم تفهم قبل سفرك ان غربتك مش معناها ان خلاص كل مشاكل حياتك هتتحل … انت بتضحي بحاجات عشان تكسب حاجات تانيه … محدش بينول نعيم الحنه ع الارض.
5
3
44
سواق تاكسي النهرده اكدلي ان مش المغرب اول فريق عربي يوصل نص النهائي ... قالي لا مصر سنه ١٩٣٠ ... و زعقلي كده و قالي افتح كتب التاريخ و اتاكد يا استاذ فانا خفت و قلتله حاضر اول ما انزل هفتح الكتب علطول
4
1
44
كل اما بنكبر و خبرتنا بتزيد ... قرار الارتباط بيكون اصعب و اصعب
3
7
44
حقيقه سيئه للاسف … بس شرب السجاير هنا وسيله تواصل اجتماعي رهيبه جدا هنا في اي مكان شغل … انت بسجارتين ممكن تتعرف علي نص التيم اللي شغال معاك في المستشفي.
3
0
44
عيانه النهرده تقديرا لمجهودي معاها قررت تديني هديه صممت اني لازم اخدها فسابتهالي ع الترابيزه و مشت .. انا احلامي كبرت و عليت و فتحت العلبه لقيتها جايبالي كيلو رز ... و تحسني بعالج واحده من باكوس 😆
2
0
43
طيب انا عايز اقلها عن تجربه شخصيه القلق ده شعور يقدر يخلي حياتك كلها ضلمه و عمرك ما هتنبسط ولا هتعرف تعيش معاه ... و اكبر كارثه فيه انك تستسلم ان ده يكون الشعور الملازم ليك في كل مراحل و محطات حياتك
1
7
42
عيان عربي زنان بطريقه بشعه والناس هنا بيتعاملوا بطريقتهم اللي هو يشرحوله بادب وصبر بس المشكله انه برضه مش بيسكت وبيسال نفس الاسئله لحد ما استفردت بيه لوحدي وكلمته عربي وقلتله ونعمه لو سالت تاني اسالتك دي ما انت متحرك من العنبر ده ومن ساعتها والراجل إتكن ف اوضته و فخور بنفسي فشخ
3
1
42
مهما كبرنا ... التجمعات الأسريه في العيد دي بالدنيا و ما فيها والله
2
14
40
مقتنع تماما ان اي حد بيجتهد ربنا بيكافئه علي اد اجتهاده ... حتي لو محققتش اللي كان نفسك فيه دلوقت فده معناه ان ربنا شايلك حاجه اكبر بكتير بس معادها لسه مجاش
0
7
41
الاستقرار اهم هدف المفروض يسعي له البني ادم ... اهم من العلم اهم من السفر اهم من اي حاجه تخطر علي بالك
0
8
40
خليك فاكر دايما مع كل لحظه صعبه بشوفها
"من أصبح منكم آمنا في سربه، معافى في جسده، عنده قوت يومه، فكأنما حيزت له الدنيا"
0
12
40
اكتر فرق بحسه بينا وبين الطلبه والدكاتره الالمان ان دماغهم من وهما صغيرين متأسسه ايه المهم وايه اللي مش لازم يشغل حيز كبير من تفكيرك
ومن المنطلق ده دايما بيتصرفوا وياخدوا قرارتهم
عكسنا تماما احنا اتعلمنا في الكليه ان Squamous Cells اهميتها زي ALS بالظبط عشان كان عليهم نفس الدرجات
0
3
39
جماعه اعملوا اللي انتوا مقتنعين بيه و قولوا اللي نفسكوا فيه و ما تركزوش مع راي الناس ... عشان الناس هتتكلم عنك كده كده و هتعلق علي اي حاجه بتعملها حتي لو قعدت ساكت حابس نفسك بين اربع جدران
0
5
38
احنا نطلع من القصه دي بحاجه مهمه ... ما ينفعش تتجوز غير بحد يقدر يشاركك حياتك بظروفك المتاحه ... معاك قرشين ترتبط بحد يقدر يعيش بالقرشين دول ... ما تروحش تتجوز واحده متعوده علي مستوي معيشه اعلي منك او معندهاش استعداد تضحي و تشتكي و العكس صحيح برضه
1
1
39
القلق ده احساس قاتل اقسم بالله ... لو سيبت الشعور ده يتملك منك دايما
هتعيش حياتك كلها في نكد و بؤس ... حتي لو كل فتره بتحقق انجاز و حياتك بتتقدم
1
9
37
الشخص ال supportive ده موهبه نادره والله ... فكرة ان يكون فيه حد في حياتك يقدر يدعمك في اي قرار تاخده حتي لو هو مش مقتنع بيه دي عايزه مجهود كبير ... انا عن نفسي لو شايف اختيار اللي قدامي مش الاختيار المناسب ... بحس نفسي دايما .. متكلبش مستحيل اني اقدر اساعده يتحرك فيه خطوه
2
3
38
الواحد بقي معندهوش طاقه للمناهده ... النهرده واحد اعرفه عرفني علي اصحابه علي اني اسمي محمد ابراهيم وانا كسلت اصلحله الاسم و طول القعده بقي بينادوني يا ابراهيم .. و انت ايه رايك يا ابراهيم ... طب تشرب معانا شاي يا هيمه ... منور يا سحس ... "مع ان سحس مش دلع ابراهيم بس عدتها برضه"😂
2
1
37
عاملين اخلاء لسكان جزء من المدينه امبارح عشان اكتشفوا قنابل من ايام الحرب العالميه و الدنيا مكهربه هنا و انا نازل عايز اروح اتصور مع القنابل و التجربه الاوربيه مغيرتش فيا ب ٣ جنيه تفكير حتي والله 😆
3
0
38
المانيا حطت العالم كله في لسته الدول المحظور السفر ليها ... لما صحوا الصبح ملقوش اماكن تانيه يزودوها راحوا حاطين برلين ... بجد والله مش بهزر 😆😆
0
0
36
مدي تقبلنا للتغيير هيبقي اسهل كتير لو شيلنا من دماغنا السعي الدائم لاننا نكون الافضل و الاحسن
لازم يكون جواك يقين انك شخص عادي فشخ بتغلط ساعات كتير ... الفشل ده شئ وارد جدا حتي لو نجحت في هدف ليك مش معناه ان خلاص انت شخص ناجح و انك خلاص علي سلم المجد
2
11
36
كل اما اكبر كل ما بقيت ادور اكتر علي الحياة الهاديه اللي من غير اي ضغط عصبي ... حاليا نفسي مثلا اشتغل في مكان هادي كده مفيهوش خناقات اقضي يومي بسلام نفسي و اروح بيتي اتغدي و اشرب كوباية شاي وانا بتتفرج علي فيلم و انام و انا راضي ان اليوم ده يتكرر كل يوم مش هزهق
2
4
35
السفر بيختبر شئ مهم جدا جواك ... هل انت هتعرف تعيش لوحدك فعلا ولا لا .. ومش قصدي لوحدك ان مفيش حد حواليك ... قصدي لوحدك انك بتواجه مشاكل متفصله عليك كده بتاعتك انت بس محدش هيحس بيها ... فاللي بتحكيله النهرده مش هتحكيله بكره وبعده لانه مجربش اللي انت فيه ولا هيفهم مشاكلك ولا همومك
3
1
35
حتي لو متاكد ان قرارك غلط ... بس فكره انك بتاخد قرار اصلا و تجرب الصح و الغلط .. احسن مليون مره ما تبقي عايش تايه كده مش عارف تختار حاجه في حياتك ... مش عارف تقول هتتطفح ايه علي الغدا النهرده حتي
4
5
35
اي حاجه بتتكلم عنها قبل ما تتم دايما بتتفشكل و تبوظ ... سر من اسرار الحياه اللي مش مفهوم لحد دلوقتي ... فيا نفهم سببه ايه يا نحط لسانا جوا بوقنا عشان اتهرينا خوازيق
4
2
33
مفيش حتميه للوصول للهدف مهما كان اجتهادك ... مواصله السعي دايما خصوصا بعد اي وقعه او فشل هو ده جوهر حياتنا ... الايمان بقضاء ربنا و قدره دايما هينجيك من اي حفره بتقع فيها ... العطله دلوقت ممكن تكون اختبار من ربنا ليك في الدنيا هتعرف حكمتها بعدين سواء ف الدنيا او في الاخره.
4
7
34