استاذي ..
كم هي هزيلة فكرة "الحياة"
وكم جميلة احياناً فكرة "الاشاعة"
يحترق امامي الآن الماضي الجميل
رحيلك صادم مفاجئ نعم
مؤلم قاسي نعم
لن يغير من حقيقة انك زرعتَ فيي وفي الكثيرين غيري:
(احلاماً كبيرة..حتى ونحن نعيش تغريبتنا السورية)
شكرا استاذي من الروح ..علّها توصل السلام لروحك.
في كتاب فن الحرب:
"عِلمُك بعدوك يعرّفك كيف تدافع ،وعِلمُك بنفسك يعرّفك كيف تهاجم، الهجوم هو سر الدفاع، والدفاع هو التخطيط للهجوم ."
ياترى كيف رح يتصرف فرات بصراعه مع اخوه بعد ماعطاه اكتر من فرصة ؟؟
حدا ممكن يتوقع ؟؟
#ابتسم_ايها_الجنرال #فن_الحرب
#art_of_war
"غزة الآن خارج التغطية"
اخبرو العالم ان هناك بقعة على هذه الارض تباد .
اخبرو العالم ان شعباً فلسطينياً يحرق بصمت .
لا تدعو الخبر يعبر هكذا ..انشرو انشرو ..
غزة مقطوعة عن عالمها الخارجي ..مبتورة عن وطنها..
لا تتوقفو و لا تيأسو..انشرو و اخبرو اولادكم و احفادكم ..الحقيقة ..بعيداً عن
السوريين بحاجة معدات ورافعات ليقدرو يطالعو الناس من تحت الانقاض..فيه ناس ممكن تعيش يومين وتلاتة و واربعة اذا عميوصلها اوكسجين.في ارواح قادرة تصمد.
في ابنية ممكن تنهار نتيجة التصدعات
في ناس بدها مأوى
في آمال لاتقتلوها .
بأي طريقة وبأي شكل:
#اوصلو_المعدات_المساعدات_للشعب_السوري
مو قلتلكم غسان مابيوقع غير واقف؟
تراااااام 🤷♂️😂
شكرا لهاد الكم من المحبة و الرسايل يلي عمتوصل،شكرا للنقاد والصحفيين
شكراً #الليث_حجو #رامي_كوسا #ايغل_فيلمز وكل شخص كان اله دور بإكمال مسلسل #اولاد_ادم وشخصية الاعلامي الزميل #غسان_يونس 😂
#فطر_مبارك وكل عام والعالم كله بالف خير
يااهالي الشام..حاتم راجع عالشام..
ودعوه وداع ايقونة فاتت على بيوتكم بكل حب ..ودفى..
ودعوه وداع بليق بالامل والجمال و النجاح يلي قدملنا ياه.. وخلى اسم سوريا مضوي بعالم الفن و الانسانية.
ودعوا "امير المخرجين " ونحنا اهل الوفى..
كونو جنبه يوم الجمعة ١ كانون التاني
#وداعاً_حاتم_علي
شو هالدور الرائع اللي عم تلعبو واللي رح يكون من أجمل أدوار الدراما العربية من دون أي مبالغة. إنت من أهم النجوم الشباب اليوم وهالدور نقلك لأعلى المراتب. مبروك عليك هالنجاح ولكل أسرة مسلسل #أولاد_آدم الرائعين
@MaximKhalil
اهلنا..بحلب وحماه وادلب واللاذقيةوطرطوس وجبلةوعفرين وكل القرى والمدن المحيطة منكوبين ،تحت الانقاض و بالشوارع بالعاصفة والبرد .مساعدة الناس لازم تكون اولية المجتمع الدولي .
تحت سيطرة ..خارج سيطرة مو هاد المهم ،
المهم المساعدات توصل للكل .
.للسوريين.
#زلزال #سوريا #انقذو_اهل_سوريا
الله يكون بعون اهلي بسورية..
شو بدها تحمل هالناس لتحمل..
شو بدها تحمل هالبلد لتحمل..
الغابات تحترق منذ ايام ..
و وطني يحترق من سنوات ..
شعباً وأرضاً..
ولا أحد هنا ..
#انقذوا_غابات_سورية #الله_يحمي_الجميع
انشالله يكون شهر رمضان ..
شهر خير وحب وكرم ..
على كل يتيم وكل محتاج وكل مهجّر..
شهر يخلي كل قادر ..يقدم يلي بيقدر عليه..
شهر يحمل المظلوم لبر الامان ..
و يلم شمل يلي اتفرقوا ..
ويحمي الجميع .
كل رمضان وانتو بخير .
#رمضان2024
بيعجبني يلي بقول انه قرار نقل السفارة للقدس قد "يشعل" المنطقة...
هاد على أساس شو!!
انه "المنطقة" عمتتشمس بالجاكوزي ! 🤔
انتصروا لشعوبكم لتعود #القدس_عاصمه_فلسطين_الابديه
#Jerusalem
شكراً لمهرجان الفضائيات العربية على منحي جائزة افضل ممثل عربي ٢٠٢٠
شكراً لالكم انتو ولمحبتكم و لكل حدا بحس انه ساهم ولو بجزء بسيط بهاد الشي.
هي الجائزة مو لإلي
هي الجائزة للاشخاص الحقيقيين..اصحاب النوايا الصافية..الضمير الحي..الحب الصادق..والإنسانية..
على الارض كانوا او بالسما.
كنتي دائماً نسمة دافية ..
بالحياة و عالشاشة..
الله معك ياحنونة ..اسفين مارح نقدر نكون بوداعك ..
قلبي معك استاذ سليم صبري و يارا وماهر و كل هالعيلة الأصيلة.
الله يصبركم .
السلام لروحك #ثناء_دبسي
محبينك واصدقائك و طلابك نشالله رح يودعوكي و يدعولك ..انتي جزء من ذكرياتهم.بحبوكي حبيبتي ماشفتي شو كتبو عنك ..ولاد البلد الطيبين رح يقومو بالواجب
لكل الاصدقاء..لكل المحبين..لكل قادر
ستيلا رح تنام بالشام
ودعوها ..بكرا الجمعة الساعة ٣ بعد الضهر بكنيسة الصليب
بالقصاع ..وفيكن البركة
ايوووووه ….ده الموت حلو ياولاد .."
آخر جملة كتبها الكاتب فؤاد حميرة بمسلسل حياته.
خسارة كبيرة انت يا أبو آرام
ايها الشقيّ الحكيم ..كل ماكان ينقصك هو العدالة ..
الله يرحمك ياابن البلد الطيب .
#فؤاد_حميرة #وداعاً
كالعادة اطفال رح تتيتم ..اهالي رح يخسرو احبابهم..
بشر رح تتهجر وتنزح..
المجتمع الدولي رح يتخلى عنهم ..
المساعدات الانسانية رح تنسرق ..
ونحنا مافينا نعمل شي غير نقول
الله يحميكم اهلنا ب #فلسطين و #سوريا و #لبنان وكل انسان ما اله ذنب.
قلوبنا معكم موجوعة
الله يحمي الشعب المغربي الطيب و يكون بعونهم و معهم بهاد المصاب ..
الله يرحم ضحايا الزلزال و يصبر ذويهم.
والشفاء للمصابين ..
لنا في المغرب الجميلة الكثير من ذكريات الزمن الجميل..قلوبنا معكم ..
#زلزال_المغرب #الله_يحميكم
#morroco
#earthquake
يالله شو بده يحكي الواحد..رحمتك..ولله هالناس مو ناقصها ..زلزال وكارثة كبيرة تضرب سوريا و تركيا ،اهلنا باللاذقية و حلب وادلب وبكل المدن السورية وغير السورية .. الله يحميكم..ويرحم كل الضحايا ويشفي الجرحى
مئات الابنية نهارت فوق صحابها
الناس بحاجة مساعدات
#زلزال #سوريا #تركيا
الف مبرووووك للمنتخب المغربي والشعب المغربي و العربي هاد الانجاز التاريخي …
فريق كبير و حلم كبير و انشالله قادرين ..
بقيان مباريتين .. وانتو قادرين ..شكرا على الفرحة الكبيرة
Go Morocco Gooooooo
#المنتخب_المغربي في النصف نهائي #اسود_الاطلسي الف مبروك ❤️❤️🙌🏻
(تجرأنا على الحلم..ولن نندم على الكرامة.)
فيلمين سوريين في الأوسكار البارحة حديث وسائل اعلام العالم المتحضر..فيما يغرق إعلامنا العربي بعالم الجمال والسيليكون والتطبيل والتزمير وولادة أنثى الثعلب من الأرنب.
مبروك #لأجل_سما #الكهف وشكراً الكم
صباحكن مليان دفى و امل
اول يوم بسنة جديدة ..منتمنى تعطيكون
كل الحب يلي بتعطونا ياه..كل النجاح يلي بتمنحونا ياه..كل التفاؤل يلي بتزرعوا فينا..
منتمنى تعطيكون السلام ..الأمل ..الوفاء..
منتمنى تعطيكون كل الخير لتضلوا..
كل عام وانتو بخير و اهل الخير
#HappyNewYears
#2018
أهل معرة النعمان اهل نخوة وشهامة,اهل كرم وضيافة..(سوريون) فتحو بيوتهم و حياتهم لكل اخوتهم السوريين من الجنوب الى الشمال..كونوا معهم بمحنتهم لا عليهم.. بجانبهم لا ضدهم..احضنوا اهلكم..فهم لا يستحقون الضيم كما كل السوريين..لايستحقون الضيم
#معرّةالنعمان #سراقب #سوريا
#save_humani
نشالله رح تكون هي السنة سنة خير ..سنة حب..سنة نجاح..سنة سلام ..سنة دافية..
تحققوا فيها يلي بتتمنوه .. وتشوفو ولادكم واحبابكم عميحققوا يلي بتمنوه..
ومايغيب الفرح و الاملْ و الطمأنينة عنكم..
كل عام والكل بألف خير..❤️❤️
#happynewyear
#2019
#😘😘
شادي زيدان..الطيب..الشهم..
الله يرحمك ..رحيل صادم ..الله يكون بعون اهلك ويصبرهم..
خالص العزاء للاستاذ ايمن و لوائل ولكل ال زيدان..
لروحك السلام #شادي_زيدان
الى محمود درويش في ذكرى ميلاده:
عَرفتُ منك ان الحرب ستنتهي ..
و سيتصافح القادة..
ولقد رأيتُ بدل العجوز المنتظرة ابنها ..ألفاً..
وبدل الطفل المنتظر ..آلافاً ..
منهم من ينتظر أباه ..
ومنهم من ينتظر لحظة وداع لم تكتمل ..
واكثرهم كانو ينتظرون دخول الجنة..اشلاءاً..
من باب مخبز هنا
اشعر اننا امام مسرحية سياسية كبيرة,كلّ بطل فيها يلعب دوره على اكمل وجه بما يتناسب مع صورته امام جمهوره نحن الشعوب.
لا تتعجّلو بالحكم على كلامي
لننتظر نهاية العرض الدموي بحق المدنيين ،ربما ستكون كارثية على الفلسطينيين وكل من له قضية انسانية محقة.
هل اتوّهم؟ اتمنى ولكن ..
#فلسطين
"لهذا السبب نحن نعشق المسلسلات المعرّبة رغم مشاهدتها ومعرفة احداثها سابقاً "
يمكن بعض الناس يشوف هالحكي تشاؤم ..
بس عن تجربة..ويمكن كتار متلي..
انا حضرت هاد المسلسل الفلسطيني خلال حياتي كتييييير ..
نفس مشاهد الموت والدم والظلم لهاد الشعب يلي اجى حظه انه حائط المبكى عنده ..كان
شوقي ياشوقي عمحاول صدق..
مابعرف شو قول ..اعمالك رح تحكي عن مخرج عربي بكل مابتحمل هالكلمة من معنى..صاحب قضية..صاحب هم.
ونحنا رح نحكي عن إنسانيتك و محبتك وإخلاصك لشغلك ورفقاتك..
خسارة كبيرة على كل الاصعدة و الحكي مابيوفي حقك..
السّلام يرافق روحك ..
المخرج #شوقي_الماجري
#RIP
كيف ممكن نمرق على صورة متل هي ونضل عادي ؟؟.. نقلب الصورة ونكمل مشوارنا الحياتي والمهني..!!
شو هالاحساس باليأس يلي وصلناله !! شو هالاحساس باليأس يلي صار معشش جواتك؟! قديش وصلولك انه انت ضعيف و هش و كلمتك مارح تأخر…
يعني قاضية تحقيق و جوزها بحب يعيشها سيسبينس الشغل بالبيت ..هيك شوفو الموضوع🤭
ليش بتحبوا تدققوا على سفاسف الامور..غسان طيوب و عاملكم جو 🍭..فخليكم محضر خير و..
استنونا 🤚✋ 😂
#اولاد_ادم #غسان #ديما #رامي_كوسا…
ارجو من اي حدا عم يعمل شير لڤيديو انه يمنشن جهات حكومية و محطات اخبارية اجنبية وحتى ماركات ،غير هيك رح يضلو متداولين ضمن اطار ضيق ومارح يشكلو اي نوع من الضغط غير "جلد الذات"
في تعتيم اعلامي لجرائم وترويج لوجهة نظر وحدة بس .
@bbc
@CNN
@BFMTV
@dwnews
@Elysee
@10DowningStreet
..to the world's leaders
Do you remember your children at that age? Have they ever had an experience like this?
Close your eyes. imagine, that's all. Thank you for your denunciation.
الى قادة هذا العالم.
هل تذكرون أطفالكم في هذا السن؟
هل عبروا بتجربة كهذه من قبل؟
اغلقو