في مسلسل بشوفه، الراجل فيه خاطب و بيحب خطيبته و هي فعلا كويسة جدا...المهم شاف البطلة في موقف جدا و apparently she took his breath away.
و بدأ يفكر فيها.
الموضوع ده مخيف جدا جدا لو تعلمون. فكرة إنك ترتبط بحد و متبقاش good enough او تبقى good enough بس شاف أحسن منك.
عندي عيانة يا روح قلبي ٧٠ سنة جوزها طلقها من كام سنة عشان مبتخلفش..و تعبانة و عايشة ع معاش باباها و يا روح قلبي كل شوية نكلمها و فجأة تعيط و تقولي مليش راجل ولا ليا ولاد ولا حد في الدنيا.
جماعة الوحدة وحشة اوي بجد..انا اتمنى محدش في الدنيا يعيش في وحدة بجد😔
عايزة أقول حاجة بمناسبة موضوع دفعة ٢٠١٩ و النيابات..أكبر كدبة حد هيكدبها ع أي حد ان برا القصر مفيش تعليم😃
التعليم برا القصر بيختلف ع حسب انت هتتوزع فيه و في اماكن اعلى من القصر بمراحل اصلا و كفاية انه زيادة ع تعليم انت الناس برا بتحترمك و ليك كرامتك و بتشتغل ساعات ادمية
من أول الشهر مسكوني عنبر الستات بدل ما كنت رجالة من اول النيابة..و بجد ما هذا الجمال😅
بدخل النباطشية بليل كله بيهزر و نكلم و لما جييت أشييت عيانة جديدة كله اتلم حوالينا و قاعدين
جماعة الستات فيهم كمية warmth بجد نعمة ربنا منعمها علينا عمر ما اي راجل هيقدر يوصلها😅
أعتقد أنا لو متجوزة دكتور و ممرضة هزرت معاه بالايد او لمسته زي اللي بشوفه ولا كانه يعني الدكتور ابن اختها..اني ممكن ارتكب جريمة 😅
هو ايه ده يا جدعان في ايه..هي الناس لو مهزرتش بدون ايديها هيقولو اللي مهزروش اهم؟
النهاردة ازواج كتيرة جاية مع زوجاتها و كذا حد قلقان جدا جدا و زوج منهم حبيب قلبي قعد يعيط 😅
و زوج تاني عمال يقولي هتبقى كويسة اكيد؟ و يجيب لي ابنه ٨ سنين خايف يقولي عاوزك تطمنيه🌸
جماعة يعني ربنا يكرم الجميع بازواج صالحة تبقى نعم السند و قت الضيق و المرض. ❤
أعرف اتنين مخطوبين،خطيبها مهما حد يغلس ع خطيبته بهزار حتى لو حد من اهلها،عمره ما هزر ولا سخف معاهم عليها، دايما يكَبَّر فيها قدام اي حد.
بحترم جدا الولاد اللي كدة، اللي بيعظم و يكبر من البنت اللي معاه قدام الكل.
امبارح في الشغل دخلت حالة قريبتها قربت مني بقولها معلش خليكي بعيد شوية بتقولي هقولك حاجة عشان ميسمعش (المريض) فقربت و قربنا من بعض في لحظة دفا مش ممكن ...المهم بتقولي متقوليلهوش انه كورونا ❤
مكنتش حابة أتطرق لنقطة كدة بس شكلي هضطر ليها،
تعالو نكلم شوية ع "تقديرات"، اولا احنا بنتكلم في تقدير ٦ سنين و نص!
١) هل تعلم كام زميل/ة توفى واحد او الاتنين من أهلهم في عز ال٦ سنين؟ هل تعلم في منهم توفى اهلهم في عز امتحانات الفاينال؟
١/؟
ليه عيان بجد في عز ما الطوارئ قالبة و هو قاعد ع الارض يقوم فجاة الاقيه شد لي بنطلون السكراب بيناديني 😂😂
انا قولتله انت بتعمل ايييييييه في ايييييه..و فضلت بصاله و هو يقولي اصلي تعبان 😂
بجد موقف هزلي اقسم بالله سبحان من سكتني ..يعني كله الا البنطلون موصلتش لكدة بجد🥹
فيه level كدة من الصداقة مش هتوصله غير مع شخص واحد في حياتك، شخص هتقوله كل نكتك و كل افكارك الحلوة و الوحشة حرفيا هتتجرد قدامه من كل الwalls و كل حاجة مخبيها ع الناس.
شخص هتقوله أوحش حاجة بتفكر فيها بس مش هيشوفك وحش، هيتفهم إنك كويس بس عاوز حل للموضوع ده أو كدة.
عندي عيانة شخصناها ب very rare syndrome و من اهم حاجته بيجي ب 1ry amenorrhea
و هي كانت حالتي و فعلا انا و المدرس مساعد اقتتلنا عشان تتشخص و يتعملها كل حاجة
المهم قدمتها ستاف راوند الاسبوع اللي فات و قالو نبدا علاج ما يعني للgeneral condition بتاعها علاج مناعي
@ReemElgarhyc
هتبلغي البنت طبعا تنفد بجلدها و انه نصاب
و بعدها تبعتله تهدديه انك هتنزلي ع كل جروبات السوشال ميديا و تبلغي كل الناس انه نصاب لو في موعد اقصاه ٣ ايام فلوسك موصلتش و مترديش ع اي حاجة يبعتها
و عموما هو ع كلامك مبلغ صعيف اوي استعوضي ربنا و فكك و كفاية انك تعيشيه غي خوف
حسبي الله
خلاصة الكلام، اختارو تقعدو مع مين..و مين تكلموه في مواضيع ايه..مش كل الصحاب ينفع تكلمهم في كل مواضيع..في صديق ينفع تكلمه ع عيلتك و صديق ع شغل و صديق دراسة الخ الخ الخ
و ده ميعبش اي شخص اطلاقا.. بس فعلا الفترة الجاية دي اختيارك لمجلسك عشان تفضل محافظ ع نفسك و سلامك، مهم جدا
.
في دكتورة زمالة عاشت نباطشية زي في اول ايام نيابتي..بالظبط نفس القلبة و جونيور و تحس متعرفش حاجة
الفكرة انا فاكرة المدرس اللي فضل سهران معايا يساعدني وقتها
النهاردة انا اللي سهرانة للفجر معاها عقبال ما الاوضاع كلها هديت.
ديون و الله و بنردها..ربنا يكرم المدرس ده ع وقفته وقتها
امبارح من ٨ صبح ل تاني يوم نهاردة صبح..اتعلمنا مع ١١٠ حالة كوفيد..ما بين عزل منزلي لحجز و رعاية.
١١٠ من مستشفى واحدة في محافظة واحدة في بلد واحدة.
في اشاعات الواحد كان بيقف قدامها متنح مش فاهم ايه الي بيشوفو ده..
اتقو الله و خدو حذركم عشان حرفيا أحنا بنتزحلق خلاص 🙆♀️
مع أن الافراح و كل الكلام ده فعلا عظيم و مبهج بس مفيش happy ending غير بعد كذا سنة ع الجواز او لما يبقو الاتنين كبرو مع بعض و عجزو هي دي الhappy ending.
فعلا كل ما بشوف قصص ارتباطات صحابي و قد ما مبسوطة ليهم فعلا قد ما الموضوع بقى مخوفني جدا
في حاجات بيحكوها في النص انها خناقات عادية و هي واضحة وضوح الشمس انها قنابل توكسيستي 😅
و اللي مخوفني اني لو مكانهم هشوف برضه زيهم انه عادي.
حقيقي الواحد كل ما يكبر خطوة الارتباط أصعب
أكبر جريمة حد ممكن يرتكبها في حقك أنه يحسسك أن you are not worthy enough to be loved
عشان فيك عادة أو حاجة مش ع مزاجه.
طالما الصفات العامة السيئة مثال كذب أو خيانة الخ مش فيك...اوعو تخلو حد فعلا يحسسكم عشان شكلكم ولا عصبيين ولا حساسين بزيادة او أو أن مش من حقكم تتحبو
عندي صاحبتي هي وولد كانو عايشين في فترة استهبال شهور و كل صحباتنا يقولولها أكيد هو معجب بيكي و هي و هو طبعا معترفوش لبعض بس كانو بيستهبلو زي اي اتنين في فترة استلطاف او استعباط و هي قعدت فترة ع الموضوع ده و بيشاركو بعض تفاصيل كل حاجة.
المهم يعني الولد ده في الاخر خطب يعني 😀
الدروس المستفادة ايه؟ محدش يعشم نفسه بحاجة ولا يبني عليها أحلام و أماني..أنا من النوع اللي لا أؤمن اطلاقا بموضوع الsignals و فترة الاستهبال و العبط ده كله.
مهما صحابي يقولو ولا يعملو و شوفي و بتاع دايما مقتنعة الشخص لو مجابهالكش صريحة فكل شيء وارد..مش يمكن أنت اللي عايش في احلام
البنت زميلتنا اللي عملت حادثة صاحبتي بعتتلي فويس نوت حصلها ايه والله من كتر اللي فيه ما كملته مقدرتش
ادعو لدكتورة رحاب
و دكتور احمد
ادعولهم يقومو بالسلامة و ربنا ياخد بيدهم و يربط ع قلوب اهاليهم
ربنا يكفينا شر فواجع الاقدار
عيانة امبارح حبيبة قلبي mets و الورم منتشر في كل مكان و بقت بتغسل كلى..بشيلها الطرحة عشان هنركب وصلة غسيل لقيتها يا روح قلبي bald completely جسمي قشعر جدا من الموقف حقيقي
في عز اضطراب وعيها تقولي غطوني يا بنتي شكلي وحش بدون شعر..و انا اقولها شكلك زي القمر و هيرجع تاني
ماما امبارح بتقولي ممكن اسالك سؤال؟ و يا روحي مكسوفة اوي😂 بتقولي بس متزعقيش ولا تضايقي.
بقولها قولي يا ماما..يا نعم؟
بتقولي مفيش حد في حياتك؟ ولا نايب ولا حد شوفتيه ولا حد كلمك؟
والله ست حالمة جدا و مش قادرة اعبر لها قد ايه انا اصلا مكان ده مش طيقاه 😂
+
حاجات كتير في الكلية من اول الكتب للامتحانات لبعد كدة روتات امتياز و نيابة..هتلاقي حاجات كتير انت خايف او مستصعبها من كلام اللي قبلينا و ندبهم ال ٢٤ ساعة عليها
و عشان كدة أفضل نصيحة..تختار تسمع من مين و بعد كدة سد ودنك خالص عن اي حاجة تاني.
كتير الندب بيخلي الانسان شكاي
+
جماعة لحظة شاهين و هو قاعد مع الشهود والله مش عارفة أعبر عنها.
ولا سلوى و هي بتعيط ولا جنيدي و ايده في ايد عمو..يوم جميل جدا اللهم بارك :')
و سلوى فعلا زي القمر❤
أوحش حاجة بنت تفضل معلقة نفسها في وهم إن ولد معجب بيها أو بيحبها من كلام عايم و بعدين تتفاجأ إنه لا ام سو سوري أنا كنت بكلمك عادي و الاسوء يرتبط بعديها عادي.
أنا مبعرفش أقول للبنت دي ايه ساعتها..بس فعلا للمرة الالف لو الولد مقالهاش مصرحش بمشاعره صريحةً كدة..لا تلومي الا نفسك
فيه بنت من الاوائل بتقول لولد من اول ٢٠٠ بس في الاخر يعني..انها senior عليه..و هو بيقولي قالي ما ممكن هي مجتهدة و بتجيب درجات و شاطرة ..و لسا هيبرر لي انها ممكن أشطر منه..كنت هاكله😂
سينيور ايه؟ ما نص اللي بنشوفهم بهايم من ستاف الجامعة ما دول اوائل؟
مقدرش ألوم ع الراجل (لحد دلوقتي) لأنه المشاعر و الاعجاب مش بايدينا بس ايه القرف ده يا جماعة؟ و ليه الحياة بعلاقتها مرهقة كدة؟
و الولاد بتستغرب ليه البنات بيبقو محتاجين constant reassurance من الولد بإنه بيحبها و يقولها كلام حلو..عشان فعلا الدنيا غدارة 😂🤣
١٠) احب انهي كلامي بأن فعلا الدرجات و في حاجة زي الكلية دي فهو فعلا رزق ثم توفيق من الله على اجتهاد طبعا.
بس اجتهاد الانسان الوحده مش بيجيب تقدير لانه لو اتعرض لاي ظرف من ال٩ اللي فاتو فمجهود السنة ضاع.
ربنا يهدينا جميعا و منعايرش بعض و احنا في نفس البلاعة.
*بقفل غطا البلاعة*
The beginning : where it all started :'D
I have never seen her this happy and her heart that full.
I knew back then that this is the beginning of a beautiful story.
Congratulations my sweetest, most loving and beloved, garba3 ❤
7/05/2021❤
بقيت مقتنعة ب ٣ حقائق في الدنيا دي :
١) كل واحد نصيبه هيجيله و لو كان فين
٢) أي حد هتتكلم عليه حتى لو بينك و بين نفسك مش بتتريق بس برضه مستنكر فعل ليه و حاسس أنك superior هتلف الأيام و تعمل نفس اللي اتريقت عليه
٣)حب الناس نعمة و البعد عنهم مش غنيمة ولا حاجة.
مفيش حاجة اسمها signals ...ياما حد ايا كان ولد او بنت هيعترف لك بصراحة ياما لأ و عادي ممكن الشخص هو ودود او generally nice و انت اللي misinterpreted الكلام
بناءا ع طلب الجماهير اللي هم صحابي عادي.(اللي طلبو ابعتلهم صورة يبعتوها لأهلهم فعلا🤣)
كيف تأخذ من والدك فلوس بأقل مجهود (فعلا فضل يضحك تاني يوم و اداني كاااشاات كثيرة😂🙆♀️)
الابوة دي بالذات حاجة عظيمة جدا..يعني الامومة بحسها غريزة بس الابوة حاجة مكتسبة.
الولد بيعيش طول عمره عايش لنفسه و دماغه و مش بيهتم بحد فجأة بيتجوز وويخلف و تحسه بقى شخص حنون و مسؤول.
دايما لما بشوف كل أب بايت مع ابنه و لا شايل هم ابنه في المستشفى ولا في اي مكان it touches me
العيانة حالتها تقطع القلب و بنتها صغيرة وحيدة ملهاش اخوات.
الدنيا صعبة اوي علينا يا رب..معدناش مستحملين كل اوجاع الناس دي ولا عارفين نهونها عليهم ازاي
ادعولها ع اخر الليل الحالة ادهورت و للاسف مش متوقع تكمل..ربنا رحيم بيها
حقيقي الواحد كان مراهق جدا و يقعد يقول نينيي لا بيت و عيلة ايه و الانسان مش فارق له بس ربنا كل يوم بيوريه ايات و مواعظ و ان فعلا الاية:
وَمِنْ ءَايَٰتِهِۦٓ أَنْ خَلَقَ لَكُم مِّنْ أَنفُسِكُمْ أَزْوَٰجًا لِّتَسْكُنُوٓاْ إِلَيْهَا وَجَعَلَ بَيْنَكُم مَّوَدَّةً وَرَحْمة
مش من فراغ
عندي عيانة يا روح قلبي ٧٠ سنة جوزها طلقها من كام سنة عشان مبتخلفش..و تعبانة و عايشة ع معاش باباها و يا روح قلبي كل شوية نكلمها و فجأة تعيط و تقولي مليش راجل ولا ليا ولاد ولا حد في الدنيا.
جماعة الوحدة وحشة اوي بجد..انا اتمنى محدش في الدنيا يعيش في وحدة بجد😔
بطلو تعيشو نفسكم في أحلام و تدو فرصة لناس تقتحم حياتكم و تبقى جزء من احلامكم و يلعبو بمشاعركم و يجو في الاخر يقولولكم موعدتكوش بحاجة!
و هيبقى عندهم حق ع فكرة..عشان العبيط هو الوحيد اللي يعيش في احلام و اماني مع نفسه و يجي يعيط و يولول بعديها.
البلد دي فعلا توكسيك جدا ع اللي ملهوش ضهر !! وزارة الصحة تكاد تكون أحقر وزارة في مصر..الدكاترة عمالة تموت واحد ورا التاني و الممثلين يتعبو بسبب اهمالهم و يجرو يتعملهم مسحات و يتحجزو !!
حسبي الله و نعم الوكيل
حسبي الله و نعم الوكيل
ربنا يورينا فيهم يوم باذن الله قريبا
النهاردة في ممرض بينادي عليا من اخر الاستقبال و بيقولي دكتور الفاسكولار عايزك (عشان حولت له حالة ٢ الفجر absent RT radial pulse with paralysis and hypoesthia )
و دخل عليا قالي انت د مروة؟ و كان الاداري قاعد و كله قاعد..قبل ما يكلم قولتله والله قولت لنايبة ورايا تتاكد مفيش pulse
اترددت كتير في هذا الثريد و معرفش في الاخر هيتعمله save in draft ولا ايه بس ما علينا
من كام سنة كان زميل هنا و هذكره في الاخر امتنانا مني لنصيحة وجهها بشكل عام بس فعلا بقت أسلوب حياة و بقيت بقتضي فيها في كله لانها فتحت عيني لموضوع كبير😅
بجد موضوع حد يخرج في مصر ب slipper او صندل مفتوح بتعملي انجزايتي
انا نزلت سوبرماركت بكروكس بدون شراب ع اساس انه في شارع بيتي يعني ٥ دقايق
رجعت رجلي متربة و جالي ضيق تنفس من الموضوع
انا فعلا بقالي ٨ سنين في مصر اهو لازم انزل بجزمة و شراب و مينفعش اي حاجة اقل من كدة🥺
+
الولد ده قالهم لو هتكملو كلام في موضوع أنا هقوم..و المهم يعني عمل كدة ليه؟
قال عشان كل ما هتسمع كلام كدة it will eventually get to you.
و هتبدا تكلم انت نفسك كدة و يبدأ يجيلك نفس هذا الضيق
طبعا لو هنreflect ع كليتنا و شغلنا هنلاقي ده كلام حقيقي جدا
+
أوحش حاجة الدكتور اللي في بداية حياته و يعرف له كلمتين بيتنطط بيهم ع خلق الله..عمري ما تفهمت الشخصيات دي وقت الامتياز ولا النواب الجونيور ولا السينيور حتى.
هم بيعيشو ع اعجاب الاخرين بالكام حرف اللي حافظينه و يقولوه و يكتبوه ع سوشال ميديا.
جماعة صدقوني الطب و العلم بيخليك متواضع
جماعة ممكن تسمحولي أقول رأي للشباب و تتقبلوه بصدر رحب 🚶♀️
لما زميلة فاضلة تبقى بتتعقم و هي محجبة و عشان في مجتمع غبي حاطين الgowns في اخر بلاد المسلمين و هتضطر تطلع بدراعتها قدامكم... غضو بصركم يا حبايبي.
غض بصرك يا حبيب ماما منك ليه عشان دي اسمها انك حلوف معندكش دم.
عارفين انتصاراتي الصغيرة في النيابة ايه؟ لما بقيت بروح دكاترة الامتياز و بصعبش عليهم الفترة دي ..ايام كتير للاسف بنفشل في كدة ..بس فعلا انتصار ليا و لنفسيتي كل ما بحس اني كسرت الcycle السادي بتاع الزفت القصر
أنا راوند السايكتري هيفضل من أكتر الراوندات الممتعة اللي عدت عليا و مخيفة جدا قد ايه الانسان ممكن يبقى prisoner of his own thoughts و يعيش حياته محبوس جوا دماغه.
بحسهم فعلا دكاترة أبطال اللي بيعرف يعمل فرق في حياة مريض النفسية.
نهاية أي علاقة محتاجة closure محترم..لو محصلش closure بيفضل الشخص في grey zone لا عارف هو كدة ما صدق ان العلاقة خلصت ولا هو لسا مرتبط عاطفيا بالشخص.
اي حد بيسيب و ميديش closure للي قدامه..جاموسة.
متعملوش في الناس كدة يا بهايم.
على النقيض، لو لقيت نفسك في zone دي،خرج نفسك.
التمريض دول فعلا من اسوء الخلق خُلقاً و شخصية و كله. عالم مهزقة بكل ما توحيه الكلمة من معاني.
و صوتهم عالي و vulgar جدا و اي دكتور يخلي تمريض تهزر معاه بافورة ولا تعلي صوتها ولا تنده له بدون لقب بيبقى بنسبة كبيرة شخص مهزق
أعتقد من ألطف و أجمل الحاجات لما بنسأل بنت صاحبتنا طب ها رأيك ايه؟ و تبدأ تشكر في الولد اللي معاها و تقول "و بيحبني".
فكرة إن يوصل احساس حُبك للpartner بتاعك شيء مش هين.
لان فعلا مش دايما تلاقي partners واثقين في حب الطرف الاخر ليهم
معايا دكتور شغال معانا في فهد..الولد ما شاء الله شاطر و جنتل مان و لذيذ جدا
اول يوم هو هااااادييييي و راييييق لا يعكر صفو حياته حاجة😂 فبقوله انت hypothyroid? انت محتاج التروكسين و قعدنا نضحك
امبارح بنحكي فقالي انه فعلا hypothyroid😂
انا اتحرجت بطريقة و فضلنا نضحك انا و هو🥲
عارفين يا جماعة بجد التربية دي شيء مهم جدا المتربي ده تسيبه في أي حتة و تأمنه ع اي حاجة ليك فلوس او سر او مشكلة او موقف و متوقع منه يقف معاك فيه
لا بجد التربية دي مش بالساهل فعلا
شيء محزن جدا خبر وفاة طبيب النفسية بسبب الاكتئاب و الطب.
جماعة تاني،ملعون أبو الطب و التعليم لو هيجي ع نفسيتكم ..ياخي راحت ولا جت درجات..ماشي نضايق و نضغط بس ده اخرنا بعض كدة يكش يولعو بدرجاتهم ع الترتيب ع التعيين..محدش بياخد رزق حد -فعلا-
النهاردة حضرتك كتب كتاب بنت عمتي في مسجد جنب بيتهم عادي مفيهوش اي دار مناسبة..قعدنا ع كراسي بلاستيك كان حوالينا اهلنا و كام صاحبة ليها وللعريس..مكملناش كلنا ٥٠ شخص
بجد كمية warmth مش طبيعية..كان بقالي سنين مشوفتش مناسبة بتتعمل ع بساطتها و طبيعتها بدون مصاريف ولا تكاليف كدة
انا بحمد ربنا كتير إنه لبست الحجاب بدري😅 انا اتحجبت في ٣ اعدادي و بالصدفة البحتة.
دلوقتي لبس الحجاب ع أي بنت اصعب بكتير من وقت ما الواحد يبقى صغير و الفتن كانت أقل.
الحمد لله رب العالمين ربنا يثبت بنات المسلمين و يكرم الغير محجبات يتحجبو💫
أنا بحمد ربنا كل يوم ع اني هتخصص باطنة و بالاخص حبي للكلى و مرضى الكلى اللي الكل بينفر منهم عشان الpoor prognosis وchronicity
الحقيقة دول عيانيني المفضلين..يعني قد ايه من رحمة ربنا علينا نبقى مع شخص في أصعب ايام حياته..نحاول سوا نخفف صعوبة الايام دي.
جروب الدفعة مبهج مبهج مبهج والله ❤❤❤❤❤❤❤❤❤
أنا فعلا بدأت أتبسط 😃 كأنها ليلة من ليالي اخر امتحان في المدرسة لما كنا بنسيب المذاكرة و نحضر لبسنا و الخروجات ❤❤❤
ربنا يسعدنا و نخرج منتصرين و قسم الجراحة يجي علينا بالراحة😋
أول تلات من كل شهر بيبقى معاد الdate بتاعنا أنا و دينا و نادر و شيرين 💖
كل تلات بجد بيبقى يوم بنفصل فيه عن كل و أي حاجة و نكلم و نحل مشاكل اي حد فينا و بجد ربنا يديمهم🌻🌻
الفكرة احنا الاربعة محدش فينا كان يعرف التاني قبل الطوارئ😅
أول ما كطبيب/ممرض تلاقي نفسك ال Management بتاعك اختلف لما المريض تبقى تعرفه من لما تبقى متعرفوش..ايا كان بقى في طريقة معاملة او مثلا تعقيم او اي حاجة صغيرة هتراعيها اكتر لو ده تعرفه او قريبك..يبقى محتاج تراجع نفسك و تراجع ضميرك
مفيش اي احترام لفضولنا كمشاهدين لما تكتبو اتخطبتو ولا اتجوزتو بدون ما تحط/ي اكاونت اللي ارتبطو بيه😌
بجد أنتم مش ممكن يعني عاوزين تفرحو الوحدكم ولا ايه😌😂
في واحدة صاحبتي معجبة بولد بس هو كل تفكيره في المستقبل و تحقيق الذات و اسطوانة ليه أظلم بنت الحلال...النت هتتشل حرفيا 😂😂
والله العظيم تحسو في ناس اتكتب عليها الفقر و دي حاجة مضحكة جدا و لو شافت تويتة هتشتمني ..بس أنا بحبك و ربنا معاكي 😂
بلا وكسة والله 😂
أكتر حاجة بتزعلني ل��ا أهون ع اللي قدامي مع إنه مهانش عليا قبليها.
إن زعلك و كل ده يهون ع الناس عادي مع إن أبسط كلمة بتقولهالهم بتبقى حاسبها لا تضايقهم ، شيء سخيف جدا.
صاحب عامر مراته كانت ع وش ولادة و سافر صيف مع عمورز و كلموه قالوله ولدت فنزل يوم يشوف البيبي و رجع المصيف تاني..فأهلي بيقولو لعامر ازاي يعني؟ بيقولهم ما البنت قاعدة عند مامتها (عشان يعني الحمل و ولادة و كدة)
جماعة ربنا ما يكتب علينا نجوز رجالة أنطاع كدة! ازاي بجد يسافر؟
أنا حاطة صورة توتي home screen و بجد كل ما بمسك الموبايل تلقائيا ببتسم و بحسها بتقولي pickaa booo ..أنا عمري ما بحط صور بني ادمين خلفيات لموبايلي..يعتبر هي أول حد😅💖💖💖
بحب هذه الطفلة جدا جدا هي و عمر💖
النهاردة في دكتورة جت تقولي أنت اخت
@LubnaMuhammad93
فقولتلها لا صاحبتها..بتقولي انتم شبه بعض أوي.
و بجد انا المره الوحيدة اللي حد يقولي شبه حد فيها و مضايقش😂💛💛 اللي هو احنا نطول نبقى شبه ست حلويات المدينة.
ست حلويات ناقشت يا قوم💛💛💫💫
عندي اقتناع تام بمقولة إن طالما مبادئنا متحطتش تحت اختبار فاحنا مش من حقنا ننظر ولا نحكم ع حد😅
ولا حتى للامانة لما تُختبر في نفس الحاجة..لا يترد لنا في حاجة تاني و ربنا يسترها