الاغلب هنا بيستخدم موقع remove عشان يشيل الخلفية من الصورة،لكن معروف انو الدقة سيئة و في حال تبغاها كويسة لازم تشترك💔
جبت لكم موقع رهيب و احسن منو عن نفسي حسحب على الي فوق😂
موقع فوكو كليبنق الدقة الي فيه فضيعة🌟
+الصورة ماتتغير حجمها مستوعبين!😭
ما عندي عملاء و نفسي اصمم!!
لا تستنى يجيك عميل،ابدأ و اتدرب من نفسك بحيث لو جاك عميل تكون مُتمكن و مُتمرس و يسهل عليك الشغل بإذن الله 🧡
طيب كيف اتدرب ؟ احتاج افكار !
في دا الثريد حعطيك مجموعة طرق تجيبلك افكار🌟
جبتلكم #ثريد صح إنو بسيط لكن جدًا مُفيد خصوصًا للمُبتدئين"في زماني كنت اتمنى اعرف الشي الحلو دا و جدًا انبسطت لما عرفت" فأتمنى يشوفوه اكبر قدر من المصممين المبتدئين و حتى الغير مصممين تقدرو تسووه🤩تابعو معايا⚡️:
@illustrator_sa
@des_platform
@MHFOUDO
#تجمع_فنانيين
يا مسا الخير يارب متجمعين عند سيدنا النبي🧡😂
بما انو كلنا متجمعين في تويتر بسبب تعليق الواتساب
خليني اقولكم على اهم 6 مواقع ضروري كل مصمم فينا يعرفها و تكون موجودة في الـBookmark عندو📌
كيف ننشر اعمالنا في بيهانس؟🌟
الطريقة سهلة اختصرتها لكم في دقيقة🧡
بس بقولكم لا تستهينوا في بيهانس؛عملاؤه مميزين فعلًا👏🏽
من لما نشرت بيهانس تبعي جاني اكتر من طلب مميز+ وظيفة في شركة🤩
غير الاضافات و المشاهدات الي ارتفعت🤸🏼♀️
يارب تستفيدو من الفديو و نُشكر العصافير الي سوتلي جو😂🧡
اهلًا اهلًا🧡
بتكلم عن حاجة مُفيدة
و بينسأل عنها سواء مصممين مبتدئين او عملاء🌟
ايش هوا الموك اب؟الاداة الي نحط عليها تصميمنا عشان يكون واقعي،سواء تصميمنا لوقو او بوست او بزنس كارد نحطهم على دي الاداة بحيث يطلع كأننا مصورينو!🤩
@des_platform
يا اهلًا🧘🏼♀️🧡
كتير تجيني اسئلة عن ادوبي ادا تنفع مجانًا و ايش البديل المجاني و ما الى ذلك
جبتلكم كم برنامج يعتبرو بدائل كويسة لأدوبي و مجانية كمان تقدرو تصممو عليها🌟
@MHFOUDO
@Des_together
فكيت لكم هوية يوم التأسيس 🇸🇦🧡
ارفقت ملف Ai موجودة فيه جميع عناصر الهوية 🌟
+ارفقت دليل الهوية عشان تطلعوا عليه؛
(فيه تعليمات الاستخدام)🤸🏼♂️
+ارفقت ملفات الخطوط 🫳🏼
بالتوفييق🥳🧡
مساا الخير ياحلوين عندي فقرة عاجبتني و شكلي حعتمدها كل خميس🥳
الغرض منها تغذية عقلية اولًا ثم بصرية⚡️
من فترة عاجبي فن ال Conceptual illustration الي هوا فن التعبير بالمفاهيم🌟
اباكم تنسخو الاسم و تلصقوه ببنترست و توروني ايش اكتر تصميم عجبكم و حسيتو فيه فكرة💡
حبدأ انا🧡
موقع وسمينيا 🧡 |
@Wasmenia
يوفر لنا كل الشعارات العربية بصيغة مفتوحة🤩
زمان كنت اخد الشعارات من موقع اجنبي بس مااش مافيه الشعارات العربية و السعودية حقتنا😂
و موفرين ملفات الهوية لكتير مشاريع🥳
الي عجبني انهم يحدثو اول بأول في حال اتطورت الشعارات👏🏼
🌟سؤال: هل ضروري نرسل عقد لكل عميل مهما كان العمل ؟
فيه اعمال طويلة المدة،اعمال عالية التكلفة،اعمال تتطلب التزام شهري؛هنا نحتاج عقد يحفظ حقوقنا كا مصممين✅
و فيه اعمال مدتها بسيطة،متوسطة او قليلة التكلفة،تُنجز خلاص اقل من اسبوع؛هنا مانحتاج عقد👏🏼
طيب ايش يحفظ حقوقنا كا مُصممين؟
تصميمي الي انسرق مية مرا ، لكن دي المرة مو عالسوشيال🥲مني مستوعبة كمية الدقة كإنو معطيتهم ملف التصميم!
ماعرف مين المصمم او المصممة الي اتعاملو معاه لكن انا ما احلل اي احد ياخد تصاميمي و ينسبها لنفسو او يبيعها عالعملاء،اصلا كيف ترضو تاخدو شي مو لكم؟ و فلوس حرام؟
كيف نشيل الظل عن الاشكال🌟
معروف انو الظل ادا انحط ماينشال و دا الشي يقهر كتير مصممين
لقيت طريقة كيف نشيلو بس اولًا قلت اوريكم كيف نحطو للمبتدئين🧡🥳
@MHFOUDO
@Des_together
اضافة جديدة في هوية #يوم_التاسيس 💥
مختلفة عن السنة الي فاتت🤩🧡
بخصوص الصور تكون :
🔸 اضافة تأثير “Noise”
🔸الصورة ابيض و اسود
🔸تلوين بعض اجزاء الصور بألوانها الاساسية
كلهم ينعملو بالفوتوشوب،حا اشرح الطرق فديو 🎥👇🏼
50% من المصممين المبتدئين يكونوا ضايعين في بداياتهم و طريقة التعليم مُشتتة و غير واضحة، عشان كدا جبتلكم كتاب نوته برو للرهيبة سارة الودعاني🥳
طريقة العرض في الكتاب جدًا جميلة+شامل لاغلب مشاكل المصممين و الي عجبني كمان فيه تطبيقات عملية و شروحات بالفديو🤩
👇🏼
🟠 تعلم مهارات جانبية مع التصميم مثل:
🔸ارسم الايقونات و بيعها في المواقع
🔸تعلم طريقة رفع الاعلان الترويجي
🔸تعلم التصوير و صوّر منتجات عملائك
🔸اعرض رسوماتك او تصاميمك على متاجر طباعة (ملابس،اكواب،شنط…)
🔸صمم ثيمات للمناسبات زي العيد و بيعها
🟠 | فعالية خفيفة لطيفة
المطلوب : خلفية جوال
التصميم : منزل / باب منزل
المحتوى : ربِ انزلني منزلًا مُباركًا، و انت خير المُنزلِينْ
فائدة الفعالية :
تدريب للمصممين 🧡
ناخد اجر 🙏🏼
#ثريد عن طريقة استخراج تدرجات الالوان بنفسكم بدون تحتاجو اكواد مواقع،طبعا الثريد حابة اوجهو:
🔶للمبتدئين الجميلين🫂
🔸للكسلانين الي مايحبو يدورو في المواقع زيي🤏🏽
🔸للفنانين الي يحبو الدرجات الغريبة المستخبية بين الالوان🪄
تابعو معايا🤸🏼♀️
@illustrator_sa
@MHFOUDO
@des_platform
مساا الخير يا مُصممين قلبي🧡
جبتلكم موقع جديد لرسومات اليستريشن🥳 نستخدمها بكثرة في الانفوجرافيك و البوستات👏🏼
ميزتها انو مجانا+نقدر نتحكم بالالوان🌟
@MHFOUDO
@Des_together
قبل تنشر تصميمك اتأكد من دي الحاجات:
🔸تأكد ان التصميم مريح للعين✅
🔸تأكد من استخدامك لنوعين خط فقط✅
🔸تأكد تباين الالوان ✅
🔸تأكد من وجود هوامش في التصميم✅
🔸تأكد من دقة الصور المستخدمة ✅
ياا هلا والله و يامرحبا🧡
جايبتلكم موقع تبع ڤيكتورز تحتاجوهم للتصاميم،الاحظ كتير بيسألو انو من فين و كيف نجيبهم و ايش اسمهم🤸🏼♀️
اسمو undraw حطوه في البوك مارك تبعكم🌟
و بقولكم ايش يميزو 👇🏽
@des_platform
@Des_together
اهلًا اهلًا بالحلوين يارب بداية اسبوع لطيفة عالكل🤍
ابا اتكلم معاكم عن موضوع شوية مختلف عن الحاجات الي في التايم لاين(: كيف نكون مصممين ايجابين؟
معرف اذا حيكون #ثريد او ايش 😂لكن بتكلم من واقع تجربة شخصية مريت بيها و حابة انكم تستفيدو معايا🌟
حطول شوية اذا تعذروني🥺
حلو لو نتعلم مهارة معينة بجانب التصميم بحيث نحتاجها في شغلنا و نزيد مصادر دخلنا🤩💸
مثل:
كتابة المحتوى ✍️
تعليق صوتي 🎙
تصوير فوتوغرافي 📸
ادارة حسابات 👩🏻💻
تسويق 📈
مرحباا ياحلوين مسا الاحد السعيد🌟
جايبة لكم درس اليوم مبين من العنوان🤸🏼♀️
عن نفسي قبل اعرف تعبت ادور عالطريقة🤕
انو تكون الصور الي احطها بدون حواف✔️
الدرس سهل مرا حتنبسطو فيه🧡🤩
يلا نبدأ🥳
مرحبااا يا حلوين الموجودين في #تجمع_فنانيين2
جايبتلكم اليوم #ثريد فيه 11 حساب مفيد في مجال التصميم الجرافيكي
اعتقد الاغلب هنا يعرفهم او مرو عليهم🌟
لكن خلينا نفيد المبتدئين في المجال🪄🧡
نصائح سريعة لكل مصمم🌟
🔸تعلم مبادئ التصميم"اهم شي"
🔸تعلم من الناس الي لها خبرة"خصوصا ان لهم تجارب سابقة"
🔸طوّر تصاميمك دائمًا"عادي ترجع لتصميم قديم و تعيدو"
🔸لاتتحمس بزيادة بموضوع الفلوس"اهتم اكثر بصنع اسمك في البداية"
🔸تابع كل ماهو جديد في التصميم"طور مستواك"
#MENA_Artists
٦ اخطاء تقتل ابداعك🌟
🔸البحث عن المثالية
🔸البقاء في منطقة الراحة
🔸الاكثار من الجلوس
🔸تضخيم الامور
🔸الغرق في مواقع التواصل الاجتماعي
🔸نوم غير منتظم
الاخيرة انا بعاني منها صراحةً🏃🏾♀️