رسول الله ﷺ فرمايي: چاچې زماسنت ژوندي وساتل نو هغه زماسره محبت وکړی او چاچې زما سره محبت وکړی نو هغه به زما سره په جنت کې وي. (رواه الترمذي2678)

رسول الله ﷺ فرمایی: اللهﷻ پر خپلو بنده‌ګانو له هغي (مور) څخه ډېر مهربان دی چې پر خپل اولاد رحم کوي. (رواه بخاری)

رسول الله ﷺ فرمايې: هر څوک چې تل استغفار وايې نو الله تعالی به ورته له هرې ستونزي او له هر غم څخه خلاصون ور په برخه کړي. (📚سنن ابوداود)

رسول اللّٰه ﷺ فرمایي: چاچې د مصیبت او غم پر وخت بل مسلمان ته تسلیت او ډاډ ورکړ، نو اللّٰه ﷻ به د قیامت په ورځ ورته د عزت لباس ور واغوندي. (صحیح ابن الماجه ١١١٣)

حضرت محمد (ﷺ) فرمایي: زه دقیامت په ورځ دهغه کس خلاف کي دعوه کوم چي مزدور یې نیولی وي او مزدوري یې نه ورکوي. (بخاري 2227)

رسول الله ﷺ فرمایلی دی: په جمعه کې یو ساعت داسې دی چې بنده پکې دعا وکړي، اللهﷻ به یې قبوله کړي. (بخاري: 935، مسلم: 852)

رسول اللهﷺفرمايي: د قیامت ورځ به پر مومن داسې لنډه وي، لکه دماسپښين او مازيګر ترمنځ وخت. {رواه بخاري}

رسول اللهﷺ فرمایی: کله چې له تاسو څخه څوک پرلمانځه ودرېږي، نو خپله خوله دې نه پټوي. (رواه ابوداود و ابن ماجه)

نـبي کـريمﷺفرمايلي دي: څوک چـې يـو مـؤمـن د دنیا لـۀ درد، غـم او مـشکل څخه وژغـوري؛ الله ﷻ بـه د آخرت پـۀ ورځ هغه لۀ دردونـو څـخـه وژغـوري. (رواه مـسـلـم ۲۶۹۹)

رسول الله ﷺ فرمایی: لوی ګناهونه له اللهﷻ سره شرک نیول، د مور او پلار نافرماني کول، ناحقه قتل کول، او پر درواغو قسم کول. (رواه بخاری)

رسول الله (ﷺ) فرمایي: خپل ورور ته مسکا کول صدقه ده. (ترمذي)

رسول الله ﷺ فرمایلی: بېشکه د قیامت په ورځ به د الله سبحانه وتعالی په نزد تر ټولو بد سړی هغه وي، چې له خپلې مېرمنې سره یې جماع کړې وي، بیا د هغې رازونه خلکو ته بیانوي. (صحیح مسلم۱۴۳۷)

رسول اللهﷺفرمایلي دي: مخکي له دې چي د مزدور خَوَله وچه سي خپله مزدوري ورکړئ. (ابن ماجه)

رسول الله ﷺ فرمایلي دي: هغه څوک چې د الله تعالٰی ذکر کوي او هغه څوک چې د الله تعالٰی ذکر نه کوي مثال یې د مړه او ژوندي په ډول دی. (صحیح البخاري)

حضرت محمدﷺفرمایي: د سهار لمونځ په جماعت سره اداء کول د پوره شپې له عبادت سره برابر دی. (رواه المسلم)

رسول الله ﷺ فرمايي: مرګ یو هیبت دی، نو کله چې مو جنازه ولیده، ورته پاڅئ.

نبي کريم ﷺ فرمايلي دي: د قیامت په ورځ به د بنده سره اول د لمانځه حساب کيږي. (رواهُ الترمذي)

﴿ فَاصْبِرْ إِنَّ وَعْدَ اللَّهِ حَقٌّ ﴾ صبر وکړه، بېشکه د الله ﷻ وعده رښتینې ده.

رسول الله ﷺ فرمایي: که غواړئ چي خپل زړه نرم کړی نو مسکین ته ډوډۍ ورکړئ او د یتیم پر سر لاس تیر کړئ. (صحیح الجامع)

رسول الله(ﷺ) فرمایلي دي: هر قدم چې لمانځه ته د تلو لپاره پورته کوې صدقه ده. (صحیح مسلم100)

رسول الله ﷺ فرمایی: پر خلکو به داسې زمانه راشي چې دروغجن به پکې رښتینی وګڼل شي او رښتینی به دروغجن وګڼل شي، خاین ته به امانت ورکول کېږي او امین به خاین ګڼل کېږي. (مسند احمد: ۷۸۶۱)