الحمدلله الذي بنعمته تتم الصالحات
اجريت اليوم الاحد عملية تركيب جهاز المثبت الخارجي ( الليزاروف ) لقدمي وتكللت بالنجاح ولله الحمد وذلك في مستشفى الحبيب بالعليا في الرياض وسأغادر المستشفى باذن الله يوم الثلاثاء وابشركم بخير ولله الحمد من قبل ومنبعد
كم عزيز مسه الوقت الاقشر وانحرج .. عقب شربه حالي الماء غدا شربه هماج
لو بدت له حاجة فالنشامى ماهرج .. تنشب الهرجه بحلقه مهابه وانحراج
وخطوته قصرت بعد كان قطاع الفرج .. والتجا للرب يرجي من الرب انفراج
عقب ضاقت جاه من والي العرش الفرج .. واسفرت دنياه من عقب ماكانت عجاج
محمدابونيان
@raed_arn
الاخ المتكلم في المقطع الثاني وبخصوص سد مأرب وفي سبيل الكلام عن اصل العرب من اليمن او من سواه وقع في خطا كبير لمعارضته النص القرآني في سورة سباء من الية ١٥ الى الايه ١٩ حيث قال ان سد مأرب كان صغير بينما ذكر الله انه عذب سباء بسيل العرم وباعد بين اسفارهم اي تشتاوا فكان يجب / يتبع
الرجال انواع رجل ٍ قوي الاحتمال .. واسع ٍ صدره وباله طويل ٍ سرمدي
نظرته عليا يشوف المراجل راس مال .. عند كل الناس في كل موقف يحمدي
وفيه رجل ٍ نظرته دون ودروبه خمال .. وان بغيته باللوازم حشى مايصمدي
مامشى درب المراجل ولا حقق امال .. ومن يجنب مسلك الطيب ناره تخمدي
محمد ابونيان
الرجل طيبه طناخة راس وجبلّه .. بالورث مابين جيل وجيل موصولي
ماهي سوالف رخا تحكى على الشله .. ماتوصف الا على تمثيل مدبولي
درب ٍ جميع النشاما دوم تدّله .. فيه الفعايل تطابق صادق القولي
ماقط سار الردي في مسلكه لله .. من خلقته مسلكه له معسر النولي
محمدابونيان
@khaledalshathry
طالما يتم التكتم على اسم المؤسسة التي تفعل ذلك اذن هناك من يحاول حمايتهم فاول العقاب التشهير بهم ثم اغلاق المنشأه وتسفير الاجنبي ومعاقبة كفيله والمتستر عليه
احذر تماشي قليل الخاتمه والا تخاويه .. تراه في حزة الحاجه يلقيك العلابي
اختر رفيق ٍ كريم النفس عالية ٍ هقاويه .. في حزة الضيق ميقافه يحل الاكترابي
واحرص على رفقة الطيب وخلك في حراويه .. ان طبت له طاب وايضا لو تردى معه طابي
محمدابونيان
تفعل المعروف بالطيب وتلقى طيبه.. لو يمر سنين تلقى الشكر والعرفاني
وتفعل المعروف بالخيب وتلقى الخيبه ..منه ويجازيك بالجحدان والنكراني
والحياة دروس واصدق درس من تجريبه ..والتجارب خذ نتايجها على البرهاني
ابتعد عن كل درب ٍٍ فيه شك وريبه ..ومسلك اهل الطيب خلك منه دايم داني
محمدابونيان
بعض العرب يبغي الشهره ولو بالخبال .. وينالها بس مهما كان شهرة خبل
على عماها بلا وجهه يمد الحبال .. متخيل انه يبي يرقى السما في حبل
يحسبه لو هو بحفره معتلي للجبال .. ماهوب يفرق وش الحفره او ويش الجبل
الواجب اللي سواته ماتلقيه بال .. اللي كبود العرب من هرجته تندبل
محمدالونيان
من فضل ربي مخضرات الفياضي .. مثل الزوالي كاسيات ثرى البيد
ربيع وسم عم كل الاراضي .. عشبه غدا له بالمذاري عناقيد
عم الحزوم ونفدها والرياضي .. شرق وشمال وغرب من غير تحديد
مدة كريم ٍ مدته ماتعاضي .. حقه علينا الحمد والشكر ترديد
ابيات اسجلها وفيها دلاله .. للواقع المشهود فيها براهين
بعض الاوادم فيه بعض الجهاله .. وعن الخطر تقول ماهم بواعين
كم واحد بالدرب يتم عياله .. وسبب حوادث واعترض للملاقين
يسوق للموتر ويكتب رساله .. اكبر خطا مافيه لانسان قلبين
محمدابونيان
يالي تحب العلوم الغانمه والسلوم .. سلوم الاجواد دورها وتحضى بها
احضر مجالس هل الطاله وتلقى العلوم .. الغانمه واقتبس من نار شبابها
واحذر تسمع من اللوام والا تلوم .. وادخل بيوت الرجال من اوسع ابوابها
ولا تدور بغرات الاوادم ثلوم .. خلك بنفسك وصلح كامل اعيابها
الذي فكر في عمل فلم عن رشاش لايفهم طبيعة المجتمع السعودي وخصوصيات القبائل والحمائل ولا يعرف ابعاد مثل هذا العمل وخطورته على المجتمع ووحدته ويحاول ان يكون معول هدم للحمة المجتمع السعودي المميزه
مبروك ياساس الفخر تاج الاوطان .. اعاد رب العرش بالعز عيدك
قادك مليك الحزم للمجد سلمان .. واصبح مقام الفخر كله رصيدك
ومعه ولي العهد نجله كحيلان .. محمد اللي وشح العزم جيدك
قادوك للعليا على كل ميدان .. وكادوا لمن حاولبغدره يكيدك محمدابونيان
بيت من الاشعار بالنصح قايله .. اكتب على الطرق الهلالي مثايله
اقوله لنفسي ثم اقوله لسامعي .. انهج بنهج اللي كرام ٍ خصايله
المال للمعروف والجود والكرم .. وزكه ولا تبخل لياجاك سايله
كم جامع ٍ للمال ماذاق نفعته .. الا غريب ٍ يخلفه في حلايله
محمد ابونيان
حنا على بيعة
محمد وسلمان .. اثبت من جبال السراة الرواسي
اعمارنا فدوه لجوهرة الاوطان .. جيش ٍ ويدفعنا الولى والحماسي
المملكه للعز والفخر عنوان .. تسمو مكانتها برقم ٍ قياسي
يشمل شواهد مجدها كل ميدان .. وتفخر بقايدها الحكيم السياسي
محمدابونيان
مكارم الاخلاق مكسب للرجال الغانمين .. وهبه من الله من ملكها للمعالي ترفعه
من حازها وامتاز فيها حاز له كنز ٍثمين .. وصارت لفعل الطيب والنوماس دايم تدفعه
ترفع مقامه خص لامن حازها دنيا ودين .. ويذكر بها بعد الممات وعند ربه تنفعه
محمدابونيان
جدب الصحاري شوفها مايسرا .. مادام ماللورد فيها حراوي
يضيق صدر اللي عليها يمرا .. لاهوب لا شارب ولا هوب راوي
مثل الذي فيه العوارف تزرا .. بين اللكازز مثل وارد عراوي
محمدابونيان
والله اني من اللي صار منك متحير .. حيث فعلك حبسني بين ميس وراجي
مر اقول الامل بالوصل صبحه قصير .. ومر اقول الامل مفقود والليل داجي
بيننا بعد مايقطع مداه المسير .. مايقرب مداه الا اتصال ٍ مفاجي
اشهد اني لو اني بالغرام متخير .. كان ابختار قربك حيث قربك علاجي
محمدابونيان
#خلف_بن_هذال
انا لا اعلم ماذا قال الفراج عن شاعر الوطن خلف بن هذال
لكن خلف قامة شعرية لم يبلغها شاعر في المملكة والخليج وماحولها فملاحمه الشعرية الوطنيه لم ولن يتكرر مثلها ويعتبر من مكتسبات الوطن التي يجب الا تمس اطال الله عمر اباهذال ومن حاول ان ينال اي مكتسب بنقده فقد خسر
يبدو ان وزارة التعليم لم تحسب حساب لخطورة احضارالجوالات للمدارس حيث ممكن ان يتم تصوير المعلمات ونشرصورهن او تصويرالطلاب الصغار في دورات المياه اكرمكم الله وابتزازهم والحل ان يكون احضار الجوالات في اليوم الاول فقط للتأكد من التطعيم ويقفل الجوال ويوضع في مكان مخصص ويسلم قبل الخروج
كم واحد ٍ مخطي ٍ دربه وكنه مصيب .. مايعترف في خطاه ولا بشوف غلطه
لو تنصحه كن ماله بالنصايح نصيب .. الزين بالشين فيما قام فيه خلطه
لاينفع الناس في وقت الزمان العصيب .. ولا ذكر له مجلس ٍ قد شيف شخص قلطه
محمدابونيان
بمان الله ياخل من اجله خاطري ملتاع "فراقه صعب منه الهم والغربال طاويني
رحلت ودرت طرفي نظرة فيهاوله ووداع "لباب المنزل الي ماتمل مشاهده عيني
مشيت وكل لحظه صوب بيته ناظري ينزاع"على درب الرحيل المرفي نقلي وتعييني
اكررنظرتي لين المباني في شفاالارياع"زمى من دونهاحدالرفاع من المطاميني
@DMedicalinfo
شكرا على هذه المعلومه وبالنسبة لي وجدت ان غلي ملء الكفين من ورق الزيتون (المجفف في الضل) على لتر ونصف ماء لمدة عشر دقائق ثم تركه حتى يبرد وتصفيته وشرب كاس صغير قبل كل وجبه يخفظ ضغط الدم على ان يحفظ في جيك زجاج وليس بلاستيك في الثلاجة
سؤ النوايا طبيعة كل قلب ٍ حقود .. يفسر العلم في نفسه على مايبي
دايم حجاجه على راع النجاح معقود .. لو كان ماهوب في دربه وعنه اجنبي
يسهر من الغيض والعالم براحه رقود .. تصرفه كان مايدري تصرف غبي
مايدري ان الحسد والحقد نار ٍ وقود .. عليه لاهوبها في مهجته يلهبي
محمدابونيان
#بيعة_ولاء_ووفاء
حنا على بيعة محمد وسلمان ..اثبت من جبال السراة الرواسي
اعمارنا فدوه لجوهرة الاوطان ..جيش ٍ ويدفعنا الولاء والحماسي
المملكه للعز و الفخر عنوان..تسمو مكانتها برقم ٍ قياسي
يشمل شواهد مجدها كل ميدان..وتفخر بقايدها الحكيم السياسي
محمدابونيان
البعد بين الحبايب فيه هم ونكد .. دام المسافات فيما بينهم داويه
يبطي خفوق المولع بالنيا ماركد .. والعين عطشا على شوفه مهي راويه
والهم بالنفس مهما كان وضعه وكد .. ودنياه حوله عليه ذيابها عاويه
وبالكبد حر المفارق لو تصبر لكد .. تقول في حامي المكوا حد ٍ كاويه
اللهم لك الحمد حتى ترضى ولك الحمد اذ رضيت ولك الحمد بعد الرضى ولك الحمد على كل حال الف مبروك للمملكة العربية السعودية حكومةوشعبا وللجماهيرالرياضية على هذا الفوزالكبير لفخر الكرة السعودية نادي الهلال ببطولة اسيا
@olem3tsh
قصر الرفايع كان في طريق القاصد الى الشعراء او جنوب نجد عندما كانت الشعراء اشهر المراكز التجارية في نجد وكان العجاجي رحمه الله مقصد كل من قصدها او قصد جنوب نجد وقد اشتهر بالكرم حيث لم يخل مجلسه من الضيوف في يوم من الايام وصلاح الاباء يدرك الابناء فنعم الاسرة اهل كرم وعلوم غانمه
@see_moone
والله ياستاذه منيره الدعوة للاسلام في مثل هذا المحفل عمل طيب وعمل خير والنوايا لايعلم بها الا الله وكان الاحرى بك ان يسعدك هذا الامر والله يعطي كل انسان حسب نيته
@ALIAMA6
@NajwaaAli
بم يثبت ان عمار بن ياسر قتله اصحاب معاويه يمكن قتله الشيعه فقد قتلوا بعد ذلك على رضي الله عنه وقتلوا الحسين رضي الله عنه لذلك لاتحكم على معاوية بالبغي
#يوم_التاسيس
التحق عمي ونيان محمد ابونيان رحمه الله بجيش الملك عبدالعزيز على البره وسار الجيش متجها الى فيضة السرلحرب ابن جراد وارسل الملك عبدالعزيز عمي الى اهل الفيضه ليبلغهم بقدومه وبعد المعركة استمر مع جيش الملك حتى قتل في حصار قصر بريده ايام فتنة حسن بن مهنا ١٣٢٦ رحمهم الله
العقل له وجهة نظروالقلب عيالا يحيد-عن موقفه والنفس عيت لاتصيرمحايده
وانا من الي صارفي حيره واصارعها وحيد-واعيش فيها وهي عن واقع حياتي نايده
مادامها في حيدوانا صايرعنها بحيد-ظروفهاعيت تصير بما نريده حايده
اجحد همومي واحسب ان درب السلامه بالجحيد-وان قلت راحت جات يمي في خيالي عايده
@farraj_wk
وش علم ابونايف بدا بالملاوب .. واللوم في مجهول من مبتدا القول
يعذل ويثني ويعذر للمجاوب .. كنه على ماقيل مذموم ماكول
دام الخطا والصح فيهن تناوب .. بالناس في دنياك بالعرض والطول
تحمد الله لا حصل لك تجاوب .. وان ماحصل وش ينفعك عذل معذول
يالغايب الي سبب صمتك بدا حزني .. وراك بالصد بعد الوصل تجزاني
احزن بعد خاب ظني بك ونرفزني .. انك بلايا سبب بالصد ترزاني
ان كان تحسبك في صدك تعجزني .. رخصك رجح في غلاك بكل ميزاني
من عادتي مااتبع المقفي وهو وزني .. لو صدته من سببها زادت احزاني
محمدابونيان
استعادة طالبان الحكم في افغانستان سوا كان بترتيب من امريكا او بهزيمتها يجعلنا نتمنى من حكومة طالبان ان تلتفت للشعب الافغاني وللتنمية وان لاتكرر مافعلته سابقاً باستقطاب الارهابيين وتجنيدهم ضد اوطانهم وان تعيش علاقات طيبه مع كافة دول العالم وتطبق الاسلام الوسطي البعيد عن التطرف