mil rahi ho bade tapak ke saath,
mujh ko yaksar bhula chuki ho kya.
yaad hain ab bhi apne khvab tumhen,
mujh se mil kar udaas bhi ho kya.
bas mujhe yunhi ik khayal aaya,
sochti ho to sochti ho kya.
ab mere koi zindagi hi nahi,
ab bhi tum meri zindagi ho kya.
-Jaun Elia
Duniya ke mehfilon se ukta gaya hoon ya Rab
Kya lutf anjuman ka , jab dil hi bujh gaya ho
Shorish se bhagta hoon, dil dhoondta hai mera
Aisa sukoot jis pe taqreer bhi fida ho
-Allama iqbal
duniya ki nigahon mein bhala kya hai bura kya,
ye bojh agar dil se utar jaae to achchha.
vaise to tumhin ne mujhe barbad kiya hai,
ilzam kisi aur ke sar jaae to achchha.
-Sahir Ludhianvi
Tu Ne Puchi Hai Imamat Ki Haqeeqat Mujh Se
Haq Tujhe Meri Tarah Sahib-e-Asrar Kare
-Dr Allama Iqbal
What Guidance signifies you wish to know,
Insight, like me, may God on you bestow!
In english we say: "In the end, we must carry our own burdens."
But in urdu we say:
uthana khud hi padta hai, thaka toota badan apna,
jab tak saans chalti hai, koi kandha nahi deta.
saare rishte bhulaaye jaayenge,
ab to gham bhi ganwaaye jaayenge
jaaniye kis qadar bachega vo,
usse jab hum ghataaye jaayenge
usko hogi badi pashemaani,
ab jo hum aazmaaye jaayenge
zakhm pehle ke ab mufeed nahin, ab naye zakhm khaaye jaayenge,
-Jaun Eliya
umr guzregi imtihan meinkya,
daagh hi denge mujh ko daan mein kya.
meri har baat be-asar hi rahi,
nuqs hai kuchh mire bayan mein kya.
bolte kyuun nahin mire haq mein,
aable pad gae zaban mein kya.
-Jaun Elia