ما ازوج مسيار ولا الاجانب ولا العاطلين من الشباب عن العمل ولا البنت اللي تتشرط ما احلل اي لعاب او اي كذابه ليوم الدين ما اسمح لاي احد يتلاعب بالبيانات موفقين 💕
كل من اخذ حقي فيه رب عادل ما بيترك حقي يروح ان ماخذتها بالدنيا باخذها بالآخره و خيره اكلت حقي بالدنيا لاان اخرتي تبي بعد وبقابل كل من اخذ حقي في يوم لاضل له على الصراط المستقيم .
مب كل من كتبت في حسابها خطابه فهي فعلاً خطابه فيه رجال يستغلون المسمى للبحث لنفسهم عن تعداد و مسيار فلا تصدقون اي من حط والله انا شخصياً تعاملت مع خطابه وكلمتها طلعت رجال ويبحث له و يشوف صور البنات و يشوف شوفات شرعيه لنفسه انتبهو يابنات صوركم لاترسلونها حتى لو كنتي تكشفين
الناس اللي بيكون آخر تعامل لي معهم هم :
اللي تقول انا بيضاء وهي حنطيه ، اللي تقول عمر اصغر من عمرها ، اللي يقول انا وسيم ،اللي معدد ويبي بكر ، كبير ويبي صغيره ، تبي شروط تعجيزيه ، تتاخر بالرد ، ماتعطيني تفاصيل الاحداث اللي صارت بينهم ، اللي تغير عايلتها خايفه اعرفها ❤️
فيه واحد جاني قبل يومين قال اخطبي لي وامدحيني ولك اللي تبين ؟ امدحك انا اعرفك عشان امدحك ؟؟ اقسم بالله صار مافيه ذمه وانا يستحيل اقول اعرف شخص لانه بذمتي ولو تدعي علي البنت بتستجاب لاني كذبت عليها لو اني اعرفك حتى ما بمدحك لان ذي ذمه ابلقاها طول عمري تلاحقني
مب معناتها البنت شفتها و لا اعجبتك ما تعتذر من اهلها ..
التطنيش لايعني عدم القبول بل يعني قلة الذوق ..
احترم ان اهلها راح ينحرجون اترك رساله لطيفه لهم بعدم الراحه بعد الاستخاره .
تخيل اختك او بنتك مكانها
اللي زوجتهم و عطوني بلوك مصيرنا راح نلتقي ولا بتويتر. ولا غيره عند رب مايظلم و حقي بيرجع لي ان كان دنيا او آخره ولكن وش استفدتو عندي ارقام اهلكم بس انا اخاف الله وعند وعدي ولا راح افضح احد لان انا اعمل بنيه صافيه وبدون خبث مثلكم و الحمدلله على العقل ❤️
💡بنات في الشوفه الشرعيه .. عدسات كريم اساس ابيض من حياتها مناكير روج غامق رموش ووصلة شعر و كعب و لبس مخفي جسمها و تدخل ثانيه لاتقولين ليش قال الولد ماابيها و اكيد انه لعاب عندي شباب يقولون مانبيها تحط ولاشي تدخل بطبيعتها تقبلتها بطبيعتها والا الله يوفقها
للامانه كنت ناويه اوقف لاني زوجت كثير وكثير دعو لي و ناس يصورون لي الحرم ويكتبون دعاء لي لكن اللي رجعني وبقوه ناس تبي الستر و مااتتشرط ولا تطالب بشي خلوني اتحمس ادورلهم
بنت كلمتني دعت دعاوي على طليقها اقشعر جسمي وانا اقرا ومالي دخل ظلمها ظلم والسبب يبي مهره عشان يتزوج بعدها تتوقعون بيتوفق اذا الله امهلك مايهملك تذكرو سواء انت او انتي الكلام للفئتين
جايتني وحده تبي تتزوج شروطها وسيم رزه عوارض خليجيه و مقتدر طبعاً على طول بلوك بس وش هالشروط السطحيه جداً و تقولون بعد اني عصبيه بعصب من هالشروط التافهه
استغرب من اللي يروح يخصص حساب عشان بس يجي يسبني او يقذفني او يلعن علي يعني تخسر رحمة الله عشان تلعن فيني وش هالحماس يطول لي بااعماركم رح اغسل و صل لك ركعتين تفيدك بقبرك بدال ماتقابلني 😂
✨💥 استمارة زواج معلن 💥✨
الجنسية :
القبيلة :
الجنس :
العمر :
الوزن :
الطول :
مدخن :
التعليم :
الوظيفه :
المدينة :
الحالة الإجتماعية :
لون البشرة :
عدد الاطفال :
المظهر الخارجي :
المواصفات المطلوبة :
للنساء هل تقبلين متزوج :
غيرها ما اقبل ❤️
قطار الزواج فاتك بسبب شروط والدك او اختيارات والدتك او حتى بسبب اختياراتك الصعبه و كبرتي وتحطين ١٣ شرط و صعبه و من ضمنها اعزب وانتي بعمر اخر الاربعين ابحثي عند غيري ووفري جهدي و انتظارك لان الشباب يبحثون عن الصغيره ف الموظفه ف الهينه بالشروط
سالفة قولي مطلقه بسبب عدم الطبخ او اني طالبته بشغاله ترى بتطولين تنتظرين لاان الرجال ماتعب بدوامه و كون نفسه و فكر يتزوج عشان تطلع له وحده تبي حياة رفاهيه وهي جالسه ماتعمل بس اكل ونوم و ابي شغاله و مصروف و كافيهات و طلعات والا طلقني !
قبيلتي / العتيبي
العمر / ٤٥
الطول ١٧٤ الوزن ٧٥
وسيم
موظف بوزارة الداخليه في الرياض
مطلق عندي بنتين وولد عند امهم
ابي عتيبيه في الاربعين واقل بشوي
تكون مزيونه ومحافظه وتقبل بالشوفه الشرعيه
ولا تعمل في وظيفه مختلطه .
حتى الاولاد الطيبين ان شاء الله خير وش هالشروط التعجيزيه طول وزن اصل ماقلنا شي اما اللي يقول لي موظفه كم راتبها وليه امها مب موظفه يبيهم يصرفون عليه الظاهر ترى الرجوله انك تنفق على بيتك مب البنت تنفق عليك اجل وشوله العصمه في يدك
#وش_تختار_مغربيه_ولاسعوديه اختار اللي تناسبك انت وتناسب مجتمعك واهلك وفكر ألف مره قبل الارتباط هل هي مناسبه لك ؟ من كل الجهات ولا تقبل على زواج تقول فيه بجرب حظي
اعجبتني ام تبحث لبنتها عن زوج سالتها وش شروطك قالت ابيه مثلنا يصلي و محافظ و سبحان الله ماتشرطت وجاها نسب و حسب ومال و جمال وتيسرت امورها بعد مده بسيطه جت نبحث لولدها بسم الله ماشاء الله لقينا بسرعه لانهم مسهلين الموضوع بشكل
وسالفة الشباب الحين اغلبهم يبون يسكنون عند اهلهم الاجار ارتفع والضرايب زادت وهو يبي يبني في بيت اهله السطح ويسكن ويصير يصرف بدال الاجار وناسه له ولها وتجيك البنت ترفض اللي مع اهله تخاف يهبلون فيها اهله لعلمك لو تسكنين في صلبوخ وفيهم شر بيجونك
لاتقولون ماعندنا شروط ونشتري الاجواد واذا جيتو عند عقد القران حطيتو اقل شي ٦ شروط محد قالكم لاتتشرطون بس كونو على بينه من الاول اللي يبيكم بشروطكم والا بكيفه بس لاتحرجين نفسك واهلك ولاتحطين الرجل عند الاجبار لان الرجال ماهمهم اذا مايبي الشي بيقوم و يتركك 🙂
البنت اللي تبالغ بشروطها اخرتها بتتعب وترجع تاخذ شي ما كانت تبيه لانها بااختصار محد معطيها وجه لو انها اجمل الجميلات دامها طماعه مب باغي الرجال يورط نفسه
انا في بحثي لكم احط قدامي انكم امانه انا والله ما اخذ ولا ريال ولا هدايا ومتزوجه وعندي عيال لكن ابيها للاجر عشان ربي يوفقني في حياتي والله العظيم حتى اختار لكم على ماتحبون
الشوفه للاهل او للولد: مكياج ❌لبس فضفاض وميدي ❌بنطلون ❌تربطين شعرك او تحطينه كله على وجهك مابه حل وسط❌كعب طويل مره والا شبشب بيت ❌تبالغين بالدلع ❌تضهرين شخصيه مب شخصيتك❌تسالين عن الولد وانتي توك ما اعجبتيهم او تطلبين صورته ❌ انتي بذا الحالات غلط
شاب اليوم طلع من الملكه يقول كتبو في العقد السواقه و السواق ؟؟؟ مدري وشلون و الخدامه و مصروف ٥٠٠٠ ريال و السفر كل سنه و البيت باسمها وهو موظف راتبه ٧٠٠٠ وقبل الملكه متفقين يقولون نشتري الرجال على بالهم بيلزمونه او يحرجونه اعتذر و طلع قال ابي بنت ناس شريكه لي ماابي هالمصايب 🙏🏻
فيه بنات تكون خضيريه و اجيب لها قبيلي طالبها ببياناتها و قابل انها غير قبيليه و ترفض اقولها السبب تقول انه قبيلي بيذلني بكره ؟ طيب امه غير قبيليه تقول لا ابي خضيري طيب يمكن نصيبك قبيلي لانها مرتين جوها قبايل عندي للاسف بعض البنات تضيع الفرص عليها بدون سبب واقعي
فيه بنات ودك تعطيهم نعناع يروقون لا جت تتكلم معك ! تكون مطلقه و بطفل و تبي اعزب و تقول بكل عصبيه للحين مالقيتي لي معقوله جاها مطلق بطفل قالت لا
السبب ؟
بقهر طليقي خذت اعزب
📍 اللي مب قد الزواج الله يعافيكم لاتتزوج
طليقك مب فاضي يشوف من خذتي وراه
عيشي حياتك و تستري وخلصنا
قررت ماازوج اللي يجي يقول ماابي انجاب لان وحده قالتلي انها تزوجت واحد كذا طلع يبيها فتره عشان زوجته حامل يوم ولدت و خلصت نفاسها طلقها ورجع لزوجته 🙄 لذلك تبي تتزوج بدون انجاب لاتجيني لاني بحظرك
عمرك ١٨ انا ماازوجك السبب ان عمرك صغير وانا ابي ازوج البنات الكبار اللي ماتزوجو وعمرك قدامه تعليم ووظيفه و مستقبل غيرك احق منك في اني اركز عليهم صدقيني💙
لا تنجرفون ورى كلمة مدير ترى مب اي مدير يعني خلاص ممكن انه مدير أمن ممكن انه مدير بقاله اسالو و روحو دوامه و تاكدو ماعاد الواحد يثق . ولاتنجرف ورى كل موظفه باسم انه موظفه راح تساعدك و تشيل معاك بالمصاريف وقتها تبي الزواج تقول ايه اول هوشه بتقول انقلع و مابساعد بشي .
فيه شباب يطلبون موظفه ووظيفتها مسكينه ماتطلع الا ٣ ويطالبها بغدا اول ماترجع و عشا وفطور ويلومها على اي تقصير واذا قلتي خذ عاطله قال لاصعبه ابيها اجتماعيه والمسكينه كنها مكينه مايرحمها ابدا
يكلموني ناس لدرجة يعلق الحساب علي بس شروط والله ماتدخل العقل الولد اسمر داكن ويبيها من عرق ابيض وهي بياض شامي و يبيها معلمه و عندها بيت باقي بس يقول تسوق عني
٢٦ سنه
قبيليه
الطول 155 الوزن 55
اللون:بيضاء
السكن : الرياض
التعليم: ماجستير
الحاله الاجتماعيه: بكر
مواصفاتك متكامله: جميله جدا، جسم مخصر و كمثري ، امها من بني تميم
الطلب مواصفات شريك حياتك:
قبيلي ام و اب، متحضر، ملتزم غير مشدد،بار بوالديه،نفس مستواها التعليمي محافظ على الصلاه
بعض الخطابات ما يخافون الله تحسسك ان المتقدم ولد صديقتها و تعرفهم و يطلع اسوء الناس ولا تعرفه بس عشان الفلوس و بعض منهم تطلب عربون قبل الرقم من البنت فقط بس عشان تعرف حاجة البنت للزواج
#بهذا_الوقت_نحتاج نقول يا مسهل الشديد ويا ملين الحديد اعتقنا من حلق المضيق الى اوسع طريق اللهم اني توكلت عليك فانت حسبي اللهم من اراد بي سوء فرد كيده في نحره ومن اراد لي الخير فاجعل له مما تمنى لي اضعاف الاضعاف 💙
#عادي_تتزوجين_واحد_مكرش الكرشه تهووون عند الامور الثانيه على الاقل لو تمشينه على نظام غذائي نادي ولا شفط بس اذا جاك مايتعطر والا مايعرف يلبس والا مايعرف يتصرف والا بخيل مال وشعور والاثقيل طينه والا تصرفاته تصرفات بزران هنا المشكله
قبيليه /اسم عايله من نجد
بكر 31سنه
الطول168
الوزن70
لون البشره /بيضاء
مستوى التعليم /ماجستير من كندا
موظفه حكومي
المطلوب/رجل من نجد بنفس العمر او 35 يوفر سكن خاص ويخاف الله بنفسه واهل بيته ويتحمل النفقه على البيت
واللي تجيني تقول ماعندنا شوفه شرعيه انا مااقبل ازوجها لان لو ببحث لولدي لازم بتركه يشوف شوفه شرعيه عشان هو اللي بيتزوج مب انا هو اللي بيعيش معها مب انا اهلك مايقبلون اللي عندي مخد يقبل بدون شوفه حتى ابو ٦٠ سنه يقول بشوف شوفه شرعيه لذلك لاتحرجيني وتكلميني
عمرك ٣٠ يعني انتي في سن تاخرتي فيه عن الزواج يعني لاتتشرطين انتي مب مرغوبه عند العزاب اغلبهم يكون كبير بس يبي صغيره والله واحد ٣٨ عمره ورافض ام ٢٧ يبي ام ٢٥ وتحت
اليوم كثير عطيتهم بلوك والسبب انهم يعطوني بيانات و اكلمهم مايردون ب الشهر والشهرين والثلاث بعدين يرجعون يبون الطلب اللي خلصته ولا مره ولا مرتين عشان اعديها احترمو وقتي اللي اضيعه بدون مقابل اللي بيماطل بي بلوك واريح راسي
اقسم بالله العلي العظيم .. ان هذا الحساب كان فرج و ستر لبنات و شباب كثير و المقابل كان دعوات هذا الشي حسسني بشعور اتمناه لكل وحده فيكم سعاده مالها آخر الف مبروك للي تملكو امس و عقبال الباقي يارب الله يرزق كل بنت و شاب جادين .. و ييسر امر الباقي
#زواج
الحاله الأجتماعيه: بكر
القبيله: غير قبيليه بيضاء و من عرق ابيض
المدينه: الرياض
التعليم: جامعيه
المهنه: ربت منزل
لون البشرة: بيضاء
العمر : 27
الطول : 158
الوزن:55
الحالة الصحية : سليمه الحمدلله
مواصفات الشريك:سعودي ابيض ومن عرق ابيض غير متزوج او مطلق بدون اطفال حول عمري
البنت البكر ترفض المطلق حتى من ملكه .
البنت المطلقه بدون اطفال ترفض المعدد .
البنت المطلقه باطفال تقبل معدد اذا ثري .
البنت الكبيره و ماتزوجت تبحث عن من معه اطفال اقل و ارمل .
اما الرجال مطلق ملكه و يبي بكر
مطلق بدون اطفال ويبي بكر
معدد يبي بكر
مطلق باطفال ويبي بكر 🙂
اليوم دخلت التويتر معلق الحمدلله كثير ناس بشروني وقالولي ان امورهم تمت على خير هذا الشي خلاني انبسط ويزيد اصراري باني اكمل شكرا لكل احد قد الثقه وشكرا لكل احد طلب مساعدتي ❤️
هدو يابنات وشو ذا الشروط التعجيزيه مهر ٨٠ الف ليششش انتي قيمتك مب بالرقم انتي اهم شي جيبي معك اشياء بسيطه و كملي معه مافي مانع اما ٨٠ الف و ذهب وعرس وسفر ماوراه تااثيث ولا وراه شي ابد بس يكب فلوس
نتفق انا وياك عندك مميزات كرجل وتبي مميزات في الانثى بشكل مبالغ فيه مافكرت بعد هي لها الحق في اختيارك او لا لارفضته البنت الحمدلله والشكر يقول اتحداها تلقى مثلي ها يالسديس 😀