لما يبقى فيه خبر صحفي في موقع صحفي مصري عنوانه (باط ميان السيد يتصدر الترند)
يبقى مصر مابقاش فيها صحافة، بقى فيها أي حاجة ثانية جاية من ورا الجاموسة و بتطلع مركبات النقص والحقد الطبقي والنفسي والإجتماعي من خلال الإعلام
زمان كانت الصحافة مهنة ولاد الناس المثقفين مش سواقين توك توك
@Turki_alalshikh
يا جماعة
الناس اللي بتنتقد هذه التويتة
الرسالة ليست مقارنة بين بليغ حمدي و رابح صقر بل هي إعتزاز بفنان وطني سعودي عربي، والفخر بفنان وطني شيء طبيعي وخاصة أنه إقترن بإسم كبير كبليغ حمدي فهذا دليل على كون بليغ قيمة يقاس عليها وليست تقليل ولا مقارنة بل هو رمز ومقياس في قيمتة وتاريخه
لما حد بيتصل بيا من رقم ماعرفوش و مش متسجل في موبايلي ..
غالباً مش برد ..
لكن عادةً ببعت رسالة بقول فيها: ?Who are you
و غالباً بيجيلي الرد بـ : Fine Thank you
#إلهي_تتشكوا_في_فخادكم
أغنيتي .. النور مكانة في القلوب
كلمات الشاعر الراحل مجدي كامل
لحن و توزيع خالد حماد
من فيلم أمير الظلام إخراج رامي إمام
من حفل الفنان مدحت صالح بقصر عابدين
القاهرة ٢٩-١٠-٢٠٢١
إنتقلت إلى رحمة الله تعالى أغلى ما أملك .. "أمي" السيدة ڤالنتينا حماد.
ستقام صلاة الجنازه اليوم الثلاثاء ٢٦ مارس في المسجد الكبير بمدينتي بعد صلاة الظهر
ويعقبها الدفن بمقابر الأسرة في العاصمة
الإداريه.
إنا لله وانا اليه راجعون
أرجو الدعاء لها بالرحمة و المغفرة
اشرب خمور و حشيش .. كلمات ملهمة في حفل عيد الحب في إستاد القاهرة وتحت إشراف الدولة والقنوات الفضائية التي تديرها الدولة وعلى الهواء
صحيح، نسيت أقول إن عدنا مصنفات فنية مانعة نص أغاني وسيناريوهات مصر
يظهر إن قضاء عمر في دراسة الفنون والعمل من المراهقة حتى يومنا هذا
كانت مجرد غلطة
سعر علبة السجائر رسمياً "الميريت الأصفر" هو ٥٩ جنيه
سيبك من قصة فرق السعر و الكلام دة كقيمة
لما آجي أشتريها من كشك و يقولي ٧٥ جنيه فأفهم إن التجار طايحين في الناس .. لكن لما أقولك إن الكشك دة على بعد ٣٠ متر من قسم قصر النيل !! و عادي كدة يبقى إحنا في أزمة تبجح و إن مافيش رقابة
@nabilelhalfawy
الله ينور عليك يا أستاذ 👍🏻
وبجب ألا ننساق نحو الهدف المرجو
فأن شخصياً أقرب أصدقائي و أعزهم .. من الكويت و هم كإخوتي و أهلي ... و لذك لن ننساق لغرضهم
سعيد بمشاركتي في مسلسل جعفر العمدة من خلال قيامي بعمل الموسيقى التصويرية .. و سعيد بنجاح المسلسل لما بذله فريق العمل من مجهود كبير 👏🏻
١٠٠٠ مبروك لأصدقائي الفنان محمد رمضان و المخرج محمد سامي .. و يارب دايماً من نجاح لنجاح أكبر
#خالد_حماد #جعفر_العمدة
#khaled_hammad
#халед_хаммад
من ساعة ما عرفت إن أعمالي كمؤلف موسيقي أصبح عليها ضريبة قيمة مضافة .. وأنا بحلم إني بألِّف علبة جبنة عبورلاند و ربع لانشون حلواني و عبوة فيري قاهر البقع و الأوساخ
فوجئت بانتشار أخبار عن مرض الأخت و الصديقة "الفنانة" ياسمين عبدالعزيز !!
الموهوبة البسيطة الجدعة
واحنا في الأيام المفترجة الجميلة دي إدعولها بالشفاء والصحة والستر وراحة البال ..
و بإذن الله ترجع لبيتها و لأهلها و اسرتها وكل الناس اللي بيحبوها وهي في أحسن حال 🤲🏻
#ياسمين_عبدالعزيز
يجب ألا ننجر للفخ المنصوب لنا ولكل المنطقة ..
و إحنا بنحارب تزييف التاريخ .. تجنب العنصرية. فنحن نعتز بانتمائنا الإفريقي "الطبيعي" .. نعم نحن من أفريقيا .. لكننا مصريين 🇪🇬 (الأبيض و القمحي و الأسمر) مصريين و نفتخر بأنفسنا و بتنوعنا و بأدياننا و بحضارتنا .. و نحب و نحترم جيراننا
سعدت بالعمل مع أخي و صديقي عشرة العمر المخرج رامي إمام "للمرّة التاسعة 🧿" من خلال وضع موسيقى فيلم #أبو_نسب
و دي المرة الثالثة في العمل مع أخي و صديقي الفنان محمد إمام "بعد فلمي عمارة يعقوبيان و كابتن مصر".
يارب الفيلم يعجبكم ✨
Best of luck my friends
@Mohamed_Emam
💐
@Ramiimam
كما نرفض فكرة حرق القرآن كما يحدث في بعض الدول تحت شعار حرية التعبير!
كذلك وبنفس الحدة نرفض فكرة حرق التوراة و الإنجيل
وهذه هي المفاجأة لبعض كارهي المسلمين، أن كل الكتب السماوية بالنسبة لنا هي كتب إلهية مقدسة "ما يخص انها حرفت أم لم تحرف" هذا في علم الله وهو شيء يخص حكمه هو وحده
بغض النظر إني إشتغلت مع معظم أبطال مسلسل الثمانية ومخرج العمل أحمد مدحت إشتغلت معاه كثير ومن أعمالي معاه فيلم العالمي وهو من أعز أصدقائي
لكني عاوز أقول إنهم في الثمانية عاملين مسلسل حلو مشوق بمستوى عالمي وقوي
١٠٠٠ مبروك لكل فريق العمل
@AsserYassin
@khaledalsawy
@Turki_alalshikh
الواحد اللي فِضِل يِدرس ٤ سنين في كلية إعلام عشان يكتب خبر:
الإعلامية أسما إبراهيم تشرب الماء أثناء لعبها للرياضة
زي اللي فضل يدرس ١٨ سنة في الكونسيرفتوار عشان يطلع في حلفة يقفل فيها غطا البيانو و يمشي
#صحافة_زمن_التوك_توك
#القيء_الصحفي
@YasminMahfouz
ياريت على كدة
انا بين نارين وخربانة خربانة، لإني أنتمي "من بعد مصر" للإثنين
أنا مواليد أوكرانيا وأحبها جدا وأجدادي لأمي مدفونين فيها، وأهل والدتي أصولهم روسية لكنهم أوكرانيين الجنسية
وأنا مصري روسي أوكراني
والشعبين واحد أصلا
الله يجازي اللي كانوا السبب
هما نفس الي خربوها هنا ٢٠١١
@moiegy
المفروض يكون فيه رقابة في الشارع و مانكونش مجرد رد فعل للسوشيال ميديا اللي انتشر فيها الصورة بالصدفة !!!
فين دوريات الشارع و الرقابة على العشوائية المنتشرة في كل مكان؟!
لما يبقى فيه أفلام أنا عامل الموسيقى التصويرية بتاعتها أصبحت بتتعرض على روتانا كلاسيك .. أومال أفلام إسماعيل ياسين و أنور وجدي هاتتذاع فين؟. في روتانا قدماء المصريين ولا روتانا حفريات؟🤔
مع الصديق الفنان أكرم حسني
"في إفتتاح فيلم العميل صفر" 📽️
سعيد بالاشتراك في هذا العمل من خلال وضع الموسيقى التصويرية للفيلم .. و أتمنى كل التوفيق لأكرم و لشركة أوسكار و الصديق المخرج كريم العدل في كل أعمالهم القادمة ✨
١٠٠٠ مبروك 💐
#خالد_حماد #أكرم_حسني
#khaled_hammad
وداعاً الشاعر الكبير و الصديق شوقي حجاب
شرفت بالعمل معه، فقد وضع كلمات مقدمة برنامج "عالم سمسم" والتي قمت بتلحينها وهو البرنامج الأشهر للأطفال في مصر، والتي يحفظ كلماتها كل الجيل الحالي ..
اليوم تمر ٧ سنوات على رحيل أبي الغالي محمد حماد ❤️
ربنا يسعدك بالجنة على قد طيبتك و تعبك معانا و خوفك علينا
أتمنى من أصدقائي الدعاء له بالرحمة و المغفرة
بلد بتعمل تماثيل من أكثر من ٧٠٠٠ سنة ماحدش عرف يعمل زيها
المفروض اللي يجرؤ يفكر يعمل فيها تماثيل اليومين دول ياخد تصريح من أهم تشكيليين العالم واليونسكو وأمن الدولة ومجلس الأمن والأمم المتحدة
مش أي موظف بيئة يكلف مبيض محارة يعمل تمثال و يحطه في أي مكان و يقوم يمثلنا و نتلط كلنا!
أصدقائي،
موسيقى مسلسل أوان الورد "إنتاج عام ٢٠٠٠" واللي أصدقاء كثير بيسألوني عليها موجودة دلوقتي على جميع المنصات الموسيقية الإلكترونية الكبرى ..
أحب أسمع رأيكم
Hello my friends,
now you can...
هناك مهن تنقرض بسبب لعنة التوك توك ..
ليه تشتغل طالما ينفع تلفلف و تمشي بلا قواعد ولا ضبط و ربط و تشغل أغاني هابطة بصوت عالي و تمشي عكسي .. بدل ما تشتغل في مصنع أو مزرعة أو ورشة ؟!
#نمنع_التوكتوك_من_مصر
كنت لما بسمع كلام الناس بوع التأمل و اليوجا و الميتافيزيقا عن إنهم عندهم القدرة على السفر لأبعاد مانعرفهاش .. البعد الرابع و الخامس و الحاجات دي .. كنت بضحك على كلامهم و أتريق .. و فجأة .. فكرت شوية وقولت لنفسي إنت بتضحك على ايه؟!
ما احنا بنجيب الموسيقى من هناك برضو !!
مع الأصدقاء الفنانين أحمد آدم و دينا
With my friends .. Ahmed Adam & Dina
- - - -
#khaled_hammad
#ahmed_adam
#dina
#халед_хаммад
#خالد_حماد #أحمد_آدم #دينا
أعجز عن إيجاد كلمات تعبر عن شعوري فور معرفة خبر وفاة الكاتب الكبير #وحيد_حامد
فهو أستاذنا و صديقنا و أب و أ��ياء كثيرة جداً يصعب وصفها
وهو صاحب فضل كبير عليّ وإن لم يكن الفضل الأكبر ..
فقدنا قامة كبرى و لكن تبقى أعمالة الفنية و تبقي أعماله الإنسانية و دعوات كل من تعامل مع هذا
@AmiraSelim12
مساء الخير
عاوز أقول معلومة عرفتها من شوية إن الفضل لإني أدرس الموسيقى و أدخل الكونسيرفتوار بشكل أساسي يرجع لوالدتك "د. مارسيل متّى"ربنا يديها الصحة و يسعدها✨
و دة اللي عرفته من والدتي، لإنها شافت والدتي في أكادمية الفنون بتحاول تقدم لي عشان أدخل معهد الموسيقى،
الأيام دي لو طلع لنا خبر إن فيه غزو أطباق طائرة و هجوم من الكائنات الفضائية و خناقة بين موتوسيكل و تنين مجنح .. مش هاستغرب أصلاً، و غالباً هادور وشي وأكمل فرجة على التلفزيون و شوية وأنام.
مابقاش فيه حاجة غريبة .. عايشين في زمن خليط من الخيال العلمي و أفلام الرعب و الكرتون
واضحة وضوح الشمس ..
مقاومة الإحتلال .. مقاومة إحتلال
و الإرهاب .. إرهاب
"نحن في حاجة لإعادة البرمجة العقلية و إعادة تعلم المصطلحات و المعاني"
لأن زمن الجهلاء و الرويبضة طغى .. و انعدمت الحكمة و المباديء الإنسانية
و أصبحت مواقع التواصل الإجتماعي بوق لكل جاهل لا يفقه شيء
١٠٠٠ مبروك لصديقي و عشرة العمر الفنان
وليد فايد على التكريم المستحق من
#joy_awards
على مسيرته الفنية الكبيرة الناجحة والمستمرة في عالم الموسيقى ✨💐
أنا شاهد على الموهبة والطموح والمثابرة فكنا في ذلك سوياً كلا في طريقه فنحن زملاء وأخوة منذ الصف الثالث الإبتدائي❤️
@walidfayed
@RamyGamal
زي ما إنت قولت .. دة إبتلاء من ربنا لإختبار صبرك و أكيد فيه حكمة من دة
كمل وبكل ثقة كمان ..وجايز تكون سبب في تغيير طريقة تفكير بعض الناس للأحسن وتكون سبب في إن اللي ربنا إبتلاهم قبلك يجيلهم ثقة في نفسهم و في الحياة والمستقبل
شغلك لن يتأثر و ربنا يكتبلك الشفا والتوفيق
وكلنا معاك
دكتورة إيناس عبدالدايم بنقولك شكراً على كل اللي عملتيه خلال تحملك مشقة وأعباء وزارة الثقافة المصرية
كنتي في غاية النشاط وبتعملي كل حاجة من قلبك لإنك فنانة جميلة في الأساس وكمان بتحبي مصر و عملتي مجهود خرافي
دكتورة إيناس عبدالدايم .. شكراً ليكي ❤️
#إيناس_عبدالدايم
@AmrIsmailMusic
و الكروت اللي شغالة .. حد السحب فيها لا يصلح لشراء لعب أطفال !!!
أنا شخصياً هحاول أسافر و أشتغل برة مصر عشان يكون عندي حساب برة و أعرف أدفع الاشتراكات دي !!
عبث في عبث