حب اشكر كل من تحمد لي بالسلامه وسأل عني انا بخير بعد اجراء العمليه ولله الحمد ،،،لا اراكم الله مكروه بمن تحبون
واسال الله ان يمتعكم بالصحه والعافيه واعتذر من القلب من لم يسعني الوقت للرد عليهم ممنونه لكم جميعااا
تسامحت مع نفسي وهوّن عليّ دعاي
خصوصاً دعاي اللي دعيته وأنا ساجد
غمرني شعور من الرضا للزمان الجاي
ولا صار عندي خوف من عضة الناجد
اثر من عطاه الله !.. نزاهة ضمير ورأي
يغيب الغياب ، اللي يخلّيه !.. متواجد
لاتشره عليّ يوم أبتسم في وجيه عداي
محبّيني !.. أكثر من معاديني ، بـ واجد
ان كان غيري يحن بك ويروف
عسى القلوب تدوم والله يقربها
ماني بقايل تعال وامد الكفوف
هذا غلط روحي ولازم احاسبها
ولا ينشغل بالك ولا يلحقك خوف
واشواقي ليا جات والله لاكذبها
صحيح قلوبنا عميا ماتشوف
ولكن تحس بخيانة حبايبها
ما عاد ابي شى منك و انتهى دورك
تعبت اكافح غلاك و وحشة غيابك .
عجزت ادور شعور يلامس شعورك
الا القسى و الطعون و كذبت اعتباك
ولا انت لا جيت ضايق ؟ زانت امورك
و الحين انا جيت لك وتقول وشجابك!
من بعد ماغبت عني ، غاب جمهورك
واغيابي الي عن الساحه من اسبابك
لي دمعتي لي أنكساري و جبري
لي ضحكتي لي العنا و المسرات
ما عادت قلوب المحبين تغري
حبك لك يعزك عن الحب مرات
من ضاق به صدري تعذره صدري
ما عاد عندي للمجامل مساحات
ضيّعت عمري يوم علقت عمري
باشخاص ما كنت ادري العمر فوّات
من جا هلا و من راح ما قلت بدري
" العمر مركب والاوادم محطات "
ماعاد تغريني كثير الثناءات
حتى ولو قالوا غرور وتعالي
أنا الفلك والناس حولي مدارات
تشوف عز نفوسها من خلالي
وشلون تعكسني عيون المرايات
وأنا أربعيني ما تعدّوا ظلالي
ماني بجاهلٍ على الشدّات تختبره
تشتدّ ياوقت وإصراري هو إصراري
بالقلب ما تعرف العبرة من العبرة
وبناظري غيمةٍ ما تمطر أسراري
خلّيت الأحزان بأقصى القلب منثبرة
يا كثر كذبي على نفسي وأنا داري
البارحة ضقت وأثر البارحة غبرة
مدري بكى حلم ولاّ ضاعت أخباري
يوم الوفا طبعك وانا عند ظنّك
أعاتبك وأشره ولا رحت عوّدتٰ
واليوم لا تشره لو أبطيت عنّك
على كثر مافي وصالك تجوّدت
لا عاد تنشدني عن الشوق لأنّك
عوّدتني .. على الفراق وتعوّدت
ما أنكر إني في بحر حبك غريق
ولا هويت من البشر شخصٍ سواك
ولا أنكر إني كنت لك دايم شفيق
و أمشي بـ شفّك و مطلوبي رضاك
مير كل نايم عقب نومه يفيق
و يوقن إن الحب أحلام و هلاك
يا غرام الأمس ماني لك صديق
أنت قصة يأس غطّاها غلاك
رح فمان الله .. كلٍ له طريق
فقت و شمت ولا أبي شيٍ معاك
أحس الصمت بعض أحيـان يشرحني
و أسمع منّه أحياناً .. كثيـــر أجراس
تدليني ، توعيني ، تحذرني ، تنبهني
تقوي البأس قبل أطيـح بـ اللا بأس
أحاسيسي في كل الأحيــان تذهلني
و بعض الأحيان ودي أني بدون إحساس
أعـرف الناس ، كثر ما الناس تجهلني
و هذا اللي وقف .. بيني و بين الناس
ياقلبٍ من زود الوعي و القناعات
قمت أحب الليل و أعشق سهادي
و بديت اشيّد من جروحي بنايات
بنيت قصرٍ لظروف الشدادي
اخترت نفسي مارضيت الهزيلات
يقسى علي الوقت و أقول عادي
مرات احس الحظ عاثر ومرات
اعاند ظروف الزمن بأجتهادي
صعبة ! ولا تعجبني كثرة العلاقات
وبعالمي احب اكون انفرادي
اللهم اشفي كل مريض أنت أعلم بحاله ورد له عافيته وخفف عنه وارحم ضعفه وقلة حيلته .. اللهم أشفي جميع مرضى المسلمين شفاءً لا يغادر سقماً اللهم اشفيني ولبسني لباس عافيتك يارب 🤲
يا مختبر قلبي بغيبتكْ،، غلطان
هو مثل ما تقدر على البعد يقدر
بنعْرف من فينا من الصد خسران
و بنشوف من فينا على الغيبة أصبر
يا طارد المقفي ولو كان من كان
العمر من طردك ورى المقفي أقصر
يوجع شعور إنّك فقدت أقرب إنسان
وإنّك تمنّى رجعته يوجع أكثر
مابارت اهدافي لو إن الزمن بار
العزم مثل البحر ماله نهايه
ذقت الخساير والعزاير والامرار
وسقت العمر كله على شان غايه
مايصنع التاريخ من هاب الاخطار
ولا رقا في قمّة المجد تايه
ولا يعلم الانسان عن بعض الاقدار
يمكن بعد خط النهايه بدايه
سقا الله زمان زال وبالذاكرة مازال
فداه العمر لو راح الاول على التالي
قبل من عوايدنا نعشق السهر لا طال
معي كل يوم وليله اقرب من اظلالي
تنام بعيوني فارعه ما عليها شال
سترها الغلا والخوف من عين عذالي
وفجاة بلا موعد صحينا على زلزال
اخذ كل شي ولا ترك غير غربالي
عنواني الريح ودروبي سنا نجمه
واللي يبيني تراني ساكنه .. جوفي
وحدي ولكن عروقي كلها زحمه
اشوف نفسي واشوف الناس في شوفي
لخاطر عيون قلبي اسرج الكلمه
من غير قلبي اطيعه واعطي حروفي ؟
خان الزمان اللعوب وخانني اسمه
وانا احسب انه حبيب يصدق ويوفي
يا ساقيين الغصن في الارض الهشيم
الغصن . . تذروه الرياح السافيه
في الود ما نحتاج نحيا في نعيم
كثر ما نحتاج لمشاعر دافيه
هلّي دموعك بين زمزم والحطيم
إلى متى يانفس .. وانتي غافيه
يكفيك من بين النِعم ، رحمة كريم
لو ما عطاك إلا الستر والعافيه
يا قو قلبي يوم صديت قوّاه
عن الذي اموت ولا تركته
الخاطر اليا طاب اعوذ بالله
لو كان باقي لي كلامٍ شرحته
لعلّها خيره بما اختارها الله
على كثر ماكنت احبه كرهته
لفقد يترك فالقلوب ، وفالعقول
تأثير "مايمحاه" يوم ولا سنة
زودٍ على كثر المشاكل ، والحلول
كلام واجد ، ما قدرت أفصِح عنه
تملّكتني عبرةٍ عيّت .. تزول
على الفقيد اللي تكفّن بـ كفنه
مرّت عليّ أيّام بعده .. وأنا أقول
( إن كان هذا حلم صحّوني منه الله يرحمك ياخوي
مّاني سهله كل من بغى قربي وصل له
ولأني بغيضه رافعه خشمي وكليِ كبر
أنا الكامله و الكامل اللـهّ لو فيني ألف عله
و أنا من يجي لك صدفة " ثميّنة بالعمر "
إذا كسبتني كسبت الطيب اللي ما تمِله
ولاعاديتني عاديت اللي ماهّمها بشر
كل ماذكرت الي مضى قلت عزاه
حتى ولو كانت جروحه صويبه
انا ادري انه يوحي شعري ويقراه
وانا ادري يدري جيتي له صعيبه
كل ماكتبت ابيات قالولي الله
وصارت تهادى بين خل وحبيبه
الا انت يالي ماخذ القلب وتجفاه
ماهزتك ذكرى الليال العجيبه
من خلقتي ماطاح راسي لمخلوق
ماهو كبر لكن شموخ وذرابه
ياللي تبي وصل الثريا ترى فوق
صعبه على مثلك تجاري جنابه
ربي خلقني فوق وفي عزتي ذوق
ارقى على متن الفخر في الرتابه
لو جيتني بالطيب واللطف والذوق
تبشر بوجه سمح ماصك بابه
والي تحداني ترى فاله العوق
يموت ماحصل على ماهقى به
غايب اللي تلّ قلبي من أقصاه
ما عاد آحس إن ذكرياته ملاذي
البارحة - جاء من ، يذكّرني إيّاه
ليته ، تخيّر له ( طريقٍ ) محاذي
طرّا عليّ ، قصيدتي عقب فرقاه
اللي ما كان بـ رغبتي .. واتّخاذي
بدا يعدّ ( أبياتها ) .. قلت بـ الله
شف لك قصيدة ثانية غير هذي
أعصابي التالفه ، صارت محطّة عبور
ان مرّها شيء عدّا .. ما ألتوى كاحله
مدري تساوت بعيني ولّا قلبي صبور؟
عْيوني لو شافت العثرات ، متفائله
والذكريات الكثيره من صور او عطور
خلّتني " ما ألتفت " للعالم الراحله
قبل ينهدم صرح الغلا والنفوس تشين
فمان الكريم اللي عطاياه ما تحصى
اتركني على كفّ المقادير بين إثنين
زمانٍ ماهوب لقصى وحظٍ ماهوب لقصى
وتطمّن تراك اللي بقى لي من الغالين
يامنصاي عن كل البشر لابغيت انصى
والله ماتحرر من غرامك ليوم الدين
لو يحررون القدس والمسجد الأقصى
شرعت لك بيبان قلبي ورحبت
قلت الله الله بقلب شافك أمانه
تركت كل الناس ما همني إلا أنت
ضميتك لصدر تباهى بحنانه
علي أنا بالذات وشلون مالنت ؟
هزمتني وقلبي مايرضى الإهانة
غلطت اني بقلبك تعشمت
وانا خسرت اليوم قلبي ورهانه
من قسوة أفعالك تراني تعلمت
كل الجروح تهون إلا الخيانه
لاتاخذك فكرة اني ضايق و منضام
ماخفت فرقاك قلي كيف بخافك
ان كنت تبغى المواصل نام بالاحلام
قطار الاحباب مايرجع ليا طافك
خلاص عفتك وعفت لنظرة السلهام
ماني بقايل لاشفتك عاش من شافك
تغيرت عاش من شافك مع الايام
اليوم ص��رت حبيبي عاش من عافك
ما خضع راسي للأيام وأحكام الظروف
ومن يزم النفس نفسي تراها عايفه
ما تصنعت الهزيمة ولمعت الوقوف
غير من مثلي يشوف النوايف نايفه
لا كرهني شخص بيحبني غيره ألوف
ماهي والله كبر غير اني قدري شايفه
من حسب زلاتي تطوف ولا ما تطوف
بلغـوه انه بكبـره علاقـة طايفـه
مانيب قايل شي ، جفّ الحكي جفّ
الدمع كفّى عن كلامي و وفّى ..
عمري قضى وانا اصفّ الولَه صفّ
و اسقيك من عذب الشعور المصفّى
صحّتني الدنيا من احلامي ب كفّ
و صحيت نور العمر كلّه مطفّا ..
خلّيتك و للحين لك بالحشى شَفّ
و القلب ( مُكرَه لا بطل ) يوم قفّى
مالله كتب لي فيك حظ ولا نصيب
الواقع أصدق .. من يا ليت ، وربما
حتى لو إن إحساس قلبي ما يخيب
سفك الشعور أشد من سفك الدما
والغيمة اللي تاخذ شوي .. وتغيب
ما تغري ألا !.. الميّتين ، من الظما
أحيان .. حتى اللي تحس إنه قريب
يمكن يكون أبعد عليك من السما
مالي مع الارض واهلها مكان وحصيل
شعوري اسمى من الاسما ومن الانتما
اطيح واقوم لكن الاستحاله .. اميل
لو اني متشبعه من الجوع ومن الضما
ما طعت رغباتي اللي تنهمر كل ليل
مدري هذا قلب ولا قطعةٍ من دُما
واقفه مثل ما توقف باسقات النخيل
تناطح الشمس لو انها فـ كبد السما
يمر البال و الحسره تجي وياه
هنا الأحلام ماتت في رجا صدفه
ㅤ
عجزت ألقاه و الأقسى عجزت أنساه
جريح و ضاع عمره من فقد نصفه
عرفت الفقد لا من مر وش معناه
وعرفت الجرح لا من زاد في نزفه
ㅤ
تعبت اكتب قصيدي له عسى يقراه
و أنا أكثر شخص بالدنيا قرا حرفه
اخترت روحي في زحام العلاقات
وقويت مع روحي تفاصيل روحي
لا أحاتي الأتي ولا اندم علي الفات
أتبع خرايط رسم ربي بلوحي
ماراح يذكرني أحد بالتنهات
اطريهم بطيبي وضحكة مزوحي
الوجه واحد ماختلف بالتلفات
يشبه بصدقه واعتباره وضوحي
ما عاد يغريني جمال البدايات
انا النهايات الجميلة طموحي
تدري وش آخر م كتبته عن الحب
انك ضياع وليتني م لقيتك
حرمتني قربك وانا بأول الدرب
يومي تركت اللي يبيني وجيتك
وش عاد لو قلبك بدا يعلن الحرب
صرح الغلا ينهار لامن نسيتك
جيتك وفا واخلاص ماجيتك بكذب
بعت الخلايق يوم جيت وشريتك
مجبور قلبك في ذرا الحب يلعب
يا ليتني قـبل ابتدي بك نهيتك
يا قلب من زود الوعي والقناعات
بديت احب الليل واعشق سهادي
بديت اشيد من جروحي بنايات
بنيت قصر لظروف الشدادي
اخترت نفسي ما رضيت بالهزيلات
يقسى علي الوقت وأقول عادي
مرات احس الحظ عاثر ومرات
اعاند ظروف الزمن باجتهادي
صعبه ولا تعجبني كثر العلاقات
وبعالمي أحب أكون انفرادي
من جرحنا نعذره ونصد عنه
ما نضيع وقتنا في شي فاضي
الكرامه فرض يوم الحب سنه
نحشم انفسنا ويعجبنا التغاضي
بعد ما نعطيه فوق اللي يظنه
نبعد ونكتب على صفحته ماضي
الحكي نرميه فالصدر ونكنه
و الصدور تشيل ما شالت الأراضي
مانقضي ليلنا ذكرى و ونه
حنا مع سود الليالي في تراضي
توحدت فيك المشاعر وإمتثل سيد الغرام
من يمينك لي يسارك هاك قلبي واسعده
من عتب دنيا الهقاوي والتداعي والملام
والله انه جاك مني كل نبضٍ بجْهده
قم تنقى ما تريده من أحاسيس وكلام
لو بشاور ماعطيتك وإنت أصل المفرده
في ثنايا الغيم شفتك حلم يوردني الغمام
والأمل لو كان طيف وكل دربٍ يبعده
يمكن أبشع صفة فيني الزعل والعناد
وأملك أسلوب قاسي بس ما اجرح أحد
منطقية حياتي ماتعرف الحياد
غصب عني أكابد بالعمر وأجتهد
والمفارق مايعني بأن قلبي جماد
العلاقات رزق إن ماصلحت ابتعد
الحشيمه بتبقى لو يروح الوداد
بحفظ العشره بقلبي وأصون العهد
تعال قبل الورد يذبل والسهر عينه تنام
قبل تجف الـ مرحبا وتموت بـ لساني هلا
ٰ
ترى عزيز النفس لامن عاف عاف بلا كلام
والله لو أنه ( وطـن ) ما عاد له حب و ولا
ٰ
ما ينتهي ( كثر الغـلا ) إلا بـ قلّ الإهتمام
وإن جيتني بعدين مالك لا حضوَر ولا غلا مجرد بوح
مثل المطر لا لاح برقي تهاديت
ينبت حضوري بالخواطر زهوري
أمر صدفة عمر من دون توقيت
لحظة ولكن عن ليالي مروري
وأمر مثل الخيره اللي بعد ليت
ينبت من غصون التّواضع غروري
مثل القمر بعد البدر لا تهاديت
دايم كمالي من دواعي قصوري
أغيب واشباهي تكاثر وإذا جيت
يبان لك فرق البشر قي حضوري
لا تشوف الغلا ثم ما تبالي
ولا تحسب ان شعرك بيغفر جروح
ولا تحسب اني لا قلت يا بعد حالي
عاصبه عيني ولا أشوف بوضوح
ولا تحسب أن قلبي ماعليه والي
وأن الغلا ممكن يكبر بين السفوح
من يغلي الحب يبقى دايم غالي
ومن يرخصه مع هبة الريح بيروح
أخاف أنحرم من شوفتك و الذكـي خواف
أطيع الزمن لو كان مـا ودي أطيعـه
أحبك وتباً لـ التقاليد و الأعراف
أبضيع بين أيديك و الضيعه الضيعـه
أنـا شعب و بصدري قبايل وجمع أطياف
يحبونك السنّه . . و يغلونك الشيعـه
وصلتك بما فيني من ارهاق و استنزاف
أقدم لك الطاعه و أجدد لك البيعـه
احس روحي لحقها قل جهد ؛ وفتور
من كثر ما احترت في أحلامي وحيرتها
عودتها كل من يبعد بعيد معذور
وعمرتها ، بالتسامح لين دمرتها
احيان اقول ليت الله خلقنا طيور
حتى اقدر اتلاحق الفرصة ؛ لا طيرتها
او ياليت ربي مكملني | بقلب صبور
ان كان نفسي من ( الأوهام ) حررتها
قفلت باب العاطفه و الـمحبه
وسلمت للعقل الرزين الأمانه
ترى ، القلوب الخاليه مستتبّه
من كل جرح وكل طعنة خيانه
قلبك إذا تقدر تخبيه ؟ خبّـه
لا تكشفه للناس ويقل شانه
ما فيه أحد " حبك " عشانك تحبّه
من شـاف عندك شي حبك عشانه
ماحب أحس إني مثل باقي البنات
أحب أحط يّدي مع الشخص الثمين
أطيش .. لكن طيشي لـ حِد الثبات
و أضحك مع العالم لكن ضِحكي رزين
أبكيّ على ما مرّني من تضحيات
و أحزن على الدنيا و موت الطيبين
حبه بصدري سالفة سر في بير
و كأن الفواد يقول هذا زبيني
اشفق على علمن يجي منه من غير
لا يسمع اللي سولفوا به ونيني
يا كثرهم غيره ولكن خبر خير
ما غير شوفه في الوجود يهنيني
وشلون ادور من وراهم على أرباح
والحمد لله حالتي .. مستقره
ان جيت اجي مزاح وأروح مزاح
ودربٍ يجيب الضيق ماني بمره
ماعاد باقي من العمر كثر ماراح
واللي قنع مافيه شي ٍ يغره
خلك بعيد تعيش راضي ومرتاح
بعض العرب قربه لنفسك مضره
ضايقوني بالسؤال ليه حالك مو تمام
ليه منتي مثل أول لليالي تضحكين؟
عاتبوني! مادروا أني أتحاشى الكلام
أخفي الدمعه وأخبي جرحٍ بقلبي دفين
لا تلوموني أمانه ما على قلبي ملام
لو لمحتوا الحزن فيني الله بقلبي يعين
ما شكيّت الهم الا لخالقي رب الآنام
كل سجدة أدعي الله يجبر بقلبٍ حزين
ماعاد له داعي تجيني ولا اجيك
مدام رحت و خاطرك طاب مني
يا حبيبي قلبي ترا اليوم ناسيك
خاب الرجا منك وخيبت ظني
غدرت قلب ٍ كان بالحيل يغليك
غرك كلامي العذب مع صغر سني
كنت احسبك سيفي اذا ضقت
اناديك اثر البلا سيفي هو الي طعني
ما انحنيت ولا أنثنيت لأمر هيّن
ولا أهاب من الغياب ولا أبرّه
أتكحل و أتعطر و أتزيّن
و أتدلّه و أتسولف و أتشره
شرهة اللي ماتقول ولا تبيّن
وحشمة اللي ثوبها دايم تجره
تستحي وترضى بكل اللي تعيّن
واتسامح و تدعي الله كل مره
جعل قلبٍ طيب وسمح وليّن
مايذوق من الزمان الصلف حره
تِكرم خطانا عن دروب المقفّين
ويَكرم قصيد الشوق واعذب حروفه
واللي خلق صف الرجال المصلّين
إني على كثر المحبه عيوفه
طرى علي بيتٍ من شهور وسنين
ومعاني البيت الجزيل معروفه
إن كانه السلطان حِنا سلاطيين
و من زَل عننا بالنظر؟ مانشوفه
الله الله يا الـدروب المستقيمه
كيف أجادل واحدٍ ماهوب قدِّي
شرهة العاقل على النفس الكريمه
وأحتفظ بالرد في مزحي .. وجدي
يفرح الجاهل ويحسبها هزيمه
مادرى عيني لمثله .. ما تلّدي
صدتي عن بعض خلق الله غنيمه
ما يوالف قلبي القلب المصدّي
من فايض الوحشة ومن عسر المرام
يا رب أنا مالي سوى وجهك وليّ
افسح لي من الأرض وأهلها مقام
تسوقني رجلي على حد جهلي
في وجهك إن وقفت قِل وانعدام
لا تفرّح أعدائي ولا تزعل هلي
علمني أثبت كلما عز الكلام
ولا أحب اللي ما هو مكتوب لي
ما أنادي وما أهيم فـ كل وادي
لي رياض و لي بالدنيا عمَد
لو تقوم بلاد ، ما تشبه بلادي
ولو تجي اشباه ، ما اشبه لاحد
ما تركّيت الا مضمونٍ عمَادي
وما ذخرت الّا دعاء أمي سنَد
طهرها يشبه من الآخر حصادي
الصديقة اللي صديقة للأبد
لاتقول درب الحب ماليه الاخطار
ولاتقـول عذلٍ حال حدك وحدي
ولا تزيد حكيك واتعذر بالاعذار
الي تزيد الجرح ياعين جدي
دربٍ بغيته والذي قلتهُ وصار
انت الذي عني نويت بتصدي
اسمع قصيدي لاتفكر وتحتار
مايرجع الي راح وماهو بيدي
شلت الغرام , وناوي اودع الدار
ويا احساس قلبي عن اراضيه شدي .
يظن انه ليا اقفى بيلقاني وراه ظلال
وانا والله ولا مهتم ولا معبر ولا داري
حياتي مابها وقت يضيع بصجه وهبال
يجي غيره وثم غيره ولا توقف على الساري
من اقفى معاه الله ولا له عندنا وصال
نبيع اللي يبيعونا ونوقف دوم مع الشاري
أسهى و إذا مرت على خاطري ليش
تجرح كبر نفسي فصول ارتجافي
الاهتمام اللي تجازى بتهميش
مثل الغريب اللي نفوه المنافي
يا ليتني ثقلت قلبي عن الطيش
و لا خطت كفوفي حروف اعترافي
و ليت المزون اللي بعيني مراهيش
تمطر على قلبً شكا من جفافي
لحظه دقيقه اسمحولي ثواني
في خاطري شي ودي اقوله ..
الصدر ضايق والسكوت احتواني
والحظ مامن حظ وروحي خجوله
احتاج قلب غير هالقلب ثاني
فاضي لكل جرح جديد بحموله
واحتاج لي صدر يليق بمكاني
ياخذ على صبري وسام البطوله
الكلام إن شحّ " ماضاع السلام "
لو غصون الهمّ فيني وارقة
من دواعي رفعتي والإحترام
السلام اللي رفضني غارقه
آتعالى بـ الرضا .. و الانسجام
حـول سفح الغيم روحي شارقة
كيف مَ اجاورْك يا سفح الغمام
وامي اللي قالت اني فارقة
يحز في خاطري جدًا و يؤسفني
اني ماعاد اشتحن من بعده و قربه
ماعاد اكلف عليه ولا يكلفني
الا قصيدٍ عليه الناس منطربه
محتاج افضفض لـ أحد ماهوب يعرفني
أقابله في وطن ثاني .. وفي غربه
مابيه من ماحصل فالوقت ينصفني
ابيه يسمع فقط / و يروح في دربه
يمكن تنساني ؟ .. بعد عدة اعوام
ويمكن بُحب الغير قلبك يليني !
َ
يمكن مع غيري .. تبي تعيد الايام
وتعييد حكيٍ , يومها انقاال فيني
َ
جفت على درب الهوى , كل الاقلام
وبعيش كل الي بقـى من سنيني
تمر الأحلام .. والدنيا تمر بـ هدوء
و تهون الأشياء وشعوري ،، يكرّ ويفرّ
أوقات أقول الليالي / كل فترة تسوء
و أوقات أقول الذنوب إللّي كذا تُنغفر
يا ليت قلبي عضو مفروض ضمن الوضوء
" و أغسّله كل فرض ويرجع مْن الصفر "