بدري بدري كدا، خسارة الدوري دا تحديدًا قصاد فريق موقوف من فترة القيد وكنت متفوق عليه بحوالي 8 نقط لو كسبت مؤجلاتك هتكون وصمة عار لكل لعيب ومسؤول في الأهلي من أولهم لآخرهم
مبررات الموسم اللي فات خلصت خالص
طيب هو مشهد الشباب اللي راحوا عند مقابر كنوع من أنواع الكوميك على شيكابالا دا واحد من أبشع واسوء الحاجات اللي شوفتها في حياتي واللي معرفش ازاي حد فكر وجاله قلب يروح مكان لييه حرمته ورهبته عشان يهزر ويحفل
كل شئ لييه حدود والمنظر دا تحديدًا فُجر بصراحة وبشع
خلونا فاكرين بس إن الزمالك حتى وهو خسران سكور متجامل تحكيميًا بشكل فج، ضربة جزاء من وحي الخيال للجزيري، إنذار تاني وطرد للمثلوثي في البلن التانية، طرد صريح لزيزو في تدخله على أفشة كل دا محمد عادل تغاضى عنهم عشان هم صعبانين عليه واتجاملوا فيه وكان سبب انهم سجلوا بعد كدا
اتمنى الأهلي يقدر يضم مهند لاشين فعلا الصيف الجاي، محتاجين لعيب وسط ملعب بشكل مُلح بعد وصول السولية لـ33 سنة والاعتماد على أكرم توفيق كباك ومهند هو أفضل الموجودين في مصر حاليًا ويقدر يقوم بالدورين 6 و 8
اتمنى الصفقة دي متروحش مننا خصوصًا إن بيراميدز والزمالك في السباق دا
اي دفاع او تبرير للشناوي مش مقبول، غلط مرة قصاد سموحة وقولنا رصيده يسمح وتعدي لكن لما تبقى في مرحلة مصيرية في منافسة على دوري وتعمل كدا، لا تاخد على دماغك زيك زي الباقي انت مش محمي ولا ليك جميلة علينا
ثقة زايدة مستمرة بقالها فترة ولعب بمناخير مرفوعة، نكسرلك أمها عشان تركز
لقطة ضربة جزاء الأهلي دي من أغرب اللقطات اللي شوفتها في حياتي، مشوفتش كورة تبان 100% بلن من زاوية والزاوية التانية مفيهاش أي حاجة بالشكل دا، معتقدش عدت عليا كورة زي دي قبل كدا
قعدت للحظات اتخيل احساس رمضان صبحي وأحمد فتحي وهم بيتفرجوا ع الاهلي ف كاس العالم وواصل نص نهائي والعالم كله مستني يشوف سيد أفريقيا قدام بايرن، وهم باعوا كل دا عشان جشعهم وبيتهانوا قدام انبي
احساس بالشماتة ماليني وانا عمال اتخليهم والله، الاهلي نعمة كبيرة اللي يرفصها أحمق ومختل
"مع تحياتي.. أبو تريكة" أحلى إمضاء في الدنيا والله 😍
شكرا
@FilGoal
على أجمل هدية دي، لأكتر لعيب حبيته واتعلقت بيه في حياتي كلها
@trikaofficial
وعقبال ما حلم حياتي يتحقق واقابله ان شاء الله ❤️
هل الأهلي هيكون أول وصيف قارة يشارك في كأس العالم للأندية؟ لا خالص
في سنة ٢٠٠٧ حينما استضافت اليابان البطولة في نفس الوقت فاز بطل اليابان حينها أوروا ريد دايموندز بلقب دوري أبطال آسيا، ليشارك في البطولة كمستضيف للمونديال ويشارك نادي ساباهان أصفهان الإيراني وصيف دوري أبطال آسيا
أحمد فتحي زيه زي رمضان صبحي في مشيه من الاهلي، ماطل الإدارة ولعب بيهم ومشي عشان الفلوس برضو ومش اول مرة يعملها بالمناسبة
اي محاولة لتجميل صورته أو مشيه من الأهلي فهي دلع مايع ومش مقبول، كفاية مُحن يا شباب
فتحي جري ورا الفلوس وباعك، وهشمت فيه مع كل حاجة تحصله
@BilalAhmadAllam
اومال كنت عامل نفسك اخرس واعمى ليه بعد ماتش الاهلي وبيان الاهلي عن التحكيم، ولا عشان ولي نعمتك طلع اتكلم لازم تلحسله
مسمعناش صوتك وانت بتتكلم عن الوشوش اللي من 30 سنة غير دلوقتي ليه، ولا عشان اللي مسرحك اداك أوامر
لحس لحس يا ابو زمة
بالمناسبة يا جماعة، أنا حزين جدًا على المستوى اللي وصل لييه حمدي فتحي والكلام دا من فترة مش دلوقتي بس، حمدي أول ما جه من إنبي كان بيعرف يطلع بالكورة وبيعمل ريسك باص كتير وكرات طولية مظبوطة، مع فايلر اتطور أكتر وكان ارتكاز عصري فعلًا فجأة كل دا وقف واتحول لنسخة حسام عاشور
انا اكتر واحد هنا بينتقد مروان محسن وبيهاجمه وبيشتمه بس فعلا الحالة النفسية اللي وصلها دي صعبة اوي
هو طلب بدون مبرر، بس ياريت نخف تحفيل وألش على مروان شوية لأنه ��ي الاخر لاعب من لعيبتنا وانه يوصل للحالة دي بسببنا صعب اوي مبقولكش حبه بس كفاية لأنه فعلا المنظر دا صعب اوي
تصريحات علي لطفي محترمة جدا وبتدل على شخصية تليق بالأهلي فعلًا، قالك جمهور الأهلي مبيهاجمش هم عايزينك أحسن ولما بتكون كويس هم أول ناس بتحس بيك وبتشيد بيك
دي العقلية والشغل على النفس عشان تثبت للناس بالفعل إنك موجود وقدها
برافو يا علي يا لطفي على كل حاجة
علي معلول مش هيلحق بماتش الزمالك ولا ماتشين أفريقيا، واتوقع كمان مش هيلحق السوبر الأفريقي
لعيب جاله تمزق عضلي عادي جدًا بيحصل في كل دول العالم هيوصل غيابه لـ4 شهور، تهريج واستخفاف بالعقول وملف طبي وبدني عمره ما ينجح أي نادي كبير عايز يكسب كل حاجة
منطقي بالنسبالي تراجع موسيماني عن التعاقد مع محمد ابراهيم، مش هيكون مناسب لأفكاره تماما اللي بتعتمد على مهاجم ثاني 9.5 اكتر من صانع لعب صريح وكمان بيحتاج رتم سريع ودا بيفقده محمد ابراهيم بنسبة كبيرة، ممكن كان يكون مناسب لأسلوب فايلر لكن موسيماني لا
صباح الخير، ياريت إدارة الأهلي تحسم ملف موسيماني في أسرع وقت لو شايفينه هو رجل المرحلة دي وواثقين فيه يجددوله عشان يسكتوا كل الألسنة ويدوله الاستقرار والهدوء الكافي، لو شايفينه مش مناسب يطلعوا يعلنوا دا ويمشي
لكن طول ما الباب متوارب كدا، هيفضل هو مش مستقر ولا الوضع هادي
خروج كهربا في مصلحة الجميع سواء هو أو الأهلي اللي هيخلص من صداع وقنبلة موقوتة في أوضة اللبس
للأسف مقدرناش نستفيد بلاعب كان جايلنا أقوى جناح في مصر، هو مساعدناش بسبب دماغه ومشاكله المتكررة للأسف واتحاول معاه كتير لكن مفيش فايدة
كان نفسي يكون ليه تاريخ معانا ونستفيد بيه
وقت ما مشي رمضان وفتحي من الاهلي كنت مصمم على فكرة بلاش نحرق بنزين في انهم غلطوا وتفسير دا والرد على رأي "لو كنت موظف وجالك مش عارف ايه" عشان الأيام هتلف وهتثبت مين كان صح بأريحية جدا وهيعرفوا قيمة الأهلي عاجلًا أم آجلًا زيهم زي غيرهم
بس بصراحة مكنتش متوقع السرعة دي فالإثبات
احنا مقصرين فشخ في الاحتفال بالعاشرة والله، وشكلنا اعتدنا النعمة وموسيماني وصلنا ان بطولة أفريقيا دي زيها زي الدورة الرمضانية كدا بنكسبها عادي كل كام شهر
عيب والله
اتحاد الكرة أعلن دعوة أساطير كرة القدم المصرية لحضور مواجهة السنغال المقبلة.
المفاجأة كانت في غياب حسن شحاتة ومحمود الخطيب عن القائمة التي تم دعوتها بحسب ما أعلن الحساب الرسمي للاتحاد.
مسحة الشناوي إنهاردة سلبية
مكتوبة لعلي لطفي يبقى بطل الليلة ويثبت نفسه وياخد فرصة، دعوة أم قبل الفطار أو وقت الفجر دي ملهاش حل تاني بس أنا مبسوط عشانه جدا والله واتمنى نبني عليها ويبقى عندنا إتنين حراس مميزين وجاهزين
المدير الفني لبيراميدز طالع يقول إن رمضان صبحي عايش في حالة عصبية ومضغوط جدا جدا، ومدير التعاقدات طالع يتمسكن ويقولك بيتم ترهيبه من جمهور الأهلي وموهبة مصر وبتاع
لا اجمد كدا يا حبيبي، دا لسة 3 جولات بدون جمهور، لسة الحفلة طويلة أوي لحد ما نشوف آخرة الطموح إيه، امسك نفسك كدا
تريكة كالعادة قرر ميمسكش العصاية من النص ولا اختار السكوت زي الغالبية العظمى، واتكلم بصورة مباشرة علطول عن مقاطعة ��لمنتجات الفرنسية بسبب الإساءة للرسول وشجع دا
تريكة دايمًا ثابت وصاحب مبدأ وراجل لا يخاف في الحق لومة لائم
الفرجة على مروان عطية من الملعب فتنة والله يا جماعة، بسم الله ما شاء الله عليه بيعمل كل حاجة في وسط الملعب وحرفيًا لحد ما نزله حمدي فتحي كان بيحارب لوحده
دفاعيًا مغطي كل شبر في الملعب، وهجوميًا تمريرته دوا وزود على دا كمان التسديدات، أحسن صفقة عملها الأهلي من سنين
عشان ميبقاش الشناوي بس اللي يشيل الليلة، كل لعيبة خط الهجوم متحملين نتيجة الماتش، بدل الفرصة عشرة بتروح انفرادات من نص الملعب وبتتمرقع وكل لعيب بيتنطط كأننا خلاص حسمنا كل حاجة
الكل يتحمل نتيجة الماتش دا بلا استثناء
موضوع رفض حضور الجماهير مالوش علاقة بالكورونا خالص، البلد مفتوحة ع البحري حفلات وتجمعات وكل حاجة
بس المشكلة دايمًا بتكون في ماتشات الاهلي والرفض دايمًا بيكون على جمهور الأهلي بس
والتعنت دا بقاله سنين طويلة من بعد ٢٠١٢ ونفس السيناريو دا مستمر ويا عالم هنخلص منه امتى
طبعًا أخواتنا متابعي ألعاب الصالات الجامدين اللي بيظهروا بعد ماتشات الهاندبول لما بيكسبوا، هياخدوا الغطس الرايق دلوقتي وهيعملوا نفسهم مش واخدين بالهم ان كان فيه ماتش وهيبقوا بتوع كورة بس
محاولة شرسة للتقليل وهدم نجاح مدير فني بسبب إخفاق فني وحيد من أول الموسم، وكأنها فرصة انتظرها المتبرصون بفارغ الصبر
دورنا دلوقتي هو الدعم والوقوف في وجه الحملات دي
#In_weiler_we_trust
مفيش جهاز فني فيك يا دوري يا مصري عنده مدرب واحد مع المدير الفني إلا الأهلي، أحمد سامي مع سيراميكا رايح بـ3 مساعدين "مدرب عام و2 مدربين"
الموضوع دا بيفرق جدا في التدريبات وبيدي فرصة لتدريبات تخصصية أكتر وتنوع في التمرينات لتطوير الأداء، كل فرد بيبقى ليه مهمة محددة
بالمناسبة برضو، ياريت أفشة وشريف يفكهم من جو الصحوبية بينهم في الملعب دا عشان مفيش كدا في الكورة، مش كل كورة تروح لأي واحد فيهم يدور ع التاني علطول وبيبقى فيه لعيبة في وضعيات افضل كتير بس لازم أباصيها لصاحبي معلش
انا زعلان اوي عشان تريكة يمكن اكتر من زعلي على غياب الاتنين، هيلبس قصة مش قصته وهو مش ناقص
والفرحة اللي كانت في عينه وهو بيشوف الاهلي تاني متتقدرش والله وفرحته بمجي اللاعيبة اللي منه لييه كبيرة اوي
نتيجة منطقية وطبيعية لكل حاجة بتحصل في النادي، عقاب مستحق لكل فرد مسؤول شاف إن دي أحسن لعيبة في مصر ومجرد محتاجين يرتاحوا، عقوبة مستحقة على حارس مهما بيغلط بيفضل مكمل أساسي والكل بيطلع يدافع عنه، عقوبة لإدارة خسرت 2 دوري ورا بعض وشافت إننا ماشين صح
وفاق سطيف من اول الموسم بيعاني من مشاكل مالية طاحنة ومستحقات متأخرة، فجأة هيجي مصر بطيارة خاصة ويتحط مكافأة حوالي مليون دولار في حال تخطيهم الأهلي
سبحان الله 🙂🙂
أحمد القندوسي رغم قلة دقايق مشاركته لكن لمسته للكورة حلوة وهادية جدًا، قراراته في الملعب أغلبها صح وسهل، أتمنى يشارك أكتر ويدخل مع الفريق بشكل أكبر لأننا محتاجين نوعيته في الفريق
رمضان صبحي فقد اكتر من ٥٠٪ من إمكانياته اللي كان بيظهرها مع الاهلي الموسم دا، مبقاش يعرف حتى يعدي ١ على ١ مبيعرفش ياخد القرار الصح والتمريرات الذكية للباك اللي جاي من وراه
شمتان فيه جدا بصراحة ويارب يفضل كدا
اخر حاجة قبل النوم
الراجل دا يستحق التحية على الشغل والتطور الرهيب بدنيًا على فريق الأهلي، تلعب ٤ ماتشات في ١٢ يوم وتبقى واقف كدا مع صعوبة المستويات اللي لاعبتها في كاس العالم دا شغل مدرب لياقة محترم
برافو ويارب نفضل مكملين كدا ويبعد عننا الاصابات يارب 👏🏻❤️
كلام كولر عن الاحتفالات دا مهم أوي، أنا متفهم جوع جماهير الأهلي للبطولات أكتر وأكتر بس لازم تدوا الاحتفالات حقها وافرحوا بكل إنجاز بيتحقق، وإدوا للعيبة حقها من الاحتفال والتقدير على كل إنجاز
الضغط المستمر بدون التقاط أنفاس دا صعب على أي حد يستحملوا، اتبسطوا بالإنجازات
محتاج أوجه تحية الحقيقة لياسر إبراهيم لأني بحبه ودايمًا بيثبت إن وجه نظري فيه صح، مدافع قوي وصلب وفي أي ماتش كبير بيكون موجود ومن أفضل لعيبة الفريق
غاب فترة مش قليلة لصالح بدر وأيمن لكن لما شارك وقصاد فريق زي البايرن كان واقف على رجله وتدخلاته ممتازة دايمًا
برافو يا ياسر يا رجولة
وقت ما خالد الغندور اتصاب بكورونا وطلع قال ناس من الإدارة كلمتني افتكرته هيتعظ وهيكون بني آدم نضيف، لكنه مازال بيمارس وساخته في المرض نفسه اللي أصابه، ومش قادر يكون حتى نضيف في المرض
أعوذ بالله من النوعية دي من الناس والله
بقدر محاولات الغالبية منهم استخدام جملة "القاضية ممكن" في كل مناسبة تعرفك اكتر قد ايه كابوس أفشة كان صعب عليهم، عاملهم هستيريا
ومع كل محاولاتهم المستميتة في ترديد الجملة هتفضل مرتبطة بالقاضية الحقيقية، اللي نيمت الكل دموعه على خده وحولت حلمهم لكابوس
وصف جماهير الأهلي بالنازية من إعلامي أمر عادي جدًا لا يستدعي أي عقاب، لكن زغلول مدحت شلبي يستحق الإيقاف والانتفاضة
الاحتواء مستمر لننوس عين الدولة الحقيقي
الراجل دا اتاخد كتريند عشان بيتكلم فرنساوي كويس "مع إن دي ميزة يعني" وبقا مادة للتقليل والسخرية، لكنه فعلًا كان مؤثر بشكل مقبول في ماتشات مصيرية زي ذهاب صن داونز والشوط الأول إمبارح كان هو دايمًا اللي بيدوس ع الكورة وبيوصل بالأهلي للتلت الهجومي
إشادة مستحقة لطاهر والجاي أفضل
داخلين على أصعب شهرين في الموسم وضغط ماتشات رهيب وجمهور الاهلي قلقان، فنروح قبل ماتش المريخ نلاقي كابتن صلاح محسن سهران لحد الفجر بيعطف ويلطف، وادي الكابتن حسين الشحات قاعد وسط اكتر من ١٠ أشخاص بدون أي إجراءات احترازية بياكل ما لذ وطاب!
لعيبة عديمة المسؤولية ولا الدم والله
في كل مرة هيشارك فيها أحمد نبيل كوكا هكرر إعجابي بيه وهقول إنه يستحق كل الفرص اللي أخدها فخري ويستحق يبقى في الصورة أو ع الأقل يطلع إعارة يشارك ونشوفه، لعيب واعد جدًا وشخصية
بلاش تصدروا فكرة ان الحكم هيظلم الأهلي وهيعمل فينا ويسوي، بلاش نخلق شماعات مقدمًا للعيبة وينزلوا باحساس الاضطهاد من الاول وعذر للخسارة لا قدر الله
مهما كان الحكم والظروف مفيش اي عذر أو أي حجة للعيبة دي متقدمش 200% وموتت نفسها عشان الحلم، مفيش حجج أو عذر مقبول
مش من عادتي إني اشتكي على النت وهكذا، لكني فعلًا بمر بأصعب فترة في حياتي بعد ما كانت كل حاجة مستقرة ومترتبة كل حاجة فجأة اتعكت في شغلي وحياتي
اتمنى أي شخص يعرفني يدعيلي ربنا يجبر بخاطري والفترة دي تعدي على خير وبأسرع وقت لأني في أمس الحاجة للدعاء دا والله
اللي عمله أفشة من بعد اصابته في السوبر الافريقي مثال يحتذى بيه فعلا لأي لعيب في الاهلي، وبيوضح هو ليه بقا نجم الفريق وربنا بيكرمه
مبياخدش اجازة مع باقي الفريق عشان يدرب مرتين وتلاتة كمان في اليوم عشان يبقى جاهز ويدوس على نفسه، تفاني وجدية بيستحق عليها دايما التوفيق
هل هنشوف نقابلة الإعلاميين أو المجلس الأعلى للإعلام بيعاقبوا قناة الزمالك على التريقة على معلول امبارح وترديد كلمة "علي مهلول" أكتر من مرة زي ما عاقبوا مدحت شلبي على تعليقه للماتش؟
16 فوز على التوالي دا رقم صعب جدا جدا فريق يحققه، كنت دايمًا شايف إن الأهلي صعب يلحق بركب الصدارة مع ستريك بيراميدز وإن الأهلي هيقع قبل ماتشين بيراميدز حتى
فكرة قدرة كولر على خلق دوافع للعيبة الأهلي بعد الفوز بأفريقيا تخليهم يكسبوا 16 ماتش على التوالي، تُدرس الحقيقة ويُحيى عليها
بقالي يومين عمال احاول اهئ نفسي ان ممكن لا قدر الله نخسر بس حرفيًا عقلي مش قادر يستوعب او يتقبل دا
يارب بحق جاه حبيبك النبي فرحنا وراضينا، محتاجينها اوي يا
@AlAhly
والله
قدها يا أهلي بعون الله
عواد اللي ملى الدنيا عويل وبكاء وقد ايه كابتن أحمد ناجي القدير ظالمه ومتربص بيه وحط اسم الأهلي في جملة مفيدة وقتها، منور الدكة عشان حارس ناشئ يلعب على حسابه مبقا بمثابة حارس تالت في الزمالك، ولسة كمان لما جنش يرجع من إصابته
نقطة اخيرة واسف اني هقولها، نسبة كبيرة من جمهور الاهلي بقا مقزز ومش منطقي وبيحكم بناء على هواه مش على اللي بيشوفه، خلق وجهة نظر بيفضل يحاول يثبتها على طول الخط مالوش دعوة باللي بيحصل فعليًا بقا ويحكم عليه، لا نفس الاسطوانة بتتعاد مهما تختلف النتايج او الاداء
الأهلي فقد أهم ما يميزه، الروح والمحاربة ع الفوز لآخر لحظة، للموسم التاني على التوالي، روح انهزامية واستسلام غير طبيعي وجيل فعلًا هدم مميزات وثوابت كتير
محمود متولي ربنا يحميه ويبعد عنه الإصابات مكسب الموسم الأول لحد دلوقتي، مدافع من طينة مختلفة خالص، ذكاء في قراية اللعب وتوقع مسارات الكورة توقيتات تدخلاته ممتازة وخروجه بالكورة مثالي، مدافع زي ما الكتاب بيقول
ثنائية ممتازة مع محمد عبد المنعم، ربنا يحرسهم ويبعد عنهم الإصابات
بسيرش سريع كدا، ريكاردو سواريز كان بيدرب فريق جيل فيسينتي -تالت سنة لييه دوري ممتاز- وقدر يحقق بيهم إنجاز تاريخي واحتل المركز الخامس واتأهل لأول بطولة قارية في تاريخه "دوري المؤتمر الأوروبي" الموسم الجاي
دي حاجة سريعة كدا عن المدرب الموسم اللي فات
الكدبة المرة دي إن فريق الباسكت خرج عشان شيكابالا في الملعب، مش إن اللوائح بتقول الماتشات بدون جماهير وهم نفسهم خرجوا أكتر من مرة في صالة الأهلي عشان لقوا جماهير
إيه اللي يخوف في وجود شيكابالا في المدرجات مش فاهم، قولوا حاجة تتصدق حتى
حاجة سريعة كدا حتى نستفيض في الكلام، زياد طارق قدم حلول إنهاردة وعنده لمسة أفضل من كل وينجات الأهلي الحاليين باستثناء أحمد عبد القادر
واتمنى يكون فيه شجاعة إنه ياخد فرص أكتر ونستفيد منه أكتر وأكتر
دموع لعيبة الاهلي بعد الفوز بالكاس دي تقول ان عندنا جيل رجالة ان شاء الله وعنده شخصية، نحافظ عليه ومع الوقت والخبرة هنسيطر على كل حاجة
الشخصية والرغبة في رد التار دا مهم اوي لأي جيل
خلونا نقول حاجة مهمة، فيه لعيب عنده 35 سنة عمل ملحمة من 3 ايام قصاد صن داونز 90 انهاردة وانهاردة كان اكتر واحد قتالية واستموات في كل كورة
فتحي ب 100 لعيب وهنتعب اوي اووي عشان نلاقي ربعه حتى
جمهور الأهلي لازم يحط كل حاجة في نصابها ويعامل اللاعيبة بقدر ما تستحق من اللي بيقدموه في الملعب مش النصب بتاع بوس الشعار والتضحية والشغل الحمصي دا
المنافس بتاعك كسب 5 بطولات من أصل 6 شارك فيهم الموسم الأخير، وأنت طلعت ببطولة واحدة
ياريت نحط الجيل دا في حجمه والحال اللي وصلونا ليه
الأهلي هو اللي بيكبر وبيلمع وبيخلي أي لعيب نجم، ولما بيخرج براه بيظهر على حقيقته ويتكشف
الأهلي اللي بيخلي أي منافس يخاف منكو ويعملكو حساب مهما كان مستواكو، من غير الأهلي انتو ولا حاجة عشان هو اللي عملكو قيمة والدروس كتير على مر الزمن بس مين اللي يتعلم بقا