Ghada A. Nofal🇵🇸
@GhadaAkram46
Followers
4K
Following
828
Media
6
Statuses
19K
هاي مش مبالغة يا جماعة، بابا هلأ كنت احكي معه بعد ما طلعوا من خانيونس بمعجزة حكالي "حرقوا خانيونس يا بابا، الشباب اللي ضلهم كلموني بحكولي الستات بتصرخ بكل مكان من هول اللي بصير"، الله يلعن العالم كله بسسس، دمنا برقبتكم كلكم.
اطلعوا كبروا في الشوارع قاعدين بمحوا خان يونس.انقذونا.
34
2K
4K
هلأ وصلني خبر ابن عمتي الكبير اعدموه الاحتلال، والصغير اعتقلوه وزوجته مجهول مصيرها، الله يلعن العالم اللي بيتفرج علينا، الله لا يسامحكم بس.
29
487
1K
جماعة مع احترامي لمشاعركم النبيلة، بس احنا الغزيّين فقط نملك الحق بإنّه نحكي إذا اللي صار منطقي وعاجبنا أو لأ، احنا بس بنقرر نرضى أو ما نرضى، المتفرج والمستمع ما بيطلعله غير يسمع ويتفرج زيّ ما ضل يعمل طول الوقت، احنا اللي خسرنا بس، تمام؟ تمام. ف خلّوا فلسفتكم وتحليلاتكم لنفسكم🫶🏻.
55
67
517
عنجد لسّا في بشر بيناقشوا في أحقيّة المقاومة في مقاومة الاحتلال وشرعية أفعالهم؟ أنا لو حد قتل أبويا مش هيكفيني فيه أضعاف اللي المقاومة قاعدة بتعمله! تخيَلوا كم حد قتلوا منا؟ متخيّلين نروح نوزع عليهم ورد يعني؟ يا ريت اللي ما جرب ٠.١ من اللي عشناه يقعد ساكت.
4
163
462
مسرحية يا الله!! مزحة أكيد اللي بصير!! أمانة هاد اللي طلع باديكم تعملوه للمرأة الفلسطينية بيوم المرأة؟ ترمولها مساعدات لونها زهري؟ جد؟ المرأة اللي بتجوع وبتعطش وبتبرد ومعرضة للقصف والاغتصاب والخطف كل يوم!! لعنة الله عليكم وعلى شعاراتكم الكذابة، حسبنا الله ونعم الوكيل.
القاء مساعدات على غزة باللون الزهري في يوم المرأة العالمي. Throwing aid into Gaza in pink on International Women's Day. #غزة #gaza #يوم_المرأة_العالمي #internationalwomensday
1
202
287
اليوم ٤ نوڤمبر، اليوم عيد ميلاد إسراء، حبيبتي إسراء هتقضي عيدها بالجنة، ادعولها، إسراء استشهدت مع أختها وأخوها، إسراء كان عندها كثير أحلام بدها تحققها، الله يرحمك يا حبيبتي، ادعولهم كثير، همَّ مش أرقام، إسراء مهندسة، وبراء دكتورة، وعلي كان بآخر سنة في الجامعة، احكوا عنهم وتذكروهم.
5
75
142
متى الناس بدها تخرس جد؟ جد جد متى بدهم يستحوا؟ قصة؟ عجباكم قصصنا آه؟ حلوة قصص موتنا احنا وأهالينا صح؟ حلوة مع رشة " مقاومة، جهاد، صمود، صبر" بتغذّي حماسكم وروح الأكشن عندكم، الله لا يوفقك يا شيخ بس.
36
17
126
مجزرة في عيلتي مجزرة يا الله، ابن عم والدي بأولاده وأحفاده كلهم استشهدوا، يا رب ارحمنا برحمتك يا رب.
25
70
114
مخي بطل قادر يستوعب أو يتعامل مع كل هاي الأحداث، أقسم بالله هاي أشياء تفوق قدرة العقل البشري على استيعابها، يا رب ما النا غيرك ارنا فيهم عجائب قدرتك.
5
19
113
يا جماعة دخيييلكم في ناس تحت الأنقاض عايشين بالتاج ٣ دخيلكم حد يعمل اشي يا ربيييي.
0
133
101
استشهدت أسيل!! استشهدت الله يحرق قلوبكم، يا الله رح افقد عقلي، لسّا عمالنا متخرجين يا عالم، أسيل كانت كثير مبسوطة ع التخرج، كانت بتحب الإندو كثير وبتنزل حالاتها دايمًا، لسّا قريب بلشت شغل يا الله، يا عالم يا حقييير قاعدين بياخذوا كل حبايبنا، يا الله رحمتك مخي مش مستوعب.
الله يرحمه ويغفرله، بنته صاحبتي بالمدرسة ٣ سنوات بنفس الصف، وزميلتي في المهنة، حسبنا الله ونعم الوكيل بس، الله يرحمه ويصبرهم.
4
22
86
العمو اللي اعتقلوه المجرمين وقصوا رجله ما بيطلع من باللي، العمو هاد زي بابا وأهل أصحابي، العمر عنده أولاد وأحفاد يمكن، العمو هاد شاف من الاحتلال ما يكفيه وستيل ما كفاهم وكملوا الإجرام تبعهم، يا رب رحمتك فينا والله مخي رح ينفجر.
0
28
81
إن شاء الله اللي بزاود ع معتز أو أي غزاوي طلع أو هيطلع من غزة يشوف أضعاف مضاعفة اللي شافوه، أقسم بالله ما بتستحوا ولا عندكم ذرة دم ولا ضمير، مزع يمزعكم واحد يلحق الثاني، بتزاودوا ع بشر شافت أهوال!، ولكم لو سمعتوا قصة بس من قصص تولين اختي اللي عمرها ١٠ سنوات بصير بدكم ثيرابست.
7
32
79
أنا بس بدي حد يفهمني ليش حد برا غزة بيعطي أهل غزة تعليمات كيف مفروض يتصرفوا؟ ليش وخير وعلى أي أساس؟؟.
11
14
75
أول مرة بنزل هيك اشي، بس هدول أكثر من مجرد أصدقاء الطفولة وجيران، هم عيلتي الثانية حرفيًا، بيتهم كان بيتي بلا مبالغة، حاليًا بحاولوا يطلعوا من غزة لإنهم صفوا بالشارع بعد ما أبراجنا انمسحت، لو ما بتقدروا تساعدوا انشروا على الأقل، ربنا ما يورجيكم شر بأحبابكم
6
150
66
الله يلعن العالم اللي ممنوع تعترض وتحكي ما بدّي أموت فيه، ممنوع حتى تنفجر من الغضب والقهر وتعبِّر عن شعورك، مكفي تنظير علينا ومزاودة ع وجعنا، محداش بيحقله يحاسبنا على ردة فعلنا، ولا أي حد مين ما كان!.
3
13
65
اليوم عيد ميلاد أختي نورا، نورا اليوم بصير عمرها ١٥ سنة، نورا بحرب ٢٠٠٨ كان عمرها ٢٠ يوم، من أول ما شافت الدنيا لحد هلأ وهيَّ عايشة بحروب وقصف وموت ودمار وخوف وحصار، نورا زي كل أطفال غزة، عندها كثير أحلام، نورا مش هتسامح هاد العالم، ولا أنا مسامحته والله.كل عام وآدم وكل غزة بخير.
4
25
52
كيف الليل بيجي هيك بسرعة؟؟ ما لحق النهار يطلع، يا رب سلِّم، يا رب ما تفجع قلوبنا بأي حد.
4
7
46
قلتولي حشرناهم آه؟ حسبنا الله ونعم الوكيل .ربنا ينتقم من كل حد كان سبب نوصل لهون، وكل حد كان قادر يوقِّف هالإبادة وما تحرَّك.
2
13
46
أقسم بالله قلبي وجعني، مراسل الجزيرة نسي المايك تبعه مفتوح، وبلشت تجيه مكالمات اطمئنان من الأهل والأصحاب، احدى المكالمات كانت بنته طفلة بتحكيلي يا بابا روِّح يا بابا، ليرد عليها المراسل:" أروِّح؟ ما بينفع يا بابا أروِّح، أنا بشتغل، حكولي إنّك قوية وشطورة" وبعدها انقطع الاتصال. .
0
13
47
متى الناس بدها تستوعب إنّه البشر مختلفين؟ وعادي مش كل الناس تكون مستعدة تضحي بكل اشي عندها وحياتها وحبايبها وبيوتها، زي بالضبط ما في ناس مستعدة تضحي بكل اشي، وإنّه هم ما بيطلعلهم يحاسبوا حد ولا يعتبروا إنّه أي حد فيهم غلط لمجرد إنّه مش شبه أفكارهم؟ متى بدنا نبطل نعلِّي ع بعض؟.
7
7
41
جماعة مجرد فكرة تهديد المقاومة وقدرتها على تنفيذ التهديد تمامًا في الوقت المحدد، واستخدام نفس أسلوب الاحتلال بارسال رسائل على هواتف المستوطنين، كفاية يثبت قدرة المقاومة!.
1
22
48
ضروري جدًا، محتاجين نشتري طحين في خانيونس.ضروري جدًا. اللي بيعرف أي حد أو مكان يبعتلي.
1
35
46
فكرة إنّه وصلنا خبر استشهاد ابن عمتي بعد أسبوع كامل من استشهاده هي فكرة قاتلة بتحرق الروح وبتدخل الإنسان في مليون دوامة أسئلة! يا ترى مين كمان استشهد ولسّا ما عرفنا؟ يا رب رحمتك.
4
11
42
غزة تدمرت وانمسحت مسح وحبايبنا راحوا، وبيجي واحد قاعد ببيته ع سريره يحكيلك شعلة التحرير، يا شيخ إن شاء الله بنشوفك انتَ مولِّع شعلة التحرير، والله ما في عندكم ذرة دم ولا حياء.
5
4
41
مقهورة من اعتياد موتنا، بتهونوا موتنا بإنّه احنا شهداء؟ احنا شهداء وبنحب الشهادة، يا ما أحلى الشهادة، بس الناس اللي استشهدت كانت برضه بتحب الحياة، بدهم يعيشوا، عندهم أحلام، ليش بتستكتروا علينا الحياة؟.ليش صرت أشوف الناس معتبرة الموت مصيرنا المحقق وممنوع نحكي بدنا الموت يوقف!ليش؟!.
2
26
40
طيب يعني لمتى عنجد؟ عنجد لمتى؟ لمتى هنضل نموت وننقتل وننحرق كل يوم، لمتى هنرجع ونعطش ونبرد وننقطع عن العالم؟ محداش ناوي يعمل اشي؟ محداش ناوي يوقف هاي المحرقة والإبادة؟؟.
4
18
39
ڤيديو شارع الرشيد مؤلم مؤلم مؤلم، حسبنا الله ونعم الوكيل، والله ما بنسامحكم.
1
13
38
نفسي يعملوا app انه اذا حد نفسه ينزل يتمشى مثلًا وبده حد يمشي معه ومش لاقي ف احنا نلاقي بعض ع ال app وننزل نتمشى مع الناس والدنيا حلوة.
5
14
35
تحويل الدعاء ل يا رب القيامة تقوم، لإنّه واضح مستحيل تخلِّص هالحرب، هاد عالم حقير قذر مبسوط ومنتشي بدمنا، محداش فيه هيحاول يوقف هالإبادة والجرائم هاي كلها، يا رب تقوم القيامة ونروح عند العزيز الجبار يحاسب هالمجرمين ويقتص منهم، حسبنا الله ونعم الوكيل.
1
13
35
كل اشي كوم وأخواني الصغار كوم ثاني، ما ببطل تفكير فيهم، أكلوا؟ شربوا؟شبعوا؟ بردانين؟خايفين؟، لو تشوفوهم ما أحلاهم ولا أشطرهم، كلهم أوائل بالمدرسة، وكلهم مؤدبين وهاديين، كانوا متحمسين أخلِّص الامتياز وأروحلهم:(.يا رب ينجوا وبضلهم بخير، أخواني لسّا أطفال ما شافوا الدنيا والله.
4
8
34
شفت بوست مشيّرته صديقة مصرية، صورة لكفن مكتوب عليه" أشلاء عائلة البدرساوي"، صاحبة البوست مرفقة الصورة مع كابشن" يعني إيه؟؟"، فكرته سؤال استنكاري، بس طلعت جد مش فاهمة، وحوالي ١٠٠ كومنت بيسألوا نفس السؤال، مش عارفين شو يعني أشلاء. أول مرة شفت أشلاء في حياتي كان عمري ٨ سنين، بس هيك.
2
11
30
حاسة الناس بتتفرج على إبادتنا زي مسلسل، وڤيديوز المقاومة هيَّ اللقطات الحماسية اللي فيه، بس بالأول وبالآخر هو مسلسل، بيطفوه وبيروحوا يناموا أول ما يحسوا إنّهم تعبوا.
11
5
34
ما بعرف إذا حد غير الغزاويّة ممكن يفهم معنى هاد الحكي، بس أنا صرت أخجل أكلم أصحابي، أخجل اسألهم عن حالهم، بكون نفسي أدفن راسي بالأرض وأنا بحكيلهم كيفكم، بس لمجرد إنّه ما حضرت هاي الحرب، وحقيقي مخي مش مستوعب من وين ممكن الناس تجيب الاستحقاقية هاي كلها بالتنظير علينا!.
2
5
27
امبارح كانت مناقشة آخر حالة اشتغلها في سنة الامتياز، يعني رسميًا صرت طبيبة أسنان، بابا كان متحمِّس لهاد اليوم أكثر مني، حتى بالحرب ضل يسألني يتأكد إنّي بروح ع الدوام، بدل ما يكون يوم احتفالات وانبساط، حتى اتصال لأهلي ما حصَّلِت، ما قدرت أحكي مع بابا، كل شي بلا معنى، كل شي مؤلم!.
4
4
31
@GhadirAkram يا شيخة يتنيلوا واحد يلحق الثاني، شاطرين بس في الشعارات الالكترونية، آخر اليوم كل واحد فيهم بيسكِّر جواله وبينام ولا فارق معه الدنيا آمن مرتاح البال، مزع يمزعهم كلهم.
0
2
29
مين هيرجعلنا غزة؟ مين هيرجعلنا أحبابنا؟ مين هيرجعلنا شوارعنا؟ كيف هنرجع نعيش والدم طال كل شبر في البلد.
5
7
30
دمنا فداء لكل اشي، بس ولا حد دمه فدانا، الله لا يسامحكم بس، هتتحاسبوا ع استخفافكم بدمنا وتسليمكم لتضحياتنا، الله لا يسامحنا إذا بنسامحكم، ربنا يورجينا فيكم عجائب قدرته على سكوتكم قدام اللي بصير فينا.
0
8
29
اللي بيقهر إنّه كلنا عارفين إنّه لو المقاومة طلعت صورت الجنود اللي هم عنجد جنود مش مدنيين بحكوا عنهم جنود كان قامت الدنيا وما قعدت، كان ما ضل دولة بالعالم إلّا راحت قصفتنا مع الاحتلال، كان كل العالم وصمهم وصمة أبدية بالإرهاب، بس لإنّه الاحتلال عمل هيك هتكون صورة نصر يتغنوا فيها.
3
17
29
ممكن أعرف ليش حد من برا غزة بيتدخل بأمورنا الداخلية؟ من وين جايبين هاي الاستحقاقية؟ احنا وحكومتنا بنتخلص يا عمي شو دخل سماكم مش فاهمة أنا!.
2
2
31
محداش هيحس أو هيستوعب خساراتنا غيرنا، في داهية كل شي، بس زينة شبابنا راحوا، قاماتنا العلمية وأساتذتنا، أشطر الأطباء، الصحافيين، المسعفين، أبطال الدفاع المدني، أطفالنا أحلى أطفال بالعالم، كل شي بيتعوض بس هدول ما بيتعوضوا، سرقوا منا أعمدة مديتنا، سرقوا منا كل اشي ممكن يرجعنا للحياة.
0
11
31
جماعة أنتم عندكم فكرة إنّه احنا لا نملك رفاهية الإنهيار بغزة؟ عادي القصف يكون فوق راسك طول اليوم وفي أي ثانية ممكن تستشهد بس ما بتقدر تنفجر بكاء ولا صراخ من اللي فيك لإنّه في ناس معك وكله زيّك ولازم تمسك حالك لإنّه الوضع لا يسمح تنهار.
3
17
29
اسمعوا لمّا حد يبعتلكم ع صراحة ما احلاكي وما ازكاكي وبتتاكلي وبتنشربي ومدري شو ،هو والله نفسه الّي بتحرش فيكي لفظيًا في الشارع، الاثنين نفس الاشي عزيزاتي.
3
5
27
بعد ما أهلي وجيراني اخلوا وتوجهوا للمدارس، المدارس ما فيها مكان وموقفينهم على أبواب المدارس، يرضي مين هاد يا الله يرضي ميين؟ وين نروح يا بشر وييين.
0
10
28
شفت قال إعلامي أردني بيعلِّق ع حكي معتز باللقاء، والله أحا، رسمي أحا يعني! الله يلعنها الاستحقاقية اللي عندكم، الوقاحة والجرأة في إنّه يعطي رأيه في حكي إنسان حرفيًا ممكن يموت في أي ثانية! ميلة تشيلك أنتَ ورأيك! ممنوع علينا كل اشي غير الموت، يلعنكم بس.
2
6
26
يا الله مش مستوعبة إنّه الدنيا شتاء، يا رب رحمتك بأهلنا يا رب، حسبنا الله ونعم الوكيل.
0
3
26
ضروووري جدًا .حد بيعرف مكاتب أو اي حد بيستقبل حوالات في غزة؟؟؟.
4
21
26
@NourGaza الحل المتخلف مش السلمي، السلمية هاي بس نتخانق مع أخواتنا بالبيت ع مين ياخذ ريموت التلفزيون، غير هيك حكي فاضي، قال سلمية، والله حلو يقتلوا أهلي وأروح أنا أعمل حل سلمي.
0
2
20
٣٠ يوم، ٣٠ شمس و٣٠ ليل، ٣٠ يوم من الفقد والدمار، ٣٠ يوم من أشكال الموت المتعددة، ٣٠ يوم ولسّا حاسة حالي بحلم، مش قادرة أصدِّق، حسبنا الله ونعم الوكيل.
0
13
21
الناس بتفكِّر الغزاويّة مبسوطين وهم ينزلوا go fund me لا يا حبايب مش مبسوطين، وكارهين حالهم حتى النخاع، بس هاد ملاذهم الأخير والوحيد، وأنتم جزء من السبب، ف استحوا بليز لإنّه احنا عنجد بالعافية طايقين حالنا.
0
8
20
كل يوم بتأكد إنّه اللي ما عاش حرب بحياته ولا عمره بيقدر يفهم شو يعني حرب.
1
7
24
يا الله مش قادر مخي يصدق اللي بصير .مش قادرة أستوعب إنّي حتى صوت أهلي مش عارفة متى هرجع أسمعه.يا رب لطفك فينا، ارحم ضعفنا يا الله.
1
2
21
بس أحكي لأصحابي المصريين عن اللي كان بصير في سيناء أُقابل بوجوه مصدومة مليانة تساؤلات، محداش بيعرف اشي حقيقي، الإعلام هون نجح في تغييب الشعب عن الحقائق بشكل مش طبيعي، ما بيعرفوا شو بصير ببلدهم، ما بالك بالبلدان المجاورة؟.
المصريين بمصر وخارجها تركونا لوحدنا ف سيناء نواجه حرب بقصف جوي مصري وإسرائيلي ومجازر لعائلات وحصار وجوع ١٠سنوات مفيش فيهم حمله انسانيه ف شارع مصري ولا وقفه علي نقابة الصحفيين ولا لافته في شارع بره لوقف القصف والحصار علي سيناء .لا وبيزعلوا لما نقول الحقيقه دي وتشتغل حالة الإنكار.
2
4
19
مش قادر مخي يتعامل مع فكرة إنّه غزتنا حبيبتنا صار فيها هيك، أهالينا وولاد غزة العزيزين صار فيهم هاد الإجرام على مسمع ومرأى العالم كله، مخي رافض يصدِّق إنّه ولاد غزة جوعانين وعطشانين، مجروحين وبينزفوا ومحداش متطلعلهم غير ربنا، يا رب رحمتك والله انجنيت انجنيت.
0
14
21
يما يا غزة ما احلاكي واصغرك ،الواحد.بلف غزة في ساعة، من رفح للقاهرة فوق ال١٢ ساعة و٣ لاسكندرية ،ورجة تاني يوم ع القاهرة ،وبعدين الآن في الطريق إلى الإسكندرية،ياخي مالها غزة ماااالهاا!!!!!.
8
0
20
ما هو لو الناس تفهم وتستوعب الفرق بين حماس كفصيل سياسي وحكومة، وبين المقاومة يمكن يبطلوا تنظير وفلسفة ع سمانا، ميلة تشيلكم ما تخلي واحد فيكم.
0
5
21
نفسي أرجع لهموم الحياة العادية، نفسي ترجع أكبر همومي هيَّ المستقبل والجامعة والعلم والشغل، نفسي أبطِّل محتاجة ادعي نموت كلنا مرة وحدة ونرتاح.
0
6
20
جنون جنون جنون، مخي رافض يستوعب، هاد المكان صار مقبرة!!! على بعد خطوات من هاي القبور بيت صديقتي هيا، هاي الشوارع مشيت فيها مليون مرة هاي الشوارع حافظتها بصم، يا ربي رحمتك.
امتلأت المقابر في شمال غزة ولا يوجد وقت ولا أدوات لحفر المقابر الجماعية فيتم دفنهم في الساحات الفارغة وسط المخيم. يحدث هذا بعد شهرين من الحرب والحصار على #غزة . 📹 محمد أبو سلامة
0
18
20
إسراء حبيبتي المهندسة المجتهدة استشهدت، وبراء الدكتورة القمر استشهدت، ادعولهم ادعولهم، راحوا عند ربنا أحسن من هاد العالم الظالم، حسبنا الله ونعم الوكيل، والله ما بنسامح، ما بنسامح ولا بننسى.
4
8
20
شفت ڤيديو لأبراج الندى، وڤيديو طريق الشيخ زايد والأبراج، ولهسا مخي مش مستوعب، رغم بعرف أبراجنا راحت كلها، بس الشوف غير السمع، القهر يا الله رح يقتلني، لعنة الله على الاحتلال وكل متخاذل! حسبنا الله ونعم الوكيل.
1
8
17
اسمعوا احنا الفلسطينية أو سكان قطاع غزة بالتحديد أحسن مخلوقات ربنا ،وفش حد في إم الكوكب كله أحسن منّا وبس.
9
2
22
لعنة الله على كل حد بيتاجر بآلامنا ودمنا ومعاناتنا، حسبنا الله ونعم الوكيل بس بكل تجار الحروب والمستغلين عديمين الدم والضمير.
4
3
19
غزة أحسن من مليون بلد في الكوكب ،أقسم بالله الواحد ما ببدل شباك بيته في بلده بقصر في بلد ثاني ،ملعون أبو الظروف إلّي بتخلّينا نسيب بلدنا.
5
3
18
الناس متى بدها تخرس أو تستحِ؟ .سؤالي الأبدي.
السادة المشايخ والعلماء الكرام.هل يجوز الوضوء بماء المطر مثلما يفعل هذا الرجل من غزة؟.أرجو منكم عمل إشارة لمشايخنا ودعاتنا وعلماء أمتنا حتى يفتونا في أمرنا تكرمًا
8
2
18
عاري الأيدين والقدم واقف لأعدائكم .هو النهارده هنا بكرة تلاقوه جالكم .ف هل هتخرج تواجهه زي أطفالكم؟ .ولّا سواقي النضال نشفت وماءها جف؟.بحب حالي في يوم ما بشوف أحوالكم.
1
3
18
تقريبًا ما ضل عائلة في غزة ما صار فيها مجزرة، يا رب رحمتك فينا وفي أهالينا، تقبلهم شهداء واجعلهم شفعاء لنا يوم الحساب، ربنا يثبت علينا العقل والإيمان لإنّه الواحد قرَّب جد يفقد عقله.
2
10
17
الناس هجموا عليها مشان حكت ع البسكوت معطر، صارلي بمصر ٦ سنين وجربت كثير أنواع، هو فعلًا في طعم عطري زي كإنّهم مزودين ماء زهر أو ماء ورد، أنا بحب الطعم بس هو غريب عادي مش أي حد بيتقبله، الناس مبطلة تتحمل كلمة، مش طبيعي!.
4
0
16
نقول ثاني، أي حد برا غزة سواء غزاوي أو غيره، ما تفكِّر لثانية تعطي رأيك بكيف مفروض يتصرفوا بغزة، ممنوع تعطي رأيك فيهم ممنوع تحكيلهم كيف وليش ووين، روح اقعد معهم بعدين بصير خير!.
1
4
20
صحيح ،اليوم ماشيين بأمان الله بالشارع وعادي ،غدير وماما قدامي وانا وراهم وهم بحكوا وهيك ،وانا حاطة سماعاتي وبحالي ،ف فجأة ماما بتحكيلي "بصي أنا هاخدك بكرة سوق الكتب تشتري كتب" ،كنت هعيّط من الفرحة يا اخوان.
1
0
18
آخر جملة بابا حكاها قبل ما تفصل المكالمة:." والله أنا كثير بحبّكم يا بابا" .يا رب انتَ عالم بحالنا، الطف فينا يا رب.
5
7
17
يعني محداش هيجي يفيقني ويحكيلي هاد كابوس وكل شي شفتيه ما صار وكل حبايبك لسّا موجودين؟ كيف هاد مش كابوس؟ كيف هاي حقيقة؟ يا الله الطف فينا خلص أنا مخي رافض يصدِّق أي اشي مش مستوعبة والله.
3
5
15
طلع النهار يا جماعة تخيّلوا؟! ولسّا عايشين الحمد لله.
10
1
18
القهر اللي بقلبي رح يقتلني. مش مستوعبة ولا قادرة أصدِّق.
1
4
14
كل يوم بقعد أفكِّر ف كيف يعني بيتنا راح عنجد، ما بعرف كم سنة بده الإنسان يستوعب إنّه فقد كل ما يملك، ذكرياته، وبيته وحارته وكل شي، ما بالكم بفقد البشر؟ هنعيش ونموت قبل ما نستوعب والله.
0
9
15
أي حد بيزاود ع الناس اللي طلعت من غزة والشمال ع الجنوب يا رب يعيش اللي عاشوه، خلص يا عمي تعبنا تنظير وفلسفة ع الخلق، الناس طلعت من تحت الموت ومشيت في طريق الموت ورايحين للموت، محداش يزاود عليهم، حسبنا الله ونعم الوكيل.
2
5
16
ولا بعد مليون سنة بالحياة رح مخي يقدر يستوعب اللي صار ولسّا بصير، يا ريتنا متنا ولا شفنا هالأيام.
0
2
16
يا نموت كلنا يا معجزة توقف شلال الدم هاد، ما ضل فينا عقل ولا قلب نتحمل، كثير علينا هاد القهر، والله كثير علينا.
0
7
15
٣- اللي بيرجع يشتري منهم هو مجرم ومشارك في قتلنا لإنهم عارفين منيح شو قاعدين بيعملوا حتى لو اعتذروا مليار مرة.
زارا نزلت اعتذار تبوس الأيادي! وحذفت كل الحملة كلها. وبنفس الوقت خلت البوست القديم اللي اعترضوا عليه الصهاينة وحكوا وقتها انه بيدعم فلسطين بألوانه. المهم في الموضوع. ١. انو اي حد بيتجاوز لازم نحاسبه! .٢. المقاطعة دايما بتجيب نتايج
0
9
17
الله يلعن العالم، كيف محداش بيحكي عن صالة الأفراح!! ولكممم متخيّلين كم حد كان فيها؟؟ كيف محداش بيحكي!!! اختفت من الوجود يا عمي تبخرتتت!!!.يا الله ارحمنا برحمتك.
1
10
15
@ktaebalqassam @GhadirAkram لإنًهم عاملين تعتيم إعلامي على تقدم جيش الاحتلال مشان ما يعطي فكرة إنّه المقاومة مش بخير لا سمح الله، بس هاد التخبيص بودي الناس في داهية والناس بتموت بسبب إنها بتتحرك ومش عارفة الاحتلال وين واصل.
0
2
15
ما بعرف شو وجهة نظر العالم بالموضوع بس مش كثير فارق معي يعني، بس أنا بينحرق دمي من مجرد مصافحة باليد مع الصهاينة، مجرد مصافحة كفيلة تقهرني وتحرق دمي، ف لا تبلشوا بسياسات وحكي فاضي، اللي ما عنده الجرأة يترفع عن مصافحة المجرمين مش هيكون عنده الجرأة عنجد يوقف بوجههم.
2
4
16
لا إنت عارف تفرح ولا تزعل ،تفرح مشان رايح للإشي الّي بدك ياه ،ولا تزعل لإنك سايب حالك هنا ورايح.
4
0
16
تولين أختي اللي عمرها ١٠ سنين اليوم شافت ناس بيموتوا قدامها، وكانت زعلانة مشان خالتو جارتهم بالخيمة عرفت اليوم إنّه ولادها الاثنين بجباليا استشهدوا، وبعدها بكم ساعة عرفت إنّه الثالث كمان استشهد، توتو حكتلي كل هاد الكلام وأنا ضليت ساكتة، ما عرفت شو أحكيلها، الله يلعن العجز والقهر.
1
8
12
والله يا ليتني مِتُ قبل هذا، يا رب رحمتك رح افقد عقلي.
1
10
16
السؤال الحقيقي، حتى بعد ما تخلِّص الحرب، كيف هنقدر نرجع نعيش بالبلد وهي كل شارع فيه مقبرة؟ كيف عنجد؟ كيف رح نقدر نمشي بالشوارع بدون ما نشم ريحة الدم فيها؟ كيف هنقدر نمشي بدون ما نحس القبور تحت رجلينا؟.
1
7
15
موضوع قطع الاتصال هاد عنجد بده تحقيق!! مش منطقي كل ما بده الاحتلال يعمل مصيبة بتنقطع كل الاتصالات والانترنت وفجأة بيرجعوا بس تخلِّص المصيبة! مش منطقي الاشي!.
3
6
14
قصفوا العناية في مستشفى القدس!!! العناية يا عالم يا مجرمييين، حسبنا الله ونعم الوكيل.
2
9
15
المشكلة الناس يا الله مش مستوعبة التكدس البشري في رفح، صاروخ زنانة كفيل يقتل عدد مش قليل!! لإنّه ببساطة البشر زي النمل يا الله! شو بده يمنعهم يكملوا كل جرائمهم في رفح؟ شو العالم مستني يعني؟.
1
5
14
كل يوم نقاش مع حالي أحاول أقنعني إنَه البلد تدمرت وإنّه أصحابي استشهدوا عنجد وإنّه بطَّل عندي بيت، رح افقد عقلي يا الله.
2
3
15
محداش ممكن يكون مستوعب شعورنا كغزيّين في الغربة غيرنا، بتعرفوا شو يعني تحسوا بالذنب إنَكم اشتهيتوا أكلة؟ تكونوا بين مليون فكرة زي" كيف بجي ع بالي الأكل بهيك ظروف؟، كيف بفكِّر بالأكل وأنا أهلي مش لاقيينه؟" تخيّلوا هاي الفكرة البسيطة كيف ممكن تحرق روح الواحد وعقله كيف باقي الأشياء؟.
1
4
15
يا الله نفسي أحضن كل غزة، أشيلها وأحضنها وأحكيلها آسفة يا حبيبتي، آسفة إنّه العالم خذلك وسابك وحيدة أنتِ وولادك يا حبيبتي، آسفة إنّه العالم سابك تنزفي وتفرَّج عليكِ، آسفة إنّه محداش بيعرف عنك وعن ولادك الحلوين الشاطرين النُخبة، يا حبيبتي يا غزة، يا عِزة العالم كله.
0
4
15
ما بدّي أحكي عن مشاعرنا، بس مستوعبين إنّه فعليًا لهلأ ما عملنا إعادة اعمار من بعد الحرب الماضية؟مستوعبين الفكرة؟ لسّا في شوارع ما انعملت والبيوت ما انبنت، لسّا الأرض ما تعافت ف كيف البشر؟.
0
4
16
@iAnasMatar لا أنس الدنيا مولعة هناك، بس التغطية صفر حرفيًا، المستوطنين معجبين عليهم اشي مرعب، أصحابي بيحكولي بأهوال، اقتحامات واعتقالات وقتل على العلن.
0
1
15