عزيزي صاحِب الظل الطويل.. لقد حل الخريف من جديد، فصل الحنين والرحيل وما زال ظلك بعيداً عني. أوراق عمري تتساقط ورقة ورقة، و ما زلت انتظر قدومك، أخاف أن يكون عمري خريفاً تلو الخريفِ ولا ربيع يأتي، العالم يدور من حولي وأنا مازلت أدور حول ظِلك.
حاسة دي الناس عامة مش تويتر بس
لسة كنت أنا وسهيلة لابسين نضارات شمس و دخلنا شارع مافهوش شمس راح في واحد زعق فينا "لابسين نضارات شمس في الضلة جاتكم القرف مليتوا البلد"
@maiomaaaaa
أتمنى تراجعي أخطائك الإملائية و الفكرية لضرورة القصوى
وما تبقيش تعملي لايك لنفسك تاني عشان الحركة دي بطلت من 2013، نفس السنة اللي انتي مستلهمة منها حسك الفكاهي يا فاشونيستا 🌹
عمري ماكنت أتخيل اني ممكن أكتب كلمة عدلة في حق طب سوهاج والله
بس كون 25% بس من الدفعة عدت دي مش مشكلة الكلية إطلاقًا
كإنك بالظبط بشتم في الفلتر بتاعك عشان خرجلك شوائب أكتر من العادي
طب ما هي دي وظيفته
المشكلة في شركة الماية اللي سمحت بوصول ماية بالسوء ده للفلتر بتاعك من الأساس
قسمًا بالله لاحكي لولادي ولولاد ولادي
قسمًا بالله لنفكركم بعمايلكم السودا كل شوية
قسمًا بالله بقى جوا كل واحد فينا نار و قهرة و كره ياخدكم من على وش الأرض
قسمًا بالله ما هننسى ولا هنهدى ولا هنسامح
قسمًا بالله ما هنصدق تاني كلب في العالم ده مدعي للتحضر و للمثالية واتخرس دلوقتي
الأبديت الجديد ده موتر أوي
ايوا يعني التويت دي ظهرالي ليه ؟ مين عامل للشخص ده فولو ولا مين اللي عامل للتويت دي لايك ؟
الشخص ده انا مش عاملاله فولو ظاهرلي ليه ؟
و التويت الغريبة دي تبع مين ؟
في واحد كان عنده OCD بشع عامله اكتئاب، لحد ما قرر يقتل نفسه ، حط المسدس في بوقه و داس
الدكاترة شالوا معظم الرصاصة من مخه
بعدها اكتشفوا انها بوظت في مخه الجزء اللي مسئول عن مرضه العقلي بس و مأذتش أي حاجة تاني حتى الIQ بتاعه متأثرش و خلص مدرسة و دخل جامعة عادي جدًا ابن المحظوظة
انشغال الدراسة وتعبها أهون بكتير من الفضا و الفراغ اللي في الاجازة على الأقل مواعيد نومك متنظمة أكتر و يومك مليان حاجات كتير تعملها
وأي حد متفق مع الكلام ده حلال فيه سكاشن الساعة 8 لباقي حياته
يا ريت في التصحيح بتاع الباثولوجي مايبقوش يدققوا عالحاجات البسيطة زي أحجام العينات و لونها و شكلها و اللي موجود جواها و نوع الخلايا تحت الميكروسكوب و شكل الstroma و الdiagnosis و الorgan اللي واخدين منه العينة
كلها تفاصيل دقيقة أوي أتمنى مايركزوش فيها
كل ما بتوتر وبخاف على درجاتي وترتيبي جوا "المؤسسة التعليمية" بفتكر في سنة أولى لما خلونا نعمل vote على إجابة في امتحان مادة ما عشان يختاروا هيحسبوها أنهي الصح بناءً على نتيجة ال vote, بضحك جامد و بقول لا إن شاء الله مفيش مؤسسة تعليمية ولا حاجة
عايزة أشاركم فاعليات معرض الكتاب عشان اليوم كان جامد مووت 🥰🥰
و مسنتينكم تيجوا بكرة معاكم من ٤ لحد ١١ بالليل في نادي الأطباء في القاعة اللي جنب الكافيتيريا ❤❤❤
مرة واحدة كدة وانا قاعدة افتكرت لما مرة دخلت حمام المدرسة لقيت اربع بنات متشحتفين من العياط افتكرت في مصيبة ولا حاجة بس طلعوا بيعيطوا عشان يومها Zayn ساب One direction
أنا من اعدادي ولحد دلوقتي مقاطعة شركة تجميل معينة عشان الرسالة اللي في إعلاناتها مش بتعجبني و بحسها مهينة
ممكن تقاطع شركة عشان أسعارها أو عشان مسيئة للعمالة بتاعتها أو لأي سبب ضايقك خلاك تاخد موقف منها
المقاطعة حق ليك أيًا كانت أسبابك وماتخليش حد يحسسك بالذنب بسببها
كلمة ملح بالتركي بتتقال (طُز) و أيام الدولة العثمانية الملح مكانش عليه ضرايب فلما كان موظفين الضرايب يعدي قدامهم تاجر معاه ملح يقولوا لبعض (طُز) اللي هو ده ملح ياعم عدّيه عشان ولا هيوزنوه ولا هياخدوا عليه فلوس ولا أي حاجة ومع الوقت بقت كلمة طز كناية عن قلة الأهمية 🤷♀️
امبارح كان يوم جامد لدرجة اني قولت استحالة يوم بالجمال ده يتكرر ، النهاردة بقى طلع أحلى منه 🥰
شكراً لكل اللي نورونا إمبارح أو النهاردة و نتمنى تكونوا انبسطتوا
استنونا لو هنمد المعرض أيام تانية هنعلن في الصفحة بتاعة smsa ❤
عايزة أشاركم فاعليات معرض الكتاب عشان اليوم كان جامد مووت 🥰🥰
و مسنتينكم تيجوا بكرة معاكم من ٤ لحد ١١ بالليل في نادي الأطباء في القاعة اللي جنب الكافيتيريا ❤❤❤
انت مش عارف انت بتكلم مين ؟ انا شخص emotional يا حبيبي
يعني لما انت كنت بتدي الأمور حجمها الطبيعي أنا كنت بعيط على حاجات عبيطة
ف لو تجيبلي معاك مناديل دلوقتي أكون شاكر جداً عشان شكلي هعيط تاني
والله ماتعودناش عالمناظر
بس تعبنا من إننا نقنع السفاحين إن ضحاياهم بيموتوا
ولا ترجمة ولا جدال نافع معاهم و أعتقد إننا وصلنا لمرحلة إن حجة الجهل وقلة الوعي سقطت عن الكل
أي حد لسة مع الصهاينة أو محايد فهو بيعمل كدة من منطلق عنصرية بحتة و دمنا في عينه رخيص ومش مستني مبرر لقتلنا
بالله عليكم إزاي عندكم طاقة تناقشوا الإرهابيين و القوميين المتطرفين على تويتر ؟
في ثانوية عامة فضلت شهرين مثلاً ارد على مستر كان بيقولي يا رحمة أقوله نعم عادي من غير ما أوضحله إن ده مش اسمي عشان كسلت
مع دخولنا كلية الطب ، بتكون هي دي بداية طريق ومشوار طويل وخطوة جديدة ف حياتنا .. 🛣
بتبدأ تجيلنا أسئلة كتير عن أنا هبقي ايه لما اتخرج ، هشتغل فين ، وايه أصلا الفرص المختلفة اللي ممكن اقدم عليها .. 🌍
تابعونا علشان تعرفوا كل المواضيع المهمة ليكم بعد التخرج .. 👨🏻🎓👩🏻🎓
#SCOME
#SMSA
أنا هبتدي أقلل اعتمادي على الexternal validation و هعتمد بشكل أساسي على رأيي أنا
ولا انتوا ايه رأيكم يا جماعة؟ مش صح هيبقى أحسن؟ لو عندكم فكرة تانية يا ريت تقولولي
تخيلوا لو كنا بندرس طب في العصور الوسطى كان منهجنا هيبقى عبارة عن صفحتين باثولوجي و خمس ست نباتات نحفظ استخداماتهم و بس كدة ومفيش مايكروسكوب عشان يبقى في هستولوجي ولا مايكرو
ولو حد بدأ يتكلم عن الفسيولوجي هيفتكروه اتلبس ويولعوا فيه ونخلص
دفعتي منغصين عليا العيد والله كل شوية حد يشتكي من المنهج والزنقة وانا بجد من أول العيد بصحى الضهر وكل يوم اتفرج على فيلمين و مسرحية وباخد بريك في النص ألعب فيه uno مع اخويا
تطبيق الintegrated system عندنا عامل زي اللي قرا إن الكيكة بتاخد 40 دقيقة في الفرن على درجة حرارة 150 قام عاملها هي هي نفس الكيكة في 20 دقيقة على درجة حرارة 300
يا رب يكون الmale validation عجب حضرتك، المرة دي كان on other girls' expense ، بس نتمنى انك المرة الجاية تتجدعني و تحاولي تشوفيلك حاجة من شخصيتك المعدومة و انجازاتك الوهمية تتعايقي بيها من غير ما تقرفينا احنا
كلامك صح جداً لو انتي إنسانة الكهف، ساعتها من المنطقي إنك تختاري صاحب أكبر جتة عشان ده اللي هيحميكي من الوحوش الضارية ويصطادلك غزالة وهو راجع وتضمني إن عيالك يبقوا أقوياء زيه
بس بما إننا سبنا الكهوف من فترة، أعتقد من الغريب إن مخك مايبقاش اتطور عن مخ إنسانة الكهف لحد دلوقتي
انتوا ليه مش فاهمين ان ممكن الست متحسش بالامان مع الراجل ال بتحبه لمجرد انها شافته بيتضرب و حد بيهين كرامته و رجولته قدامها ؟ الست اكتر حاجة بتكون محتاجاها من الراجل ال بتحبه هي انها تحس بالامان معاه و انه هيقدر يدافع عنها فهي ملقتش دا فيه فطبيعي متبقاش مرتاحة ايه المشكلة في دا ؟
اللي خلصوا نسا وبدأوا أطفال عاملين زي اللي طول عمرهم في علاقات مع ناس بتأذيهم و بتجيبلهم مشاكل نفسية فلما قابلوا حد بيحترمهم و بيقدرهم فعلًا شافوه ممل وبارد عشان الموضوع مش بيتطلب منهم نفس القدر من السعي و الاجتهاد للحصول على رضاه
معظمنا و احنا بنتناقش دلوقتي بقى همنا نتشبحن/نتروشن أكتر ما نسمع و نتكلم و نعرض نقاطنا بمنطقية
اللي بيكسب النقاش هو اللي هيقصف جبهة التاني او هيقول جملة نقدر ناخدها سكرين شوت و نكتب عليها (كينج/كوين 🤣) حتى لو معندهوش حق في ولا حاجة بس احنا نموت في الpunchlines الفاضية
جارنير عاملين إعلان صبغة عبارة عن انفلونسرز ماسكين الصبغة يحركوها قدام الكاميرا و يغيروا لون شعرهم بfilters
يعني اللي دافعينلها فلوس ذات نفسها مش هاين عليها تغير لون شعرها بجد، أنا بقى اللي هقوم أجري أعمل شعري أحمر كريزي ؟ 😔
نصيحة أخوية: لو لقيتوا بوست بدأ بكلمة ميل و فيميل و مكانش بيتكلم على حيوانات أو دورة حياة حشرة أو طفيل ما، و كان قصده بني ادمين بجد
ماتكملوش
لصحتكم النفسية و الجسدية و حقنًا لدم اللي كاتب البوست نفسه بدل ما ترتكب فيه جناية