وسط وجع وحروب ودمار
مصر واقفة صالبة طولها
جوه دايرة تحاوطها نار
مصر كلمة سلام نقولها
بتدعي لسلام
وتطلب سلام
برغم القساوة
ومُر الكلام
قالوا عنها ساكتة يمكن !!!
قالوا عنها حاجات تحزّن
بس مصر كلمتها مبدأ
أرض حاضنة سلام ف خندق
#مصر_السلام
#ايڤيت_يوسف
لو بيقولك التحرش سببه الكبت
فهو متجوز وعنده اولاد
لو سببه الجهل
فهو متعلم ومعاه شهادة
لو سببه البطالة
فهو بيشتغل ف وظيفه مرموقة
لو سببه الفقر
فهو ميسور الحال
لو سببه جسم المرأة
فهى طفلة لم تبلغ
لو سببه البعد عن الدين
فهو متصور جنب الكعبة
لو سببه العشوائيات
فهو ساكن ف المعادي
زوجي اتوفى وبنتي الصغيرة عمرها٢٠ سنة إلا كام شهر
يعني لسة قاصر ف نظر القانون دوخت ف محكمة الأسرة عقبال ماطلعت اني واصية عليها لانهم طلبوا مني إثبات وشهادة وفاة جدها "حمايا"عشان هو اللي أحق بالوصاية
الراجل اللي لو عايش وهو فوق التسعين سنة أحق بالوصاية على بنتي مني !!
#الولاية_حقي
يا شرخ شاقق ف الحجر ويحسبوك غالب
أسكن جوارك ف السكن بخضاري أتعاجب
في الشكل أنا أشبهك في الروح أنا الأقوى
إنت السنين تغلبك وأنا من طيني أستقوى
#ايڤيت_يوسف
ألف حمد وشكر ليك يارب 🙏
بنتي الحلوة اللي كنت من كام سنة بقدملها في الحضانة اتخرجت انهاردة..بكالريوس تجارة إنجلش بتقدير جيد جدا
مبروك ياقلب ماما مبروك ياست البنات 😘 😍
تستاهلي كل الفرح والخير حبيبتي 💐🎉🎆🎇
@M_Shenda
الكهربا رجعت حالا عندي في الشيخ زايد
والنور المقدس ظهر في كنيسة القيامة
كل سنة وكل البشرية بخير ونعمة وفرح ونور
الصور والڤديوهات دي كنت في نفس اللحظة دي السنة اللي فاتت 💖😍
فرحة رهيبة ورهبة وشعور صعب جدا يتوصف حقيقي 😍
#المسيح_قام
#ظهور_النور_المقدس
صباح الخير ..شكرا لكل الناس اللي سألت عني في فترة غيابي عن تويتر ربنا يخليكم ..انا من شهرين زوجي الله يرحمه سافر السما وترك ارض التعب ادعوله بالرحمة ولينا بالصبر
عشان كدة كنت مش قادرة اكتب ولا كلمة علي تويتر ..دعواتكم
المنيا ...ياوجع القلب
بلد شعبها بتنجرح مشاعره لصورة فنان مع اسرائيلي وماتنجرحش ولا تتأثر بهدم بيوت وتشريد وضرب مواطنين جوه بلدهم ... بلد الكيل بمكيالين
الحمد لله انهاردة اتخرجت من دبلومة المشورة والإرشاد النفسي بعد مذاكرة اكتر من سنة ومحاضرات وواجبات اسبوعية وامتحانات كتير لثلاث مستويات
أشكر ربنا انه كرمني بالنجاح في الآخر بعد كل المجهود دة
#مشيرة_نفسية
يا خايف من نهار يومك
وعايق بس بهدومك
يا ساكت عن جواب الحق
ورغم الآه مجافي ال لأ
مسير بكرة يجيك الدور
وتتنشق على خيط نور
ما تلقى غير ضلام لومك
#ايڤيت_يوسف
زي انهاردة من 27 سنة ربنا وهبني أول فرحتي وابني البكري كل ما أبص لصورته دي اقول ازاي كبر دلوقت وبقى راجل أد الدنيا ومستنية فرحه قريب يارب فرحه واسعده وحافظ عليه هو واخواته وخليهم ليا وفرحني بيهم 🙏❤
يا أهل بلدي تابعوا احداث مبارتكم بصمت واحترموا آهات الوجع من صدور أهالي شهداء كل ذنبهم انهم ذهبوا لبيت من بيوت الله يصلوا طالببين الأمن والسلام لوطن إحتسبهم أهل زمة وضحايا يدفعون ضريبة حربه على الإرهاب
جربوا تنزلوا الشارع ومعاكم باقي الأكل اللي مش هيتاكل تاني في بيتكم..حطوه في علب مستغنين عنها او علب الاستعمال مرة واحدة بتاعة الديلفري
صدقوني هتلاقوا ناس نير متلهفة عليه إكسب دعواتهم
ولو لقيت قصادك كلب او قطة حطه قصادهم هتشوف بعينيك الحب والشكر في عيونهم
اعملوا كدة واحصدوا الفرح
ايه حكاية التايملاين اللي بيقول ان كبار السن فوق الأربعين دة ياجدعان 🤔😂😂
فيه معاكم هنا اختكم بتبتدي حياتها عادي في العام الأول بعد الخمسين
عادي أهو ما هو عادي أهو 😂😂😂
بمناسبة سافر إنت مش شجرة
الحوار اللي اتقلش عليه كتير طول اليومين اللي فاتوا ع التايم لاين
احب اقولكم ان بعض البشر احياناً تجبرهم الحياة أن يكونوا شجرة خوفا علي أعشاش طيورهم ومن يستظلون بظلهم
صورة لكل أم بترضع رضيعها وهي باصة للتلفزيون أو ماسكة الموبايل ولا بترغي مع حد.. أرجوكي وقت الرضاعة وقت مقدس حوارك مع الطفل ولمساتك الحانية ونظراتك المليانة حب أهم من أي حاجة في الدنيا
تفرغي له الدقائق دي ليكبر ابنك مليان ثقة وشبعان من القبول غير المشروط
#نصيحة
كنت رافضة التطعيم وجوايا احساس مش مفهوم ليه الخوف كدة من التطعيم ضد الكورونا
حاليا انا في قمة التعب
ايجابي كورونا والأعراض شديدة في اول اسبوع دعواتكم🙌
طبعا كدة عرفت قيمة التطعيم
السؤال ممكن اخد التطعيم بعد التعافي من الكورونا بكام شهر ؟
وجدير بالذكر اني مش بتابع اي مسلسل ولا برامج في رمضان.. بتخنق من الأعلانات وكمان مركزة مع بنتي في ثانوية عامة..ربنا يكرمها هي وكل اللي زيها في الأيام الصعبة دي
بنتي ف البنك الأهلي بتقولي حرفيا في ��ظاهرات عندهم قصاد الفرع والناس مش عاوزة تتفاهم ولا تلتزم بمساحات الأمان والمصيبة بيروحوا يعملوا حاجات هبلة تنفع من اهلي نت او من مكالمة خدمة عملاء
انا خايفة عليها وخصوصا انها مريضة حساسية صدرية
وحتي يوم حد السعف وانهاردة خميس العهد نزلت الشغل
اتقوا الله في موظفين البنوك في الفروع لانها وظيفة very high risk حالياً وحقيقي الناس مجهدة وبتتعرض لضغوطات عالية .. بجد لو مش مضطر تروح البنك ماتروحش .. لو مش مضطر تكلم البنك ماتقرفش الcall centre agents ... إرحموا تُرحموا
فى مثل هذا اليوم.. السيدة مريم العذراء تطأ أرض مصر حاملة "المسيح".. رحلة العائلة المقدسة بدأت من بيت لحم فى فلسطين إلى دير المحرّق بأسيوط.. قطعوا ألفى كيلو متر على حمار فى ثلاث سنوات.
كل عام ومصر بخير وسلام
#عيد_دخول_المسيح_أرض_مصر
من أكتر الحاجات اللي تفرح ان بنتي اللي كان كل امنيتها تدخل كلية فنون جميلة وكانت جايبة مجموع كبير فوق ٩٠ وللأسف سقطوها ف امتحان القدرات ومحموعها دخلها كلية اداب عين شمس
لكن هي رفضت تستلم وفضلت ورا حلمها وشغفها بالفن
واكتر حاجة فخورة بيها ان ليها شخصية وروح مميزة
ورا كل لوحة فكرة
متشلش ذنبي بلاش
أنا في الأساس مسواش
معدود أكنه مجاش
ده يعني لو معدود
تعرف يا بيه بالحق
أنا قلبي عمره ما دق
ولا قلت أه ولا لأ
فالعدل أكون مفقود
السلسلة مرجان
والسبحة للرحمن
وفيه مديلية كمان
وفيه الخرز عنقود
كلمات دكتور بشرى عجبان
هما قالوا كله رايح 😒
وإحنا قلنا كله جاي
هما خافوا م الفضايح
وإحنا عيشنا نهار وضي
هما دفنوا ف الرمل راسهم
حلموا حلم مش مقاسهم
وإحنا شبطنا ف ربع فرصة
شوفنا فيها ميتنا حي
هما قالوا كله رايح
وإحنا قولنا بكرة جاي
#ايڤيت_يوسف
رحل طبيب الغلابة #محمد_مشالي إلى جنة صنعها على الأرض في حياته وعاشها
فخرجت روحه لتكمل بها حياته الأبدية
الله يرحمه ويجازيه عن كل عمل خير صنعه أضعاف وأضعاف
🙏