سيأتِ العوض ،، العوض الذي لا نعلمُ مداه و لا نتقن حجم تدبيره ،، فقط نؤمنُ به كيفما كان ،، و على أي شاكلةٍ أتٍ ،، فقط لأنه من الله ،، إنّ الله على كل شيء قدير .
أنا صح مش #مصراتية بس يا #مستفحل قبل ما تتكلم على شرف حرائر #مصراتة ماتنساش إنه مصراتة أرض الأسود و الرجال و ماتجيب الراجل إلا الحرة سليلة الرجال يعني لو بتفكر تغلط بحرف بحق أي حرة مصراتية مصمص فمك بالزهر و حط ايدك على راسك و قول دونكم يا أسيادي
#إسبرطة 🤚💖👌
#Dalal_Raffa
مديري #ترهوني و الله كان تشوفوا كيف متعصب و طايرتله تموتوا من الضحك و قاللنا ردوا بالكم يجيني واحد يوم 28 رمضان يقولي نبي إجازة لا اطمن مانبوش إجازة نبوا نعيدو عندكم إن شاء الله 😂🤣😂🤣
#Dalal_Raffa
عقيلة صالح اليوم فضح نفسه رسميا حين قال نحن سنسلم خريطة #الألغام لحكومة الوفاق في حالة القبول بالهدنة و الجلوس للتحاور و إتفاق سياسي أخر و يجيك واحد راسه الله اعلم كيف مركبينه له يقولك كذب الثوار هم اللي زارعينه مش يظللوا الإعلام ظلل الله سيرتك و يمسحها بصاروخ حراري
#Dalal_Raffa
أنا كبنت مواليد 89 متقدملي عريس مواليد 65 متزوج و عنده بنتين و جاي متقدملي بحجة إنه زوجته مريضة و هو يبي الصغار و بيسكني مع امه وخواته في حوش بوه بالله عليكم كيف بيكون ردي عليه أكثر من إني انحي اللي في رجلي و نحطه على راسه رانا بنات ال80 مش عوانس ولا فاتنا القطار
#Dalal_Raffa
اليوم أختي كلمتني فرحانة و تبكي في نفس اليوم من سرت تبكي لأن اليوم عندها موعد فالعيادة و جماعة حفتر خشوا للعيادة لزوها وكشخوا عليها هي وكل الحالات وفرحانة إنه إسم زوجها طلع في قرعة الغاز ايييه قرعة الغاز سمعنا بقرعة حج لكن غاز مع حفتر مش حتقدر تغمض عينيك منورة يا سرت
#Dalal_Raffa
أنا كبنت من قبيلة أولاد سليمان #سبها تحية من وسط قلبي إلى عائلة آل #العلام إللي بجد أتشرف إنهم من قبيلتي و أعلنوا تأييدهم لحكومة الوفاق ودعمهم الدائم لثورة 17 فبراير و دائما هما السباقين في هذه الثورة يكفي تاريخ شهدائهم المشرف من القلب للقلب كل الحب لكم عائلة #العلام
#Dalal_Raffa
خالتي الحفتورية اللي عايشة في بنغازي فوق إنه ولدها مع الصاعقة و تجريحها هي و ولدها للناس و متحملين عشان صلة الرحم اليوم ربكم أراد أن يكشف النوايا بنتها لقيها خوي ادمن في قروب جيش سري لحفتر و تفويض مشيرهم و متكلمه علينا و محرشة قواتهم على خوي و حسبي الله فيها
#Dalal_Raffa
اليوم زادنا الله شرف بزيارة #أسدين من أحرار البركان #أسد_من_سبها و #أسد_من_مصراتة عالغذاء ومن فرحتي اليوم خشيت المطبخ وسكرت على روحي الباب بالمفتاح وطيبتلهم بروحي 😂 بابا قالي بإذن الله كل يوم نجيبلك مجموعة مش تتفنينيلي فالتطييب أحرار بركاننا حللتم أهلا و نزلتم سهلا
#Dalal_Raffa
يارب اللهم خفف عنهم حر الصيف و أنصرهم و ردهم إلى أهاليهم سالمين يارب هون عليهم حر الصيف و أزرع فى قلوبهم الثبات و القوة
☝اللهم أجرهم من حر الصيف و من حر نار جهنم
#بركان_الغضب ❤🇱🇾💝🔥💖
#Dalal_Raffa
طرابلس استشهد على اسوارها جميع أبناء ليبيا دفاعا عن الأرض و العرض ما ينفعش يجيني واحد 14 شهر راقد في بيته أو وين الله أعلم يقولي طرابلس للطرابلسية لا يا بابا طرابلس #العاصمة أم المداين هي اللي موحدة ليبيا كلها بالمعنى أصح طرابلس بيت العيلة إللي يلم فينا يا #متخلف
#Dalal_Raffa
زوج أختي خش للحوش لقانا معلقين أعلام الأستقلال قال لأمي أعلام الأستقلال تعلقهن الدولة على المؤسسات التابعة ليها مش يعلقوها عالبيوت أمي قالتله الحق مش فيك الحق في قلب بنت المعفن إللي خلتني اناسب زلم 😂🥰🤣😍👌 أمي الله يحفظها بعد تقصف خوذ ساتر
#Dalal_Raffa
#مسقط_رأسي_و_مدينتي_سبها
#رسميا
سبها تسيطر على #فيروس_كورونا_كوفيد_19 و شفاء أغلب الحالات المصابة و انخفاض كبير في أعداد الإصابات #مبارك_عليك_سبها
#شد_حوشك
#Dalal_Raffa
الحمدلله الذي لا يحمد على مكروه سواه على سلامة #أمي من حريق في #الكوجينة لولا فضل الله علينا كان سيؤذي بحياة أمي اللهم لك الحمد كما ينبغي لجلال وجهك وعظيم سلطانك
#Dalal_Raffa
أنا سبهاوية بابا سبهاوي و ماما مخلطة من سبها و مصراتة و زليتن و الشرق #جديد والد ماما بوه سبهاوي و أمه مصراتية و #نينا بوها عاقوري و أمها زليتنية من أولاد الشيخ و من صغري عايشة و كبرت و تربيت في طرابلس يعني ليبيا كلها أهلي و مستحيل شخص يفرقنا
#Dalal_Raffa
قصف جوي عنيف يلوح في الأفق على سرت و الجفرة و قريبا الجنجويد و الفاغنر إلى زوال احفظوا هذه التغريدة و انتظروا ما سيحدث في الأيام القليلة القادمة
#Dalal_Raffa
فرنسا تنهار بسبب #فيروس_كورونا حالات تتوافد على المستشفيات و سماع أصوات #صفارات_الإنذار في جميع إرجاء العاصمة الفرنسية #باريس ليتم إعلان إن #فرنسا ثاني دولة #منكوبة في دول الأتحاد الأوروبي بعد #إيطاليا
#بسبب_كورونا
إللي يجي على #ليبيا عمره ما يكسب
#Dalal_Raffa
﷽
( فلا تَقُل لَّهُما أُفٍّ و لا تَنْهَرْهُما وَ قُل لَّهُما قَوْلًا كَريمًا )
اليوم نزيلة في دار العجزة و المسنين جت الممرضة بتعطيها ابرتها يحسابوها راقده لكن اكتشفوا إنها ماتت و للعلم هي نزيلة جديدة فالدار
#برافو_لكل_من_باع_جنته_عشان_زوجته
#Dalal_Raffa
أنا بنت عمري 30 سنة من سكان عين زارة عشت معركتين للكانيات قبل حرب 4_4 و
هجوم وفيروس كورونا وثورة 17 فبراير وحرب قسورة وحروب متفرقة حدثت داخل طرابلس فنصيحة للأكبر مني ماينفعش تجيني وتقولي إنتي شن شفتي لأن و
الله لو سمعت هالجملة حنضيعلك الدقيقة إللي مازال من عمرك
#Dalal_Raffa
إن لله وإن إليه راجعون قال :- [ يَا أَيَّتُهَا النَّفْسُ الْمُطْمَئِنَّةُ ارْجِعِي إِلَى رَبِّكِ رَاضِيَةً مَّرْضِيَّة فَادْخُلِي فِي عِبَادِي وَادْخُلِي جَنَّتِي ]
إنتقل إلى رحمة الله تعالي إبن عم بابا جراء إصابته #بفيروس_كورونا و نقل زوجته للأنعاش لسوء حالتها
#Dalal_Raffa
اليوم عرس ولد عمي و الغريب في الموضوع إنه كلمة تفضلوا حتى بالكذب ماقالوهاش لينا و لا حتى قالوها لي بابا اللي هو عمهم كله عشان #حفتر احنا ضد حفتر و هما معاه و للعلم في شهر 7 اللي فات كان عرس أختي و عزمناهم و جو عادي و فرحوا و هيصوا و إحنا من عرسهم محرومين و عجبي
#Dalal_Raffa
إحنا سكان عين زارة كيف تبونا نلتزموا بالحجر و حفتر يقصف فينا بصواريخه و بيوتنا تهز والصغار جاهم إنهيار عصبي من صوت الضرب و الصواريخ منكم لله يارب يا منتقم انتقم من اللي دايرين روحهم حكومة في طرابلس هم وحفترهم في ساعة وحدة تلقوه و تتلقوه إن شاء الله
#عين_زارة_تستغيث
#Dalal_Raffa
للي يسأل عني اليوم بالرسايل اليوم من الساعة 7 الصبح فالمصحة الحمدلله مافيا شيء دارولي اختبارات و تحاليل عندي #إلتهاب_بكتيري_حاد في الجهاز التنفسي و هذا أصعب من الفيروس يبي مضاد و مسكنات دارولي كانيولا حرارة لأن حرارتي 39.5 و الحمدلله خفت حرارتي و بالدواء حتخف اكثر⬇️
#Dalal_Raffa
شكرا #لأحرار طرابلس ، مصراتة ، زليتن ، الزاوية زوارة ، الزنتان ، غريان ، صبراتة ، صرمان رقدالين العجيلات ، يفرن ، جادو ، كاباو ، القلعة ، ككلة ، الجنوب ، و شكرا خاص جدا من القلب للقلب لثوار مجلس شورى بنغازي ومجاهدي درنة أرض الياسمين و أبناء أجدابيا العصية #أنتم_عزنا
#Dalal_Raffa
#معليشي_عالسؤال الناس اللي لغت المتابعة و دارتلي حظر في نفس اليوم إللي نزلت في تغريده عن #مرضي و كأني فعلا #مصابة_بكورونا وفجأة رجعوا يتابعوا فيا من جديد يتحمدولي على السلامة كيف تبوني نتعامل معاكم وأنتم بالرسمي حشا المتابعين الأحرار المحترمين أوسخ من الزبالة في عيني
#Dalal_Raffa
حسبي الله ونعم الوكيل الرصاص خش لحوشنا م الساعة 5 لتوا الرصاص والضرب بالصواريخ الجيران يتصلوا بينا قالولنا حوشكم يطلع منه الدخان وإحنا من الساعة 4 تحت الدروج الرصاص خش م الحيوط ضرب الثريات والشبابيك حالة والسبب حرب بين كتيبة الضمان وأسود تاجوراء ضرب بالثقيل والخفيف
#Dalal_Raffa
شهادة سأحاسب عليها عند الله عندي شخص يخدم في المصرف التجاري يعرف الصديق الكبير قالي والله و بالله قالي لولاه الليبيين يوهبو فالشارع وقالي الهجوم عليه توا من الرئاسي قبل المؤقته لأن في ناس فالرئاسي يبوه يفتح خزينة الذهب إللي ف مصرف ليبيا المركزي وهو رافض وقاللهم أمانة
#Dalal_Raffa
أربعة من أنظف الشخصيات اللي عرفتها ليبيا الله لايربح ولا يسامح ولا يبارك ولا يوفق في كل من ساهم في #الإنقلاب وكان سبب الإنقلاب عليهم إنهم إخوان وداعمين #لدواعش_بنغازي اللي ما عرفتهم قدرهم يا ليبيين وتوا بس تذكرتوا بطولاتهم وتنزلوا في صورهم دايرين روحكم زعلانين عليهم
#Dalal_Raffa
الطفل إللي تكلمت عنه من قبل
الطفل هذا إسمه " #الطيب " يتيم الأب كل يوم يطلع الصبح و يقعد يأشر للسيارات حتى يمشي من #عين_زارة إلى #ميدان_الشهداء يبيع في البيتزا إللي إدير فيها أمه الله يحفظها و يروح بعد المغرب أيضا بنفس الطريقة أشروا منه و أدعموه
#Dalal_Raffa
بعد كل هذا الدعم المقدم من تركيا عسكريا و سياسيا و إستراتيجيا نحن ممنون جدا لدولة ما أن وقعنا معها الإتفاقية العسكرية قدمت لنا الغالي قبل النفيس و لأن جزاء الإحسان إلا الإحسان يجب علينا أن نفعل هذا الهاشتاق لأن من لا يشكر الناس لا يشكر الله أبدا
#شكرا_تركيا
🇱🇾💖🇹🇷
#Dalal_Raffa
ليا أسبوع الحرارة و الكحة و ألم الحلق لاعبات فيا خل تفاح نشربه تنزل حرارتي شوي و ترجع ترتفع و الكحة متعبتني وحالتي وحالة خواتي واخدات احتياطهن وعازلاتني بس بابا الله يحفظه ويطولي في عمره مايبيش يخليني ويتغطا معاي بنفس البطانية ويعاني فيا نقوله مرات مصابة يقولي مادخلك
#Dalal_Raffa
الكلب هذا أكرمكم الله نايض من الفجر يوزع في الحلويات ف صلاة الفجر ف الجامع فرحا بمجزرة الكلية العسكرية ولكن ظن بأن الله لن يراه ولكن الله ثم رجال الوطن الأحرار كانوا له بالمرصاد وتم القاء القبض عليه هو وجماعته توا تعرف كيف تؤكل الحلويات
#قيادة_جيش_فبراير_الألكتروني
#Dalal_Raffa
#للأسف بلغني إن القائد الميداني زياد بلعم قرر الأطباء بتر قدمه و قد إنتهت العملية الآن بنجاح و بترت قدمه نسأل الله أن يعوضه خيرا و جعلها الله له ذخرا فالجنة
#Dalal_Raffa
أنا قريت هجومكم العنيف على معالي الوزير الداخلية فتحي باشاغا و تمجيدكم و تطبيلكم لنعمان و كأنكم نسيتوا نعمان شن كان في 2011 و في 2014 و 2015 و 2016 و نسيتوا شن كان فتحي باشاغا في 2011 و اليوم قاللكم أنا زاهد في الوزارة بالله #ذكروني من كان يقول على ثوار بنغازي دواعش
#Dalal_Raffa
#مصراتة العز ليست #ووهان حتى تنظروا لها بهذه النظرة الدنيئة مصراتة صمام أمان البلاد ضحت بأغلى ماعندها فلذات أكبادها دون منة منها و حالات كورونا التي تم اكتشافها فيها ربما يكون هناك أضعافها في أي مدينة ليبية ولا علم لنا به ماتمر به الصمود #إبتلاء ومن أحبه الله إبتلاه
#Dalal_Raffa
مش كل #هاشتاق يطلقه نعمان يمثلني و عرب برقة ماريناش نهار واحد منهم تحدو فيه الرجمة على خاطرنا اللي نعرفه إنه أحرار برقة من زمان طلعوا و خلوها للي نشوفوا فيهم توا أنا ك #ليبية أعتذر هاشتاق نعمان لا يمثلني
#Dalal_Raffa
الزغاريت اللي سمعتوهم في عين زارة راهن من أمي مرتين نرجعوا فيها من الشارع 😂😍 و فوقها حررت الجناح اللي مقابل داري من #القرمطي خوي قالي أقعدي فيها 😂💪 هو إحنا بنلعب
#Dalal_Raffa
في كلام سياسي نبي نقوله انتبهوا من موضوع #سرت راه و الله حكاية تسليم سلمي كذبة و ضحك على الذقون من وسط سرت وصلتني المعلومة و الله و بالله وصول نساء روسيات لسرت و على الأرجح ستكون مهمتهن قنص الرجال عند دخولهم سرت مثل ما فعل القذافي من قبل اللهم إني قد بلغت اللهم فأشهد
#Dalal_Raffa
عندي زوز فيديوات واحد من القربولي و واحد من صلاح الدين و الكارثة إني مانقدر ننشرهن لين يقولولي 😭😭💔 لكن و الله و بالله نطمنكم إن النصر قادم
#Dalal_Raffa
أهلًا #يوم_مولدي 🎂♥️ 26/6
في مثل هذا اليوم ولدتني أُم عظيمه و أستقبلني أب عظيم ، كبرت سنه و كبرت أحلآمي معي ، اللهم أني إستودعتك عاماً مضى من عمري فأغفرلي ماكان فيه ، و بارك لي في عامي الجديد و أجعل القادم من عمري أجمل ، و حقق لي فيه ما أتمنى
#Dalal_Raffa
{ يَا أَيَّتُهَا النَّفْسُ الْمُطْمَئِنَّةُ ارْجِعِي إِلَى رَبِّكِ رَاضِيَةً مَرْضِيَّةً فَادْخُلِي فِي عِبَادِي وَادْخُلِي جَنَّتِي }
بقلوب مؤمنة بقضاء الله يؤسفني أن أبلغكم إنه قد إنتقل إلى رحمة الله رئيس الوزراء السابق السيد #عبدالرحيم_الكيب
اللهم إغفر له و ارحمه
#Dalal_Raffa
عميد بلدية ترهونة يبي مهلة يومان للتفاوض
لا يا روحي لا تفاوض لا حوار زي ما رمضنتو و عيدتوا علينا و معانا السنة اللي فاتت حتى إحنا بنفطروا و نعيدوا عندكم ايواه العين بالعين و السن بالسن و البادي أظلم
#Dalal_Raffa
و الله كلامها صح انا جيراني اغلبيتهم قرامطة و الباقيين محايدين و في شغلي اغلب اللي معاي ترهونيات خضر و في عيادتي يكبروا لحفتر امال و خوي شقيقي ولد بوي و امي قرمطي للنخاع و ديمه مشاكل أنا وياه وينهم اللي نشوفوا فيهم فالميدان و النت تعبت من محاربة النسوان بروحي و مع هذا
#لن_تدخلوها
اللهم آجرنا في مصيبتنا و أخلف لنا خيراً منها و لن نقول إلا ما يرضي ربنا " إنا لله وإنا اليه راجعون " عظم الله أجرنا بقلوب مؤمنة بقضاء الله و قدره إنتقل إلى رحمة الله خالي غيث حمد سيف النصر بعد معناة طويلة مع مرضه لا يوجد مكان للعزاء #تقبل_التعازي_بالهاتف
#Dalal_Raffa
انا كأحدى بنات #عين_زارة نحب نقوللكم أنا زرت شوارع و زناقي عين زارة بعد التحرير مباشرة و زرتها اليوم نحب نقوللهم الحرب مهما كانت شراستها و ضراواتها و مهما كان نوع سلاحها و مهما كانت خسائرها إلا أنها مستحيل تقتل روح مازال عندها أمل و متشبته بالحياة
#عين_زارة_تعود
#Dalal_Raffa
تزوجت في الأربعين ..
و أنجبت القاسم ،، عبد الله ،، زينب ،، رقية ،، فاطمة ، أم كلثوم .... و تزوجت خير الخلق سيدنا محمد صلى الله عليه و سلم ..
عن أي تأخير تتحدثون 💙
#Dalal_Raffa
الحمدلله حمدا كثيرا طيبا مباركا فيه بعد اجراء مسحة لأخي بسبب الأشتباه بأصابته #بفيروس_كورونا الحمدلله تم تأكيد #سلبيه العينه و إنه ما يعانيه أخي هي مجرد نزلت برد بسبب تكييف السيارة
#Dalal_Raffa
أول ليبي توفاه الله بسبب
#Corona
و هو يقوم بواجبه كطبيب لإنقاذ مرضاه في ألمانيا رحمة الله عليك دكتور #سيف_الشركسي و كتب الله لك أجر الشهداء و أسكنك فسيح جنانه يا رب
#Dalal_Raffa
للعلم الناس إللي أمس سمعت الأذان الساعة 2 و 3 منتصف الليل كان صحيح لأن بعض الأهالي اللي كانوا نازحين رجعوا نزحوا مرة ثانية و في من عارض بيته للبيع لأنه يشوف في خيالات و يسمع في أصوات و لهذا من ليلة أمس ابتدأت مأذن طرابلس بإعلاء صوت التكبير
#Dalal_Raffa
في ملف كبير و هكي ثقله في مكتب النائب العام في #طرابلس و إللي نعرفه و حسب الكلام إللي جاني إن صاحب هالملف لو انمسك الأيام الجاية مش حيطيح بروحه و حيفتح النار على مسؤولين واجدين فالرئاسي و المجلس الأعلى و يستر الله من اللي جاي و الشخص هذا ملفه فيه فوق ال 100 قضية
#Dalal_Raffa
#جدي رحمة الله عليه #والي_ولاية_فزان
#البي_عمر_سيف_النصر
أحد قادة معركة تاقرفت و العافية و معركة القرضابية فقد قاد��ا من الشرق رفقت #سمو_الأمير صفي الدين السنوسي و السيد علي اجعودة و من الغرب كان جدي البي حمد سيف النصر و سعدون السويحلي و رمضان السويحلي
#Dalal_Raffa
#السلطات_الإيطالية تعلن عن إصابة #شاب_ليبي مقيم في #ميلانو و للأسف إنه تأخر في الإبلاغ عن حالته مما جعل وضعه الصحي يتأزم و هو الآن في مرحلة الأحتضار مما جعلهم يكثفون من جرعات الدواء الجديد له لعل الله ينجيه #دعواتكم_له
اللهم أشفه شفاءا لا يغادره سقما يا الله
#Dalal_Raffa
أجمل جملة قالها نعمان إللي ما يقرعش لرجال مصراتة و الزاوية مش راجل تحية من القلب للقلب ليهم و اللي مايقرعش لزليتن و تريسها أيضا مش راجل ✌🇱🇾⚘
#Dalal_Raffa
ولد عمي مكلم بابا من سبها يرعش قاله يا عمي من بكري الطيران يحوم و توا بدا يضرب و في قوة قاله هاجمة على المعسكرات إللي في سبها مأيدة لحفتر مش قلتلكم العين على الوطية و ترهونة و اللي بتتحرر مدينة ثانية 😎
#Dalal_Raffa
المحكمة العسكرية #طرابلس تعلن عن إعدام الأسير #عامر_الجقم_العرفي رمياً بالرصاص
و ذلك اليوم الأحد ❤🇱🇾
اللهم لا ترفع لهم راية ولا تحقق لهم غاية و اجعلهم لمن خلفهم عبرة و آية 🤲
#Dalal_Raffa
بدل من إنتظار فارس أحلام ينقذك ،، تعلمي أنت قواعد الفروسية و كوني فارسة لنفسك ،، و غيري حياتك ،، فالواقع يختلف عن حكاية سندريلا و الجميلة النائمة ..
#Dalal_Raffa
قريبا سيخرج علينا الأعلاميين من قناة ليبيا بانوراما وقناة ليبيا الأحرار وفبراير والتناصح معلنين إنتهاء الحرب ونصر قوات ثوار بركان الغضب بفرحة عارمة وإن ليبيا عادت وحدة واحد وعم السلام أرجاء البلاد أعلم هذا جيدا لأن ظني بخالقي جميل
#هلا_فبراير
#ثورة_17_فبراير_المجيدة
#Dalal_Raffa