محمد / Ibrahim
@ChosenIbrahim
Followers
8K
Following
89K
Media
1K
Statuses
15K
Baghdad - IT & Author. فَـلِمْ لا نَسُـودُ وَلِـمْ لا نَشـيِّد؟
Joined April 2021
هذه قناتي على التيلي بيها كومة مواقع وتطبيقات مفيدة ونصائح وLifehacks ومقالات علمية. إذا عندك استفسار، الناس إلي بيها ممكن يساعدوك. هذا حساب الانستا مالتي، أنشر بيه عن حياتي وطلعاتي وسفراتي وعن الفنانين إلي أشوفهم. هذه معلومة عني:.
الآراء مالتي مبنية على أدلة وتجارب أني مقتنع بصحتها وما كتبتها حتى أعجب أحد ولكن حتى أعبر عن نفسي، وراح تبقى كما هي سواء سافرت، اشتغلت، اتزوجت، اتمرضت، حصلت 100 لايك أو لايك واحد. بحياتي ما اعتبرت روحي مثالي، أغلب النصائح إلي كاتبها هي أصلاً موجهة لنفسي قبل ما تكون لأي أحد.
0
2
17
هذه صورة لطلاب جامعة أوكسفورد (ترتيبها الخامس عالميًا) وكل واحد بيهم لابس شكل. إلي لابس شورت وإلي لابس أحمر، فيعني "الرصانة" ما انهارت بسبب شورت أو لون. بس بعض الناس بعدها متأثرة بسوالف الدكتاتورية وتريد لبس موحد، فكر موحد، رأي موحد. ترى الناس اختنگت من كثرة القيود!
51
43
607
مشكلة العيشة بالعراق إنو كلشي متوفر بس رديء، يعني أكو أمان بس هش، أكو مطاعم بس مو طيب الأكل، أكو إنترنت بس بطيء، أكو ونسة بس تكلفتها غالية، أكو فرص عمل بس القطاع الخاص مذلة، أكو ديمقراطية بس أكو احتمال تنعلس، أكو حياة بس ماكو مستقبل.
39
38
558
رجعت من عرس صديقي. الولد تزوج بدون ما أهله يحضرون العرس مالته وجاب أم صديقه تسوي دور والدته گدام الناس. شفته لابس بدلة التخرج مال الكلية، صايرة حيل ضيگة عليه. محد من أصدقائي أنطاه سيارة العرس حتى يطلع بيها وية زوجته، هو راح جابله سيارة تأجير من معرض للسيارات. حسيته مهموم ومتوتر.
143
14
456
حسب رأيي. آخر فترة حلوة من حياتك هي الخامس إعدادي، وراها تصير مشغول بالسادس، بعدين مشغول بالكلية والفاينل، وراها مشغول بالبحث والتخرج، وراها لو ملتهي بالشغل لو ملتهي بالاكتئاب والمسلسلات لأن عاطل عن العمل.
63
27
449
الواحد يضيع عشريناته وهو يصلح مشاكل فترة المراهقة ويضيع ثلاثيناته بالبحث عن فلوس چان المفروض يحصلها بفترة العشرين ويقضي الأربعينات يبحث عن الاستقرار إلي المفروض حققه بالثلاثينات. كل هذه الهوسة لأن اثنين تزوجوا وهمة ما عدهم ذيچ الخبرة بالتربية؛ فتربيتهم الغلط خربت طفولتك ومراهقتك.
21
24
413
الطلاب واصلة مرحلة من الكراهية للدوام والامتحانات بحيث تتمنى تصير حرب عالمية، حرب أهلية، ثورة شعبية، وباء، نيزك، المهم يفرضون حظر تجوال ومحد يداوم. هل أكو أحد بوزارة التربية/التعليم يفكر ليش الناس كارهة الدوام لهذه الدرجة؟.
50
14
411
كل السوالف والذكريات الحلوة صارت Instagram User و Deleted Account. كلهم غلقوا حساباتهم وهاجروا أو تزوجوا أو اختفوا بدون ما يگولون لأحد. اعتقد هذا مصير هواي حسابات بالمستقبل، راح تختفي وية أصحابها وما تبقى إلا المحادثات والذكريات.
44
13
367
أكو واحد صاحبنا نقل التكريش نقلة نوعية، لما عرفنا إنو هو فتح شركة بس حتى يجيب البنية إلي معجب بيها ويسويها موظفة يمة. يعني مو عزمها. مو اشترى هدية. حرفيًا جابلها شغل. 😂😂😂😂. أحد بيكم مسوي هيچ على مودكم؟.
76
4
378
أكو ناس تضحي بحياتها الاجتماعية والطلعات والونسة حتى تدرس وتشتغل وتبني مستقبلها وأكو ناس تضحي بدراستها وشغلها حتى تتونس وتصنع ذكريات حلوة. أني لا دا أتونس وأطلع ولا دا أبني مستقبلي.
19
39
362
أشخاص أتمنى يختفون للأبد:.1- إلي يسأل شوكت تتزوج، تضعف، تسمن. 2- إلي يشوفك غالق الردود بالستوري فيسوي forward ويعلق. 3- إلي كلامه بس تلميحات جنسية رخيصة. 4- إلي يتذكرك بس لمصلحته. 5- إلي يدز ليش أجاني هذا الإشعار. 6- المتحرش والمدافعين عنه. 7- إلي يدعي التحرر حتى يفوت بعلاقات.
25
18
333
قبل ما تبدي تتنقاش وية أي مجموعة ناس، أسألهم عن رأيهم بفكرة مراجعة الطبيب النفسي، إذا شفتهم ضاجوا أو گعدوا يلمحون إنو هو طبيب للمخابيل وعيب واحد يراجعه، فگوم من المكان واترخص وعوفهم؛ هيچ ناس مستحيل تسمع منهم فد كلام مفيد أو تطلع بفائدة من وراهم. مجرد تضييع وقت.
17
16
337
لما واحد يطمن عليك وأنت حيل منهار وما تريد تحچي وياه، تگدر تگوله "شكرًا على سؤالك وأني دا أحاول أبقى بخير، بس أعذرني ما عندي طاقة للحچي، نسولف بعدين.". ترى إذا تعوفه على الـSeen أو تجاوب بثگل وبرود فهذه كلش عيب، الواحد متذكرك ودا يسأل عنك! جاوبه بالحسنى، خل يصير عندك شوية أخلاق!.
20
19
335
الأنستا راح يصير ممتاز لو يعوفنا ندز بصمة أكثر من دقيقة. يعوفنا نسمع الڤويس مسج بدون ما ننجبر نبقى بالمحادثة. ينطي رسالة تأكيد قبل ما ندوس على دگمة أتصال بالغلط. يخلينا نبحث بقائمة الناس إلي شافت الستوري. يخلينا نسوي أكثر من قائمة كلوز. ينطي إشعار إذا أحد أخذ سكرين شوت للستوري.
46
8
333
ماذا لو عاد معتذرًا؟ لأن انضرب بوري ورجع يحاول وياك. ماذا لو عاد معتذرًا؟ لأن يتأمل ينصب عليك ويتلاعب بيك مرة ثانية. ماذا لو عاد معتذرًا؟ لأن أنت تخطيته فهو حسّ بالإهانة ويريد يسيطر على تفكيرك. ماذا لو عاد معتذرًا؟ لأن قرر يصير شريف. مؤقتًا. هذه احتمالات لازم تحطها في بالك.
31
11
316
أنجح علاقات حب شفتها، هي إلي بدت واستمرت بدون ما يدرون الناس، إلى أن صارت خطوبة وزواج. مو إلي كلساع يجيب سيرة الكراش مالته بالنت ويفتِح عيون الناس عليه وياخذ نصايح يمنة ويسرة لحد ما يخربها على روحه.
30
9
320
أكو شغلة اسمها "that person" ، بمعنى إنو تطلع وتتواصل وية العالم، بس بنفس الوقت أنت تريد "that person" يتواصل وياك وهاهية، أنت تسافر وتطلع، بس تريد "that person" يسافر وياك، يجيك إشعار من الموبايل بس تتمنى لو "that person" هو إلي دز الإشعار.
29
26
309
البنات يحچون بالدورة الشهرية لأن هو جانب طبيعي من حياة الإنسان (مثل النوم والأكل) ولأن أي خلل بيه يشكل خطر حقيقي على صحتهن، يجوز بنية تكتب معلومة عن دورتها وما تدري أكو خلل، فـ بنية ثانية تنبهها وتساعدها. أكيد أكو ناس راح تنتقد هذه التغريدة و"طز" بيهم مقدمًا؛ كافي تخلف ورجعية.
مستحيل يجي يوم ارتبط ببنية تحجي عن الدورة الشهرية بشكل علني افتهمنه هي مو شي عيب بس مو تحجون بيهه كدام البشرية مصختوها!!. .
25
6
301
بما إنو أغلبكم راح يداوم باچر، فأنصحكم تحطون حافز للدوام، مثلاً شخص تكرشون عليه، استاذ تسولفون وياه، مكان تروحون إلة. الدوام بدون حافز يصير شي مثل التجنيد الإلزامي.
58
6
291
هواي ناس حچتها بس خل أعيدها مرة ثانية "إذا أهلك خوش ناس ويحبوك، فبالعافية عليك" أهم شي لا تجي تهاجم واحد ينتقد أهله، لأن هواي ناس أني أعرفهم كلش زين صارت بيهم مشاكل نفسية وجسدية بسبب أهاليهم، فلا تصير أنت والأهل والمجتمع عليهم. تذكر إنو النت هذا مكان للفضفضة الشخصية.
17
17
289
دا أحچي وية صديقي، چان يگول "نيالهم الجهال؛ يگعدون يبچون ويصيحون طول اليوم ومحد يحچي وياهم، إحنا نروح نختل بالغرف والحمامات لما نريد نبچي شوية.".
16
7
274
أكبر غلط تسويه بحياتك الاجتماعية إنو ترتبط بشخص طالع من علاقة عاطفية فاشلة أو في حالة اكتئاب حاد أو عنده أزمة چبيرة. لأن الشخص إلي ارتبطت بيه، مو نفسه هو إذا چان مستقر عاطفيًا ونفسيًا. يجوز وجودك بحياته راح يحسنها مؤقتًا، بس أي مشكلة تصير بسببك، راح تأثر على نفسيته أكثر منك.
32
7
275
شگد سهل الهدم. هسة أنت تگدر تفوت على كل أصدقائك وتسويلك عركة وتقطع علاقتك بيهم. تگدر تمسلت بحچي سخيف على تويتر وأغلبها تضربك بلوك وتتكنسل. بس شوف شگد طولت لحد ما حصلت صديق، شگد طولت لحد ما صار عندك متابعين. البناء يطول سنين. الهدم ما يطول غير دقايق.
16
11
258
أكبر غلط تسويه إنو تستشير صديقك بخصوص علاقتك وية شخص هو ما يعرفه، وأكبر جريمة يسويها صديقك إنو ينطي رأيه بشخص لا يعرفه ولا شايفه ولا مسولف وياه!. مهما توصف لصديقك هذا الشخص، ما راح يگدر ينطي نصيحة صحيحة مثلما لو هو يلتقي بهذا الشخص. فلذلك لا تخلي صديقك سبب في خراب علاقاتك.
17
11
260
هواي ناس راح تكره هذه النصيحة. النصيحة هي لا تدخل القسم إلي تحبه خصوصًا إذا دا تدرس بالعراق، أدخل القسم إلي يفيدك بمستقبلك بالشغل. القسم إلي تحبه إذا تدخله "احتمال" تنصدم من الاساتذة والمنهج ومن الكلية وتتشوه صورته بنظرك، خلي القسم إلي تحبه شغلة بقلبك أحسن ما تشوفه على حقيقته.
47
8
257
مو معقول هذا الشك إلي الأهالي دا يشكوه بينا إذا لزمنا الموبايل، عبالك همة مسوين شي بشبابهم بحيث خايفين لا تطلع بأبنائهم. لما يشوفوني لازم الموبايل ومبتسم يضوجون. لما يشوفوني گاعد ساكت وما ابتسم همين يضوجون. لما يشوفوني مبتسم بدون سبب يضوجون لأن عبالهم رايد شي منهم.
25
7
256
هذه رسالة في حب Pinterest و Spotify، ما شفت منهم أي شغلة مزعجة ولا فد يوم تعطلوا. كل مرة أدخل للبرنامج أشوف شي أحلى من الثاني، أحسن من تويتر إلي يستفزك بتغريدة أو الأنستا إلي يحسسك بالفشل.
15
10
258
يا جماعة لازم نشيل شمسية بهذا الحر؛ هي من اسمها تحمينا من قرف الشمس، ما راح يفيدك الخوف من ضحك الناس إذا صارت بيك ضربة شمس + لازم نسوي normalizing ونشتري من هذه الشفقات إلي بيها پنكة. صيف العراق صار لا يحتمل بدونهن، وطز بالناس وطز بضحكهم.
21
6
245
لما أگعد أتناقش وية أهلي ويحسون إنو كلامي صح بس ما يعجبهم. رأسًا يطلعون سيرة السادس.
16
9
251
أقوي إنسان مو إلي يشيل حديد ولا إلي يعرف يتعارك وية الناس. أقوى إنسان هو إلي يشيل همومه فوگ ظهره ويكمل شغله أو دراسته وينجح بيها همين.
13
23
251
واحد قريب على منطقتنا توفى، الناس سوتله فاتحة چبيرة ونصبوا الولائم، چان واحد من أصدقائه بالفاتحة گال "رحمة الله على والديكم كفيتوا ووفيتوا بالعزاء، بس لو فلوس الفاتحة إلي لميتوها من فلان وعلان. لو جامعيها قبل شهر ودافعيها مصاريف علاجه چان هسة المرحوم واگف ويانة".
13
7
235
الرجل مخلوق عجيب. من يريد يرتبط بامرأة، ينطي وعود مثل مرشحي الانتخابات، ويسوي نفسه أفضل من أنجبت الأرض، لحد ما تقتنع بيه المرأة فيتعود عليها وبعدين يهملها، لكن لما يشوفها تريد تعوفه، يرجع يتوسل وينطي وعود إنو راح يكون أفضل إنسان بالدنيا.
64
8
235
إحنا عايشين في زمن، الفلافل صار اسمها Green Burger وتمن ودجاج صار اسمه ريزو والأزبري صار اسمه Splash والدولمة صار اسمها Arab Sushi فـ ديروا بالكم لا الكليچة يصير اسمها Dates Pie واللبلبي يصير Snacks.
30
3
236
أكو فرق بين علاقة خاصة وعلاقة سرية. العلاقة الخاصة هي إنو أصدقائك والناس تدري بيك مرتبط بشخص، بس ما تدري شنو يصير بينكم وممكن ما تدري باسمه، ما بيها شي. العلاقة السرية هي إنو ما تگول للناس إنو أنت مرتبط، وتخفي معرفتك بالطرف الثاني، هيچ شغلة red flag، إلا إذا الحب خطر على حياتك.
10
5
231
مو تعميم بس احذر من العلاقات المفاجئة وية ناس تدخل حياتك بسرعة وتقضي ساعات تسولف وياك حتى تقوي علاقتها بيك. هذولا وية أصغر سوء فهم أو مشكلة راح يتغيرون عليك ويبتعدون عنك بسرعة مثلما دخلوا حياتك بسرعة. مدري ليش عبالهم إحنا قمصان يجربوها ويذبوها أو استنساخ عنهم؛ حتى نشبههم بكلشي.
16
10
233
أكو ناس ما تگدر تصالحهم مو لأن غلطوا بحقك وبس. لكن لأن طبيعتهم غلط. يعني مثلاً واحد طبيعته إنو يچذب هواي ويخدع. حتى لو تسامحه، فهو بعد فترة هم راح يرجع لوضعه القديم ويگعد يچذب ويحتال. سواء سامحته أو لا. هو هيچ معدنه تعبان. الأفضل تعوفه. بلكت يصحى على نفسه لما يشوف محد وياه.
6
16
230
شايف أنت لما تگعد بغرفتك والكهرباء تگطع فجأة، وتگعد تدور على أي ضوة أو على موبايلك حتى تشوف بيه دربك؟. بالحياة همين سوي نفس الشي، بوقت ما أنت گاعد باكتئاب ويأس، أبقى دور على أي شي مفرح. أي انتصارات صغيرة ممكن تصير نور حتى تشوف بيه دربك وتنجح.
13
12
220
لما واحد يخطط لشغلة ويگول للناس عليها، عبالك يصير بيه شلل وما يحقق أي شي. لذلك لا تكول "أني راح أروح أسوي فلان مشروع أو فلان شغلة"، أنت روح سوي إلي في بالك وانجح، وراها تعال أحچي بيه وفرحنا.
13
8
220
مذيعة بالراديو گالت وهي دا تضحك "إحنا فزنا على هذولا إلي عيونهم مجرورة" وهذا أسخف وأتفه شي سمعته من بداية 2024 لحد هسة.
23
3
221
أي علاقة تخرب بعد أول مشكلة، ما أعتبرها علاقة أصلاً، تصير مجرد لعب أطفال. مو منطقي إنو كلشي يخرب من أول طسة، العلاقة الناجحة هي إلي تبقى تستمر حتى لو تواجه كومة مشاكل، لأن الطرفين يريدوها تنجح.
16
4
223
الواحد لازم يتقبل حقيقة إنو ما نگدر نجبر أحد حتى يحبنا حتی لو إحنا نحبه وما نگدر نقنع أهالينا إنو يبطلون شغلات حتى لو تأذيهم وما نگدر نحقق كلشي نتمناه حتى لو نريده.
19
8
219
واحد من أقاربي، داوم مرحلة أول وثانية وثالثة بالطب، بس ظل طول الوكت أعصابه متوترة بسبب الضغط الدراسي وكاره روحه ويتعارك. هسة گاعد بمستشفى إبن رشد، مو حتى يدرس ولكن حتى يتعالج. فـ نصيحة يا جماعة. إذا الدراسة صارت خطر على صحتك النفسية، فـ خل تولي. ما تفيدك الدراسة إذا خسرت نفسك.
idk who needs to hear this but academic success isn't gonna fix your mental health.
17
8
210
أغلب الشباب يستخدمون السوشال ميديا حتى يهربون من الواقع مالتهم ومن الناس إلي بالواقع، بس لما يشوفون إنو هذولا الناس إلي بالواقع لحگوا بيهم وسوو حسابات هنا فالسوشال ميديا رجعت تشبه الواقع. فأغلبنا يتخذ قرار إنو يغلق حسابه ويختفي للأبد أو يسوي حساب پرايڤت وبيه كم شخص ثقة وهاهية.
12
3
208
أكثر شغلة مقتنع بيها بهذه الدنيا هي "إلي يريد شي يعوف شي". إلي يريد ينجح بدراسته أو شغله لازم يضحي بالونسة مالته ويضحي بحياته الاجتماعية. إلي يريد يسافر لازم ينحرم من أهله وأصدقائه. صعب كلش إنو توفقّ بين أكثر من شغلة لوقت طويل، لأن يجوز تصيرلك مشكلة وتضيع المشيتين.
9
7
211
لما واحد يشوف ستوري بالأنستا بدون ما يسوي لايك، أحس هيچ تعابير وجهه.
25
8
212
قلبي وية كل شخص انقهر على حاله لما شاف غيره مطلع معدل عالي بالسادس وهو راح يعيد سنة، قلبي وية كل شخص طلع دور ثاني وراح يدرس وشايف غيره متونس بالعطلة. أتمنى تتعوضون عن كل شي خسرتوه.
15
8
204
قبل ما أدخل مجتمع تويتر، چانت نظرتي عن طلاب المجموعة الطبية إنو همة ناس منظمة وقتها بالحرف، تاكل أكل صحي، لبسها أنيق، وجوههم مبتسمة، يساعدون الناس. من بعد دخولي تويتر، شفتهم ناس هاملة صحتها وتاكل Junk Food ومخربطة نومتها وعايشين على الأدوية وجوههم مكتئبة وعبالك همة الپيشنت.
33
3
199
للتذكير. لما أحد يفضفضلك، فهو ما يريدك تحل مشاكله، أو تقدمله اقتراحات. لما هو يطلب رأيك بعدما يكمل فضفضته، يلا تگدر أنت تقدم حلول. هواي ناس ما تريد غير إنو أحد يسمعلها وهاهية.
18
5
201
بالنسبة للناس إلي تتمنى عطلة وحظر تجوال، ترى العطلة إلي تتمنوها يجوز تطول شهور. يجوز الدراسة كلها تنلغي بسبب الحرب مو بس العطلة. 🤡🤡.
54
8
202
تصاميم البيوت العراقية الجديدة كلش كارثية، لا بيها حديقة چبيرة مثل زمان ولا شبابيك واسعة لدخول الشمس ولا تهوية عدلة، البيوت كلها محشورة وحدة بصف الثانية بحيث تسمع صوت الجيران إلي بصف جيرانك. أما إذا تريد بيت مرتب لازم تدفع لك فد مليار دينار أو تگعدلك بمجمع سكني بـ300 مليون. 😂😂.
34
8
189
* بدت العلاقة *.- ضحك وسوالف. - تعارف ونقاشات طويلة. - تخرجنا أثنينا من الكلية. - أهلها رفضوا الخطوبة لأن أني مو نفس طائفتهم. - هي تزوجت بعدين وفتحت بيت. - أني فتحت حساب تويتر. * انتهت العلاقة *.
31
3
196
الجيل مالتنا دا يتعالج يم أطباء نفسيين بسبب الصدمات إلي سواها الجيل السابق إلي ما تعالج نفسيًا واكتفى بتشويه صورة الطبيب النفسي.
9
8
195
الزواج صاير مثل البحث عن وظيفة، تختار شخص مو تحبه كلش ولكن يفيدك ماديًا أو عنده ورث أو راح يهاجر، مو شخص أنت تريده لأن انعجبت بيه وتريده كما هو. متعجب إنو أكو ناس إذا شافت واحد وضعه أفضل، تعوف القديم وترتبط بيه لأن وراه مستقبل. كأنوا دا تحصل شغل بشركة بيها راتب أعلى من القديمة.
49
8
200
لا تكتب جرايد لأحد حتى تبرر له. إذا سطر سطرين ما يوضحون موقفك، لا تتخيل الجريدة راح تفيد. لأن غالبًا راح يكون بيها شوية تعيير على شوية توسل (يوگع مي الوجه) على شوية چفصات، وكلما تحچي أكثر كلما تچفص أكثر وتصير عركة أكبر.
15
7
183
گاعد أسولف وية أهلي فافترضت شغلة. گلتلهم: راح تضوجون إذا ألبس سوار لو إذا أسوي وشم؟.گالوا: إذا لبست سوار. گلتلهم: ليش؟ على مود حلال وحرام؟.جاوبوا: لا بس الوشم يتغطى والسوار لا. الناس شتگول علينا؟ إبننا يلبس سوار ذهب؟.رديت عليهم: ياهو الأسوأ، آخذ رشوة لو ألبس سوار؟.گالوا السوار!.
44
4
183
أتمنى أحد يشرحلي شنو الحكمة من تدريس مادة حقوق الإنسان بالكليات؟ مجرد حشو كلام ينحفظ وينسي ورا الامتحان، حاله من حال أغلب المواد. إذا يريدون يسوون تغيير بالمجتمع، خل يسوون محاضرات نصف شهرية عن الأخلاق واحترام الحريات الخاصة وتكون نقاشية بين الاستاذ والطلبة، مو لغوة من طرف واحد.
17
8
190
العراق إذا تريدوه ينصلح وما تشوفون بيه ناس تفرح بأذية حيوان أو تصفگ للمجرمين بالتعليقات أو تضرب أبنائها. لازم ينفتح تعيين مركزي للأطباء والمعالجين النفسيين ويصير العلاج النفسي مجاني. العراق محتاج يسوي آلاف العيادات ويسوي فحوصات دورية للناس، حتى تنحل مشاكلهم النفسية.
15
17
183
بفترة الكلية قررت أخفف وزني على مود الأكس، وفعلاً خلال سنة نزلت 40 كيلو. هسة أحس روحي همين سمنت ودا أحاول أخفف وزني، بس للأسف مدا أگدر ومو كلش متشجع. نستنتج من هذا الكلام، أني حبيت الأكس أكثر من نفسي.
40
1
190
دا أحچي وية والدتي فگالتلي "لا تضوج، الدنيا ما واگفة على أحد." فگلتلها "أي والله، الدنيا ما وگفة على أحد، بس أحسها گاعدة على گلبي.".
18
2
182
أكو كذبة حيل منتشرة في وسائل التواصل الإجتماعي ملخصها إنو الفلسطينيين أكثر ناس فجروا نفسهم داخل العراق. فريق التقنية من أجل السلام سوى بحث بالموضوع وطلعت المعلومة كذبة كبيرة، بالحقيقة دول أخرى حازت المراتب الأولى. أرجوكم نشروا هذه المعلومة، لازم العراقيين يعرفون الحقيقة.
19
31
176
الصيف حلو. إذا الكهرباء مستمرة 24 ساعة ما تقطع، وإذا عندك سيارة مكيفة جوة إيدك تفتر بيها، وإذا كل مكان تروحله بيه تكييف مركزي، والعصائر والآيسكريم بإيدك طول اليوم، وإذا عندك فلوس تسافر بيها لدول باردة تتونس بيها.
4
8
188
كلش أتوتر من أشوف زملاء الشغل لما يستقبلون واحد بالتهاني والترحاب وهمة چانوا دا يفشرون عليه ويسبوه قبل ما يجي. يا ترى كل الناس إلي تسلم علينا بحرارة، تگعد تجيب بسيرتنا؟.
16
4
181
التخطي مو بس بالعلاقات، شايف أنت من تتخطى شخص كرهته؟ همين تخلص من حرگ الأعصاب، وهمين يرجع شخص مجهول ما تعرفه.
4
4
173
أسوأ عقوبة للإنسان إنو يگعد وية نفسه. أكيد أكو ناس ما تتأثر، بس الأغلبية حيل تتأذى، والدليل إنو الحبس الإنفرادي مؤذي أكثر من الحبس المشدد.
9
9
183
تعرف شوكت ختمت الـOverthinking؟. لما تتنرفز وتنقهر على احتمالات وشغلات بعدها ما صايرة، بس أنت متشائم وتتوقع الأسوأ.
20
8
179
أي بنية لما يجي واحد يصارحها وتطلب منه فترة حتى تفكر معناها:. - لو تفاجأت بشخص يحبها وهو ما چان على بالها أصلاً، فتريد تتخيل روحها هل ترهم وياه؟.- لو هي رافضة بس دا تخفف الضغط عليها بتأجيل الموضوع حتى تبرد السالفة وترفض. - لو هي غير مستعدة لهذا الموضوع بالوقت الحالي.
30
2
177
مصدوم مثلا لا إنجابي عرف إنو شريكة حياته حامل. حزين مثل بنية صارلها أسبوع حايرة شنو تلبس بالطلعة وراها تتكنسل. حاير مثل سايق كيا أنطوه 25 الف وما يعرف شلون يرجع الباقي. ضايج مثل ولد دا يحمل لعبة والتحميل يوصل 99% ويخرب. بائس مثل طالب كلية رايح للدوام وبعدين لاگي المحاضرة ملغية.
20
5
179
هي شغلة بديهية، بس هواي ناس نستها. - لا تتدخل بين أصدقاء متعاركين، إلا إذا أحد طلب منك تتوسط. - لا تتدخل وية ولد مكرش على بنية، إلا إذا طلب مساعدتك. - لا تتدخل بين مشاكل زوج وزوجة، إلا إذا شفت طرف دا يتأذى وطلب مساعدتك. - لا تتدخل بشغل غيرك إلا إذا هو طلب رأيك.
16
5
173
الإنسان يشتري كومة شغلات (أكل، ملابس، أجهزة) حتى يصير سعيد. بس تبقى أهم شغلة لازم يشتريها هي راحة باله من أي شي سلبي، لأن راحة البال ما تتعوض.
17
5
178
أكثر فئة لازم تنتبه على نفسك من تتواصل وياها هي جماعة "إلي يسمع ويغلس" .هذولا راح يبقون يسمعون ويسمعون، لحد ما فد يوم تشوفهم مطلعين إلك القضى والمضى، بحيث يتذكرون عليك تفاصيل أنت ناسيها. فلذلك أنتبه لكلامك وأفعالك وية الناس.
14
7
174
من تشوف سايق كيا فاتح أغاني فيروز أو سايق تكسي فاتح أغاني مشروع ليلى، فهذا مو دليل على إنو ذوق السواق تغير. هذا دليل على إنو خريجي الجامعات وطلاب المدارس إلي عدهم ثقافة وضعهم المادي صار تعبان وانجبروا يشتغلون شغل ثاني. 🤨💔.
21
7
165
في مِثل هذا اليوم، قبل 28 سنة. أقاربنا انصدموا لأن أني جيت للدنيا وباركوا لأهلي مع ابتسامة صفراء، لأن كانوا يتأملون إنو أني بنية مو ولد، حتى يتشفون بوالدتي، لأن همة يعيرون الناس لما تجيهم بنية.
في مِثل هذا اليوم، قبل 27 سنة. والدتي چانت ضايجة من والدي، لأن ما چان گاعد يقرا إلها قرآن وهي بصالة الولادة بالمستشفى لما أني جيت للدنيا. وگالت "ماكو ولد بعد هذا الولد".
116
1
155
مو بالضرورة كل شخص يتأخر عليك بالرد معناها ضايج منك، ممكن يكون ضايج من نفسه أو عنده هموم ما ترهم يحچيها إلك.
10
14
165
أمدح نفسك، گدام نفسك، مو گدام الناس. ولا تذم وتقلل من نفسك، لا گدام نفسك، ولا گدام الناس.
1
12
163
لا تضوج إذا طگيت صورة گدام مراية وصخة، المهم إنو هذه المرايا دا تعكس إنسان نقي مثلك.
13
1
154
هواي شغلات ما راح نعرفها بحياتنا، مثل:. شوكت نتوفى؟.شوكت العراق يصير براسه خير؟.ليش الناس تتغير علينا فجأة بدون سبب؟.
23
3
161
يا مكثر علاقات الحب إلي چانت راح تنجح، لو قابلت الإنسان الصح من أول مرة، قبل ما أنت أو هو يدخل بعلاقات وية ناس غلط، فينكسر قلبه ويتحول إلى إنسان مكسور وما عنده ثقة بأحد ومليان صدمات نفسية ومشاكل. بس شيفيد التمني. .
13
9
165
لما واحد يفضفض عن مشكلته، لا تگوله "أني عندي نفس هذه المشكلة وهي شي بسيط" أو "أني مشكلتي أكبر" لأن هي مو مسابقة. الصحيح إنو تگول "أني حاسس بيك وبمشكلتك لأن أني عشت نفس هذه التجربة الصعبة وأني وياك إذا احتاجيت أي مساعدة".
14
7
155
آسف على التدخل بحياتك، بس هذه نصائح صغيرة:. - قلل من شرب الچاي. أنت مو قوري. - قلل من شرب الجگاير. أنت مو مدخنة. - لا تكثر من شرب المي قبل السحور. أنت مو جمل.
37
3
159
العِلمّ يگول إنو أكو مصطلح اسمه "Heterosociality" توصف الشخص إلي يرتاح بالتواصل والصداقة وية ناس من غير جنسه. مثلاً تشوف بنية تلعب طوبة وية ولِد بالشارع أو ولَد بگروب وية بنات بالكلية. المجتمع مبني على الفصل بين الجنسين "Gender Segregation" يعتبر الولد إلي يگعد وية بنات "أختهن". .
13
8
157
بعد مرور ثلاث سنوات وشوية. خل أگللكم شنو صار وية صديقي. صديقي بعده متزوج وعايش حياة سعيدة وية زوجته. حالياً يشتغل أعمال حرة بس عايش بالإيجار، وكلساع يتنقل من مكان لمكان. علاقته وية أهله شبه مقطوعة، بس يعتبر أهلها همة أهله. يدري بهذا الكلام إلي أني كاتبه.
رجعت من عرس صديقي. الولد تزوج بدون ما أهله يحضرون العرس مالته وجاب أم صديقه تسوي دور والدته گدام الناس. شفته لابس بدلة التخرج مال الكلية، صايرة حيل ضيگة عليه. محد من أصدقائي أنطاه سيارة العرس حتى يطلع بيها وية زوجته، هو راح جابله سيارة تأجير من معرض للسيارات. حسيته مهموم ومتوتر.
32
1
159
لولا استحواذ إيلون ماسك على منصة X، چان هسة ولا أكو أي خبر عن فلسطين، لأن الإدارة السابقة بقيادة Jack ومديرهم الهندي چانوا خاضعين للمؤسسات إلي تدعم الاحتلال، شلون الفيس والأنستا إلي يحجب تغريدات التعاطف وية ضحايا غزة.
4
5
156
عود ليش الشغلة إلي تجيك بطلوع الروح وبعد تعب راح تفرحك شوية وراها تحس إنو فرحتك باهتة وأصلا ما تسوى تفرح هلگد.
26
2
160
أتمنى الأهل يعرفون إنو نصايحهم تسم البدن وكلامهم ما يحرك الواحد ليگدام بالعكس يرجعه ليورة. أكيد أكو ناس عدها عوائل حلوة وSupportive وبالعافية عليكم هيچ أهل، كلامي عن العوائل إلي تذب مشاكلها وأمراضها النفسية بأبنائها.
10
7
158
صديقك المقرب ما تگدر تعتبره مقرب مثل قبل. إذا بديت تتردد بالنقاش وياه بأي موضوع أو تخفي عنه شغلات چنت تگولها إلة بالماضي، لما تشوف إنو محد بيكم أولوية للطرف الثاني أو كل واحد ملتهي بحياته المنفصلة.
6
7
156
أكو حد فاصل بين إنو تنصح شخص لمصلحته وبين إنو تحرگ قلبك على موده وهمين ما يصحى على نفسه. تذكر دائمًا: ما تگدر تساعد شخص ما يريد يساعد نفسه.
11
2
159
گاعد أسولف وية موظف ويانة بالشغل، چان يگولي "مستحيل أتزوج بنية بايسة ولد قبلي.".أني سألته "شلون راح تعرف هي بايسة أحد قبلك؟".جاوبني "ما أعرف والله؛ فقدت الثقة بكل البنات.".وراها گال "يمكن بعقلي مشكلة أو محتاج أزور طبيب." أني ضليت صافن عليه وأسمع، ما علّقت بشي.
42
4
150
أتمنى من إلي يقطع علاقته بشخص، ما يجبر أصدقائه إنو همين يتضامنون وياه ويقطعون علاقتهم همين، الواحد هذا المفروض إنو هو نضج هاهية وكبر، ما ترهم يسوي سوالف الإبتدائية. إلا إذا هذا الشخص مسوي فد جريمة أو مصيبة، هنا الوضعية تختلف.
10
7
157
يا جماعة بالله عليكم أدعوا لي.وضعي الصحي حيل متدهور.حتى ما بية حيل أشرب مي.ما متخيل بحياتي أشوف هيج مرض.
53
0
152