#كان_حلمي اتخرج من الجامعة و بلش شغل و متل كل الشباب اشتغل على تطوير نفسي.
#كان_حلمي اوصل لمرحلة اعمل شركتي الخاصة، او مصلحتي الخاصة.
كان عندي افكار، اليوم #صار_همي كيف اقطع المرحلة و كيف ما موت من الجوع.
لبنان مقبرة الأحلام.
خي بدي روح على البحر و روح اسهر و سافر و اعمل سياحة داخلية و اكل ما لذ و طاب و اسكر و اعمل كل حفلة ببيتي اكبر من التاني و يكون عندي كهربا و ما كون مجبور لا بصاحب موتور و لا بموتور بيت، و يكون عندي مي بلا سيترنات.
ببساطة حقي كون فرحان و حاصل على كل حقوقي. اذا عندك مشكلة مش حق علي.
٢٦ اذار ال٧٦ فات الفلسطيني على ضيعتي المتين، و تهجروا اهل الضيعة بس في ناس ما تهجروا. عمي من الناس يلي ما تهجر و قُتل ببيت بيه لأن لابس تياب الجيش عمي كان مهندس داخلي بيهوى الرسم. جدي دفن ابنه بإيده ليرجع بعدين يعمل مأتمن بعد سنتين. #ماتوا_لنحيا
مات ٢٠٠ شخص #ولا_مهتمين
انجرح ٦٠٠٠ شخص #ولا_مهتمين
٣٠٠٠٠٠ مشرد #ولا_مهتمين
مليون و ٢٠٠ الف عاطل عن العمل #ولا_مهتمين
هجرة الشباب يومياً #ولا_مهتمين
اقتصاد منهار #ولا_مهتمين
فشل بكل الاصعدة #ولا_مهتمين
لبنان باصعب ازمة وجودية #ولا_مهتمين
شو الكن طعمة انتو و كراسيكن؟
عزيزي المسؤول
بدال ما توزع كراتين. شو رأيك تزرعلك كم شتلة خيار و مقتي و تصير توزع خضرة على العالم
هيدا حضرتي بجنينة زغيرة كل يوم بعطي خيار و مقتي لبيت من الجيران. يعني بدك تقول صرت بطلع رئيس بلدية.
فكر فيها😁
اصعب شي صار مع الناس إللي بلشت من ولا شي. بيّ بلش بلّاط علمنا بالدين، خرجيتنا كانت شي لا يذكر. اضطر يبيع ارض هو اخوته تيكفي. و اخر بيوصل اليوم ما بلاقي قرشين لآخرته. و بيجي مين يقلك الناس استفادت من ال١٥٠٠ ولك شو استفاد؟ #لبنان
#survival_mode
الأزمة الصحية و الاقتصادية و التعليمية هي نتاج انحلال الدولة و تقاعصها عن قصد أو عن غير قصد عن مسؤوليتها.
الدولة وضعت منذ أزمة النفايات مرورا بكل الأزمات وصولا إلى #كورونا المواطن بوجه الآخر و بوجه القطاع الخاص.
#صار_الوقت
الحرية ما كانت ولا مرة بخير. النا اكتر من ٣٠ سنة الناس بتنسحب من بيوتها على كلمة، و اخر ٤ سنين ما ضل في حدا ما نسحب و تحقق معه. في ناس خسرت حيانها لأن حكيت. #الحرية_ليست_بخير
في 200-300 الف موظف قطاع عام، هودي قد شعبية اكبر حزب بلبنان كيف بتسكتن (على انه هني مش رخ يحكوا) و بتخليهن وليين الك؟ بتشتريهن بكم مليون ليرة بتطبعها من جيوب العاطلين عن العمل و القطاع الخاص. هيدي #موازنة_المسخرة
عرض القومي السوري و هتافاته هو لزيادة شد العصب بكل أنحاء البلاد بهالطريقة لتبقى سلطة الأمر الواقع و قطع الطريق على أي تغيير.
أداة بيد حزب الله و السلطة. #لبنان
ناس مفكرة سعد الحريري منقذ
و ناس مفكرة انه جبران باسيل منقذ
و ناس مفكرة انه الترويكا هي الحل
و ناس مفكرة انه حزب الله هو الحل
و هني مش عارفين إنه ما في حل بوجودن.
#لبنان #صباح_الخير
يا خيّ متل ما هي، تركوها متل ما هي للثورة و خلونا نعلن #اللامركزية (الحكم المحلي) مطرح ما بدن ينحكموا حكم يساري ينحكموا و مطرح ما بدن ينحكموا حكم يميني ينحكموا. خلصت، هالقد حقها. #لبنان_ينتفض #اسبوع_الغضب
حسين بده يكبنا بالبحر، لأن بيعتقد انه هو الوحيد يلي اجا على لبنان و غيره لازم ينكب بالبحر.
حسين بسمي حاله مش طائفي، بس هو انعزالي متطرف. ما تكون متل حسين.
"في ناس قالولنا طلعوا بالتران قلنالن لما تعرفوا لوين رايح هالتران تبقوا قولولنا" - سامي الجميّل
اليوم، القوات طلعت بالتران و قالت عنا هبل و رجعت نزلت تحت ضغط الشارع.الاشتراكي المستقبل كمان .التيار قائد التران نزل من التران. الخلاصة ما تضحكوا على شعبكن، لأن سبقكن.
@LebaneseKataeb
السلطة ذكية، بتعرف تقسم الشعب، بتعرف تخلق حرب أهلية. و الشعب غبي، نسى انه ميت جوع، بطل بده ياكل و لا يشتغل، صار بده يقوص على خيّه. ولك شو هالشعب انتو؟ و الله العظيم شعب فاشل.
تعودتوا على الغلا، و تعودتوا على الفساد، و بكرا بتتعودوا على الجوع. انا شلت ايدي. #لبنان
اليوم كان أول نهار بينحط بيتنجان #مكدوس من عند ام جمال
@MounetEmJamal
. للصراحة ما في اطيب من هيك بيتنجان!! سلم ديات يلي عملن.
شجعوا المونة اللبنانية و الناس يلي متل ام جمال و اكيد ام جمال ♥️❤️
دايما منسأل وين راحت مصرياتنا و بيجينا الجواب بالفساد. طيب يا جماعة 40 مليار دولار دافعين على قطاع الكهرباء و ما استردينا منن ولا ليرة. هيدا عدا عن احتكار بالمحروقات و السدود و مشكل المياه.
الله يعطيني ثقة التيار و ندى البستاني بس تتشكى بالقضاء. #عالهدى_يا_ندى
"خلينا الناس تحول للدولار على ال1500 و خليناهن يسحبوهن على ٣٩٠٠ كرمال يحافظوا على قيمتن".
طيب كيف بكونوا حولوهن للدولار اذا عم تعطيهن اياهن لبناني يا افندي؟
حاكم مصرف #لبنان #رياض_سلامة يرد عبر #الحدث على تحذير صندوق النقد الدولي بشأن تخفيض سعر العملة.. بالقول: "التخفيض لم يكن من المصرف ونحن لم نكن سبباً في ضعف العملة"
الصراع الأساسي اليوم هو بين ثقافة الموت و التهديد و ثقافة الحيا�� و الحرية. اغتيال لقمان سليم ما كان إلا خوف الثقافة الأولى من الثقافة الثانية. #كلنا_لقمان_سليم
ما استسلمت
ما تراجعت
ما خنت
ما خفت
كنت سهم نار بوج الظلمة.
ما رح نستسلم ولا نتراجع ولا رح نخون الامانة ولا رح نخاف، قبل ما نمحي هالظلم و الاستبداد. #بيار_الجميّل #من_لبنان_لكل_لبنان
وزير الإقتصاد، قال كان عارف إنه مش مظبوط الدعم يلي عمله من سنة لليوم و غلط.
طيب يا راؤول انت صرفت اخر دولارات موجودة بغير فائدة و بلا مسؤولية، مش لازم تتحاسب؟؟ انت عارف إنه قرض البنك الدولي ٢٤٦ مليون انت صارف قدن على شي ١٠ مرات؟؟ وزير فاشل و قليل المسؤولية! #راؤول_انطوانيت
بحريق #رومية:
-المفتعِل توقف بالمخفر قبل بيوم و فلتوه.
-مشحلين الشجر و تاركين التشحيل على الأرض.
-عم يجمعوا حطب من الحراش
جرائم بيئية و يلي بيدفع حقها اهل المنطقة و الدفاع المدني.
This should not pass!!
مش اذا دولة غير قادرة على الإصلاح و حل الازمة المالية يلي عم تضرب شعبها و جيشها، تروح تتبسط جيشها تطبع مصاري و تعطيه.
لا مش مسموح. هيدا القرار رخ يزيد طبع الليرة و رح يزيد التضخم. #طفوا_المطبعة.