IEA-MoFA Statement Regarding the U.S. President’s Remarks on the Displacement of Gaza Residents

د اسعارو پر وړاندې د افغانۍ د مبادلې د نرخ منځنی حد. حد اوسط نرخ مبادله افغانی در مقابل اسعار. مؤرخ ۱۷ دلو ۱۴۰۳ (۱۴۴۶/۰۸/۰۶)

امنیتي سرچینې: په ټولنیزو رسنیو کې مقدساتو ته د سپکاوي او نظام پر ضد د منفي تبلیغاتو په جرم یو تن په کابل کې ونیول شو په ټولنیزو رسنیو کې په بېلابېلو مستعارو نومونو او ادرسونو فعال؛ مقدساتو، دیني شعایرو، د اوسني سرپرست حکومت رهبرۍ، شهیدانو، علماوو، نظام او ارزښتونو ته توهین کوونکی د امنیتي ځواکونو له لوري ونیول شو. هندوکش‌غږ ته په رسېدلې ویډیو کې دغه کس خپل ځان عبدالمجید معرفي کوي، چې په ندیم هم مشهور دی، د عبدالودود زوی او د کابل د خاک‌جبار اوسېدونکی دی او په اتصالات مخابراتي شرکت کې یې دنده درلوده. نوموړي په ټولنیزو رسنیو کې د «مرضیه یوسفي»، «مجید ندیم»، «ندیم آزاد» او ګڼو نورو مستعارو اکاونټونو فعالیت درلود چې په ټولو خپرونو او نشراتو کې یې د علماوو، د اوسني حکومت د مشرتابه او امیرالمومنین، د مشهور دیني عالم شهید شیخ انصاري او ګڼو نورو کسانو عکسونه فوټوشاپ کول، له سپکاوي او توهین ډکې خبرې یې پسې لیکلې او دغه راز یې خلک په ټولنیزو رسنیو کې ګواښل. دغه راز یې شیخ انصاري انځور ته د هغه له شهادت وړاندې لیکلي و چې (ډېر ژر به و وژل شې) او د ده تر شهادت وروسته یې هم له توهین ډک عکسونه فوتوشاپ کول او خپرول. نوموړي د دې ترڅنګ له دغو مستعارو ادرسونو په ټولنه کې د اخلاقي فساد، فحشا او بېلاریو د ترویج لپاره هم پراخ نشرات کول، د سپین بیرغ په ګډون یې اسلامي سمبولونو او شعایرو ته سپکاوی کاوه. امنیتي سرچینو دغه راز هندوکش‌غږ ته ویلي چې یاد کس د ټولنیزو رسنیو ګڼ نور مستعار ګروپونه هم جوړ کړي چې په ټولو کې یې د ارزښتونو او مقدساتو د سپکاوي او د فحشا او فساد د ترویج په موخه نشرات شوي دي. د یادونې وړ ده چې په دې وروستیو کې امنیتي ادارو یو شمېر هغه کسانو ونیول چې په ټولنیزو رسنیو کې یې د ټولنې د ارزښتونو خلاف نشرات کول، دیني شعایرو او مقدساتو ته یې سپکاوی کاوه او په ټولنه کې یې فحشا او اخلاقي فساد ترویجاوه.