الخطا اللي ما جنيته في يديني
غلطةٍ ما جيتها .. و ادفع ثمنها
كل يوم اقول : يمكنّـك .. تجيني
و آتحرّى جيّتك و افلست منها
و الله انه ما ذبحني الا حنيني
لين روحي صارت تصارع وهنها
كلهم جوني و راحوا ، مير عيني
م بكت غير انت يوم اقفيت عنها
يا حظ قم خذ لي مع #المجد لقطه
من كثر سقطاتك ترى صدق عانيت
طايح و من سقطه لسقطه لسقطه
واسمي لو انشر بيت ماهو مع البيت
واما #سعد_علوش لو حط ((( . )))
كل العرب قاموا يسوون #رتويت : (
@Saad3alosh
لمشاهدة قصيدة حفل افتتاح #مهرجان_الزيتون #زيتوننا_ثروة
لـ عبدالمجيد #بن_عابد
بحضور #أمير_منطقة_الجوف
#فيصل_بن_نواف_بن_عبدالعزيز
١٤٤٠ هـ
اضغط على الرابط
.
.
كنت مابي بيننا .. اشياء ممكن : تنتهي
كنت ابي اللي بيننا حاجات تبقى خالده
ليش ترحل دامني معطيك كل ما تشتهي
ليش ياخذْك " الغياب " الله يلعن والده !؟
:
#بن_عابد
عذري اوهن من بيوت العنكبوت
اعترف لك والسبب مامن سبب
لا يغرك صمتي ، و وقتك يفوت
لو سكت الحب ب العين انكتب
عاتبيني .. قبل لا حبك .. يموت
يستمد #الحب روحه من : عتب
سولفي تكفين وش لك بالسكوت
السكوت احيان ما هو من ذهب !
#بن_عابد
وش يضر المشتحن لا ابدا سلامه
كان ما نال الفضيله .. ما تندّم
الرجل يفرض على الناس احترامه
كم عريف ٍ يحرج بطيبه مُقدّم
اعمر الدنيا .. لجل (يوم القيامه)
والعمار اللي ماهو لـ الله مهدّم
(إنحنائك) لـ الله اعظم (استقامه)
و (الرجوع) الى الله الواحد (تقدّم)
#بن_عابد
#ليلة_القدر_1440
.
.
يالله من قبل لا تقضي .. ليال رمضان
جيتك و انا عبدك التايب ثنيت ركبي
طامع بعفوك وغفرانك وحسن المكان
طالبك انا .. يا إلاهي .. لا يضيع تعبي
رباه .. و انت الكريم الدايم المستعان
تقبل صيامي وتغفر لي ولـ أمي و أبي
.
.
#بن_عابد
عندك خداع و عندي استحقار
حق ٍ بـ حق .. و دقه بـ دقه
ما فيه داعي .. يطول المشوار
كعوبنا فـ الدرب .. منشقه
رحتي على اني .. طايح و منهار
وجيتي و لا في خاطري طقه
واما الشعور اللي تبينه .. طااار
و الحظ من عرجا لـ مندقه
عطيني (مواصل) وهاك (أشعار)
هذا زمن : كل شي ٍ بـ حقه : )
#العروبة_مايطيح
.
.
ياهل الوقفات باليوم الشحيح
من يغيب لظرف م غاب ولده
عزوتي بالكايده لاجا الصحيح
كل قرم ٍ .. قام يبذل ب جْهده
و العروبه لو تعثّر .. ما يطيح
بـ الشمال رجال ترجع تسنده ..
.
.
#العروبة
#الجوف
💙💛💚
عز الله اني مثل من يسقي التوت ميت
الميت ضايع نفس و التوت غالي سعر
اعلّم .. الضاعنيه .. نسفة .. الايتيكيت
و امشّي الناعمه .. على الطريق الوعر
اي والله اني على الشعر الحقيقي جنيت
يوم اني اعلّم ( المستشعرين ) : الشعر !
حظ من له صاحبٍ لا قال يالله ؟ قال يالله ..
ما يفكّر فـ الطريق ، و لا يفكّر فـ الخزينه
كل ما طال الطريق ، يزيد ب عيوني محله
ابلجٍ ما طاح من عيني و قدري وسط عينه
ماهوب مثل الفكوك ، اللي مع الطرقه تمله
ما يفكّر غير في بطنه ، و في صرّة يدينه !
يا وليف ٍ .. كلما قلت راي ٍ .. تعترض
ما تهمك غير نفسك .. عليك الله وكيل
كنت احسْب انك علاجي واثاريك المرض
جيت لك من دون عله ورحت اكبر عليل
و الله ان كلماتك احر من جمر القرض
لا شعلْه اللي يبي يشرب الكيف الثقيل
شايب ٍ ماله مع الناس و العالم غرض
كلما قالوا تخليه ؟ يصرخ : مستحيييل
لا تعذرب حالنا لو تشوف البهذله
كم فقير ٍ يفحم الناس لا من عذربوه
ما كسبناه بيدينا .. رجعنا نبذله
لين نكسب ودّ الاجواد بيضان الوجوه
م ارتفعنا غير بأبشر و هين وازهله
يوم يرفع بعض الاشكال مال امه وابوه
#بن_عابد
#شعر #عراقي
#فعاليات #عيد_الفطر
ب #الجوف #دومة_الجندل
#بن_عابد
#تصوير
@mohamaed_555
.
.
انا : غابة شجر .. و الواقع : التنّين
وهم حظي بعد زيت و شعل دنياي !
تظلم الدنيا بـ عينك يابو عقلٍ نبيه
كل ما شفت الثريّا .. تحوّل للثرى
اكذب هروج الخلايق هروجٍ بالوجيه
واصدق فعول الخلايق فعولٍ من ورى
من يعزك لازم انك بلا دعوه تجيه
و المعادي لا تنصّاه لو بيته ذرى
والسنافي كلما شاف شيٍ ما يبيه
قال بس و هز فنجاله و قام و سرى ..
#بن_عابد
الطيب ما هو وراثه لكن انه نصيب
يتعب عليه الرجل منشان ذكرٍ عطر
واما الذي م يثور ان جاه رجلٍ قريب
هذا يعيش ويموت وما براسه سطر
وانا من اللي لقيته فالزمان العجيب
عايش بكبدٍ تزوم ، و خافقٍ منفطر
حتى مع اقرب بني عمي كأني غريب
يمكن لو انه سحابه ما طلبته مطر !
#بن_عابد
#مشهور_تحبه
المبدع
@al_kahldy5
.
.
سلّم على اللي عيون الناس يكبر بها
على الطبيعه ولا يحتاج لـ الاقنعه
#عبدالحكيم_الخليوي ساقه فـ دربها
تطرد ورى الغيث وايده تحزم الامتعه
اللي ليا زار له ديره .. و صوّر بها :
كنه جلبها لنا .. و الا خذانا معه : )
صالة مطار ومتاع و كهكهه و حركه
والناس فيها شغف للأُنس و المغريات
كلٍ مسافر سياحه . . خارج المملكه
وانا مسافر من الضيقه مع الذكريات ..
#اكتب_خاطره_او_بيت_شعر
#صباح_الخير
#بن_عابد
حمام الشوق من غابت عيونك ناح
تعال اسمع من احزاني مواويله
تبسّم لـ الحياه .. و تقبل الافراح
و تمسّك بالمحبه .. كان لك حيله
حبيبي والفرص مهما تكون شحاح
نبي ننسى و نخلق فرصه الليله
من المرتاح صدقني محد مرتاح
سوا اللي حب له واحد يضحّي له !