تقدمت باستقالتي من قناة الحدث في دبي وذلك لأسباب شخصية.
أود شكر القائمين على هذه القناة من مدراء وزملاء على محبتهم وتفهمهم وعلى هذه التجربة الجيدة التي لم تدم طويلا.
العودة إلى لبنان ستكون أيضا عودة إلى حيث أمضيت ٣٠ عاما من العمل الصحفي في lbci.
حابب أعرف الناس يلي ضد التظاهرات ومحمسين لضرب المتظاهرين من وين عم يجيبو قسط المدارس والجامعات؟
قدي في بحساباتن بالبنوك؟
ولادن بلبنان عم يشتغلو ومعاشاتن top او عم يشتغلو خارج لبنان؟
هني أو أولادن عندن بيوت يسكنو فيها إذا قررو يتزوجو؟
خلين يخبرونا حتى #كلنا_يعني_كلنا نعمل متلن
حسيت انو خبر إسقاط الجيش اللبناني لطائرة مسيرة إسرائيلية خرقت السيادة اللبنانية فوق عيتا الشعب في جنوب لبنان،قد مر مرور الكرام.
لذلك حبيت ذكر بالخبر وقول انو جيشنا قادر على حماية لبنان.
هلق عن جد في "ناس" تنمروا على الكنباية ببيت وزير الصحة؟
جربت لاقي وصف أطلقه على هؤلاء فلم أجد.
بس بحب قلن من تواضع ارتفع
ومن تكبر وتعجرف سقط على كل المستويات ولا سيما على المستوى الأخلاقي.
يلي معو موبايل من الفين دولار وطلوع ممنوع يتظاهر.
من ألفين ل ٨٠٠ دولار بيحقلو يعبر عن اعتراضو عا فيسبوك و تويتر.
من ٨٠٠ دولار ل ٦٠٠ بيتظاهر أدام بيتو
من ٦٠٠ ل ٤٠٠ بيتظاهر بالشارع
من ٤٠٠ ل ٢٠٠ بيقطع طريق
من ٢٠٠ ونزول بيحرق دواليب
خط عادي بينتحر
كل واحد يفرجيني تلفونو.
#أغبياء
في واحد ناشر هالفاتورة انو راح أكل بواحد من أغلى المطاعم وطلعت فاتورتو ٥ ملايين و٦١ ألف ليرة.
يعني هالشخص اكيد عارف أولا وين رايح ومش مخلى صنف سمك وثمار البحر مش طالبو وما لذ من مأكولات واكيد عارف سعر كل نوع أكل وجايي يعرض الفاتورة.
هيدا فشيخ ولازمو بهدلة ويروح ينضب
أقترح على وسائل الأعلام أن تستضيف كل الزعماء الذين ينادون بالدولة المدنية وكل واحد يشرح كيف هالدولة بدها تكون.
من هلق بقلكن ولا واحد فهمان شو هيي الدولة المدنية وكل واحد رح يشرحها متل ما هوي بيرغب أنها تكون.
وإذا كنت غلطان رح وقف شغل الصحافة.
لم يصل لبنان إلى هذا الوضع الذي نحن فيه جراء مؤامرة خارجية.
ما نحن فيه هو نتيجة مؤامرة داخلية نفذها عن سابق تصور وتصميم حفنة من السياسيين شاركوا في حكم البلاد والعباد وأمعنوا في هدم كل مقومات الدولة.
نحن في بلد أسهل ما فيه معرفة لصوصه ولكن أصعب ما فيه هو زجهم في السجون ومحاكمتهم.
في البعض مش عاجبن أنو lbci وصفت لبنانيين أنن #بلا_مخ وعملوا تحليلات "نفسية" لهذا الوصف.
طيب سؤال:عطوني وصف لناس صرلن أيام بيسمعوا عن مخاطر الكورونا وكيف بينتقل وانو التجمعات هي البيئة الخصبة لإنتقاله،وأصروا انن يتجمعوا ليتمشوا عل الكورنيش بنهار أحد وما حدا منن كان رايح عا شغلو.
عندما يلتقي وفد من "الحراك" الرئيس المكلف #حسان_دياب هذا يعني أنه كان باستطاعة هذا "الحراك" أن يرسل أيضا وفدا ليقابل رئيس الجمهورية العماد ميشال عون كما كان يطالب.
إذا كانت الحجة أن المطالب تصل للرئيس عون عبر الشارع،فهي كذلك تصل للرئيس المكلف.
لا حاجة لصيف وشتاء تحت سقف واحد
من ٣٠ سنة لليوم فشلوا انو يجيبوا الكهربا
من ٣٠ سنة لليوم فشلوا انو يلاقوا حل للنفايات
من ٣٠ سنة لليوم فشلوا أنو يعملوا نقل مشترك
من ٣٠ سنة لليوم فشلوا انو يوقفوا السرقة والفساد
من ٣٠ سنة لليوم فشلوا ببناء إقتصاد متين
من ٣٠ سنة لليوم فشلوا ببناء دولة قوية
طيب معقول ينجحوا هلق؟
أتعب نفسه الرئيس الفرنسي أيمانويل ماكرون مجددا،وتحدث عن الوضع اللبناني بصدق،لكن مشكلته أنه مازال يعتقد بأن من أخذ لبنان إلى الهاوية يرغب في إخراجه منها.
هؤلاء لا يوجد في قاموسهم كلمات استقرار وازدهار وسلام وبحبوحة.
هؤلاء ليس في قاموسهم سوى المعاناة والمآسي والظلام.
تبين بالدليل القاطع أن الشعب اللبناني العادي بلا أدب وأحساسو غير مرهف
بالمقابل تبين أن أتباع الزعماء مفعمون بالإنسانية والتهذيب ورقي الأخلاق ولا ينامون إلا على أنغام بيتهوفن وموزار ولا يصحون إلا على أصوات البلابل والكروان.
يا ريت فيي كون متلن.
عشت أيام الحرب والتهجير اكتر من مرة
وعايشت كل الأحداث السيئة في لبنان.
ولا مرة شفت الناس فاقدة أعصابها قد اليوم
والله العظيم اكتر من شخص شفتن اليوم عم يحكوا لحالن عا محطات البنزين وبالسوبر ماركت والأفران.
إرحموا من في الأرض يرحمكم من في السماء.
حبيت اليوم خبر المسؤولين انو لبنان بأزمة كبيرة تصل إلى حدود الكارثة التي ستجعل شعبه من أفقر شعوب العالم.
إذا حدن شاف هالتغريدة والتقى بحدن من المسؤولين أو الو وصول علين بأي طريقة يخبرن بركي ما معن خبر.
انا جربت بس ما وصلت لنتيجة.
#كلنا_في_خطر
لبنان دخل في المجهول.
هذه هي حقيقة الوضع:شعب فقد أجوره ومدخراته
إقتصاد ينهار يوما بعد يوم
صراع سياسي وطائفي على أشده
إصلاحات لا زالت حبرا على ورق
لا اهتمام عربي ولا دولي
بالتجربة أثبتنا أننا لسنا بحاجة لأعداء لتدمير لبنان،نحن مع الأسف،كفيلون بتدميره.
#لبنان_في_المجهول
"تهمة" جديدة دخلت سوق "الإتهامات" اللبنانية.
فبعد تهمتي"الخيانة والعمالة" تبرز تهمة "العنصرية".
يعني بالعربي المشبرح:انت اللبناني إذا بس بهمك لبنان وما بهمك اي بلد غيرو بتطلع "عميل وخائن"
وإذا بتقدم مصلحة اللبناني على مصلحة أي حامل جنسية أخرى بلبنان بتطلع"عنصري"
#لبنان_لبناني
وزير الصحة أشار إلى أنه لم يتم بعد اتخاذ قرار بوقف الرحلات الجوية من وإلى إيران خوفاً من أن يؤدي ذلك إلى حال من الهلع.
حضرة الوزير الهلع ما بيعدي ولا بموِّت ومش ضروري نترك مجال لإصابة مواطنين آخرين.
#فيروس_كورونا
صرت أشفق على حالنا كالبنانيين
لقد أصابنا الجهل
جهلة يوجهون جماعات لا تكلف نفسها أن تقرأ وإن قرأت لا تفهم
جهلة يطلون عبر أي منبر يدعون السياسة او الصحافة او الخبرة وهم في الحقيقة يضللون الناس
صدق الأمام علي بن أبي طالب حين قال:
ما جادلت عالما إلا غلبته، وما جادلت جاهلا إلا وغلبني
اذا مواطن تمنى أنو يعيش بلبنان بسلام واستقرار،من دون حروب،ومن دون انفجارات وتفجيرات واغتيالات،وإذا طالب انو يكون عندو دولة قوية بيحميها جيشها وبدافع عنها ووحدها يلي بتقرر وبتطبق القانون على الجميع،هل بيكون عم يطالب بشي غلط؟
هل بيكون مش وطني؟
هل بيكون خائن؟
بدنا نشوف نهار حلو
الحكومة الجديدة غابت عنها كل الوجوه القديمة ولا سيما تلك التي أُطلق عليها لقب "إستفزازية"
وفي هذه الحكومة وجوه أعرفها وأعرفهن جيدا وهيي وجوه ناجحة في مناصبها ومهامها.
المهم أن لا تتدخل السياسة في عملهم كي نرى نجاحهم في القطاع الخاص في القطاع العام.
#إرفعوا_يد_السياسيين
ما عم بفهم ولا حدن عم يفهم كيف "مسؤول" او "زعيم" أو سموه متل ما بدكن شايف معاناة الناس وبعدو رافض يعمل أي حل رغم انو حلول كتير موجودة.
يا خيي ليش عندكن هواية تتفرجوا عا معاناة وذل المواطنين،عالقبر ما رح تاخدو معكن شي لا منصب ولا حقيبة وزارية ولا حصة،رح ياكلن الدود وتطلع ريحتكن.
عشت الحرب بكل فصولها
وعشت السلام المصطنع بكل خيباته
إستشرفت خيرا بانتفاضة ١٧ تشرين بولادة بلد جديد وسقوط منظومة مخربة.
لا تقتلوا فرصة التغيير الحقيقي قد لا يسمح الزمن بتكرارها.
#لا_لإستعادة_المأساة
خارج الأحزاب والقوى السياسية في ناس بتفهم:
بالاقتصاد
بالزراعة
بالسياحة
بالصناعة
بالسياسة الخارجية
بالأمن والدفاع
بالكهرباء والغاز والبترول
بالاتصالات
وغيرها وغيرها
وعندن وطنية يلي هيي مش حكر على الأحزاب والقوى السياسية
ولن يوقعوا معاهدة سلام مع العدو الإسرائيلي.
#لبنان__ينتفض
البعض في لبنان ينتقدون"أذن الخروج"الذي يجب أن يحصل عليه المواطن كي يسمح له بالتحرك في خلال فترة الإقفال العام.
هذه الوسيلة تم العمل بها في الكثير من الدول ��لتي تراجع فيها فيروس #كورونا،حتى أن فترة التحرك كانت تحدد بساعة أو أقل ولمسافة معينة.
نحنا شعب مش شاطر إلا بالمسخرة.
بأيام الحرب ما شفت هيك شي
ببرج حمود الناس واقفة بالصف أمام ملحمة أوهانس حتى تشتري كليو اللحم بأرخص مما هو متداول بالأسواق.
يمكن هالناس بعد كم يوم حتى بالسعر الأرخص ما يقدروا يشتريوه وكتار سبقون ومش قادرين يشتروا حتى بالسعر الرخيص.
الله يلعن كل واحد وصلنا لهون
من مقدمة أخبار lbci وكتبها الزميل جان فغالي:
بئس جمهورية تحتاج إلى كلب ليُحيي فيها الأمل بوجود نَبْض.
صمتُه كان أقوى من ثرثرتِكُم.
" فلاش "أصبح صفة وفاء و نخوة وإنسانية،وهي صفات بات صعبًا إيجادها لدى الكثيرين من المسؤولين،سواء اكانوا في السلطة التنفيذية ام في مواقع إدارية.
فلست الدولة والودائع بخطر:الحق عالمصارف ومصرف لبنان
طلع الدولار:الحق عالصرافين
غليت الأسعار:الحق عا التجار
في تهريب:الحق عالمهربين
في فضحية:الحق عا الكل باستثناء المسؤول
من ٣٠ سنة لليوم والمسؤولين كانو بدن يشتغلو بس ما خلو بعضن البعض
ومن ٣٠ سنة لليوم بيتهمو بعضن البعض بالسرقة
يريدون لنا أن نعيش في الحروب والقتل والدماء
لبنان أرض السلام والمحبة ولن يكون إلا كذلك
لبنان أرض الفرح والانفتاح ولن يكون إلا كذلك
لبنان أرض العلم والثقافة ولن يكون إلا كذلك
لبنان منصة للأمل وليس للألم
أتركونا نعيش بسلام.
مصرف لبنان لن يستطيع تأمين الأموال لشراء الأدوية والمستلزمات الطبية.
مئات الحاويات المحملة بمواد غذائية مهددة بالتلف في مرفأ بيروت جراء انقطاع التيار الكهربائي.
مش مهمة هالكوارث
المهم الحكومة كم وزير؟ومين بدو يسمي الوزراء؟وأي حقائب رح ياخدو؟
وبعد في مين عم يزقفلن،الله لا يقيمكن
في كم لبناني عبروا علنا عن وجعن من ظروف الحياة بلبنان وانو هني قرروا الهجرة.
قامت القيامة علين وبعد شوي يمكن يتهمون بالخيانة والمؤامرة وبلشت الوطنية والتمسك بلبنان عا مد عينك والنظر.
كل أنسان حر يبقى وحر يفل بس ما حدن بحقلو يهين يلي بدو يهاجر.
روحو هينو يلي وصلو البلد والناس لهون
ماذا يبقى من وطن يتنازع زعماؤه الكراسي والمناصب.
ماذا يبقى من وطن يتقاتل بعض أبنائه في سبيل هذا الزعيم أو ذاك؟
ماذا يبقى من وطن فقد فيه الكثيرون أرواحا ودماءً وممتلكات ولم يتعظ المسؤولون.
ماذا يبقى من وطن يهجره أبناؤه ويتباهى الحكام بحكمهم للأطلال.
#لبنان_منكوب_بحكامه
كنت أغطي قداس #مار_مارون ووزعت علينا عظة المطران #بولس_عبد_الساتر مع بداية القداس،وعندما قرأتها أدركت قوة وعمق رسائلها المدوية الموجه للمسؤولين وانتظرت كيف ستكون ردة فعل الحاضرين منهم عندما تتلى على مسامعهم.
هم سمعوا ونحن صفقنا للمطران عبد الساتر فقد تحدث باسم كل مواطن مقهور.
يا خيي قولو بوضوح إذا ما في غير الحريري يشكل الحكومة.
هوي قال بكل وضوح أنو ما بدو،ليش فإذا متمسكين فيه أو بمشاركة تيارو بالحكومة؟
ليش بدكن ياه يكون داعم لأي رئيس آخر للحكومة؟
أقله خبرو مناصريكم ليش،خاصة أنو الرئيس الحريري متهم من قبل البعض منن أنو فاسد.
دولة الرئيس
@Najib_Mikati
أنا وغيري من المواطنين لا نأخذ كهرباء ومياه وهاتف ببلاش وندفع أيضا لمولد الكهرباء ولصهريج المياه ومدخراتنا محتجزة في المصارف وبأحسن الأحوال خسرنا معظم قيمتها.
لسنا نحن المسؤولين عما حصل في البلد،انت تعرفهم،هم من يجب أن يتحملوا المسؤولية الكبرى وليس نحن.
لبنان جميل بتنوعه الديني
كل طائفة وكل مذهب يحيي شعائره الدينية
والأجمل لو نتشارك جميعا في أحياء هذه الشعائر.
أبعدوا السياسة عن الدين
أبعدوا الدين عن السياسة
ليبتعد بعض الحراك عن ممارسة القمع والديكتاتورية والإتهام من دون أدلة ووقائع دامغة.
ليس كل مسؤول فاسداً،وليس كل غني أو صاحب رأس مال هو فاسد.
كرامات الناس ليست عُرضة للإهانة من أي كان.
#لبنان_ينتفض
أحلى نكتة وقت بخبروك المسؤولين ويلي هني من قوى سياسية مشاركة بالحكم أنو مطالب الناس بالشارع هيي مطالبن.
سؤال لهالمسؤولين:ليش حضرتكن وطوال عشرات السنوات والحكومات المتعاقبة ما حققتوا هالمطالب؟انتو يلي كنتو وبعدكن بالحكم مش الناس يلي بالشارع.
مين منعكن؟عجزكم؟خلافاتكن؟او المؤامرة؟
بس تسمع تصريحات الذين كلفوا حسان دياب بتشكيل الحكومة وقدي هني ما عندن مطالب وعم يسهلولو عملو،ما فيك إلا ما تسأل طيب مين عم يعرقل التشكيل؟
المعلومات بتقول أنو المعرقلين يا أشباح يا من خارج كوكب الأرض.
#قوموا_بقى
طيب هلق أذا وقفت الانتفاضة،خلي يخبرونا "الحريصين"على البلد كيف بدن يحلوا الأزمة المالية والاقتصادية؟
بعتقد بذات الطريقة يلي كانت قبل الانتفاضة وكانت نتائجها باهرة.
لننسى أمر الحكومة الجديدة لأن المماطلة في تشكيلها قد تستمر.
الضغط منذ اليوم الأول كان يجب أن يتركز على انتخابات نيابية مبكرة ولو بالقانون الحالي
المطلوب حاليا تقصير ولاية مجلس النواب والذهاب إلى الانتخابات برقابة دولية.
إرموا الكرة في ملعب النواب ووسائل الضغط عليهم متاحة.
اليوم ستكون اول إطلالة لي عبر قناة الحدث في حلقة خاصة لمناسبة السنوية الأولى لثورة ١٧ تشرين أكتوبر من بيروت الساعة العاشرة مساء بتوقيت بيروت.
الحلقة سأقدمها أنا والزميلة ناهد يوسف
@NahedYussef
المطلوب الأن من المهللين ومن الممتعضين لوقف #البنك_الدولي لتمويل #سد_بسري أن يسارعوا للحديث مع البنك الدولي من أجل استخدام ال ٢٤٤ مليون دولار التي تم إلغاؤها من تمويل السد،في معالجة تداعيات #انفجار_المرفأ بدل التلهي بذرف الدموع من جهة وشرب الشمبانيا من جهة ثانية.
اليوم سمعت من نائب رئيس مجلس النواب إيلي الفرزلي تعبير جديد بمواصفات الحكومة المطلوبة:
"حكومة تتمتع بحس وطني"
وانا بقول بدنا حكومة "مرهفة الأحساس" تجاه مطالب ومعاناة الناس.
#لبنان_يتنفض
كنا ندرس بالجامعة مادة اسمها أخلاق إعلامية وهي بالأساس منبثقة من الأخلاق العامة يلي لازم يربى عليها الإنسان.
أين هي تلك الأخلاق الإعلامية اليوم:الشتم، التشهير،الافتراء،الكذب،التزوير صارت من السمات الإعلامية اليوم والبعض يطلق عليها اسم الحرية.
تيار المستقبل لا يريد أن يكون في حكومة تكنو سياسية شبيهة بالحكومة المستقيلة
الحزب التقدمي الاشتراكي لا يريد المشاركة في الحكومة.
القوات اللبنانية أعلنت أيضا أنها لا تريد المشاركة.
لماذا لا يشكل التيار الوطني الحر وحزب الله وحركة أمل والمتحالفون معهم من السنة والدروز حكومة أكثرية؟
اذا متمسكين بالرئيس الحريري ليشكل حكومة كسابقاتها وما قدرتو تقنعوه بالحسنى،فلا أعتقد أنه سيقتنع بغير الحسنى.
وإذا كنتم لا تريدونه رئيسا للحكومة سارعوا لتكليف أي شخصية أخرى وشكلوا حكومة كما ترغبون ربما تجترحون المعجزة هذه المرة وتنجحون حيث فشلتم مجتمعين سابقا.
تؤكد خطابات ومواقف رئيس الحكومة حسان دياب أنه كشف المؤامرة ضده ويعرف الانقلابيين.
إذا كان الأمر كذلك فلا يجب التردد في تسمية هؤلاء وزجهم في السجون كي لا يقوموا بمحاولة انقلاب ثانية فنصبح أمام مسلسل:"ليالي الانقلاب على دياب"
طيب معقول خلاف بين وزارتي الصحة والداخلية بخصوص تدابير الإقفال لمواجهة كورونا ولا سيما حفلات الزفاف؟
وكأنو كل وزير من حكومة ومن بلد.
حارة كل مين أيدو ألو
اقترح ان تتوجه مجوعات من الانتفاضة إلى الدول التي منحت لبنان قروضاً وهبات طوال السنوات ال ٣٠ الماضية وأن تشرح لبرلماناتها ومسؤوليها كيف أن الأموال المجباة من شعوبها او التي كان يُمكن أن تخصص لشعوبها لتنميتها،قد هُدرت في لبنان وأن تسمي لهم المسؤولين عن هدرها كي تتم ملاحقتهم هناك.
نتيجة الاستشارات النيابية الملزمة التي لم تحصل بعد ستكون تكليف سمير الخطيب بتشكيل الحكومة.
وسيعرف أيضا عدد وأسماء الوزراء قبل صدور مرسوم التأليف.
وليش ما بتبلش عملية التسليم والتسلم بالوزارات من اليوم توفيرا للمظاهر الفولكلورية.
لا وطنية في أن يرفع لبنانيون أعلاماً غير العلم اللبناني.
في بعض المغردين كمان بيحطوا العلم اللبناني وإلى جانبه علم أو علمين لدول أُخرى.
إحدى المشاكل الأساسية في تاريخ لبنان الحديث تعدد الولاءات لدى العديد من اللبنانيين.
بيقدر حدن يعطيني إيجابية وحدة لأطلاق النار من أسلحة حربية بالمناسبات.
ضحايا وجرحى كتار سقطوا نتيجة لهذه الممارسات الشاذة
وين بيكون عقل مطلق النار بهاللحظة؟
ما بفكر؟ما بقدر العواقب؟
يبدو أنو هؤلاء مين ما كانوا يكونوا متأكدين من أمر واحد أنو البلد سايب وما في دولة.
رجل اختلف هوي وزوجتو بالطيارة وقالتلو طلقني.
وفي واحد فايق ورايق صورن ووزع الفيديو وانتشر وحتى وسائل إعلام نشرتو.
ممكن حدن يخبرني عن الفائدة من هيك خبر؟
شو خصنا بالأمور الشخصية للناس؟
حدن بيقبل اذا صار معو هيك انو تنتشر قصتو وين ما كان؟
حدن سأل اذا عندن ولاد وشافو الفيديو؟
باسم الغالبية الساحقة من اللبنانيين تحدث الرئيس الفرنسي
@EmanuelMaccron
لم أسمع أحدا من المسؤولين اللبنانيين أو زعمائهم يخاطب الشعب اللبناني بهذه الطريقة الشفافة والصادقة.
#ماكرون_لبناني
حتى الأن تبين أن السلطة لا تزال تعيش في lala land وتقدم تفسيرات وتحليلات خنفشارية لما يحصل في الشارع.
ببساطة ما يحصل هو رفض لسلطتكم جميعا.
#لبنان_ينتفض
بحب شي زعيم يجاوبني:
في شي مرة وقفت بالصف لتعبي بنزين؟لتاخد ربطة خبز؟لتسحب كم ليرة من البنك؟
في شي مرة فتت عا صيدلية وسألت عن دوا وقالولك مقطوع؟
في شي مرة فتت عا سوبر ماركت لتجيب شي للأكل وما لقيتو او ما اشتريتو لأنو غالي؟
في شي مرة رحت عا مستشفى وقالولك بدك تتدفع قبل ما تتعالج؟
علينا كلبنانيين رفض الحلول الترقيعية والموقتة لأنها ستكون بمثابة هدنة قبل استئناف عملية تخريب البلد.
المطلوب حل نهائي،سموه ما شئتم:نظام جديد،صيغة جديدة شرط ألا يسمح لطائفة أو لأخرى بالسيطرة على قرار البلد والتحكم بمصير أهله.
في ناس مش عاجبتن حملة #اعطوا_لبنان_فرصة وصفر اشتباك سياسي بخلال شهر الأعياد.
بصراحة:عمرها ما تعجبكن والله لا يقيمكن و انشالله بتقبروا بعض وما يضل منكم مين يخبر.
وفي حل تاني كمان بركي بترحلوا وبتروحوا تتقاتلوا برات لبنان لأنو البشر يلي بتفهم بدها ترتاح وتعيش بهدوء واستقرار.
أغرب ما في لبنان أن من هم في الحكم ومن كانوا في الحكم منذ عقود وحتى اليوم يشكون من الفساد وعدم وجود الدولة وتردي الوضع الاقتصادي،والأغرب أن بعضهم يدعوا أنصاره للمشاركة في التحركات الاحتجاجية على ما وصل إليه حال المواطن والوطن.
حكام المريخ يتحملون مسؤولية خراب لبنان.
I am proud of you dad hope this opportunity will make you more and more successful as you were here at LBC. we are behind you all the love ❤️
@BassamAbouZeid
كان اللبناني على الأقل مرة بالأسبوع يعمل مشاوي،وكان يطبخ كمان طبخات مع لحمة او دجاج.
حتى هيدي حرمتونا ياها
ويمكن الخضرا والفواكه كمان رح تحرمونا ياها وفي ناس مش قادرة تشتريها.
والله فكروا لدقيقة بس بمصير لبنان واللبنانيين
الله وهبنا الحياة وما بدنا نعيشها بذل يومي.
إلى بعض اللبنانيين
أنتو أول ضحية للكارثة والمعاناة التي أصيب بها لبنان.
وقفوا مكابرة،واعترفوا بهالواقع يلي أوصلتنا إليه إدارة سيئة للدولة وسياسات إقتصادية ومالية فاشلة على مدى سنوات.
المشكلة مش تظاهرة أو قطع طريق هنا أو هناك.
المشكلة أنو هناك من قطعوا شريان الحياة عن هذا البلد.
لماذا علينا في لبنان أن نعيش في قلق وخوف دائمين؟
ألا يحق لجميع اللبنانيين أن يعيشوا في بلدهم حياة طبيعية؟
أن يبنوا مستقبلهم ومستقبل أبنائهم في هذا البلد؟
لماذا كل هذا الحقد على هذا الوطن؟لماذا يريدون له أن يعيش في الأزمات والمآسي الدائمة؟
#أطلقوا_سراح_لبنان
في البعض بفكر أنو اذا قدر يحجب الصورة والصوت بيكون البلد تمام.
غلطان
أول شي ما حدن بيقدر يحجبن
تاني شي الأحداث هيي بتفرض حالها
تالت شي إذا في حدن مش حابب يشوف هيك واقع وهيك مشاهد،الحل ما بيكون بحجبها بل بمعالجة أسبابها
بالنهاية حر الواحد يتعلم إما القمع وإما الحرية.
معليش رح أسبق الكل وقول:
هل تكون الحكومة عيدية عيد الميلاد؟
أو بسترينة راس السنة؟
أو عيدية عيد مار مارون؟
أو تولد الحكومة مع قيامة المسيح؟
أو عيدية عيد الفطر؟
أو عيدية عيد الأضحى؟
هودي كلن أسئلة رح يسألن الإعلام بكرا بتشوفو.
#معزوفة_قديمة
من "قطع الطرقات" احتجاجاً على المعاناة التي يعيشها الشعب اللبناني معروف لدى الجهات المعنية فيُلقى القبض عليه ليحاسب على فعلته.
من تسبب بالمعاناة وقطع أرزاق الناس ونهب الدولة وتسبب بهدر أموال المواطنين معروف أيضاً ولكن لا يُلقى القبض عليه أو عليهم ليحاسبوا على فعلتهم.
#محميون