السنين طلعت مبتنسيش ، العُمر عدىٰ و ڪُله شاف حياتُه ، وانا لِسه فَ نفس المڪان عند نفس النُقطة مَبتعافاش ، ولا ساعات ولا أيام ولا سِنين قادرة تِنسيني شكلي هفضل زي ما انا .
انا اتبصلي في رزقي واتبصلي في حياتي واتبصلي حتى في حُزني واتبصلي في فرحتي واتقالي بالحرف بس كويس انك مش متأثره وبتتعاملي عادي و مش فارق معاكي حاجة ياريت نبقى زيك اتمنا تبقا حقيقي زيها ويسقيكم الله من نفس ما سقاني.
اللهم في يوم الجمعة " اجعلها جمعة جابره لقلوبنا ، اللهمّ جبرًا لقلبي و روحي ، اللهم أرني الفرح في كل ما أريد ، يارب العوض الجميل بعد الصبر الطويل ، اللهم دربًا لا تضيق به الحياة ، يارب إزرع في قلبي راحة دائمة وأملًا لا يخيب ، اللهم إرزقنى فرحة تعوض قلبى عن كل ما فات.
كل شوية الواحد بياخد إنذار من ربنا إنها مش دايمه وكل الجري اللي بتجريه حاليا علي الفاضي ؟
اللهم أجرني من موت الغفلة ولا تأخذني من الدنيا إلا وانت راضِ عني ولا تريني في اهلي واحبتي اي مكروه..
انا مش احسن حد وفيا عيوب ومش ملاك بس مفيش حد شبهي مليش وشوش تانيه مبعرفش اتلون عشان خاطر حد ولو بحبك هيبقا من كل قلبي ولو طلبت عيني عندي استعداد اديهالك عادي بكل سهوله ولو مش مرتاحلك هيبان في تصرفاتي فيكفيني اني صادق مع نفسي ف بلاش تحكم عليا وانت متعرفنيش 🖤
كل واحد فينا بلا اِستثناء عنده وجع مدفون جواه ، اللي عاش فترة صعبة ، واللي عنده ذكرى موقفة حياته، واللي صعبت عليه نفسه، واللي حب وما اتحبش،واللي اتمنى حلم ومطالوش،حاجات كتير ممكن نمر بيها توقف حياتنا، بس على قد ما هتتوجع على قد ما هتتعلم، وخدها قاعدة "مفيش شخص قوي بدون ماضي قاسي
" بلاش تسيب شخص عزيز عليك لوحده وقت حزنه ، الحزن بيحرق القلب والروح ، الحزن كفيل إنه يطفى الشخص ويحوله لإنسان فاقد الأمان والثقة فى كل الناس ، علشان كده بلاش تسيب شخص بتحبه لحزنه حتى لو هو مطلبش منك ، خليك معاه ، خليه يحس بوجودك ، ويحس باهتمامك ، خليه يعرف أنه مش لوحده ."