د امریکا د کنګرس غړی مایکل مککال: ولسمشر ډونالډ ټرمپ دې د افغان پناه غوښتونکو د بیا هستوګنې او انتقال د پروسې له ځنډ لاس واخلي، کنه په راتلوونکې کې به بله جګړه کې هیڅوک بیا په موږ باور ونکړي.

ډونالډ ټرمپ: غواړم، غزه واخلم او د امریکا ملکیت کې یې شامله کړم. وایي، په دې اړه د سعودي ولیعهد او د مصر ولسمشر سره خبرې کوم او تمه لرم، چې دوی به د فلسطینیانو له کوچولو سره موافقه وکړي. بلخوا نتانیاهو ادعا کړې ده چې ټرامپ د غزې په اړه خپلو طرحو کې جدي دی.

ټولنیز فعال مبین: کوم چا مې د غواګانو فارم کې ډوډۍ کې غواګانو ته ستنې اچولي چې له امله یې ۵ غواګانې مردارې شوې. هغه د یادې کړنې ترسره کوونکي ته ګواښ کړی او لیکلي یې دي: مخامخ راشه چې یا دې سر وشیندم یا مې سر او شینده بیغرته!

د لاهور مناوان کې یو پاکستاني پولیس افسر په یوې سوالګرې میرمنې جنسي تیری کړی او هغه کس یې هم په ډزو ټپي کړی، چې له نوموړې یې ویډیو کوله. دغه پولیس افسر د نورو پولیسو لخوا نیول شوی او دوسیې جریان لري.

راشد خان د اتلولې جام له ګټلو وروسته دوبۍ ته رسېدلی او ډېر ژر به د ملي لوبډلې تمريناتي کمپ سره ملګری شي.

د ټولګټو چارو وزارت: د سالنګ لویه لار د درنې واورې ورېدو له امله د تېرې شپې له ۷ بجو راهیسې تړل شوې ده، چې تر راتلونکې خبرتیا پورې به د هر ډول تګ‌راتګ پرمخ تړلې وي.

کوزه پښتونخوا کې دوه پاکستاني پولیس چې تېره ورځ تښتول شوي و، نن سهار یې جسدونه موندل شوي.

فضل الحق فاروقي، نړیوال شل اوریز لیګ کې په ۲۱ ویکټو اخېستو سره د دې لیګ تر ټولو مخکښ وېکټ اخیستونکی شو او سپین بیلټ جایزه یې تر لاسه کړه. #ILT20Final #ilt20league #FazalhaqFarooqi

ایلن ماسک: د امریکا غږ او د آزادۍ راډیو رسنۍ باید وتړل شي، ځکه چې هېڅ اورېدونکي نه لري او باید هر کال یو بلیون پیسې پرې ونه لګول شي.

د زابل مرکز کلات اړوند په امکي سیمه کې یوه ځوان نن سهار د کورني تاوتریخوالي له امله ځآن وژنه کړې.

څه غښتلي اتلان لرو، نړۍ او کرکټ پرې رنګین دی وړمه ورځ د نبي، پرون د راشد او نن د ګلیدین اړوند لوبډله اتله شوه. دوبۍ کاپیټل لوبډله چې په کې ګلبدین نایب او قیس احمد لوبېده، د نړیوال شل اوریز لیګ اتلولي یې وګټله. ټولو مینوالو ته یې مبارک

د برتانیا په مانچسټر ښار کې په غیرې قانوني ډول په ماشومانو د چاقو پلورلو له امله د یوه سټور مسؤل، زر ایرو جریمه او د لا څېړنو په موخه محکمې ته غوښتل شوی دی.

د ایران د ښځو د حقوقو د ساتنې د انسټیټیوټ مشره: د ۱۴۰۲ کال ترپایه ۱۷ زره او ۷۵۸ ښځو د ایران په پوهنتونونو کې استادانې دي.

د آریزونا پوهنتون د څېړونکو موندنې: د ۲۵ او ۶۵ کلونو ترمنځ مېرمنې هره ورځ په اوسط ډول د همدې عمر نارینه وو په پرتله ۳ زره ډېرې کلمې خبرې کوي. د دې موضع د څېړنې لپاره، د آریزونا پوهنتون څېړونکو له ۲ زره څخه د زیاتو خلکو خبرې ثبت کړې، څو وګوري چې کوم جنس ډېرې خبرې کوي.

ولسي مېړانه: په دایکندي ولایت کې د خلکو په شخصي نږدې ۵نیم میلیونه افغانیو مالي لګښت د یوه ښوونځي ودانۍ جوړه شوه. دغه ښوونځی ۱۳ خونې او نور ضروري ملحقات لري.

د نامیبیا بنسټ ایښودونکی او د دغه هېواد ولسمشر سیم نیوما د ۹۵ کلونو په عمر مړ شو. نمیبیا چې په ۱۹۹۰ کال کې له جنوبي افریقا څخه خپلواکي ترلاسه کړه، سیم نیوما په هماغه کال ولسمشر شو او تر ۲۰۰۵ کاله پورې یې درې ځله په یاده څوکۍ پاتې شوی دی.

د لاهور مناوان کې یو پاکستاني پولیس افسر په یوې سوالګرې میرمنې جنسي تیری کړی او هغه کس یې هم په ډزو ټپي کړی، چې له نوموړې یې ویډیو کوله. دغه پولیس افسر د نورو پولیسو لخوا نیول شوی او دوسیې جریان لري.

د انګلستان د عامې روغتیا وزیر یوې میرمنې ته د نا مناسبه الفاظو د کارونې له امله له دندې ګوښه، ګوند کې یې غړیتوب وځنډول شو او د خلکو یې رسماٌ بخښنه هم غوښتې. هغه په راتلوونکې ټآکنو کې د یوې بوډۍ میرمنې په اړه یې ویلي وو، چې هیله مند دی، دغه میرمن به تر راتلوونکې ټاکنو پورې مړه شي

د پاکستان او نیوزلینډ لوبې پر مهال لوبغالي ته د نندارې په موخه په یو شمېر مینوالو جعلي ټیکټونه پلورل شوي. پولیس وایي، د دغه قضیې په تور یې څلور تنه نیولي، چې اصلي ټیکټونه یې لومړی کاپي او بیا یې په خلکو پلورلي دي.

افغانستام په ۲۰۲۴م کال کې هم د نړۍ خفه هېوادونو په لیست کې نمبر ون مقام ګټلی.