د کرکټ د لسیزې غوره لوبغاړی افغان دی، شل اوریزو لوبو کې ډېر ویکټ اخیستونکی افغان دی، د کال غوره لوبغاړی افغان دی، د کال غوره لوبډلو کې افغانان دي، د نړۍ هر لیګ په افغان لوبغاړو رنګین او سنګین دی، د کرکټ نړیواله شورا په خپل تا��یخ کې که یوه لویه لاس ته راوړنه او افتخار لري، د افغانستان کرکټ دی. ملت پرې راټول دی، د وطن نیکنامي ده، د میلیونونو انسانانو د خوشخالۍ وسیله ده، میلیونونه افغان کډوال او مهاجر یې له ګران وطن سره روحاګآ او قلبآ تړلي او د یو ملت ډېر نور مسایل ورسره تړلي، خو بیا هم ځینې پاڅي او چیغه کړي: «د افغانستان کرکټ سره پریکون وکړئ.» ځئ، خوار شئ، په دې فکر چې تاسو یې لری.