ذي رابع سنه بالبترول واحس كل سنه تثبت لي اكثر ان حرفيًا الرحلة فردية تمامًا محد يعرف القصة كاملة ولا لحظات الانهيار وكم مره الدنيا قفلت بوجهك
حرفيًا انت الراعي وأنت الرعية
ثريد - طريقة مذاكرة أنقلش
#kfupm
بالأوريا ، مذاكرة صحيحة
- أغلب اللي أعرفهم رسبوا في أول شهرين من جهلهم بالطريقة و المصادر
و ميجر واحد قادر على أنه يهددك بالرسوب ، و راح أتكلم من تجربتي بالنهاية إيش المفروض المصادر اللي تركزون عليها .
من أقوال دكتور واثق :
- الكل يقدر يجيب A+ الفرق بس في الوقت اللي انت تلعب فيه في ناس تجتهد تجيبها
- في وقت للراحة و وقت للجهد لو خلطت بينهم بتضيع قريدات
- راح يجي لي ضغط وجلطة ذاكروا انا ما عندي طلاب غير high level
-الساينس متعة يعني مذاكرتكم متعة الي ما يستمتع عنده مشكلة
ذي الايام اول ما ادخل مطعم الجامعه من اول نظره للموجودين
اميز مين حقين صيف موهبه و مين طالبة اساسيه بالجامعه ،
حقين موهبه كأنهم الاوريا في اول اسبوع تعريفي حرفيًا شغفهم ، طريقة كلامهم ، ضحكهم
عكس حقين الجامعه تحس ذبلوا من الضغط
توه كنت اسولف مع دكتوري وقبل امشي قلت صح دكتور في جزء بالكونسبت درسناه بالاوريا بس نسيته وحاسه الوقت ضيق ان ارجع اراجعه وش تنصح
قال بشرحه عشانك وبنزله باليوتيوب هالويك اند ان شاء الله
وش هالاخلاق اللي تحرج يا دكتور😭😭😭😭
وش كثر احب هالدعاء واحسّه جزء من شخصيتي
الهي أنت ثقتي في كل كرب ، و رجائي في كل شدَّة ،
وأنت لي في كل أمرٍ نزل بي ثقةً وعُدَّة ، كم من همٍّ يضعف فيه الفؤاد ؟
وتقلُّ فيه الحيلة ، ويخذل فيه الصديق، ويشمت فيه العدو ،
أنزلته بك وشكوته إليك .. رغبةً مني إليك عمّن سواك
صدمة حياتي في ناس يداومون ب كلاسي ما يدرسون الماده و مو في خطتهم بس للفائده
مع انه كل شيء موجود في اليوتيوب والمبنى بعيد والشمس حاره مدري كيف لهم مزاج صدق غريب
تذكرت لما رحنا انا و بابا و ماما قبل كم يوم نزور جدتي واحنا جالسين بالمجلس
قال بابا شفتي جمال امك الواحد يتمنى يخطبها مره ثانيه وامي تستحي
لأول مره احس اني طرف ثالث بمكان
الدكتور كان يشرح بالكلاس كود هو كاتبه ، و قلت له ليه كاتبه بهالطريقة في اسهل
لما عرفها شرحها للكلاس و قال
to be honest this code is closer to my hart
انا قايله مكاني ال swe
طول السمستر ارسل حق ناس ملفاتي تساعدهم بالمذاكره و الحين على آخر السمستر انحذفت من عندي فجأه و صرت ارجع حق المحادثات القديمه آخذها منها
فعل الخير ما يضيع مين كان يتوقع ان ذي الحركة بتنقذني انا مو بس هم😂؟
دكتوري قال انا متأكد ان القيادات النسائيه للعشر السنوات القادمه بتكون منكم انتوا زي ما حاليًا الي ماسكين مناصب بالدوله كثير من جامعتنا
اييييه يا دكتور زيدنا جنون عظمه
ابد بس تذكرت كويز الماث بالاوريا اللي كان اعجازي ، سوينا انا وصحباتي تحدي الاعلى تجيب تشوكلت للباقي وقتها لما وزع الدرجات وحده 5.5 وانا 6 والثالثه 6.5
وقتها ما اوصف لكم الفرحه والضحك ما حلينا كيف كذا ما انخسفنا ؟؟ وفي وسط الفرحه جاء دكتوري قال الكويز من ١٥ مو ١٠