ഞാൻ നിന്നെ സ്നേഹിക്കുന്നു. ഒരുപാട് ഒരുപാട് സ്നേഹിക്കുന്നു.
എനിക്ക് പോലും അതിശയം തോന്നും വിധം ഞാൻ നിന്നെ സ്നേഹിക്കുന്നു.
ഇന്നേവരെ ഒന്നിനെയും ഇല്ലാത്ത പോൽ ഞാൻ നിന്നെ സ്നേഹിക്കുന്നു.
അതിലെന്റെ സ്വപ്നങ്ങളുണ്ട്...
ഞാൻ തനിച്ചു നെയ്തുകൂട്ടിയ മോഹങ്ങളുണ്ട്.
കൊതിയോടെ ഞാൻ ഓർക്കുന്നു
നമ്മൾ ആദ്യമായി ചുംബിച്ച ആ നിമിഷം,
ആദ്യമായി സ്പർശിച്ച ആ നിമിഷം,
ചിരിയോടെ കൈകൾ കോർത്ത ആ നിമിഷം,
ഇനി ഒരിക്കലും വീണ്ടെടുക്കാൻ കഴിയാത്ത ആ മായാത്ത നിമിഷം.
ആരും കാണാത്തൊരു
മനസ്സുണ്ടെനിക്ക്...
അതിൽ ഞാനൊരുപാടൊരുപാട് സ്നേഹിക്കുന്നൊരാളുണ്ട്.
അയാളോടുള്ള എന്റെ
പ്രണയമുണ്ട്.
ഒരിക്കലും നടക്കാത്ത
സ്വപ്നമുണ്ട്.ഒരു നോക്ക് കാണാനുള്ള കൊതിയുണ്ട്...
പറയാനറിയാത്ത
മോഹമുണ്ട്.
നഷ്ടപ്പെടുമോ എന്ന ഭയമുണ്ട്.
നഷ്ടപെടരുതേ
എന്ന പ്രാർത്ഥനയുണ്ട്...
എന്റെ ശരീരം ഇനിയും നിന്റെ ആലിംഗനങ്ങളും ചുംബനങ്ങളും മറന്നിട്ടില്ല.
നിന്റെ ഹൃദയമിടിപ്പിന്റെ താളം ഇപ്പോഴും എന്റെ കാതുകളിൽ ഉണ്ട്.
നിന്റെ ഗന്ധം ഇന്നും എന്നിൽ
പടർന്നു നിൽക്കുകയാണ്.
അല്ലെങ്കിലും അങ്ങനെ മറക്കാൻ കഴിയുന്ന ഒന്നല്ലല്ലോ നീ എനിക്ക്.♥