ترفض بإصرار الحب المهدى إليك، ثم تشتكي الوحدة، ليس لأنك، كما سيخبرك الطبيب النفسي من أول جلسة، تظنك لا تستحقه، ولا لأنك تعشق وحدتك سرًا، ولكن لأنك لا تتحمل تكلفته (الحب، ككل الأشياء، لا يأتي، دون ثمن)
بلال علاء
مديرتي جابت لي تجميعة الكتب العظيمة دي هدية ولقيت فيها طبعات أولى للغيطاني ورضوى عاشور وتوفيق الحكيم وصلاح عبدالصبور ونسخ جميلة من ألف ليلة ورحلة ابن بطوطة ومقدمة ابن خلدون، وأجمل نسخ شوفتها لفؤاد حداد والأبنودي، وطبعات مختلفة ونادرة لطه حسين، وحاجات تانية حلوة فشخ يعني.
فيديو العريس اللي بيهين عروسته دا مؤذي فشخ، مؤذي للعين والقلب لأي حد بيحس وعنده حد أدنى من الشعور، والواحد فلاح وجاي من قرية وشاف حاجات كتير وحضر قعدات صلح منحطة كتير، فالفيديو بيجيب ذكريات وسخة وإحساس ان مافيش أمل ولا هتعرف تعيش حياة طبيعية في المجتمع المؤذي دا.
وبي ضعف تجاه طه حسين، فبفضله اكتشفت أن كل شيء مطروح للنقاش، حتى كبار الكتاب الراحلين. طه حسين لم يكن يرحم، ولم يكن يقدس أحدا. حتى الأساطير لم تكن بمأمن منه. وللأسف لم يكن بعد حسين ما يثير الإعجاب، لم يعد ثمة المزيد من الأبطال. ولكن قراءته كانت تترك لدي انطباع بأنني أصبح أكثر ذكاء
ذكرى ميلاد نجيب محفوظ، اللي أنا مدين له بحياتي، وبتيجي ذكراه وانا مشارك في مشروع نشره، ودي لحظة شديدة الخصوصية بالنسبة لي، فالعيل اللي كان مههوس بكاتبه، بقى ناشره وبيبيع كتبه، فيها العوض الجميل والأثر الأجمل.
النهاردة أنا سعيد جدا بسبب الشغل، أخبار سعيدة كتير وأحلام طفولة بتتحقق ومشاريع ضخمة تتعمل، الشغل في الكتب شيء فاتن جدا الحقيقة، حالة رضا وفرحة ودهشة اصلا إن دا بيحصل معايا انا، اللي هو انا مستحقش دا كله لكن لطف الله بيسهل كل حاجة.
احنا كنا بعاد .. ولا زلنا
احنا بينا بلاد .. بتعزلنا
كل روح بفؤاد
و بهزايم ..
كل ذكري معاد
بتخذلنا ..
يبقي ايه ؟!
نلزم منازلنا ..
**
يجوز له عذر..بس قبيح
يجوز خايف من التصريح
يجوز زعلان بجد صحيح
لكنه أكيد وانا ببكي
منزلتش دموع تماسيح
أحمد الطحان
اللي بيقوله عبدالله رشدي بعيد كل البعد عن كونه رأي شخصي، وبالتالي محاولة تطبيق جملة( احترام آراء الغير) عليه هو تحديدا شيء مهين جدا لفكرة الآراء البشرية نفسها، اللي بيقوله الكائن السمج دا اسمه تدليس واستغلال، لو احترمته انا مش هحترم نفسي.
معرض الرياض للكتاب قرّب يخلص، والحقيقة كبداية دورة معارض عربية هو أفضل بداية ممكنة، قرّاء بجد وقدرة شرائية تسمح لسوق الكتاب بمتنفس محترم في الظروف الصعبة دي، والحقيقة يعني ان اكتر حاجة يتسأل عليها وتبيع لنجيب محفوظ في المعرض تكون (ليالي ألف ليلة والشحاذ وحضرة المحترم وقلب الليل)
يلزمنا عملٌ كبير وشاق، خسارتنا في الداخل والخارج أكبر من أن يُحيط بها حصر، كيف حدث هذا؟!.. كيف أُتيح لمجنونٍ مشوَّهٍ أن يفعل بنا ذلك كله تحت سمع العُقلاء وبصرهم؟!
العائش في الحقيقة ـ نجيب محفوظ
خلصت ترتيب المكتبة، ودي اكتر مرة خدت مني وقت في ترتيبها علشان المرة دي برتبها بتصنيف معين لدواعي الجرد والعدّ:
-روايات (عربي بالجنسيات ومترجم باللغات)،
والباقي بتصنيف كل مجال: شعر- تاريخ- دين- فلسفة- علم نفس- علم اجتماع- علوم- اقتصاد- سينما- تراث- نقد، وهكذا...
الصوت البشري مش مقدر التقدير اللائق به بردو، اقصد بعيد عن الأصوات والأداءات الغنائية العظيمة، انا اقصد الصوت العادي وأثره، صوت صاحبك وهو بيشتمك، صوت حبيبتك وهي بتناديك، صوت امك وهي بتصحيك من النوم، وصوت ابوك وهو ينصحك، أو وهو بيقرا قرآن مثلا،يعني اي شيء فيه انسنة يحتمل نسبة ونس=
شوفت بوست عن تقرير في الجارديان عن موت مواطن في شقته من 2017 ومحدش خد باله، لا صاحب البيت (لأن الإيجار بيتحول اوتوماتيك من حساب الراجل) َولا جيرانه ولا عمال بالزبالة ولا الصيانة إلا بعد مرور 6 سنين، ويعني دا أشد كوابيسي رعبا، إني اموت وحيد أو اني اندفن حي، دي نهايات حزينة فعلا،
قريبا عن ديوان للنشر: واحد من أرق وأجمل الكتب اللي ممكن إنسان يكتبها عن رحلة مرضه (كلبي الهرم ..كلبي الحبيب)، وازاي الشِعر اللي بداخل أسامة حوّل الرحلة دي لنص بالعظمة دي والله.
ألف رحمة ونور والله يا أسامة.
لا أعرف كيف لا تتوقف أرجلنا عن المشي حين نفقد شخصًا نحبُّه. ألم نكن نمشي لا على قدمينا بل على قدميه؟ ألم تكن النزهة كلها من أجله؟ ألم يكن هو النزهة؟
وديع سعادة
انا بقرأ من وانا طفل، تفتح وعيي على مكتبة والدي الضخمة، ومنها حبيت الكتب والقراءة، ورغم ان معظمها كان ديني وتراثي إلا اني مدين لها بفضل عظيم بتكوين شغفي تجاه هواية أنقذتني من الهلاك، من غير الكتب انا شخص ملول حزين، اقل تفصيلة تقدر تكدر مزاجه، لكن بها بيكون لي أجنحة أطير بها.
الناس معظمهم متعبون، يرتسم تعبهم بوضوح على وجوههم. تساءلت في نفسي: كيف يستمرون بالرغم من كل شيء؟ كيف يستيقظون كل صباح ويحاولون؟ ووجدت إجابة هذا السؤال بسؤال: وهل هناك خيارٌ آخر؟
سنان انطون.....وحدها شجرة الرمان
بين يدي الرواية العربية في أبهى صورها، التاريخي منها والواقعي، الرمزي منها والمباشر، السهل فيها والصعب، الكلاسيكي منها والحداثي، التقليدي منها والتجريبي.
بين يدي ديوان العرب الحديث، حاضر فيها جلال لغتها وبساطتها، واستمراريتها المعجزة في التصوير والتأثير على مدار القرون.
بين يدي
أنا مدين للقراءة بكل شيء في حياتي تقريبا، مدين لها بلحظات السعادة والقناعة بنفسي كإنسان لي قيمة، ومدين لها بإرضاء فضولي وإنها كوّنت عندي معارف ومواقف وشخصيات وأحداث وتشبيهات عمري ما كنت هكوّنها، ومدين لها بأصدقاء ربط بينا القراءة والكتب كرابط متين يكون أرضية مشتركة...
زهقتي؟ حلو أوي ده ، حلو أوي الواحد لمّا يزهق يقدر يمشي على طول، أنا برضو زي حضرتك كده، ساعات كتير أزهق، بس ما أقدرش أمشي، انا لو مشيت القطارات تخش في بعض، أنا لو زهقت أتسجن، عارفة: فيه ناس كتير تزهق بس ما تقدرش تمشي، تموت و هي زهقانة، أنا واحد منهم.
المنسي
للتوضيح: انا بقرأ بمتوسط 60 صفحة أو اكتر في الساعة، وفي الايام العادية كنت بقرأ ساعتين أو تلاتة يوميًا، وفي الأيام دي المعدل بقى اكثر من الضعف، وأحيانًا كتير الرواية اللي بمسكها بخلصها مهما كان حجمها..ودا ببساطة لأني ماليش هواية غير القراءة ومافيش خروج من البيت والشغل واقف.
شهادة لله محفوظ دا كاتب قادر،قلبه قاعد، يشوط وهو واقف في الزاوية الضيقة ويجيب جون فشيخ.
اه والله، كل رواياته تُقرأ وله نصيب من الروايات العظيمة يتفوق به على أي كاتب عربي تاني، ومن غير نوبل محفوظ يُصنف من أهم كُتاب القرن، وطبعا هو من أعظم 10 فازوا بنوبل للأدب.
طبعا انا مكنتش اعرف ان التويتة دي هتفتح كل هذا الكلام، وعادي يعني الناس كلها متعرفنيش ولا حضرت فترات حياتي العنيفة والقاسية في التفكير والاشتباكات مع الآراء، لكن اللافت وانا فعلا مهتمتش بالرد على كلام كتير، بس خدت بالي ان أغلب الردود آيات قرآنية واتهام لي اني ملحد، طيب بافتراض
ليالي ألف ليلة في طبعتها الجديدة،
رواية لوحدها في مشروع العم نجيب والله، خيال وجنون وتجربة كتابة فريدة على حق يعني، ومن الروايات اللي انا سعيد بشكل شخصي في صدورها مبكرا لأنها فعلا تستحق الصدارة.
القراءة بتحمينا، من النمطية وعقد التكرار والتقليدية المملة، بتحمينا انها بتضخ دماء جديدة لعقولنا، وأفكار جديدة لخيالنا، وألفاظ وكلمات جديدة على لساننا، بتحمينا من الخيبة، والوحدة، والحزن، بتنقذ حيواتنا الهشة كقشة اترمت لغريق في وسط البحر.
مع أ/ هدى نجيب محفوظ في جناح ديوان للنشر في معرض أبوظبي للكتاب
@AbuDhabiALC
النجيبة بنت النجيب والله
محاطين بحضوره الطاغي العابر لكل زمان ومكان ، ونجيب محفوظ هو شخصية المعرض الرئيسية والاحتفاء به فاتن ومؤثر، وكلنا شركاء في حب هذا الرجل يعني.
في شيء مبهج جدا في معارض الكتب، وخاصة اللي في السعودية، بتكلم هنا عن الشباب اللي عمرهم أقل من 20 سنة، بيقرأوا حلو قوي يا جماعة، مثلا بالنسبة لنجيب محفوظ، الاقيهم مهتمين بأعماله الرمزية زي الشحاذ وقلب الليل وحضرة المحترم وقلب الليل والطريق، ويكونوا خلصوا الحرافيش والثلاثية..
دستويفسكي كان بيركز على فكرة إن البوح والثرثرة للغرباء هو الأكثر أمانا وراحة، لأنه ببساطة أسرارك هتروح معهم مكان ما يروحوا، وفي نفس الوقت هم هيظهروا الدعم الكلي لك، وهيتأثروا ويفرحوا معك، لأنهم ببساطة ميعرفوش أي طرف من الحكاية غيرك، فأنت في الحالة دي بطل الحكاية وبصورة ما بطلهم.
جنّبك الله الشبهة، وعصمك من الحيرة، وجعل بينك وبين المعرفة نسبًا، وبين الصدق سببًا، وحبَّب إليك التثبت، وزيَّن في عينك الإنصاف، وأذاقك حلاوة التقوى، وأشعر قلبك عز الحق، وأودع صدرك بَرْدَ اليقين، وطرد عنك ذل اليأس، وعرَّفك ما في الباطل من الذلة، وما في الجهل من القِلة.