لله ما أخذ و لله ما أعطى، أتمنى تكونوا اتقابلتوا بخير و مطمنين، و أنا واثق أنكم في مكان أحسن؛ لو قعدت أتحايل عليكم ترجعوا للدنيا و قرفها مش هاترضوا.. مش هازعل و اقلب الدنيا غم عزايا أنكم استريحتوا حتى لو أنا مش مستريح.
سلام يا حبايبي لحد ما نتقابل تاني قريب ان شاء الله
انهردة نرمين مراتي و اصحابها كانوا خارجين و اتعرضوا لتجربة سيئة جداً و لا تمت للمهنية في مكان اسمه Granita في الشيخ زايد و اتقال لهم “you’re not the type of clients we want”
بصراحة انحطاط و قذارة و قلة ذوق لا توصف يعني و نفسي الموضوع يوصلهم و يتصعد علشان الناس دي تستاهل تتحاسب.
حكيت لكم عالواد اللي كان معايا في الدروس في ثانوية عامة يجيلي في درس العربي يقولي معايا واحد شبهك فشخ في درس الفرنساوي، و يجيلي في درس الفرنساوي يقولي معايا واحد شبهك فشخ في درس العربي لازم اعرفك عليه.... و مخه الضئيل سنة كاملة مش قادر يدرك اني باروح مكانين.
حاجات تهتم بيها و انت بتشطب بيتك اهم من النيش و الديكورات الفارغة:
- قاعدة تويلت كبيرة و مريحة
- حنفيات عالية، و حنفية بتطول للمطبخ
- حوض بعينين للمطبخ
- اضاءات بدرجات مختلفة لكل أوضة
- ستاير تقيلة
- مساحات تخزين
- قعدة بلكونة مريحة
- مفتاح انارة جنب السرير
- راين شاور عالي
انا اول ما ابتديت شغل في ٢٠١٥ كنت لو محتاج اجيب هدوم باحط من مرتبي بادجت ١٥٠٠ جنيه مثلا انزل افشخ الدنيا بيهم شرا، دلوقتي الواحد ممكن ينزل يجيب ربع بن و شوية جبن و فاكهة بنفس ال ١٥٠٠ جنيه
هو مش مسلسل الكبير ده اللى فيه احمد مكى بيقول لمراته "يابجرة" واحنا نضحك أوى؟ وقافل عليها النت وبيكسر لها الموبايل كل شوية؟ حتى امه ماسلمتش من قلة أدبه. مسلسل يكرس الذكورية العفنة وضيق الافق والانفراد بالرأى فى قالب كوميدى . خدوا بالكم بيحطوا لنا السم فى المعسل.
للناس اللي عندها مشكلة في تخيل الارقام زيي، و علشان تدركوا هول الموضوع، ٢٣٧٠ طفل ده كأن في ١٠ مدارس كل مدرسة فيها ١٠ فصول كل فصل فيه ٢٤ طفل.
تخيلت؟ كل دول اتقتلوا هم و عائلاتهم بوحشية في اقل من ٣ اسابيع
ما افتكرش اني عمري عيطت in public من أيام ما كنت طفل، الا مؤخراً لما افتكر امي الله يرحمها او اشوفلها post او صورة قديمة بالصدفة.. بادمع مهما كنت فين و مع مين.... الله يرحمك يا جميلة.
فوفي بتسمع ماما زمانها جاية، فبيقول "ما بيشربش اللبن الصبح و كل اصحابه ضحكوا عليه"، قالتلي على فكرة this is not funny, this is bullying
بافكر اعملها اكونت على تويتر بقى هي كدة جاهزة.
لسة قاري دلوقتي ان مسافة مسار الهجرة من مكة للمدينة ٤١٠ كم مشيها النبي ﷺ في ٨ ايام و في جو الجزيرة العربية اللي لا يطاق، علشان يحمي رسالته... اللهم صلي و سلم و بارك على أشرف الخلق.
انا و فوفي بنلعب لعبة السوبر ماركت
فوفي: hello I want to buy some milk
أنا: ok sure, 5 pounds please
فوفي:I don’t have money, I have 10 babies and i need the milk
صباح الشحاتة يا ابو عمو