سأظل وفي للوعد من اللاوعد ساظل أري القصر بعد الحطام وساظل الطفل البرئ حتي بعد الحروب وسأظل صفي القلب حتي بعد خصامي مع البشر وسأظل القوي حتي بعد تأكل عظامي وإنحناء ظهري ساظل إنسان رغم غدر الدهر سيظل الامل موجود حتي يتوقف القلب ساظل أنا ولن اكون ولن أتمني ان اكون غيري انا....
انا المنتحر انا اللي انتحرت في لحظة ضعف انا اللي كنت محتاج إبتسامه وايد تطبطب مش نظرة إني تافه ملقتش لا ايد تطبطب ولا كلمة تحتويني ولا حضن ابكي فيه وانسي تعبي طول سنيني فنهيت حياتي بايدي انا اللي قررت الانتحار..💔
الظروف اللي مرينا بيها مهمه لانها بتبين الصاحب من اللي عامل فيها صاحب ولولاها كنا هنفضل شايفين كل اللي حوالينا سند لينا فعوض ربنا من الظروف الصعبه بيكون إنك إتعلمت وكمان خلي جنبك الناس الحقيقه اللي تشيل معاك اي ظرف صعب...
اي حد بعد اي صدمه عاطفيه في حياته بيمر بمرحلة الندم!!
بيندم علي كل حاجه قدمها ومتقدرتش ويقعد بقي يفتكر في الذكريات وبيفضل ثابت مكانه في وضع هزلي والانكسار مسيطر عليه...
وبيبقي عنده إختيارين!!
أتعلموا تحمدوا ربنا طالما انت سليم في بدنك وبتعرف تنام وبتقدر تقعد وتقوم وتمشي وتضحك فاحمد ربنا ليه واحد جاري مريض كل يوم بروح اقعد معاه اضحكه واهزر معاه والله العظيم والله العظيم كمية رضا واحنا قاعدين مبنتكلمش كلمه من غير الحمد لله علي الرغم من ان الرجل ده قسماً بالله بيصلي
متخليش نفسك الاهبل العبيط اللي بيجي علي نفسه عشان خاطر الناس لان طول ما انت بتيجي علي نفسك عشان خاطر الناس من غير تقدير هتيجي عليك فتره خلاص معنتش قادر تيجي علي نفسك فيها مهما كنت طيب وبتحب الناس،،
انا متقمصلهم في البيت بقالي يومين شخصية محمد جمعه بتاع عم ضياء في مسلسل الوصيه وكل ما حد يقول حاجه اقوله كله رايح كله رايح وجو اخر كئابه وحالياً انا مطرود اعمل اي 🙂🙂
فيه ناس كتير عاملين متبلدين الدم وان مفيش حاجه بتفرق معاهم وان هما مبيتعلقوش بحد اوي بسبب ناس بعدت ففقدوا الثقه في الكل متحججين إننا فترات في حياة بعض فليه نتعلق ونتعب بعدين فإحنا منتعلقش....
كلنا بعد اي صدمه في حياتنا سوء من صديق أو حبيب الصدمات دي بتخلينا نلجأ للوحده ممكن نخرج منها بنفسنا وممكن نخرج بسبب شخص كويس قدر يغير نظرتنا للناس من تاني وسوء خرجنا كده او كده عمرنا ما هنرجع بتفكير زمان ولا نفس الشخص بتاع زمان بنبقي خايفين من العلاقات الجديده
كيف لروحي الا تسكن إليها وهي المأمن
كيف للحزن أن يطرق بابي وهي بداخله
هي الروح والنور هي البراءه والطيبه
تأتي هي ثم يأتي كل شئ
هي سر الدعوه وفي امنيتي وقت ما قال الاذان الله اكبر قولت قادر تكون هي
مسكت المصحف ومع كل أيه وحرف من القرأن ينطق قلبي ويقول يارب هي ♥️♥️
ورد النهارده من سورة البقرة
من الايه 126:111
الورد ده صدقه
علي روح تهاني وصفاء مجدي فادعولهم وانت بتقروا الورد بالرحمه والمغفره وإن ربنا يرزقهم الجنه...
كمية تريقه من ناس بهايم علي البوست ده..
تعالي نتكلم وافهمك: دي وسيلة التواصل الاكثر إنتشاراً حالياً وده الصح في إستغلالها للتأثير علي الغير..
هما بيفكروا صح عن طريق إستغلال الكم الهائل في تيك توك لتوجيه الدعوه ليهم
الحياه محدش يقدر يسيطر عليها ولا تقدر تعرف بكره مخبي اي ولا تقدر تخلي نفسك مبسوط او حزين طول الوقت لكن طالما جنبك حد بتحبه وهو بيحبك تقدر تتحملوا مع بعض اي حاجه وتواجه اي مشكله لانك مطمن ان مهما حصلك هتروح وتشكي للي بتحبه وتلاقي الامان والحل..♥️♥️
لو فضلت مش راضي عن حياتك عمرك ما هتشوف اللي بيستناك ولا هترتاح فنصيحه مني علاج الحزن علي الحاجات اللي خسرناها في الرضا لانك لانك لو رضيت هتهدي وهتلاقي حلول لمشاكلك في قربك من ربنا ووقتها هتعرف إن كلنا بنفشل ومش شرط ننجح في كل حاجه مهما بذلنا من جهد 👇
ورد النهارده من سورة البقرة
من الايه 155:149
الورد ده صدقه
علي روح تهاني وصفاء مجدي فادعولهم وانت بتقروا الورد بالرحمه والمغفره وإن ربنا يرزقهم الجنه...
انا لما بقعد مع حد والاقيه بيقولي انا حاطط مواصفات لفتاة احلامي ومش هتنازل عنها بقعد اضحك كتير اوي!!
لان ببساطه الحب اعمي محدش بيختار اللي بيحبه هوب تلاقي نفسك قلبك دق وبتحب سواء الشخص ده بقي فيه مواصفاتك او لا..
👇
ورد النهارده من سورة البقرة
من الايه 141:132
الورد ده صدقه
علي روح تهاني وصفاء مجدي فادعولهم وانت بتقروا الورد بالرحمه والمغفره وإن ربنا يرزقهم الجنه...
أيوه في ناس بتموت من الزعل والكلمه ممكن تزعل والمواقف ممكن تعمل تراكمات تؤدي للإكتئاب..
في مرحلة الاكتئاب لو مخدناش بالنا من المكتئب ومكناش جنبه ولو كنت جنبه خلي بالك من الكلمه ومتدخلوش في مقارنات هو بس محتاج كلمه حلوه وطبطبه!!
عشان منوصلش للمرحله الاخيره من الزعل وهي الانتحار...
شهر واحد بس يمشي والجميع يتناسي موتي
أمي نسيت حتي تدعي لما عدت جنب بابي
خلصوا الأكل النهارده بس انا مشالوش منابي
وهي دي سنة حياتنا وهو ده طبع الحياه
اللي بيسيب الدنيا فانيه مش بياخد شئ معاه
بس انا بتجيلي دعوه كل يوم من حد طيب
عمر ما جمعتنا قاعده وعمره يوم ما كان قريب
_إبراهيم فرج
فروق الاحلام بين الماضي والحاضر..👇
وتبدل كل شئ..
تبدل الحلم الهادي بالكابوس المفزع
تبدل ذاك اليوم الذي كنت تود بدايته لتلهو وتلعب.. إلي ذاك اليوم الذي تود ان ينتهي باي حال...
ليبدأ يوم جديد تتمني أن ينتهي..💔💔
ورد النهارده من سورة البقرة
من الايه 149:141
الورد ده صدقه
علي روح تهاني وصفاء مجدي فادعولهم وانت بتقروا الورد بالرحمه والمغفره وإن ربنا يرزقهم الجنه...
ورد النهارده من سورة البقرة
من الايه 101:93
الورد ده صدقه
علي روح تهاني وصفاء مجدي فادعولهم وانت بتقروا الورد بالرحمه والمغفره وإن ربنا يرزقهم الجنه...
معظم الابهات مفكرين إنه لما يعلي من مهر بنته إنه كده بيعلي من قيمتها لكن في الحقيقه هو عرضها كسلعه وقلل من قيمتها،،المهر الحقيقي مش فلوس المهر الحقيقي بتشوفه البنت بعد الجواز إنها تبقي أغلي حاجه جوه قلبه ويعاملها كويس باخلاقه 👇
الفرق بين الحي والميت هو السؤال أو إني اسمع صوتك واشوف وشك تيجي وتسأل عليه وتحكيلي عنك واحكيلك عني نضحك سوي ونحل مشاكلنا احس بوجودك...
نيجي بقي لاول حاجه بتيجي في دماغ البني ادم بعد موت حد عزيز عليه؟؟
_الانسان بيجي في دماغه شوية أسأله وقت الموت زي
👇👇
انا عندي شخص بحبه قد الدنيا قد الفرق بين قاع البحر وسابع سما وبحب كل تفاصيله صوته وخوفه وهزاره وضحكته حافظ كل تفصيله ليه ومحتفظ بيها مهما كانت صغيره ببقي من غيره وحيد حتي لو حواليا العالم كله وأمنيتي من الدنيا حاجه واحده أفضل شايف إبتسامته الحلوه دي وبعتبره هدية ربنا ليه وعوضه
الواحد وصل لمرحله إنه بيضحك وهو مش راضي عن الضحكه ولما بيقعد مع نفسه بيسرح بيبقي تايه عن الدنيا وكأنه في مكان تاني وبيبقي ساكت سكوت غريب برغم من وجود دوشه حواليه...💔
المسمي المعروف هو اللامبالاة لكن في الحقيقة مفيش شخص إسمه لا يبالي وممكن يكون بيظهر ده لكن من جواه اكيد فيه حرب بين الف شعور وشعور
ومفيش شخص وصل ولا هيوصل لتبلد المشاعر
فمدعي اللامبالاة كاذب..
لم حد بيعيب في شخص ويفضل يسوء صورته قدامي باخد جنب منه وبيقل من نظري اوي وبيبقي نفسي افهمه ان الغل والكره بيبقي باين في عنيه قبل الكلام اللي بيطلع منه ف بيبقي باين اوي انه حرقك وانت مش عارف توصله ولا تعمل حاجه غير انك تسوء صورته