يا ابوي يطيح من التعب مجد ورجال
و شلون انا ما اطيح وانا بنيه؟
معاد قلبي يتحمل خيبة امال
خذني بحضنك وسمي عليَّه
يا ابوي معد ابي سوا راحة البال
حتى الهوا اليوم معاد هو ليَّا
يا ابوي احضني هالتعب يكسر رجال
و شلون ما يكسر مشاعر بنيه؟
الرسول صلى الله عليه وسلم يقول " اقضو حوائجكم بالكتمان " الكتمان ليس الخوف من الحسد ، إنما إذا أردت ان تفعل فعل وتكلمت به يتبخر الفعل ، ولهذا إذا أردت ان تنجح فاكتم امرك .
يا كيف تحمل الصمت بقربي
أنا الي ماتحملت تحمل همي
جيتك بمبسمي ماجيتك بدمعي
ليله ماقدرت اشوف خاطرك مثقلني
" أستعيذ بالله ما يحملك ثقل الأيامي
يا كيف شعوري يوم ثقلت عليك مني ؟ "
- ✍🏻
شعور تصور تفاصيل يومك لشخص ، يمتلكك احساس انه موجود معاك ، عكس لما تصور باليوم صورة وحده لأشخاص عشان استريك ، كل إنسان بحياتنا وجوده مختلف لأن احنا الي نرفع أهمية الشخص بحياتنا.
قصر على صوت الحياة و بسمعك
تكلم و بحط روحي في يديك
انا تحت رهن اشارة اصبعك
اجيك بشعورٍ يجي لك قبل اجيك
لو يخدعك وقتك وناسك تخدعك
انا معك لو كل هالدنيا عليك
لا تخاف من الحياة ( انا معك)
ان ماقدرت اعيش لك بموت فيك..
عجبني إطراء صاحبتي ع شخصيتي ( لو بداخلك إعصار ماتعصبين على احد اخذه الدنيا بسماحه ) ، لو عصبت من موقف وش المستفاد ولا شيء بدال الإعصار الداخلي صار خارجي فعيش شعورك ب أمور حياتك بينك وبين نفسك .
وشلون تسأل عن غلاك ومُكانك ؟
يابو الشعور الي له سنين ماراح !
وأنا الي تضحك لك وتبكي عشانك
ولا يهنى لي نوم يا لين ترتاح
البال ما ينساك ، والقلب صانك
وأكبر هُمومي من طواريك تنزاح
ما فـالخلايق من يعوّض حنانك
ولا فيه روحٍ تشبهك بين الأرواح