عد صوابعك على أسامينا
خالد ، أحمد ، ماجد ، مينا
شهدا يغنّوا ، شهدا يطيروا
شهدا اعتصموا ، شهدا شهود
شهدا بييجو من ماسبيرو
و يزوروا محمد محمود
#ماسبيرو #أمين_حداد
النائب هشام الجاهل عضو مجلس النواب، هو اللى تقدم بمشروع قانون جديد إلى البرلمان بخصوص منع بعض الأسماء اللى مش عاجباه.
اسمه هشام الجاهل.
بجد.
ومش عاجبه اسم يارا ولا سلطان ولا امير ولا حليم
واتهمت والدة “مينا” السيدة نجوى كامل، قسم شرطة 6 أكتوبر، بقتله وتعذيبه، وإلقاء جثته في البلاعة.
تعذيب وقتل مينا عبد السيد
وظهرت والدة “مينا” في مقطع فيديو، وهي تستغيث بالرئيس عبد الفتاح السيسي، وتصرخ وتؤكد أن الشرطة أخبرتها أنها ستطلق سراحه، ولكنه رجع إليها جثة محترقة.
بحقيقى انا معجبة جدا جدا بهذا الرجل الشاب الجدع - بغض ال��ظر عن اى حد رافض او بيتريق او مش عاجبه كلامه - كون انه نازل كده بصدره قصاد اعتى نظام قابلته مصر وكون انه حرك شىء ما فى نفوس الناس وحتى فى أحزاب مدنية نزلت ناس فورا قصاده فده فى حد ذاته يكفيه فخرا
برافو طنطاوى
احب اقول من الآخر كده: لن يحدث نزول فى 7 نوفمبر ولا فى 11 نوفمبر. لن يحدث النزول لأى شارع بترتيب مسبق. الشارع سوف ينفجر من تلقاء ذاته ذات يوم لأنه لو بترتيب انت اعلنتهم وسوف يكونوا مستعدون وسوف يقتلون الشعب بلا هوادة.
الإنفجار سيكون تلقائى.
وافتكروا كلامى.
لما اتخطفت طيارة مصر للطيران وراحت قبرص, دخلوا الصاعقة المصرية وضربوا رصاص عشوائى ومات كتير من الطاقم والركاب. طلعت نكتة ايامها فى الخارج بتقول: إيه أسوأ من ان ارهابيين يخطفوك؟ قالك ان مصريين ينقذوك.
اختنا مريم رجعت. رجعوا اختنا مريم.
الحقيقة كل اللى يفرق معايا فى الموضوع ده انها تكون مشيت بإرادتها ورجعت بإرادتها. بس كده. لكن راحت والا جت من أى دين لأى دين ده شىء يخصها هى فقط.
#انزل_قول_لا
لا_للتعديلات_الدستورية
1- مدوا مدة الرئاسة ل2024ا. يبقى مافيش تداول سلمى للسلطة
2- تغيير الدستور بالشكل ده باطل
3- السيطرة على مقدرات الدولة بما فيها التعدى على السلطة القضائية باطل
4- دولة مدنية مش عسكرية ولا دينية وغير كده باطل
بعد ثورة لبنان اقتنعنا فعلاً إن السيسي هو "النموذج" المثالي اللي قدر يجمّع العرب، والدليل زي ما إنتوا شايفين 😌
الحلقة كاملة
👇👇👇👇👇
#صار_الوقت
#مصر_بتنهار_ياسيسي
#��قك_تتظاهر_والطريق_مفتوح
واحد راح قسم بوليس يقدم بلاغ أن عربيته اتسرقت
اول ما دخل العسكري قال: انت الراجل اللي مراته فاتحه بيت دعارة؟
الراجل اتنرفز و قال و الله لاشتكيك المأمور
راحوا للمأمور
المأمور: انت الراجل اللي عايز تترشح للرئاسة؟
قال له لا يابيه انا اللي مراتي فاتحه بيت دعارة حتي أسأل العسكري
المشكلة انهم فاكرين لما قبضوا علي صحفى ماتصدقش ان كده الناس بقى هتسكت وماحدش هيجيب سيرة الطيارة واللى فيها. للعلم بقى, القبض عليه ثبت القصة تماما وبشكل رسمى على النظام.
يا اغبياء. حتى فى الشر اغبياء.
#جاتكم_داهية_تاخدكم
#انحدار_نظام_غبى
حلقة جوشو الجديدة "زيارة ... وأشياء أخرى" .. عن لقاء #السيسي بترامب .. والتعديلات الدستورية في #مصر .. و دور جيش #السودان في اليمن قبل أن يسقط البشير .. والجزائر .. يارب تعجبكم.
👇👇👇
#السودان
انا لسه مخلصة حوار امبارح مع معتقلة سابقة - غير الحوار اللى نشرته انهرده بتاع أ.زينب ابو عونة. ما يحدث فى السجون المصرية شىء مفزع للغاية وانا مش مستوعبة انه سياتالعبيط بيقول الأوطان لا تبنى على الظلم. ده انت الظلم نفسه. انت بتهد الوطن بظلمك. ده مافيش فترة تاريخية اوسخ من فترتك دى
قلبى مش بس واجعنى على ابوه وامه اللى بيقولوا طيب ودونا ليه نمسح وننضف بس نبقى جنبه. قلبى على الطفل اللى فجأة صحى الصبح وكل صبح ومالقاش لا أمه ولا أبوه ولا مدرسته ولا اى شىء نهائى.
ويقولك فطرة. فطرة مين يا عم وهو جوا الكنيسة؟؟؟
بس احب افكركم ان اهل ايمن هدهود سكتوا عشان اتقال لهم مش عايزينه يؤذا اكتر لو اتكلموا. ودلوقتى بنسكت برضه عشان ايمن موسى وغيره احسن يؤذوهم اكتر.
شىء حزين ان كلامنا يمكن ان يؤذى وعدم كلامنا يمكن ان يؤذى ايضا
مش من حق الضابط يشتمك.
مش من حق الضابط يضربك.
مش من حق الضابط يقل ادبه عليك.
مش من حق الضابط بزقك.
مش من حق الضابط يفتش تليفونك.
مش من حق الضابط يوقفك فى كمين.
مش من حق الضابط يطلب بطاقتك بدون مناسبة.
الضابط لازم يلتزم بالقانون والدستور.
صعبة دى؟
#دولة_البلح_مش_فارق_معاها_دستور
حوار ليليان داوود مع بهى الدين حسن يستحق الإستماع لأهميته. ولكن ايضا لأنه هكذا تدار الحوارات - فهى تسأل وتحاور وتناقش على أعلى مستوى وهى على قدر ضيوفها من المعرفة.
ولكن النظام طارد لكل ما هو جميل ومثقف ويفكر ويعمل
@liliandaoud
@BaheyHassan
مش ممكن لما يقعد يقول انا ماباحبش الواسطة والمحسوبية وبعدين يعين عيلته كلها فى منصاب اكبر منهم. شىء مذهل الناس المغيبة اللى مش عايزة تشوف هو كذاب اد ايه.
يواجه تهما مباشرة بالضلوع في تجارة المخدرات ورعاية الإرهاب الذي يستهدف سيناء منذ سنوات
محمود السيسي، نجل عبد الفتاح السيسي، رغم محاولاته التواري عن الأنظار برز اسمه مؤخرا كواحد من المتحكمين في المشهد المصري. ماذا نعرف عنه؟
اللى حارق دمى فى الصورة دى ان كل ده فارق معاهم بس الفلوس وسبايك الدهب ومش فارق معاهم ناس بيروح عمرها فى السجون والمعتقلات وبيتعذبوا ويتكهربوا ويتبهدلوا. الأربعة دول مجرمين من الدرجة الأولى.
اعتقلوا هيثم البنا عضو حزب الدستور - يعنى لا هو اخوان ولا نيلة - بس عشان اعاد نشر بوستات الثورة. برضه هى الثورة الوحيدة وبرضه لساها ثورة يناير يا شباشب غصب عنكم
القاضيين اللى كتبوا مقترح قانون يمنع التعذيب مع المحامى الحقوقى نجاد البرعى من سنتين تقريبا هيرجعوا شغلهم تانى بقرار المجلس الأعلى لتأديب وصلاحية القضاة.
الف مبروك. القانون احيانا ينتصر فى بلادنا المسكينة
المجلس الأعلي لتأديب وصلاحية القضاة يرفض استئناف النيابة علي حكم رفض إحالة القاضيين هشام رؤوف وعاصم عبد الجبار إلى الصلاحية وفصلهما من السلك القضائي.
بقرار اليوم؛ سيعود القاضيان إلى عملهما، بعد أزمة يمكنكم التعرف عليها في هذا التقرير من #أرشيف_المنصة
The tears of this man!! his voice!! it's heartbreaking and haunting. You build a home with all the money you could muster, and it is destroyed in seconds. He says it's ok bec it's all for Palestine.
هذه هى الفضائح التى لابد من نشرها ومن اسباب نزولنا للإنتخابات فما هى الا لنشر فضائحهم اكثر للعالم. عندما يتم التزوير لن يكن تزويرا فى هدوء بل نكون على الأقل اعطيناهم وقتا مؤلما فى محاولاتهم البائسة امام العالم الذى يريدون ان يضحكوا عليه بفكرة النزاهة.
#نزيهة_راحت
يا دكتور كما تعلم, استخدموا حكاية الخصوصية الثقافية فى انتهاكات حقوقية كثيرة والمرة دى بيسموها انسانيتنا. كيف تختلف الإنسانية؟ يا ريت يشرح لنا هو كيف تختلف بالضبط.
ممكن نختلف فى حاجات كتير بس مش ممكن نختلف أبداً على إنسانيتنا؛ خط أحمر لكل واحد وفي أي ظرف: الحق في الحياة، في حرية العقيدة، في حرية التعبير، في الصحة، في التعليم، في قضاء عادل وغيره.. وعلشان كده من الأول طلبت نتوافق على وثيقة حقوق أساسية محدش يقدر يغيرها. بدون كده حنفضل محلك سر
من مواقف احمد قنصوة: "علنُ أنا المُقدم دكتور مهندس/ أحمد قنصوه الضابط العامل بالجيشِ المصريِّ العظيم، أني قد بدأتُ اليومَ إجراءات مقاضاة السيد رئيس الجمهورية بصفتِه، لإلغاءِ القراراتِ الإداريةِ وإيقافِ مشاريعِ الاتفاقياتِ الدوليةِ المتعلقةِ بتحديدِ وضعيةِ جزيرتيْ "تيران وصنافير"
بغض النظر عن الإنتخابات التى لن تحسم لصالحنا بالطبع - يحسب لطنطاوى وللتاريخ انه نزل وحده وبصدره واعلن ترشحه وهو يعلم مسبقا النتيجة ويعلم امكانية القبض عليه وعلى من حوله وأنه اعطى للبعض الأمل فى المقاومة الناعمة.
#أحمد_الطنطاوي
اللطيف بقى فى مسلسل نيللى كريم التحفة لحد دلوقتى, ان الشرطة بقى بيقولها ربنا معاكى ومعلش يا ست فلانة وبتاع ومنتهى الأدب. الحقيقة مضحكين ومبوظين مصداقية المسلسل. قال ربنا معاكى قال.
من اكثر الأشياء اللى تألمت منها فى حوارى مع منى سيف لما قلتلها انا عارفة حبكم لمصر - وردت ما معناه ان مصر دى ما تعرفهاش لأن كل شىء فيها اتغير حتى الأشياء البصرية - فماعادش فيها ذكريات لأن الأماكن والأشياء تبدلت.
شىء مؤلم.
الناس اللى مش مهتمة لو سمحتم تهتموا. حديقة الحيوان عايزين يعملوا فيها ملاهى. من فضلكم لو سمحتم عايزين ضغط وتريند
#saveGizaZoo
ما ترجعوش تعيطوا لما تتفاجأوا بتقطيع شجر تاريخى فيها وبناء كتل اسمنتية. #انقذوا_حديقة_الجيزة
النظام المصرى قرر انه بدل ما يطلع تصريحات مالهاش لازمة والناس مش بتصدقها اصلا وهيفضلوا الناس يشيروها ويتريقوا على سوشيال ميديا - فقرروا ما ينزلوش بيانات من أساسه واخبطوا راسكم فى الحيط واعلى ما فى خيلكم اركبوه وان كان عاجبكم.
#انحدار_دولة
القاهرة فى المنفى والحلقة 91 مع الأستاذة امل فتحى والتى تم القبض عليها بعد فيديو نشرته فى 2018 عن التحرش الذى تعرضت له فى احد البنوك وانتقدت فيه المؤسسات المصرية التي لا تتخذ أية اجراءات ضد التحرش الجنسي.
حقيقى انا سعيدة ان لسه فيه ناس بتقاوح وبتحاول وبتعافر ضد النظام الفاشل ده. حاسة اننا بنحارب طواحين الهواء ولكن لسه فيه امل ولسه فينا نفس ولسه فينا حياة حتى لو سجنونا كلنا.
مش معقول يا جماعة مش عارفين نلم الفين دولار. لو سمحتم ارجوكم اعملوا شير او اتبرعوا - وطبعا مش باتكلم على المصريين اللى فى مصر لكن اللى بره مصر. الحالة حقيقى تستحق المساعدة و10 دولار مش هتفرق معاك
اصلا قبضوا على ابنها من غير مناسبة ولبسوه قضية وبعدين دلوقتى طلعوا اللى اتحرشوا بالأم براءة.
ما فيش اقسى من كده: امرأة - مصرية - فقيرة - مسيحية.
رباعى ما يعلم به الا ربنا.
أصدرت محكمة جنايات المنيا، منذ قليل حكمًا ببراءة المتهمين الثلاثة في قضية تعرية سعاد ثابت، والمعروفة إعلاميا بـ «سيدة الكرم» بمركز أبوقرقاص!4 سنين ونصف من المعاناة والصبر ومغادرة القريةوالتمسك بالحق. للست سعاد ثابت كل الشكر والتقدير والحب على شجاعتها التي لم يتحل بها الرجال.
مش فاهمة اللى شمتانين فى محمد على او فى الناس اللى كان عندها امل فى ثورة - شمتانين على ايه؟ ان النظام الفاشى الغبى ده لسه هيفضل فى الحكم وحاطط الشعب تحت جزمته؟ مش فاهمة الحقيقة.
@Elsayedelmorr
انا أدمن حسابى من ٢٠١٠ والى اليوم وإلى ساعدتني فى فتحه بالمراسلة وعلمتني تويتر مارلين تادرس 7thousandyears@ كل تغريدة كتبتها بنفسى بالتشاور مع زوجتي ولا أحد سواها :)
اخبار جميلة:"علاء اتنقل للسجن امبارح صباحا الانتقال كان في عربية فان ولما وصل السجن اتعمله فحص طبي شامل... وخدوا منه عينةدم علشان يعملوا صورة دم كاملة
اتسكن في زنزانة مع 3 آخرين الزنزانة واسعة والسرير عليه مرتبة، الشبابيك مرتفعة جدا والزنزانة فيها كاميرات"
- عن ليلى سويف
مش كل ضباط الشرطة بيعذبوا الناس وهم ناس زى كل الناس فيهم الكويس وفيهم ولاد الكلب. لكن اللى بيعذبوا لازم يتحاكموا لأننا الآن فى غابة والذين يعذبون بلا رادع مستمرون. فقط مطلوب تطبيق القانون. صعبة دى؟