الشغل عندي هياخذ راحه في رمضان وانا للاسف ماكنتش مستعد للخطوه دي فياريت ياشباب لو تكرمتوا لو حد محتاج محاسب بارت تايم او كاشير بارت تايم او كابتن صاله بارت تايم في التجمع او الرحاب انا موجود ان شاء الله ولو تكرمتوا ريتويت للتويته..شكرا.
بدايه المباراه كانت بمثابه بدايه صوت الحناجر لجمهور الاهلي كانت بدايه مرعبه لاي فريق في ظل وجود الجمهور الحقيقي ياألف خساره علي ان البدايه دي مش هتكون موجوده بكره ياألف خساره علي ضياع هيبه الثالثه ياألف خساره علي خذلان الاداره للجمهور ياألف خساره علي فراق الحبايب❤️
انتهي كاس العالم بس مانتهاش حلمنا في احراز البطوله البطوله اللي هنفضل نحلم بيها مهما اتغير نظامها هنفضل نحلم بيها للأبد احنا الاهلي مافيش نادي أعرق من ناديا النادي الاهلي كبير وعظيم وهفضل افتخر بناديا للأبد شكرا ياأهلي علي الحلم ولنا لقاء أخر وحلم أخر ان شاء الله❤️
طب ياشباب انا بدور على شغل من بعد 5 في نطاق التجمع او مدينة نصر محاسب تكاليف ولو وقفت خالص انا موافق اشتغل كاشير او ويتر بس لحد الساعه 11 ونص او 12 بالكثير ريتويت لو تكرمتوا وربنا يكرم الجميع ان شاء الله.
كل سنه وانتو طيبين يارجاله كل سنه ورجاله ماتش الرجاء اشجع الشجعان بخير وربنا كبير يارجاله كل سنه وكل شخص وقف وهتف للاهلي بخير كل سنه وال 74 محفورين في عقلنا حتي الممات❤️
بتلاقي نفسك جسمك بيقشعر اصل والله العظيم ماكانوا مجرد 90 دقيقه بيعدو كدا والسلام مع اول ضربه طرومبيطه كان المكان بيتملئ فرحه كفرحه ام بتشوف ابنها لأول مره فحياتها المكان دا وف وسط الناس دي وتحت بانر اهلاوي شوفنا فيه اجمل ايام وعشنا اجمل الحكايات واحشنا المكان وواحشنا الصحاب والله
الماتش عدي عليه اسبوعين واحساس فرحه البطوله لسه موجود بنفس الشغف بنفس كل حاجه انا شبعان كوره من البطوله دي البطوله دي غاليه اوي عند جمهور الاهلي بطوله من قلب ملعبهم ووسط جمهورهم وقدام فوزي لقجع وف حضورجمهور الاهلي الحقيقي اللي أثبت للكل ان الأول ف القاره رغم غيابه عن الحضورلسنوات
الاستاذ الجميل دا جه قدامي مع الجمهور اللي كان حاضر التمرين النهارده معدي ال 60 سنه سنه مامنعهوش انه يؤازر الاهلي الاهلي أكيد فرحه سنين كثير أكيد طول عمره عاش مع الاهلي بطولات وانجازات ربنا يدي لحضرتك الصحه وتفضل مع الاهلي مش بالسن، حب الاهلي شغف، بنحب الاهلي ياولا ونديله عنينا❤️
ازيكوا ياشباب
لو تكرمتوا ريتويت للتويته لعل وعسي حد من المسئولين يشوف التويته ويتحرك
دي اخت واحد زميلنا غايبه بقالها يومين من قريه دبركي مركز منوف المنوفيه اسمها نرمين عاطف زغلول زيدان راحت يوم الأربع جامعه مدينه السادات ولحد الأن مارجعتش بيتها وموبايلها مقفول من يومها.
كان زمان جمهوره دا حماه اما الكوره كانت للجمهور الجمهور اللي هتف جمهوره دا حماه وقع منهم 72 راجل ومع ذلك كملوا الكل عارف ان الكوره هنا مابقتش لينا مش للجماهير ولا للمتعه والله العظيم انا بقيت اعرف ماتشات الاهلي في الدوري في ساعتها شغف الكوره هنا انتهي خلاص والكل عارف مين السبب..
لا من مصلحة جمهور الاهلي مقاطعة المباريات ايا كانت الاسباب ولا من مصلحة الاداره عدم الاستماع لمطالب الجمهور لابد من وسيلة اتصال وتفاهم بين الطرفين لضمان عودة الجماهير الي المدرجات بكل امان وسلام واحترام.. وبعدين هو مش الشعار جمهوره ده حماه؟؟
الصوره دي فيها كل حاجه نضيفه علم فلسطين مدرج من غير تعنت ومن غير مرشدين ومنع اول خمسين صف جمهور الأهلي بيرجع تاني يقف علي الحديد شمروخ في الايد بيغني❤️
جمهور الأهلي لن ينسي من أخلص لناديه الجيل دا من 2019 لحد الأن وهو مخلينا عايشين حكايات بعد فتره صعبه عدت علي الأهلي لسنوات الجيل دا جيل ذهبي طموحنا معاهم وصل ل ليفل الوحش زي مابيقولوا وهو حلم كاس العالم شكرا يارجاله شكرا علي الحلم كانت سهله بس ماكنتش من نصيبنا شكرا علي الطموح..
ازيكوا ياشباب صاحبي في السعوديه بقاله اسبوع وبيدور علي شغل بكالوريوس علوم قسم كيمياء دفعه 2019 وشاطر جدا ماشاء الله فلو تكرمتوا تعملوا ريتويت للتويته دي لعل وعسي حد يساعدنا ان شاء الله..شكرا
الكوره في مصر لو كانت كملت بجمهور زي حضور ماتش الهلال كنا هنروح في حته تانيه وكانت هتكون بدايه حقيقيه لعوده الكوره في مصر بس الفرحه في المكان دا مابتكملش للاسف.
فيها اي لو نرجع تاني وكتفنا في كتف بعض نغني سويا ونفرح سويا اعظم لمه الانسان كان ممكن يعيشها في حياته هيا لمة صحاب في الثالثه اتفرقنا زي ورق الكوتشينة في لحظه يارب نعود
#NewProfilePic
الحمد لله الذى بنعمته تتم الصالحات ❤️ اليوم أشرقت الشمس في قلبي لتملؤه دفئاً وبهجة..وإنه من تمام فضل الله أن رزقنى إياها فتكون هى لي نور دربى وأمان قلبى وملجأ روحى ورفيقة عمرى..here we go بحق وحقيقي❤️
بغض النظر عن انه مكمل معانا أو لا بس عبد المنعم خيره علينا من وقت قاضيه المغرب أنا لو كنت بحبه علشان البطوله دي ف أنا زاد حبي ليه بسبب الاسبرينت اللي عمله وجريه للجمهور محمد عبد المنعم عندنا ووسام أبو علي عندنا وهنانا ياسعدنا بطولة الدوري ان شاء الله عندنا❤️
في وقت اصابه متولي عيني جت علي ياسر ابراهيم وهو منهار من العياط ياسر لعب 90 دقيقه في ماتش الرجاء وكان من نجوم الماتش النهارده ياسر ابراهيم كان بره ال 18 انا مش عايز امدح في ياسر لانه لاعب راجل بتحتاجه في اي وقت بينزل وبيأدي اعصابي ماكنتش فيا في وقت اصابه متولي بس قلبي كان فرحان..
نهائي 2022 لاعيبه الاهلي خلعت الميداليه قدام رئيس الفيفا ورئيس الاتحاد الافريقي اعتراضا علي المهزله اللي حصلت وبره عن المهزله النادي الاهلي لايليق به الا الذهب من قلب ملعبهم يارجاله ووسط جماهيرهم يارجاله لسه علي معادنا افريقيا الله يخليكوا❤️
صباح الخير يااهلي جمهورك مستني فرحه الليله فرحه هننسي بيها اي حاجه فاتت مش بس في الكوره في الحياه عموما انت مصدر الفرحه بالنسبه لجمهورك يااهلي كل العالم مستنينا ماتشمتش حد فينا ياأهلي❤️
موسم اسطوري بيتلخص في ليله الحادي عشر من يونيو لعام 2023 موسم تاريخي للاعبيه والجهاز الفني ومجلس الاداره وأولهم جمهور الاهلي اللي حضر ماتش الفاينل أشجع الشجعان وزي مابننتقد في الازمات بنشيد في وقت الفرحه والانتصار شكرا يارجاله علي الموسم التاريخي دا جمهور الاهلي مابيشبعش بطولات..
ياسر من لاعب في الزمالك صفر بطولات الي لاعب ف الاهلي وبيكتب تاريخ مع الاهلي وبغض النظر هو جاي منين ياسر تحسه متربي في الاهلي لاعب فعلا يستاهل يرتدي تيشرت النادي ياسر راجل وتعتمد عليه في اصعب الظروف مبروك عليك التجديد ومبروك علينا ان مسيره النادي هتكمل بلاعب راجل بحجم ياسر ابراهيم
@mohamedfares07
تبقي تبلغ اي حد من مجلس الاداره ان اجراءات الموقع دا صعب دا غير التزكره اللي ب 100 ج غير qr اللي بينطلب ب 100 غير الفان id اللي ب 100 توتال 300 ج في ناس مش معاها تعمل كل دا وتبقي توضحلنا مين اللي مسئول عن التزكره اللي 100ج دي ف فرق تزاكرها اقل من كدا بكثير.
انا بحترم اي لاعب يكون هدفه الجمهور اللي عاش جوا المكان هيعرف ان اللحظه دي من اجمل اللحظات اللي واحد بيحبها في اللاعيبه اللي يحب جمهور الاهلي نحبه ياحسين❤️