"منى الكرد" بهاتف وبدون دعم أو استراتيجية تمكنت من جر الملايين من المتابعين حول العالم لمشاهدة ما يحصل في حي الشيخ جراح وإحداث ضجة عالمية.
شقيقها المثقف والمتحدث الطلق "محمد الكرد" وصل لملايين المشاهدين بالإنجليزية لنفس القضية.
تستحق هي وشقيقها كل الأوسمة والدعم والمساندة.
على سيرة اعتزال أدهم النابلسي، قديش صعب جهاد النفس إنك تترك الشهرة وزيادة المال السهلة جداً وإنك تكون فعلياً من الأفضل على الساحة الفنية في سبيل رضى الله، عظيم هالبني آدم، ربي يثبته.
جيل العشرينات وصلوا حدود فلسطين!
الجيل الذي تم المراهنة عليه لنسيان القضية يثبت للعالم أننا على العهد والوعد ماضون.
#يلا_على_الحدود
#غزة_تحت_القصف
#أنقذوا_حي_الشيخ_جراح
٢٥/١٢/٢٠١٠
تاريخ عمري ما بنساه، ولا يمكن أنساه، يوم نمت فيه بالطريق بعد رحلة من العمر، لأنه بدي أدرس إمتحاني بس أوصل البيت، وفجأة ... بدون أي إنذار، صحيت على صوت صراخ و قلب سيارة وإنتهاء حياتي اللي عهدتها وبداية ألم لا ينتهي، نمت كنا ٥، صحيت صرنا ٣.
ما توقعت أكتبها بحياتي، وفي كل كلمة بكتبها في دمعة، ولليوم مو قادر أصدق اللي صار، وفي ألم لا يوصف في قلبي .. في هذا اليوم المبارك، ادعوا لأبي وأمي وأختي بالرحمة والمغفرة، لا أراكم الله مكروها بعزيز.
ولي ولقرة عيني، وكنزي وحبيبتي أختي بالقوة والثبات، والعوض والجبر، من ربي الكريم.
ما بحب الأصحاب اللي كل إشي معهم صعب، بدك تطلع معهم طلعة بعملوا منها قصة، ما بترد على تليفون بحردوا، ممكن تمزح مزحة تقلب جد أو يتحسسوا زيادة..
بحب الناس الخفيفة القريبة من القلب، اللي براعوا إنه أي شخص بصير معه ظروف، اللي بعطيك ١٠٠ عذر قبل أي عتاب، هدول كنز في هذه الحياة.
اليوم اجتني الجرأة أفضي محتويات مكتب والدي الله يرحمه، بحياتي ما حسيت بهيك ألم وحزن، كل إشي بمسكه بشم ريحته فيه، ودموعي بنزلوا لحالهم بدون ما أقدر أعمل إشي، بتذكر قديش كان سبب سعادتي وكيف إنه حبي اله كل يوم بزيد، يا رب ما ببرد قلبي غير إنه يكون في الجنة، اجبر خاطري وارزقه اياها.
بدك إشي يزبط؟
خبيه، ادفنه، حطه في صندوق وارميه في البحر، لا تجيب سيرته، لا تلمح بأي شكل من الأشكال ولا تحسس أي حد إنه أصلاً في إشي.
الواحد بخسر معظم من الشغلات بس لأنه حكى عنها.
قبل ما تفتي بحرام وحلال وإنه الدكتورة انتحرت، روح افتي بالحرام اللي بصير بالدكاترة من استغلال وعبودية، استغلال المستشفيات الهم بدون رواتب، يكون دكتور درس وتعب ووصل ال٣٠ ومش قادر ينتج ويعيل نفسه.
الحرام الظروف اللي مخلوقة في البلد، واستغلال شبابنا أبشع استغلال، ركز على السبب.
والله إني عارف، ما أخذتهم غير لأنك بتحبني وبتحبهم، ورح تتولاني أنا وأختي وهذا شرف لنا يا ربي يا كريم، هم اليوم عندك، ووالدي ضيفك، وأنت أكرم الأكرمين، ارزقهم الفردوس الأعلى، ربي عزائي إنه رحمتك أكبر من رحمة الأم على ابنها، وما رح تتركنا، يا رب الفردوس الأعلى لأغلى الناس على قلبي.
مش مشكلة الواحد يكون Single، بس المشكلة إنه جد مع الوقت الواحد بترتفع معاييره وبصير الموضوع أصعب ودائرة الخيارات بتحسها بتقل، زمان كنت أفكر الموضوع أسهل من هيك، بس كل ما يمشي الوقت بحسه صار معقد أكثر والإنسان بطبيعته بصير دقيق في خياراته بشكل أكبر.
لا أجد أي كلمة تصف شعوري، عمري ما كنت عاجز عن التعبير، لكن عجزت والله، لليوم ما بصدق إنه ٣ من أصل ٥ من عيلتي اختارهم الرحمن عنده، والله صعبة، ما كان مصبرني غير والدي، كنت الأب والأم والصديق والرفيق، كنت الحنون اللي بستمد قوتي منه، حبي الك بدون حدود، ربي يرحمكم .. بحبكم كلكم.
إلى زوجتي المستقبلية
تحية طيبة وبعد ...
أول إشي كيف حالك؟ شو أخبارك؟ كيف الكورونا معك؟
بتمنى تكوني ما بتحبي التدخين والأرجيلة مثلي لأنه أنا ما بطيقهم.
بتمنالك يوم سعيد ...
الَّذِينَ إِذَا أَصَابَتْهُم مُّصِيبَةٌ قَالُوا إِنَّا لِلَّهِ وَإِنَّا إِلَيْهِ رَاجِعُونَ
والدي، حبيبي، في ذمة الله، إثر مرض عضال لم يمهله طويلا.
الله يرحمك يا حنون، الله يرحمك يا كل حياتي، كسرت قلبي.
نفسي تكونوا موجودين، نفسي أسالكم شو أعمل، نفسي أبكي على كتف أي واحد منكم، البيت صار فاضي، صار بارد، والله يا أبوي نفسك في البيت لحاله كان دفء و أمان، كنت ما أخاف من إشي، وراي جبل من القوة، يا ربي ارحمهم، يا الله ساعدنا ووقف معنا، مش قادر أصدق، ربي يرحمكم ويكون معنا...
إذا في نصيحة ممكن أعطيك إياها في حياتك العملية إنه تخفف حكي كثير، كل ما قل كلامك، كل ما قل غلطك، في بيئة العمل كثير ناس ممكن تتصيد أو تمسك عليك أبسط الكلمات، وبضيف إنه أوعك علاقات الشغل تقلب شخصية، لانه في المعظم ما رح يجيك من وراهم غير وجع الراس، خليك رسمي وprofessional أحسن.
صور من ارتداء النواب الايرلنديون كمامات تحمل علم فلسطين والكوفية خلال جلستهم اليوم وذلك تضامنا مع غزة والشيخ جراح في القدس المحتلة.
وبطلعلك واحد أو وحدة، بنظّروا علينا إنه ما ننشر عن الموضوع ونوقف مع أهلنا في فلسطين، الله يخلصنا من الصهاينة العرب.
#انقذوا_حي_الشيخ_جراح
An Isreali "civilian" settler buying shawerma in Haifa.
Share it to the world, I guess you know who the criminal is.
#GazaUnderAttackk
#SaveSheikhJarrah
الله يرحمك يا حبيبي، اللهم ارحم روحاً صعدت إليك و لم يعد بيننا و بينها إلا الدعاء، ربي ارحم أغلى شخص على قلبي، حبيبي وسندي، قدوتي ومثلي الأعلى، والدي وكل قلبي، ما رح أ��ساك من دعائي، في كل صلاة، في كل يوم، في كل ساعة، وبوعدك أختي بعيوني وقلبي، بحبك يا حبيبي.
#NewProfilePic
فترة ما بين ال٢٥-٣٠ بتحس حالك دخلت مرحلة غريبة، بتكون ضايع نوعاً ما، بتلاقي ناس متزوجين والبعض حتى عنده ما شاء الله أولاد، ناس لساتهم أصلاً أولاد، ناس بتشتغل ووصلت إشي منيح، ناس لسا في بداياتها وبتراكض، ناس بتكمل تعليم، بتصير تصفن بتصير تصفن طب أنا وين؟ هل أنا على الطريق الصح؟
٢٥/١٢/٢٠١٠ تاريخ الحادث الأليم، وتاريخ وفاة ملاكي وأختي زين وبعدها بأسبوع وفاة من كانت رحمة من الله أمي وحبيبتي، ربي اجعلهم في الفردوس الأعلى، فأنت أعلم بألم فقدهما الذي لا ولن يتوقف.
أبوي وأمي وأختي، رحمكم الله وجعل جمعنا في الجنة، وأعاهدكم وصولي أنا ونادين لكل ما تمنيتوه.
الموت ما بعرف عمر، ما بعرف وقت، اللهم إنّا نعوذ بك من موت الفجأة في ساعة الغفلة.
اللهمّ أبدله داراً خيراً من داره، وأهلاً خيراً من أهله، وأدخله الجنّة، وأعذه من عذاب القبر، ومن عذاب النّار.
اللهمّ اجزه عن الإحسان إحساناً، وعن الإساءة عفواً وغفراناً.
#عبود_العمري
Instagrams stories in Jordan
خطبة ⬅️ عرس ⬅️ كتب كتاب ⬅️ قراية فاتحة ⬅️ خطبة ⬅️ She said yes ⬅️ مزرعة ⬅️ كتب كتاب ⬅️ حجر في العقبة ⬅️ صاجية ⬅️ تابلو سيارة مع أغنية ⬅️ خطبة ⬅️ كمان خطبة ⬅️ عرس ⬅️ مشاوي ⬅️ الحمدلله الذي بنعمته تتم الصالحات.
أنا مستحيل أعجب بشخص طبيعي، يا جداً صعب، يا مش سائل، يا في واحد قبلي معجّب فصار في مشاكل ثقة ما الها حل، يا صفاتنا عكس بعض، حلال/حرام Ratio ضاربه، وسلامتكم..
اللهم تدخلاً ربانياً ومعجزة من عندك تجعلهم خاسرين، فقد اعتدوا وبغوا وأفسدوا، وانتهكوا حرماتك ومقدساتك، فإنّ مسرى رسولك يا الله يئن ويصرخ ولا مجيب سواك، فقد ضاقت بنا السبل، وقلّت بأيدينا الحيَل.
اللهم نصراً مؤزّراً، ورحمة تتغمد بها شهداءنا الأبرار.
اليوم قابلت في شركة تملك عدّة مصانع، المهم الوظيفة مهندس صناعي QA\QC لمصنع محترم.
عرضوا علي ٢٥٠ دينار في الشهر، مع العلم إنه المواصلات علي، الدوام ٥ أيام في الأسبوع، سبتين دوام سبتين عطلة من الساعة ٨ لل٥، والمصنع في اليادودة.
Welcome to Jordan 🙃
شهادتي أبلها وأشرب ميتها؟
٢٥/١٢/٢٠١٠ تاريخ غير حياتي، تاريخ نمت وصحيت فيه على واقع جديد، تاريخ بمثل مرحلة مفصلية في حياتي، تاريخ حادث انقلاب السيارة المشؤوم اللي فقدت في أختي وبعده في أسبوع والدتي، لكن ما توقعت في يوم من الأيام، ما أشارك حزني مع أحب الناس إلى قلبي وأفضفض اله، إللي هو أبوي رحمهم الله جميعا
كل يوم بزيد اقتناعي إنه الجمال نسبي، وبعتمد على قوة العلاقة بينك وبين هذا الشخص، وإنه أكثر من عادي في شخص في حياتك تشوفه الأجمل على الإطلاق لأنك ببساطة بتحبه وبتحب شخصيته وأطباعه.
بعدين تويتر بتفرجوا فيه الحقيقة، ستوريات السعادة والثراء مش موجودة هون، و أغنية I’m on vacation والحكي هذا مش عنا…
هون الكل تقريباً يا عنده اكتئاب يا قرّب..
في أصحاب لو تتركهم سنين ويكون التواصل بينكم كثير محدود بسبب الظروف، بس تشوفوهم كأنه كل يوم قاعدين مع بعض، الحديث بكون بدون مقدمات، بدون أي رسميات، هيك محبتهم من الله وشو ما فرقكم زمن عمرها العشرة والمحبة ما خفّوا، حتى والله مرات بزيدوا وكثير كمان.
صرنا سامعين بأكثر من فضيحة، لانسر وفيوجن وغيرها، للأسف في بلادنا نتيجة هيك فيديو قد تصل للقتل، إذا وصلك إشي لا ترجع تنشره، وقف النشر عندك، أكيد التصرف غير مقبول لا شرعاً ولا عرفاً لكن نشر الفضيحة لا يقل بشاعة عن نفس التصرف باعتقادي.
كثير ناس كانت تحكيلي ليش كنت نوعاً ما باكتئاب الفترة الماضية، صدقوني أسوأ أنواع العذاب النفسي تعرف إنه والدك مصاب بمرض السرطان من الدرجة الرابعة، وفجأة بدون أي سابق انذار، وكله خلال ٣ أشهر بس، وكل دكتور يحكيلك مافي علاج، مافي حل، تشوف أحب شخص قدامك مصيره الموت هلكتني، الله يرحمك.