.
عليها جمالٍ مابعد مرّ بـ الاجيال
جمالٍ على بيض الغنادير مطغيها
فرس حاكمٍ لـ ميلت بشقرً ميال
قبل ماتميل كل قلبً يباريها
ترفع من الجهال وتضييع العقال
يروحون في سياتها من حسانيها
تقدم لها الارواح وتقدم الاموال
تهز الدول من شامها لـ يمانيها
.
.
من مفرعك لين ما تاصل نعومة يديك
سبحانه اللي جمع حاجات ما تجتمع
شتقول فاللي يصب من الطواريق فيك
يخلّي اكبر الاسامي .. لا قصد تستمع
تكرم عيونك من الشعر الهزيل الركيك
وتستاهل الشاعر اللي في عيونك لمع
.
.
مرحبا ياغايت القلب واقصى منتهاه
ريف قلبي جعل عمري معك ما ينتهي
ولله انك وسط قلبي وهذا مبتغاهه
والعمر من دون وصلك ترا ما يمشي
ولله انك زين مبسم وطبع وزين جاه
جعل عين الناس منك تسج وتلتهي
واحد مافيه مثلك وربي قد عطاهه
الحسن وذوق والعز والوجه البهي
.
.
جادلٍ من دونها الحظ و العاذل يحول
ماتجي لـ المسلم الصّادق إلا بـ دّعوه
هايله و عيونها الواسعه شيٍ يهول
والله إن ماكنّها إلا . فناجيل قهوه .
ترفةٍ تلعب ولا تلعب إلا فـ العقول
كاملين العقل معها يروحون . ثعوه .
.
_
الاشتياق اللي يجي الانسان من حين لي حين
خلاني اترك حاضر ايامي واعوّد لك ورى
كأنه سرى ليلك بدون شعور واحساس وحنين
انـا على الاشـيا القديمه بيننا ليلي سرى
افتش الذكرى وادور لك ..وانـا جرحي دفين
كني اصحيّ ممسي اوجاعي . وجرّحن مابرى
.
الحب جنة له قطوفٍ دانية
ما بين قلبينا وله فرصة عمر
شاعر لقى له ملهمة متفانية
في حسنها غطت على وجه القمر
يا اللي غيابك احسبه بالثانية
في شوفتك فرحة مع بسمة دهر
.
.
عيونها مثل الفرحة الدافع المعنوي
وضحكتها مثل حضنّ بعد لهفة وخوف
ماصغرتها الليالي لان باسها قوي
تمر سود الليالي بضحكتين وتطوف
ان بغيتها حبيبة وان بغيتها خوي
بتدهشك بالحسن وبتدهشك بالظروف
.
_
اذبحيني في جمالك ولكن ماعليك
قلبي اول قلب مجني عشق له جانيه
كل حاجه فاتنه تنتمي منك واليك
ليت الاشياء الجميله ماتبقى فانيه
انتي نيوتن بكبره لو ملحق عليك
من جمالك يكتشف جاذبيه ثانيه
ㅤ
_
مديت لك عمري على كف يمناك
وغيرك على رجوى . هلا .مد عمره
نزعت بيبان . الثقل . غاية رضاك
وشرّعت لك قلبي ويا طول صبره
"ميّت شعور" وفز قلبي لـ طرياك
وأعرف شعوري ما يجي غير مرّه
_
مرحبا يا وجهك اللي يسرّ الناظرين
والله انه حلو بزمام وبليّا زمام
يوم اعاف النوم لأجل السهر لا تزعلين
من يحب النور من شامتك حب الظلام
اضحكي لين ادري انك وضحكاتك يقين
وامهليني عمر لين الله يجيب الكلام
ㅤ
.
انتي دليل الشعر لا حَل هوجاس
أحيان أصب الشعر وأحيان أصبّك
شوفك يشد العين ويشدّ الأنفاس
مفتون منهو ذاق جرحك وطبك
الياس ما يدخلك والقد ميّاس
يالمايس اللي كل ما ضقت أذبّك
أحيان أحبك مثل ما تفعل الناس
وأحيان لا والله . أحبك أحبك .
.
.
مانيب مستغرب عليك اللين والعود الدقاق
من يوم يومه عن نسيم الشوق ماهو فـ معزْل
متعلّق من أول لقى وأول عهد وأول عنااااق
بالكلمه اللي يوم أحايلها من لسانك تزل
أهم شي المبسم المعسول منطوق ومذاق
مايصبح إلا من خيوط النور يسحب ويغُزل
.
.
كيف حال اللي من أشياء الشعور قريّب
وين بلقى لي جوابٍ صدق دون إحراجه
الملامح لو تغيّر والشعر لو شيّب
ما تشيب الذكريات ولا تغير حاجه
والله إن حالي يطيب أن قالوا أنّه طيّب
لو تمر . أيامنا . حتى بدون مواجه .
.
_
تجيني ضحكتك مثل البشاير في عيون الضيق
وانام.. وفي عيوني ضحكتك والقلب في راحة
بخوض من الحروب، وبنتصر، واظمى، وابلّ الريق
من اللي يخسر بـ حرب الحياة ووجهك سلاحه
ㅤ
.
اشهد ان الله عطا وجهك قبول
كل ما اشوفه اشوف العافيه
جيتك و صدري من اللهفه يطول
ممتلي شوق و مشاعر دافيه
انت حتى الشعر في وصفك خجول
و كل كلمه في سموك وافيه
نصف ساعه فاهي بوجهك و اقول
اشهد ان وجهك يجيب العافيه
🤍
.
.
كيف اوصّف ياحبيبي نظرة العين الشنيعه
والرموش اللي ترد المهتدي صوب الظلاله
تاه فكري في جمال عيونك الحور الوسيعه
وش يقول الشاعر اللي عينك اوسع من خياله
.
.
الورود تغار منها مزهرية مزهرية
وإن تباهت عذرها معها ويحق لها تباهى
ما يشباهها شبيه ولا يحاليها حلية
جل ربٍ يوم صورها فرقها عن سواها
لأقبلت هيجنت وإن أقفت جذبت السامرية
وعذابي إن عطتني وجهها ولا قفاها
.
.
كل هذا الجمال أمام قلبٍ وحيد
ليه يا مذهل العالم محد يذهلك
أنت لو ترفع الغطوة يذوب الجليد
ويخجل البدر ياخذ دورته فـ الفلك
تدري إن الشروق بـ جيتك من بعيد
وتدري إن أجمل الأشجار شجْرة هلك
أنت يا فاتن النظرات خلقٍ جديد
منتب إنسان ولا جن ولا ملك
.