الأهلي بدأ بالرد عبر مجلسه وقناته الخاصة هو كمان، الحرب دي قبل ما توصل وتتعمق أكتر بين الجماهير ومحدش في النهاية بيخسر غيرهم لازم حد كبير يوقفها، يوقف الطرف إللي بيبدأ دايما بالغلط وكفاية مهزلة بقى وخناقات وألفاظ بتقحموها في بيوتنا بالعافية..
كل ما اشوف تصريحات أو ردود أفعال ك.شريف إكرامي في العديد من المواقف، بقول أن فعلا الأهلي محظوظ حاليا والأكتر كمان مستقبلا بعقلية مثقفة ووجهة مشرفة كده.. 👌🏼
كنت متعودة بسبب إقامتنا في السعودية أن عمرة رمضان جزء أساسي من حياتنا، وأن رغم مشقتها إلا إننا بنشتاقلها من العام للعام، وبعد آخر مرة كنت هناك في رمضان من كام سنة وأنا دايما افتح التلفزيون وقت التراويح وأتمنى العودة، وبسيناريو خيالي ربنا أكرمني بيها السنة دي فاللهم لك الحمد..😭
مش قادرة اتخطى إعلان سيناريو الإعتذار إللي اللعيبه صورته إحتياطي ده! مش معقول الروح الإنهزاميه وإنعدام التفكير إللي لو حد فكر صح وقتها هايعرف إنها فكره فاشله وحاجة تدعو للقرف مش أكتر، الجيل ده مصمم يسيب إنطباع يدوم مش ينتهي بخروج مهين من بطولة على أرضك..
ولا أي قرار في البلد هاينفذه رئيس نادي الزمالك، هايحضر كل الماتشات ويخسّـر الزمالك ويخرجه من كل البطولات انتصارا لشخصه، أما كيان الزمالك وجماهيره فهم من الأساس لا وجود لهم عنده، الله المستعان..
محمد عواد شاري الزمالك جدا وتمسك بيه لحد ما تمت ودي حاجة محترمة في ظروف مش تمام ودوامة محدش عارفلها نهاية من المشاكل والتخبط وعدم الإستقرار، لكن الموقف نفسه لا يُنسى وصفقة مهمة..
كنت شايفة أن جنش حارس مُطمئـن بس فعلا ماكنش عندي ثقة أنه هايتطور بالشكل ده ويكون على قدر المسؤلية لما تجيله الفرصة يكون حارس فرقته الأول، براڤو حقيقي.. 👏🏼
جميل البيت إللي فيه اتنين لعيبة في أندية قمة، واحد أهلي وواحد زمالك، مش عارفه أسرة صالح وعبدالله جمعة بتفرح وتزعل مع مين فيهم مثلا أو إزاي يوازنوا ده، بس جميل أكيد حاجة بتعوض حاجة في بيتهم..😅
بكل أمانة مفيش مبرر لطلب تأجيل مباراة القمة، فيه فرق ٥ أيام فده مش منطقي خالص، مااعتقدش اتحاد الكرة يوافق على طلب زي ده، ولا الزمالك مفروض يشتت لعيبته أكتر من كده..
شوفت حالا ڤيديو مؤسف وحزين لفنان اسمه يوسف فوزي بقى مريض بالرعاش على اليوم السابع،ليه ينزلوا ڤيديو لبني ادم بالشكل ده!
فين الإنسانية يعني ولا الشغل والسبق أهم!
ممكن جدا يعملوا حوار معاه ويبقى "صوتي أو مكتوب" ويتقال نظرا لحالته الصحية يا يتم تصويره بكادر تاني مايظهرش ضعفه ومرضه..
الحمدلله ختمنا رحلتنا الكروية بفوز برضه لأرسنال على نيوكاسل ٢-٠ وبمشاركة للنني في جزء من المباراة، وفعلا ستاد الإمارات جميل وشيك بإمكانياته وجماهيره، تجربة مُمتعة..👌🏼
عارفه أن مصر فيها أصوات شيوخ جميلة، لكن فعلا مابتأثرش غير بحد من إللي في الحرم المكي والمدني، مش عارفه هل هما فعلا ربنا رازقهم بأصوات كلها خشوع تخلي الواحد يتهز من جواه، ولا أنا اتعودت على تلاوتهم و بحس كده علشان صليت وراهم بس..
جوارديولا يرجع لبرشلونة ويلحق ما تبقى من ميسي ومن الفريق نفسه، ويفكه من أحلامه وطموحاته إللي مش عارف يحققها من يوم ما خرج من بلده، المثل بيقول إيييييه..؟ 🤭
محمود علاء صديقي من أكثر من ٦ سنوات و بكل صراحة من الشخصيات المحترمة و أشهد له بالتواضع، و كلنا عموماً لينا أوقات عصبية لكن قليلين اللي عندهم شجاعة الاعتذار.. شكراً يا محمود على رجوعك السريع و ده مش غريب على اللي أعرفه عنك و عن تربيتك
@MahmoudAlaa
من كام سنة خالي وجع قلبنا بوفاته بسبب المرض اللعين واليوم عمتي الجميل�� الدكتورة هنية مختار في ذمة الله بعد معاناة مع نفس المرض، فاللهم ارحمها واغفرلها واجعل مرضها وصبرها في ميزان حسناتها..
فرقة الزمالك شكلها حلو في الملعب وفي كام لقطة من اللعيبة من بتوع "مدرسة الفن والهندسة" إللي الزمالكاوية بيشتاقوا ليها، بس الواحد يخاف يقول ويصدق كده فيصحى من النوم على خبر إقالة جروس.. 😅
الجملة إللي تنطبق على الوضع حاليا هي "مهما بكاني بيجيلي أنا وقت أكييييبد وبفرح معاه من تاني ويوميها بتبقى الدنيا م الفرحة مش سيعاني، ده كفاية عليا اللحظة دي أنا مش أناني😉" مبروك يا زمالكاوية بطولة الكونفدرالية..👑🏆
الزمالك هو الزمالك، لاجديد من حيث التعامل على الملئ ونشر الفضايح، كل الأطراف غلطانه،المسؤل لازم يصلح أو يعاقب برضه لو في تصرف غلط مش يرد الغلط بغلط، واللعيبه ماعندهاش خوف على سمعة النادي لما بيفيض بيهم ومش عارفه اعذرهم ولا لأ بس في كل الأحوال مفيش نادي بينجح بالصفقات الجامده بس..
الناس محتاجة تتعامل مع محمد صلاح بنفس تعامل أن ده السبب في فرحتهم وإحساسهم بالفخر مرات عديدة ويا يحبوه زي ما هو يا يحترموا آرائه وحياته الشخصية بس، مش معقول يتحاسب على كل تصرف وكلمة حتى لو من حقه، حاسبوا إللي بيبيح لنفسه يتكلم عن أسرته ولا إللي بينشروا عنوان بيته وكأنه ملكهم..
لما شوفت صورة لاعبي منتخب مصر في المطار بالبدل، عيني ماشافتش أي سلبيات وفعلا حسيت ببهجة "إننا بنعيش حلم وصول منتخب مصر كأس العالم"، وبس، كان زماننا قاعدين بنتابع بعثة كل منتخب في العالم وبنتمنى نكون مكانهم..
الواحد برضه علشان يقول رمضان صبحي هايل بيحس إنه إيه الجديد يعني وأن ده الطبيعي منه وإللي عارفينه، هو لاعب صغير في السن بس خبرته في الملاعب كبيرة مقارنة بزملائه فطبعا فارق جدا مع المنتخب..
كابتن شريف إكرامي بيثبت يوم عن التاني قد إيه هو لاعب مثقف ومدرك لحجم كل كلمة بيكتبها وتأثيرها، آرائه ومواقفه دايما مختلفه وإختياره لكلمات مهذبة للتعبير عنها حاجة تزيد من احترامنا ليه..
بيعترضوا على إيه وهما في الملعب أكتر من ٩٠ دقيقة مستنيين هدف الأهلي فيهم!! أعتقد أي فرقة بتلاعب الأهلي عارفه زيها زي لعيبة الأهلي لآخر ثانية أنهم يقدروا يجيبوا جول في وقت زي ده..
محمد صلاح حلم ماتجرأناش نحلم بيه، بنعيش معاه حاجات ولا في الخيال، بنشوف اسطورة من اساطير نادي ليڤربول وانجلترا وهو بيتغزل فيه! وهو بيقوله أنت الوحيد إللي ابني بيحبه اكتر مني، بنشوف صلاح مكسوف ومش لاقي رد من كتر المدح إللي بيقوله چيرارد في حقه، أنت علمتنا نحلم بجد..♥️🥹
@MoSalah
بحس بقلة أصل رهيبة لكل الناس إللي ليهم أصدقاء شغالين في مكان ما ويفرحوا ويشمتوا فيهم لما يحصل أي تخبط في مكان عملهم، يا جماعة والله الفرحة في قطع الأرزاق لناس تعرفوهم أو لأ، دي قمة قلة الأصل والإحترام إللي في الدنيا، فارتقوا لأن الدنيا مش هاتفضل طول الوقت حلوة مع حد..🙂
إصرار كوبر على نفس كل حاجة ونفس التغييرات بنفس اللعيبة إللي أثبتوا فشلهم التام وتراجع مستواهم "شئ مقرف"، عاوز تتعادل مع السعودية فخسرت منها في آخر دقيقة، وانتهى الأمر بأنك "حصالة" المجموعة..
تصريحات مؤمن زكريا عن تأخر علاجه غريبه وطبعا كلامه عن تأثره نفسيا وتأثير ده على أسرته بشكل سلبي صعب، ربنا يشفيه ويرجع من جديد للملاعب بقوة ويكون ليه كل الدعم من المسؤلين والجماهير..
يعني بجد ماتش عادي جدا في الدوري المصري يكون بيحلله من الاستديو لايڤ رونالدينهو وروبي كين *صديق چيرارد العزيز😝* ومعاهم ميدو، وتعليق فهد العتيبي ومن الملعب عبدالرحمن مجدي😇، ومفروض اسكت يعني وماانبهرش علشان مادخلش في صداع..!🙄
جائزة بوشكاش لأفضل هدف تُمنح لمحمد صلاح، هو في الواقع ماكنش أفضل هدف خالص لكن جميل أنه يطلع على منصة التتويج في حفل The Best اليوم بأي شكل ��و تحت أي مسمـى.. 🙌🏼
حسام عاشور بيعدي بالمرحلة الطبيعية لأي لاعب كرة، فالتقدير الوحيد إللي هايلاقيه من النادي هو فعلا إللي اتقال من حيث إقامة مباراة إعتزال إستثنائية وتكفل فترة معايشة تدريبية في أوروبا، فماينفعش يتقال أن الأهلي باعه..
طارق حامد يستحق لقب أفضل لاعب داخل القاره على مجهود كبير قدمه مع الزمالك ومباريات كتير كان هو فيها الأفضل والأوحد الثابت على مستواه سنين وكمان مع منتخب مصر إللي لو الكل في حالة سيئة كان هو بيكون ضمن الأفضل في الملعب، سواء فاز بيها ولا لأ فالنتيجة النهائية إنه من أفضل ٣ في القارة.
توقعاتكم للـ ٣ لعيبة إللي هاتنضم للمنتخب الأولمبي في طوكيو..؟
*أنا بتوقع| الشناوي ومحمد صلاح ومحتارة بين طارق حامد أو حجازي بعد مشاكل الدفاع الكارثية دي..
الزمالك لو ياخد الكأس وخالد جلال يعتذر بعدها عن الإستمرار في تدريب الفريق فكده هايكون اتعلم من أخطاء إللي سبقوه ويحافظ على كرامته ومستقبله وشخصيته إللي هايتبعتروا لو كمل، ويسيب فعلا ذكرى حلوة مع الجمهور مش زي إللي قبله..
مع احترامي لأي حد اعرفه شغال هنا، بس ده جو مشجعين بحت مش موقع من المفترض أنه كبير وحيادي، طبعا وده علشان مؤخرا بينزلوا حاجات "دمها تقيل" وتبقى غير موفقة منهم..
لقطات الطفل الزمالكاوي في مباراة حرس الحدود دي جميلة جدا لحد ما العالم كله يستضيفه يحكي عن المشهد وحبه للفريق بدأ منين وإزاي وحلمه بأنه يكون عضو في النادي فالنادي يكرمه وهكذا، عاوزين اللقطة تحتفظ برونقها شوية صغيرين بس.. 🤭
الأهلي محتاج تغيير كبير وكان الطبيعي يحصل بمجرد إنتهاء الدوري إللي حصلوا عليه بصعوبة وبعد مساعده من الزمالك أو إدارته بمعنى أصح، صحيح إستغلال أخطاء المنافس وأنت تحت ضغط كبير نجاح لكنه بالنسبه لاسم ومكانة الأهلي مش كفايه، لاسارتي مش قد الأهلي ولا مرضي لطموحات جماهيره..
خسارة الزمالك كده كده كانت قادمة، لكن سيناريو مش لطيف لما يكون بخروج من بطولة، في النهاية الفريق محتاج يفوق وجروس يعرف أخطائه سريعا علشان المنافسة على لقب الدوري محتاجة نفس طويل..
كلمة "نادي الكرامة" حطها رئيس نادي الزمالك على الأبواب في عهده، ودمرها بالأفعال، فعليا كابتن سيد عبدالحفيظ "وده آخرهم" داس على كرامة النادي ردا على تصريحات رئيسه..
مفيش منافس عنده نفس الإستقرار إللي عند الأهلي وبالتالي مالوش منافس، موسم فايلر قادر فيه يلاعب كل إللي عنده لأنه ماعندوش إللي يوتره ومش بس فقدان النقاط إللي مابقاش شئ وارد كمان دخول أهداف في مرماهم، عامة مفيش حد قادر يجاري الأهلي وبيكسبوا باسمهم وإمكانياتهم مش بعوامل مساعدة.
وفي عز أي عتمة جوه نادي الزمالك هانلاقي دايما أن أبطال اليد موجودين وحاضرين لإسعاد جماهيرهم، مبروك للزمالك الفوز على الأهلي وحصد كأس أفريقيا للأندية أبطال الدوري.. 🤾🏻♂️ 🤙🏼 👏🏼
سبحان الله، الناس تشتغل في بيراميدز فيتشتموا رغم أن لو حد منهم جاله ربع فرصة حتى من بعيد هايجري عليهم، والناس بقى إللي مش شغالة معاهم وبيقولوا كلمة حق برضه بيتشتموا، ده إيه الفضى ده..🧐
رئيس الزمالك دايما معتبر المقصورة بلكونة بيتهم، بيقف نص وقفه كده وهو ساند على السور وشوية يزعق لأي حد مش على هواه ويطالب بمين يطلع من الملعب ومين ينزل ويهدد وشوية يهزر مع أي حد برضه على هواه أو لو مزاجه رايق زي دلوقتي..🤷🏻♀️😅
الكوميدي حاليا في الموضوع هو أن باقي الأندية كلها فتحوا نغمة "اشمعنى" وواحد ورا التاني بيطالب بتأجيل مباراته في الجولة القادمه زيه زي الأهلي والزمالك، دوامة والله مش عارفين نخرج منها..😐
الزمالك بيتفاوض مع أسماء كبيرة وذو خبره في التدريب وبيعلي سقف طموحات الجماهير علشان في النهاية يتعاقد مع اسم يجيبلهم سكته قلبيه مُبكرة وهي كده كده جايه وسط الموسم..😅
متحمسة جدا لشكل جدول الدوري وترتيبه بعد ما الفرق إللي عندها ماتشات مؤجلة تلعبها، هانشوف مين هاياخد الدوري ومين هايكون في المربع الذهبي ومين أصلا هايهبط..! 🤷🏻♀️
من يوم ما شجعت ليڤربول وأنا بحلم بيوم ادخل فيه آنفيلد واقف فيه قبل بداية ماتش بكل حماس واقول And you’ll never walk alone,YOU WILL NEVER WAaalk ALOoooone
والحمدلله الحلم النهاردة بقى حقيقة،شكرا يا رفيق العمر
@ARahmanMagdy
على تحقيق الحلم وترجع مصر بالسلامة أنا قاعده هنا بقى..😂🤭
عيني على طارق حامد طول الماتش، طارق العصبي إللي أوقات ممكن تحسه متهور من كتر ما قلبه على فرقته، بس تصرفاته وقت ما بيلاقي أن هايبقى في خناقه ومحاولته منع اللعيبه من الإحتكاك أو أنه يزعق علشان إنذار ولا تصرف مالوش لزمه من لاعب، ده كله يخليه في مكانه تانيه دايما عند جمهور الزمالك..
تهديدات جمهور الترجي لجماهير الأهلي وتعودهم ليهم مُرعب جدا، بلاش استفزاز ليهم لأننا عارفين إن الوضع ممكن يبقى كارثي في بلادهم لو استمر الوضع على ما هو عليه الأيام دي..
ميدو دماغه حلوة جدا لأبعد حد،ماينفعش اعرف أنه ضيف في مكان ما ومايبقاش عندي فضول أتفرج اشوف قال إيه،بطبيعتي بزهق من متابعة البرامج والحوارات الطويلة بس مش لو حاجة فيها ميدو لأنه كاريزما طاغية وفارض نفسه بشده من صغره ومحافظ على ده،رئيس نادي الزمالك وجايز رئيس اتحاد الكرة يوماما🙅🏻♀️..
الزمالك هايقابل بيراميدز في نهائي كأس مصر، بيراميدز ماخسرش من الزمالك والزمالك قافش في كأس مصر بقاله فترة مع وضعه الحالي كفريق تقيل، فلننتظر مباراة ناريه..
نادي الأهرام "الأسيوطي سابقا" هايبقى كارثة على نادي الزمالك بالتحديد، قوته المادية هاتقتل أي فرصة للمنافسة إللي هي مقتولة في ظل سيطرة الأهلي ووجود كام نادي بيظهروا في الصورة من موسم لآخر..
أنا بيصعب عليا ميسي جدا وليه عندي كل العذر طول الوقت وعن إقتناع تام، كفاية أنه سنين مع فرقة ماجبتش حد يتقال عليه مدرب عدل من يوم ما جوارديولا مشي، ومع المنتخب ميسي دايما يستحق نهايات أفضل من كده بمراحل، مجهوده الفردي ومهاراته الخارقة ماتجبش بطولات فده مش ذنبه..
الزمالك فيه فلوس كتير بدليل الصفقات إللي ممكن يتدفع فيها أي رقم وأن النادي مابيعطلش بسبب الفلوس لو في لاعب عاوز يجيبه،بس بيتعاقد مع اللعيبه من قبل التعاقد مع مدير فني يختار ويحدد إللي يناسب طريقته، فبالتالي وارد يدخل في صراع *ليه مابتلاعبش الصفقات إللي اتدفع فيها ملايين يا بيه..
لعيبة الزمالك وهي بتتكلم بحُرقة كده وتحسهم فعلا مقدرين قيمة التي شيرت على غير العادة حاجة استناها منهم الجمهور من بدري، بس ده أنسب وقت ليها عامة أو تعويض كافِ مؤقتا في الظروف الحالية.. 👌🏼😉
كنت في المدرج وشوفت حب الجمهور لستيڤي مع كل لمسة منه ولما جاب جول الفوز🤩، الحمدلله إني عرفت اتابع واشجع چيرارد من المدرجات حتى لو بعد إعتزاله وفي ماتش ودي..🙏🏼
رئيس الزمالك بيتكلم بحرقة مش عن الماتش وتفكيره فقط في الكلام عن هاني العتال وقائمته إللي مانجحتش بالكامل، مش فارق معاه الفريق إللي بيضيع والمنافسة إللي انعدمت.. الله المستعان.