ابداع جابر النشيرا في تجّسيد ( الخذلان ) في ٣ ابيات :
ياما تنازلت عن حقي ومصلوحي
حتى لو الكلمة العوجا على لساني
يفتل حبال الكلام وينقض جروحي
اللي على أتفه ذنوبي ينكر أحساني
وانا علشان غيري ... موجعٍ روحي
ولاحدٍ موجعٍ .. روحه على شاني
شاركونا افضل الابيات عن ( الخذلان ) ؟
@_3jim
أي والله مشيت وعاد عيني على المقعاد
وانا مقصدي ماهوب باغيّب واشتقلي!!
تصبّر علي يومين واجي على الميعاد
والى زادت اليومين ساعة؟ تصدّق لي"
- النشيرا صالح
@_3jim
@Fahad_Qatnan
ياعذاب الي هقاويه واحلامه كبار
يحسب الدنيا تراعي شعور الطيبين
مايبي العالم يشوفون فيه الانكسار
مبتسم والابتسامات من طبع الحزين
الزمان دوار وانا نشدته يوم دار
قلت ليش تدور قال انتظر ما درت زين
صكت الصكات راسي جعل راسي مجار
من معآناة وظروف وبقايا راحلين
التواضع من وجهة نظر الشعراء :
"لا تواضع للوضيع يضيع قدرك
منت مجبور على بعض التواضع"
" مساعد الرشيدي "
التواضع : زين .. لكنّ عذروبه !
حطني عادي وأنا ماني بـ عادي.
" عبدالله بن دايس "
وشقالو بعد؟
من احترافية الهجاء انك تهجي الشخص بدون لا تسبه بشكل مباشر ولاتقل ادبك ومن الشعار الي احترفو في مجال الهجاء
-ناصر مناحي
تحسبني ردي واحسبك رجال
والنهايه طلعنا كلناا مخطين
وقال الشاعر ظافر الاحمري
مرّ طاريك والله يكرم السامعين
كن مافي قواميس الكلام ونعم
ووش قالو بعد؟
احيان يكون السكوت اقسى من العتاب :
واعذر سكوتي ليا من زاد عن حدّه
بعض المشاعر كثير الصمت يشرحها .
ويقول " علي ال صبيح "
" من خطاها عليّ خلت عتابي سكاتي
والسكات أبلغ أنواع المعاتب مع إنّه
ضيع أكثر فرص عمري وبعض وأمنياتي
فدوة اللي غلاّي تبينه ما تكنّه "
عويد النجود :
-
"قدرت أحبّك يوم شفتك على طول
ولا قدرت أنساك في عام كامل "
VS:
عبدالله السراهيد :
-
الله يسامحني .. على بعض ، الظنون
كنت أحسب إنّك مرحلة وأثرك عمر !
يالذ من فرحتي بك لحظـة عناقـي
قلب وهبته عيونك ترفض ارجاعـه
مدامني لك مليك وترفـض اعتاقـي
قلب يكسب الكنز عاش ومات ماباعه
حبيبتي والقلم يشرب مـن اعماقـي
عساي بينك وبين الشـر واطماعـه
لا يابعد عمري اللـي راح والباقـي
ياجعل يومي قبل يومك لو بساعـه
-ضيدان بن قضعان
و القوي : هزيمته شينه و شكواه عيب
ما يبي فعيون الاصحاب نظرات شَفقه
وده انه ما سمع خل قلبك قلب ذيب
يدري .. انه في حياته هذا اللي وهقه
كل ما قهوى الرياجيل و الدله لهيب
ما توقاها .. و لا وضّح انها تحرقه
-عويد النجود
ياضعف الشخص الي لادرا انك تغليه قام يهدد بالفرقى
يقول بوعمير في لُب هذا الموضوع :
لا تهددني بطعنات المفارق
هذا انا قدامك اطعن لا تهدد
وش تسوي بالمياسم و المطارق
هاك سكين الهجر قارب و سدد
-ابو عمير
ويقول محمد الغبر :
لاعاد تومي بشلفا الهجر قدامي
اطعن بها زين والا فكني منها
@M_saakran
هو الي يقول
تقوّي ترى الخاطر لـ هالحين باقي فيه
تعابير وجهك " قاطعتني " و أنا توّي
تزبر ( دموعك ) في محاجر عيونك ليه ؟!!
أوآسيك ؟ والا أجرحك ؟ والا وش أسوي
- عبدالرحمن بن جزا
والشتا والليل والبرد وسما يصرخ رعدها
والعيون اللي ورا الشباك مذعوره حزينه
.
.
والوداع اللي بلا رجعة عليّ أمر وأدها
والله إنه غرغرت سم وسكاكينٍ سنينه
اعتقد انها من ضمن اعظم قصايد الرثاء
ملاحظة :
يمكن يقال انها قريبة محاريف
بس الصحيح انها بعيدة مسافه
من ها هنا تبدئ :
معاويه خلا علي يرفع السيف
لو طولت يمكن تضيع الخلافه
-علي ال صبيح
@A_9bi7
والله ان ابطي وحزنه على كبدي يزيد
أغتنم ياللي تدور .. لحزني أغتنم
أشهد إني فاقد لي على الدنيا فقيد
تسلم كسور الأوادم وكسري ماسلم
فاقدٍ خيرة بني عمي المجد التليد
فاقدٍ خيرة اخواني وتاريخ وعلم
مؤمنين بحكم ربي ويفعل مايريد
من عدم جينا بحكمه ونرجع من عدم
لاجلك تقام المراسيم الأميريه
يا ولي أمر الحنايا … و سيدّها
فدوتك ( قلبٍ ) تلاحقت تاليّه
ذاق لوعات الليالي و كابدّها .. !
كل حاجه : ! غاليه ذات أهميّه
( خايفٍ ) يهتمّ فيها و يفقدّها
عاذرك لو تلحق … الكيّه الكيّه
مثل مايلحق على النار موقدّها
- جابر النشيرا
عز الله اني تبت من تلع الارقاب
خشف البنات اللي سوات الادامي
هم ودهم باللي يراوغ ونصاب
وانا الصدوق اللي نظامي نظامي
من جاتني خليتها تظرب الباب
ومن جيتها خليتها جرح دامي
تصنع الثقل وخرابيط الاعجاب
ماهيب في شغلي ولا في كلامي
-علي الدعيه
@alialdeaya
قريت تغريده مغرد فيها شخص وكاتب:
إن الأنسان في عز ضعفه وخسارته أنه يظل يحب اللي يحبه وطرا علي بيت لـ
-مساعد الرشيدي
" أحبك رغم تجريح الليالي لقلبي المقهور
أشوف الجرح يكبر وانت تكبر وسط تفكيري "
بخير يا ناشدٍ عنّي يا جعلك بخـير
لو الله يفكنّي من نفسي ومن سِوّها
بعدك تغير روتيني فالزمان الأخير
على كثير الأماني طاغيٍ شــوّهـا
أنام ، واخفف من الأكل ، وأقرا ، وأسير
وأصدّ عن ليتت ( الأنفس ) وعن لوّها
وأدور الضحك لو اضحك مع لي غرير
من قفّت اشين سوالفنا بـ محلوّها
الفقد يترك فالقلوب ، وفالعقول
تأثير . . " ما يمحاه " يوم ولا سنة
زودٍ على كثر المشاكل ، والحلول
كلام واجد ، ما قدرت أفصِح عنه
تملّكتني !.. ( عبرةٍ ) عيّت ، تزول
على الفقيد !.. اللي تكفّن بـ كفنه
مرّت: عليّ أيّام بعده . . وأنا أقول
إن كان هذا حلم . . صحّوني منه
عبدالله السراهيد
قد يتعلق قلب الإنسان ببعض الجمادات أكثر من البشر، ويغرم بها إلى حد الهيام..
مثل ماقال عبدالله بن شايق رحمه الله :
شفّ بالي طلحةٍ من شجر وادي نساح
أتحمَّل ضربة الشمس من حبِّي لها
ضمّني في سكرة العشق يا عود القنا
ضمةٍ تبهج ضميري و تمتص زعلي
ㅤ
ايه اقدّس سحر عينك وخصرك لا انثنا
مثل تقديس الروافض لـ بو طالب علي
-سعود مبارك
@Saud_almshly_
من اجمل الابيات عن ( التغافل ) :
ترا التغافل فيه لذة وانشد المتغافلين
ولا جات كلمة توجع أطلقها مع سرب الحمام
- عبدالله بن علوش
وش تحفظون عن ( التغافل ) ؟
امتوعنا بذائقتكم ⬇️
ولا تخفّين التعب .. مايخفى
واضح عليك الحاله المخطوره
الصوت صوت اللي تفيق وتغفى
والعين مثل الديره الممطوره
من شافك الدكتور بالمستشفى
صار المريض وصرتي الدكتوره
ناصر مناحي
قالت الجرح عاده ني ؟،قلت انجحيه
اصلاً الجرح فوق الجرح مثل (الضماد)
قالت الشعر ثوب حداد؟،قلت البسيه
لا أنعكس نور وجهك في حروفي سواد
انتِ آخر خطا وأول صواب اهتديه
والخطأ والصواب اول دروب الرشاد
"سعود مبارك"
@Saud_almshly_
وايضاً قال المبدع ابو عمير في نفس هذا الموضوع
مافيه حاجة في الغرام محظورة
تبّت يدين اللي يلومونني تب
احب صورة ، كيفي احب صورة
اللي ما قد حب الصور ما بعد حب
@2wl02m
من الأمور المعيبه عند العرب "طرد المقفين" ولكن بعض الشعراء خالفوا هذا العيب لذالك يقول محمد بن الذيب :
انا مؤسس حزب طرد المقفين
وراك لين اطيحك في يديييني
وطرد المقفي من سلوم المحبين
تركدو بـ اللوم يا لايمييييييني
لو كل من قفى مثل كامل الزين !
لقيتكم على المثل سابقين
ياوجهها إلي لبسك الحَزن لبس الثياب
قلّي وش الحزن في ذييك الملامح يبي ؟
لو الحزٰن يستحي من وجهها كاان تااب
الحزن مايدري ان شكله علييها غبي ؟
وإن دمعها لو يطييح تطييح دونه ارقااب
ومايدري إن قلبهاا وصى علييه النبي ؟
#غزة_تُباد
وعودك اللي قلتها اوهام ب اوهام
اشره علي ان عاد جيت ونصيتك
مانيب نقادنٍ ولاني بلوام
بس البلا اني فوق حجمك عطيتك
الحر مايبعد ليا صار حوام
ولأني اعرف الحر شفني شويتك
كنت احسب انك للاسف درع وحزام
واثرك مثل روب الفنادق فديتك
محمد بن راسم
@bnrasem
ما طحت من سبه غيابك لكن طاح
دمعي وصبري والطموح اللي اطمح
اكلمك وانا على باب الافراح
والمح من الافراح مدري وش المح
قلي كلامٍ زين يمكني ارتاح
ولّا كلامٍ شين يمكني اسمح !
- خالد مبارك
@zafr_frhan
ياقدم رجلي مهف مقيط هفـي
كان جيتي العزبه اللي بالزبـاره
فالطريق من اول اللفات لفـي
من يمين البيب ولا من يسـاره
لـ الصحيب المنتهي مدري المصفي
السلام وزبدة الهرج اختصاره
عاد يوم اقبلت والا انه مقفي
جعل من يقفي ليا اقبلنا وداره
من عمدنا بالجفى كنه متوفي
لا يدور عندنا بكره
@6oariq
من ضمن افضل القصايد للمبدع محمد ال شواي
ذاك النهار استطرمت به الالسنه
بلّى العيون تصبّ يوم الله وَمر
اللي مهوب ادناة حاجة تشحنه
اتقول خدّه كنه ممسوح بتمر
@mohamd__mobarik
ملامح وجهك النير شعاع وكفك القرهود
لا يبخل فالغريب اللي جلا واختارك بلاده
احبك من هنا لاخر رمق لاخر مدى وحدود
ومن اول يوم عانقته الى اول يوم فـ حداده
انا اللي لبّسك من بنت فكره مقطع الماهود
شف اللي قالوا احبك، من اللي حبك زياده ؟
بعدك عقب عرفك حاجة تكسر الخاطر
وانا ونتي مقهور ماهيب من بطره
اشابة يتيم حسته نطره الناطر
ماخلت براسه من دموعه ولا قطره
اعيد على لامااك وأذبح لها فاطر
حلالاه يامخذة علومك على شطره .
"سعد بن جدلان"