حياتي واقفة ومش بتتحرك من ساعه ما اكتشفت اني positive
مش عارف عملت الاكونت ده ليه، فكره جاتلي وفي دقيقة كنت عامله مش عايز اعرف حد بس في نفس الوقت عايز احس اني مش مكروه
عايز اعرف الناس ممكن تتعامل معايا ازاي
واكيد مش عايز شفقة او تعاطف
كنت بروح المستشفى كل شهرين استلم جرعتين لحد ما تم تغير الدوا بدوا مصري نفس المادة الفعالة
بعدها بقيت اروح كل شهر واصرف جرعة واحدة والسبب ان في نقص ف الادوية
الزيادة في الاعداد بقت مرعبة بروح على طول بلاقي زحام مش طبيعي على الصيدلية وناس معظمها متجوزة بيصرفوا ليهم ولاهلهم
جدير بالذكر ان الدكاترة في المستشفى محترمين جدا ومعظم الممرضات ومحدش فيهم بيبص بصه وحشة ولا بيتعامل بطريقة وحشة، وكلمة HIV نورمال اوي وكله بيتعامل معاها عادي من من اول ما تدخل من باب المستشفى لحد ما تخرج، عكس الشائع واللي قرأته عن تجارب الناس مع مستشفيات الحميات انها تجارب قاسية
روحت علشان اصرف العلاج من كام يوم
ولحد دلوقتي مش مستوعب كمية الاطفال اللي بيصرفوا علاج او بيحللوا
ساعات ببقى ناقم على اللي حصلي بس بعد ما شوفت الاطفال دول اتخضيت ان طفل معملش اي حاجة في حياتة ويصاب بسبب اب او ام مستهترين
الدكتور النفساني اللي روحتله علشان مش قادر اتقيل فكرة اني متعايش والفيروس مبوظ عليا عيشتي ومسببلي مخاوف من المستقبل وقلق وحزن وفشل في العلاقات الاجتماعية وقله ثقة
شايف ان حل مشاكلي اني استقل بحياتي وافتح مشروع لنفسي علشان انسى اني متعايش شوية وعلشان شغلانتي ملهاش مستقبل!
عملت تحليل pcr قبل ما ابدا العلاج (للي ميعرفوش ده تحليل بيظهر كمية الفيروس في الدم) وطلع 445 IU/mL ودي نتيجة كويسة جدا وده بيأكد ان اصابتي كانت من فترة مش كبيرة، مش عارف هل ده من رحمة ربنا عليا اني اعرف الاصابة بدري ولا عقاب من ربنا اني اتحمل المسئولية الكبيرة دي
الحمد لله صرفت انهاردة
شكرا من كل قلبي للناس اللي عرضوا عليا جرعات من عندهم يارب يفضل الخير فيكم ديما
من اتقل الاسابيع على قلبي كنت متوتر جدا ووترت ناس معايا
صرفولنا جرعات زيادة مش عارف السبب بس اتمنى ميكونش الموضوع دا وراه اي مصايب مستخبية لاني مبقتش قادر اتوقع اي حاجه كويسه
اول مرة اتعرض للحديث القذر دا من دكتورة المفروض انها بتقدم دعم ومشورة احا فين اخلاق المهنة ايه الوصم والقذارة دي
انا من حرقة دمي اتخرست معرفتش ارد عليها
في حين ان الدكتورة اللي قبلها كانت في منتهى الاحترام والذوق
الوضع بقى مأسوي وبقيت مرعوب اروح ف مرة يقولولي مفيش دوا الشهر دا
الدولة قررت توقف العلاج المستورد (truvada) علشان طبعا مفيش دولار كان محسوب عليهم ب ٤ الاف وانتجوا هما علاج مصري سعره ألف جنية
وبطلوا يطلعوا جرعتين بدل جرعة
كسم العيشة احنا رايحين في داهية
وبيرجعوا يلوموا على مرضي الايدز زي ما بيقولوا علينا انهم بيخبوا مرضهم
لما يكون الدكاترة مش مش فاهمين حاجة ولا يعرفوا حاجة عن الفيروس ولا طبيعتة واحنا ف ٢٠٢١
يبقى محدش يقول انه متعايش ومش هيبقى عليه اي غلط
وأضاف لؤي عند سؤاله عن تجربته مع الأدوية البديلة، “مشكلة العلاج الجديد معايا إن طعمه وحش، وأنا باخد الحباية، وبيفضل ممرر طعم بقي بعدها وساعات بيعملي غثيان.”
الدوا طعمه وحش! هنعملك دوا بالفراولة حاضر يا لؤي دي المشاركة المنتظرة من واحد اسمه لؤي 😀
تنشر أطياف تقرير عن الأدوية البديلة والمصنعة محليا لفيروس نقص المناعة ومرض الإيدز، وتشتبك مع الأسئلة المثارة حولها بعد تفاجئ المتعايشين في مصر بتغير الأدوية التي استمروا عليها لسنوات منذ أشهر. ومع انعدام البيانات حول الأدوية البديلة.
لقراءة التقرير كاملا:
لو المرض بكتيري (السيلان/ الزهري/ الكلاميديا) او طفيلي (التريكوموناس) العلاج بسيط عبارة عن مضاد حيوي لفترة قد تصل لأسبوعين
اما بقى لو المرض فيروسي (الورم الحليمي البشري/ نقص المناعة البشري/ الهربس التناسلي/ التهاب الكبد B) دول امراض ملهمش علاج قاطع
المصاب بياخد مضادات فيروسات
الورم الحليمي البشري HPV منه اكتر من 100 نوع، بعض الانواع يسبب مجرد بثور، البعض الاخر يسبب انواع مختلفة من السرطان زي سرطان فتحة الشرج والقضيب والمهبل والفرج وعنق الرحم والبلعوم، بينتقل عن طريق الجنس(الشرجي/المهبلي/الفموي)، او عن طريق اللمس(الاحتكاك/لمس الثآليل/الاعضاء التناسلية)
دخلت لدكتوة المشورة اقولها اني متضايق من الزيارة الشهرية دي وانا عارف ان مفيش حل بس هسمع كلمتين تهوين وخلاص
بمنتهى الوقاحة
-احمد ربنا ان الوزارة بتصرف دوا وفي ناس عندها أمراض ومش لاقيين علاج
=هو انا السبب
-اه ما انت اللي جبته لنفسك
=جبته لنفسي؟!!!
-اه انتوا عملتوا كدة ف نفسكم
لازم كل ما انزل ديت مع حد يمنشن الأمراض المنقولة جنسيا وتحديدا يقول (الايدز)
انا بسمع الكلمة دي من هنا وبحزن على حالي وبقرر ان للاسف الشخص دا مش هينفع يبقى موجود في حياتي
معنديش الشجاعة للاسف اني اعرف حد وابقى مضطر اني اقوله اني متعايش خصوصا وانا بلمس الخوف من الإصابة في كلامهم
مش قادر مفكرش في الشخص اللي اذاني ونقلي الفيروس وعايز انتقم منه على كل اللي سببه ليا
والتفكير في احتمالية انه كان عارف انه حامل للفيروس واصر اننا نعمل unsafe وانا وافقت في لحظة غباء بندم عليها كل يوم هتدمرلي دماغي
مش قادر احدد هل الافكار الانتحارية اللي عندي مع القلق والاكتئاب بسبب الدوا
ولا علشان اصلا حياتي خرا من غير حاجه؟
والمفروض اني اكمل بالدوا حياتي بمنتهى التفاؤل والاقبال على الحياة مع تجاهل كل ده
مضادات الفيروسات وظيفتها منع تكاثر الفيروس قبل ما يأثر على الجسم والعلاج بيكون مدى الحياة للاسف
في حالة الاصابة بفيروس نقص المناعة العلاج بيتصرف مجانا من اي مستشفى حميات
و في حالة الاصابة بفيروس B العلاج بيتصرف مجانا من اللجنة القومية لمكافحة الفيروسات الكبدية
هل لقاح فيروس الورم الحليمي البشري HPV متوفر في مصر؟ ما هي أنواعه؟ وأين يمكن الحصول عليه؟ الإجابة في الصور.
#الحب_ثقافة #صحة #لقاح #فيروس #سرطان #الأمراض_المنقولة_جنسياً
قدمو دعم نفسي وشيلو وصمة العار المرتبطة بالفيروس على قد ما بتقدرو
بس انا مش هستفيد من كل ده علشان لو صباعي اتعور مش هعرف اخيطة علشان متعايش!
انا كمتعايش محتاج احس بالأمان في بلدي
ويتقدملي علاج زي اي شخص عادي
احنا محتاجين اكتر من دعم معنوي
#اليوم_العالمي_للإيدز
#WorldAIDSDay
عارف اني هشوف بوستس وتويتس كتير انهاردة من اشخاص بيحاولو يقدمو الدعم
بس للأسف كل الدعم ده ملوش اي لازمة قدام دعم الدولة الغير موجود، الدولة بتقدم العلاج والتحاليل (علاج قديم/ عينات دم بتضيع وإعادة تحليل مرتين وتلاتة علشان تعرف النتيجة)
بس!
ده كل اللي الدولة بتقدمة
مهي الوزارة دي لو فيها حد بيفهم بدل ما باخد حبايتين كأني في ٢٠٠٨ ويشتري حقوق انتاج واحد منهم وبعدها بكام شهر يشتري حقوق انتاج التاني
يقدر يغير الدوا خالص بحباية واحدة زي ما العالم كله شغال دلوقتي
مفيش اي رعاية صحية، مستشفيات، دكاترة متعاونين، إجراء عمليات جراحية
يعني اي حد متعايش حصله حاجه هيموت من غير ما يتعالج علشان الدكاترة مش فاهمين وخوافين وجهله والعمليات بتتعمل بناءا على قرارات شخصية والدولة ملهاش سيادة على المستشفيات حتى الحكومية
يعني الاهمال اللي بيموت مش الفيروس
دا معناه ان المصاب اللي بيخضع للعلاج مستحيل ينقلك الفيروس عن طريق السكس (حتى لو كان غير آمن). انا في نظري اني لو عملت سكس مع حد مصاب وبيتعالج دا أأمنلي من اني انام مع حد هو بيقول انه نيجاتيف وهو نفسه ممكن يكون مش عارف انه مصاب.
المتعايشين اللي كانوا معايا انهاردة ف المستشفى لما سمعت حواراتهم الجانبية اكتشفت ان عندهم وصم ذاتي لنفسهم معظمهم حاسين بالدونية من غير ما حد يتعرضلهم، تقريبا كلنا خايفين اننا نتوصم من الناس فبنعمل حسابنا
ظهرت قدامي بالصدقة حلقة لمنى عراقي بتتكلم فيها عن HIV والحلقة بقالها ٣ سنين ومعنديش اي كلام اقوله غير اني حاسس ان حياتي ملهاش معنى وفي اي وقت هقع فيه هترمي وهعفن لحد ما اموت بدون علاج علشان مفيش اي مستشفى ولا حتى الحميات بتعالج المتعايشين
كل ما بيقرب اليوم اللي بروح فيه المستشفى علشان اصرف العلاج بدخل ف حالة سيئة وببقى حزين علشان مضطر اروح
لدرجة ان امبارح بعد ما لبست وجهزت قعدت ع السرير وفكرت جديا اني مروحش ومخدش الدوا تاني مرواحي للمستشفى بيفكرني بكل اللي مريت بيه بسبب الفيروس
ويجي حد يحاول يواسيك ويقولك ان الدوا بيخلي الفيروس undetectable وبتعيش حياتك عادي، انا لو عارف حاجة واحدة هي ان انا من ساعة ما بدأت العلاج وانا مش عايش حياتي عادي علشان كل يوم بالنسبالي كابوس وانا ببلع دوا بيفشخني
ليه اخترتني دونا عن الناس كلها علشان تنتقم وتنقلي الفيروس ليه دمرتلي حياتي وخلتني افكر اني انهيها علشان متبهدلش
ليه اتعاقب على غبائي وتسرعي بالطريقة دي
ليه اتخلق واعيش واتبهدل في بلد زي دي مره عشان مثلي ومره عشان حد قرر انه ينتقم من المجتمع فيا واخيرا عشان متعايش
ساعات بنسى اني متعايش بنسى ان حصلي اي حاجه واني لسه سليم
ويرن جرس المنبة المزعج يفكرني بمعاد السم اللي لازم اخدة كل يوم لحد اخر يوم ف عمري
انا اصلا مش عارف انا بتعالج ليه هيعمل ايه العلاج غير انه يسيطر ع الفيرس
هستفيد انا ايه لما عمري الافتراضي يطول مين قال اني عايز افضل عايش!
من ساعة ما عملت الاكونت وناس كتير كلموني بيسألوا عن الاعراض اللي ظهرت عليا واللي بسببها اكتشفت اني مصاب، وده شيء مقلق جدا ان الثقافة الشائعة انك لازم يظهر عليك حاجه الأول علشان تحلل او تكشف، اي حد بيعمل safe/unsafe لازم يعمل فحوصات وتحاليل دورية
#تقول_الخرافة "لن أجري أي فحوصات طالما لم تظهر علي أعراض"، لكن ماذا لو كنت مُصاب/ة بدون ظهور أعراض؟
#الحب_ثقافة #فحص #صحة #خرافات #الأمراض_المنقولة_جنسياً
انا مش عارف استوعب انا عديت ال ٦ شهور دول ازاي وانا يوميا عندي اسهال شديد، ولمده خمس او ست ساعات بعد ما باخد الدوا بدخل في حالة دوخة وشبة هلوسة وصداع، طبعا و الكوابيس الواقعية حدث ولا حرج، كل دول ميجوش حاجه جمب الاكتئاب ورغبتي في الانتحار وكل يوم كنت بفكر بس مجتليش الشجاعة
اللقاح فعال قبل التعرض للفيروس وفعال للاعمار الصغيرة، حتى بعد الاصابة بسلالة من الفيروس ممكن تلقي اللقاح لانه بيمنع التعرض لسلالات اخرى، لكن الفاعلية مبتكونش بنفس الدرجة
من شهرين روحت استلم الجرعة بتاعتي من المستشفى استلمت جرعة 3 شهور ودي اول مره تحصل بصيت على الصلاحية لقيتها في شهر 5/2023
روحت انهاردة استلمت الجرعة اللي واحدة منها هتنتهي شهر 5 والتانية شهر 6
دا معناه اني هبدأ شهر 5 بعلاج هينتهي في نفس الشهر
كنت في المستشفى وكل اللي اتكلمت معاهم اتفقوا على ان الدوا المصري مبهدلهم والأعراض الجانبية ظهرت عليهم في واحد منهم حصله هشاشة عظام علشان الدوا ده بيقلل كثافة العظام وواحد تاني حصله تضخم في الكبد
وهبدأ شهر 6 بعلاج منتهي بالفعل وشهر 7 كذلك هاخد فيه علاج منتهي
انا فاهم ان تاريخ صلاحية الدوا بيعتمد على حالته لكن الوزارة المحترمة مخزنة دوا بالحجم دا ليه وهو قرب ينتهي وانا اكتر من مره حاولت اخد جرعات زيادة علشان اقلل مشواري للمستشفى لانه تقيل على قلبي وطبعا كانو بيرفضوا
@im0not0shy
ايوا هو تجربتة مختلفة انا بيتصرفلي دوا بالفراولة وهو الدوا المر اليع
على اساس اني ملاحظتش ان طعم الدوا اوسخ من اوسخ طعم لو في عشرات الاشخاص عبروا عن قلقهم من الدوا زي ما قالوا يبقى من التفاهه ان حاجه هبلة زي دي تتنشر في المقال
@DarkWizard7989
معلش انت بناءا على ايه بتقارن وضعي بوضعك هل انت تعرف انا بمر بأيه؟
علشان انا وانت متعايشين دا معناه اننا عايشين نفس الحياة ف انت مستغرب افكاري جايبها منين معتقدش ان الاصابة ب hiv بيبقى معاها باكدج افكار ومنطق
وعملوا زي اي سوبر ماركت لما السلع اللي عنده بتقرب تبوظ يروح عامل عليها عرض واحدة وعليها واحدة
والله انتو بتاخدوا منح دوا زيادة عن عدد المرضي خلاص اعدموه مش تسلموه للمتعايشين يطفحوه وهو في شهر الانتهاء بتاعه ويا عالم هو مازال صالح للإستخدام ولا لا
مضطرين نتسممه علشان مفيش بديل!
@justanother_H
هو اه descovy مش بيأثر على العظام بس نفس التأثير على الكبد والكلى
بس معنديش فكرة اذا كان بيتصرف من الحميات ومعتقدش لانه لسه جديد من ٢٠١٩
طبعا بيزداد خطر الاصابة للاشخاص متعددين الشركاء الجنسيين والاشخاص اللي عندهم ضعف في جهاز المناعة زي المتعايشين مع فيروس نقص المناعة البشري، علشان كده اي حد متعايش لازم ياخد اللقاح وبيكون 3 حقن على مدار 6 شهور للاشخاص اقل من 26 سنة، اللقاح آمن تمامًا على المتعايشين
الفرق بين نوعين اللقاح ان جارداسيل بيحمي من 4 انواع من الفيروس (6-11-16-18) على عكس سيرفاريكس بيحمي من نوعين بس (16-18)
النوعين 16-18 بيسببوا انواع مختلفة من السرطان ذكرتها فوق
والنوعين 6-11 بيسبيوا الثآليل الجنسية
وده يخلي لقاح جارداسيل اكثر فاعلية
كل ما بحاول اتعرف على حد وانزل معاه الموضوع بيفشل فشل ذريع الفشل راجع لأسباب كتير لكن السبب اللي عايز اتكلم عنه اني كل ما ابقى قاعد مع حد ف مكان بيتردد صوت مزعج في دماغي:
هتقوله انك متعايش امتى؟
السؤال بيقعد يتكرر في ذهني لحد ما اقوم امشي واقرر ان الشخص دا مش هينفع