سلهمت وخذت قلبي من حشاي
ياليت عينك ... شايفه سلهامتك
اضحك وانا بضحك الدنيا معاي
اهم شي اشوف ابتسامتك
خليتني شاعر يفكر بك وجاي
الله يالطفك .. ويا وسامتك
وخليتني احب احبك من وفاي
وزعمتني الله على زعامتك .
@bnj3shah
لها القلب وغلاه ورحمته والشوق والتحنان
ملاكٍ أبدع الرحمن .. في تركيب صورتها
ٰ
وهبها الحِسن من فضّل ملائكته على الأنسان
عسى ربّي يعدّيها العيون .. وشرّ نظرتها
ٰ
عليها يشبهون أغلا الذهب واللول والمرجان
وهي ماتشبه إلا اللي تشوفه في مرايتها
ٰ
ـ ضيدان بن قضعان .
يا قلب ياللي ورثك جروح و آلام
بليتني ماهوب أنا اللي بليتك
ولّعتني من عادني فـ الهوى خام
وأسرفت بي وأنا اخطامك عطيتك
طعتك .. وزبدة طاعتك همّ وهيام
ما الله كتب لي وأستخرت وعصيتك
لو للقلوب أسواق بايع و سوام
لا أبدلك و ان جيتني ما شريتك .
- محمد بن فطيس
اخاف انحرم من شوفتك والذكي خواف
اطيع الزمن لو كان ماودي اطيعه
احبك وتباً للتقاليد والأعراف
ابضيع بين ايديك والضيعة الضيعة
انا شعب وبصدري قبايل وجمع اطياف
يحبونك السنة ويغلونك الشيعة
وصلتك بما فيني من ارهاق و استنزاف
اقدم لك الطاعة واجدد لك البيعة
بين جفنك وعينك ألف معنى ومعنى
وش بقى للقصايد يوم ترخي جفونك
أنت يـ اللّي بـ زينك جيتنا ، تنـتزعنـااا
وسع الصدر وارحمنا على هون هونك
أنـت والله لـو إنّـا بـ نسـري رجـعّنا
لانتهى زين غيرك كنّهم يبتدونك
كم بغيناك في وسط وانا اقول ضعنا
عجزت أبيات شعر معذبك يوصوفونك .
ياللي سرقت النوم و العافيه سـرق
يا زاد قلب اللي هواك و حروبه
تغيب ما همك و انا الاحي الورق
ولا تخاف من الجفا و العقوبه
الوصل مرهم كبد ولا الجفا حرق
والصبر ينفض في غيابك جيوبه
كسرت كل ابواب وصلك من الطرق
وغيرك طرق قلبي ولانيب صوبه ..
#محمد_بن_فطيس
َتستّر بضحك وجهك و أمسح أهدابك
في وجهك الحزن له يومين متّبرج
أولابي أنساك و أنت ظروفك أولابك
موضوعنا فـات ليـه نزيد و نعرّج ؟
ذاك الزمن راح يوم الحزن لا جابك
ما ترجع الا وهم الصدر متفرّج
ظهرت من ذمتي في ذمة أحبابك
أنا من اليوم مثل النـاس متفرّج .
انسى هالعالم ولو هم يزعلون
ماعطيت اليوم غيرك اهتمام ..
عجزت عيوني على غيرك تمون
ماعرفت انطق لغيرك بالسلام ..
بك أنا خطوه .. وأوصل للجنون
بك ترى العاقل على عقله يلام ..
بك انا بفخر على العالم وأكون
أسعد اللي حب .. وأجملهم دلال ..
- عباس ابراهيم
من المستحيل انسّاك وانت الأمل بالذات
خطيتك تدمح والغلط منك مرجوعي
اشاهدك سبع سنين عندي سبّع ساعات
و سبع الدقايق عقبكم عندي اسبوعي
احبّك ولا اسمع فيك عاذل ولا شمات
و اقدرك و اعزّك ولو انك دلوعي ..
هلا بلي علي طل ورجع ولا قال كيف الحال
ولا احياء سنة احمد بالسلام ولا رحم خاله
هلابك ياول جروح الحشاء واخر حدود البال
هلا ياول مشاريه المسيّر وآخر آماله
تجاهلني وانا اللي ماجهلني رمشك الدجال
وتجاهل خطوتي وتقول ضيف الله على فاله ..
- ضيدان بن قضعان
تبسّم لعنبو من لامني في ضحكتك ورضاك
تبسّم وأخذني من عالمي في عالمٍ ثاني
تبسّم لي فداك اللي مضى واللي بقى يفداك
ترى لولا غلاك وضحكتك ما بعت خلّاني
ولا جيت أتدارك ما بقى من فرحتي وألقاك
وأبيع العمر كله لا أبتسّم ثغرك على شاني..
- ضيدان بن قضعان
ودي أشرحـلك ظروفي و أتكلم
بس أخاف تشيبك قصة حياتي
أخـفي الآلام و أضـحك ما أتألم
أتصبر و أطلب الله في صلاتي
خرجتنـي صكت الدينا معلم
كل ما راحت بي الأيام جاتي
#عبدالله_بن_شايق
" ماجور ياقلبي وذا الوقت لو جار
لابد تاتي حالته مستقره
لو مؤمن فالوقت الوقت دوار
انا احسب ايام الفرح مستمره
ياصاحبي لو صار فالوضع ماصار
غلاك ماينقص ولا ربع دره "
انسى هالعالم ولو هم يزعلون
ماعطيت اليوم غيرك إهتمام
عجزت عيوني على غيرك تمون
ماعرفت انطق لغيرك بالسلام
لك انا خطوه وأوصل للجنون
بك ترى العاقل على عقله يلام
بس لحظة يا مهَمّلني وناوي في غيابك
دامك اللي ناوي الفرقا بقول اللي بقوله
أنت يعني لا نويت تغيب باقف عند بابك؟
لا وربي تاقف الـدنـيـا وأنـا تـأبـى الرجوله
ما تعودت اتبع المقفي ولو حضرة جنابك
رح عساها خيرةٍ والدرب لك عرضه وطوله .
#حمد_السعيد
يــاليتني من قبل لا حبه اقفيت
وان دروبي عن دروبه . . تناحت
اللي يحسبني على البعد سجيت
ولا ان عيوني للرقاد استباحت
عرفت كيف الحي . . يفرق عن الميت
وعرفت قيمه نـعمتي يوم رحـت
قولوله اني عقب صده تدانيت
ورجلي عن دروب المعافين شاحت
- محمد بن فطيس
والله انى كنت ألوم اللى يضيق أن غاب خله
لين جربت المحبه والفراق وقلت توبه
لعنبو جد المفارق فيه هم وفيه ذله
أثر كل الحب لذه والفراق أكبر عيوبه
امس فارقت الغلا ومفارق الخلان عله
والعلاج الوصل لا تبلش طبيب ولا حبوبه .
#حمد_السعيد
عسى حب غصنً حد طيره على المعواد
يجيبه على درب أمنياتي لا تمنيته'
لو ان الغلا في صبته كان فاض وزاد
مثل يوم قلبي امتلا بك وصكيته
تقيدت بقياسه وشوقي طليق قياد
لكن طالبك لا لا تهزه لا مديته
ما دام السهر ما جابك ولا لفى ب رقاد
لايزعل لاشفته عند بابي ومشيته ..
#العّذبب
وانا يا بحر يوم اصد و اخفي دمعتي معذور
لك الله يا بحر صديت و الصده هي الصدّه
اخاف تقول عني يا بحر ، ضيدان بن منصور
وقف في يوم من الايام و دموعه على خدّه
وانا ماني بـ حيّ الله بشر يكشف لك المستور
انا رجل ٍ يموت ولا درت الامواج عن سدّه
#ضيدان_بن_قضعان
بخير يا ناشدً عني يا جعلك بخير
لو الله يفكني من نفسي وسؤها
"عقبك تغير روتيني فالزمان الاخير
على كثير الاماني . . طاغيً شوها
انام واخفف من الاكل واقرئ واسير
واصد من ليتت الانفس ومن لوها "
ادور الضحك لو اضحك معا لي غرير
وان قفت اشين سوالفنا بـ محلوها
- محمد ابن الذيب
و انت لو تخطي علي و تقول لي ماهو بودي
و إن قبلت العذر نوبه / ما قبلته كل نوبه
و العذر ياللي اخطيت في مزحي و جدي
ما يساق إلا على شرواك و الناس محسوبه
آه من كثر الخطايا .و الظليمه و التعدي
و انت عذرك ماء البحر و الملح و اسباب الرطوبه
إلا الحزن .. لان الحزن ما ضرّ أحد كثر الحزين
إضحك على الايام و إمسح دمعتك قدامها
و إلا الزعل على السنين اللي مهيب أجمل سنين
يعوّضك عن شين واقعها .. جمال احلامها
و إلا الندم .. على الكلام الزين للي كان زين
على الاقلّ .. يكفّي انه كان زين أيامها !
مما بقلبي رحت اشوف المداهيييل
ولي جداه الشوف ياااااعزتيييييلة
يااااليتني ماجيييتها في كهف ليل
قضت على حالي وحالي علية
قعدت أهل الدمع مثل الهماليل
أبكي على ذيك الليالي الجمييللة .
#عبدالله_بن_شايق
اذا اشتقنا وش نقول و من نعلّم
يا رب الناس ليه الناس في ظُلمه
تعيش أحلامنا و نموت نتحلّم
وكل واحد يموت و يندفن حلمه
و نظلم بعضنا و نحب نتظلّم
مع ان اللي ظلمنا نعيش في ظلمه
و حركات اليدين أحيان تتكلم
و حنا ما تكلمنا و لا كلمه . .
@bnj3shah
أشوف كلٍ مع حبيبه تهنى
و أنا حبيب الروح صعبٍ عليّه
قلبي بحبك يا حبيبي تعنى
إرحم يا جعل أيام عمرك هنيّه
إن كان سيد البيض بالوصل مَنَّا
خطيته يا كبرها .. من خطيّه :(
لو أقول إن البحر مثل الهوى ماهو بـ قدّي
ما قدرت أقول قلبي تاب وأعرض عن دروبه
لو أتوب من الذنوب اللي جنت الأيام ضدي
ماقدرت أتوب عن ذنبٍ يعنّ القلب صوبه .
و ان ودكم باللي حصل لي تعرفون
اخاف من هرج العواذل لا ابتلو
الهم و التفكير و اكثار الظنون
تناوشوا عوج الحنايا .... و اقتلو
ماتت عروق الروح من كثر الطعون
ياللي عروق الروح عندك ؟ قد سلو .
محمد بن فطيس .
ليش قرف — تلفت انده باسمك لقيتك مثل ما اعهد
حبيبٍ مايفرط بي ودوم لـ عشرتي وافي
الا يالواقع الاجمل الا ياحلمي الاوحد
تراك احلا من احلامي ولو خانتني اوصافي🫂