بإسناد حسن عن ثوبان رضي الله عنه أن النبيﷺ قال: يوشك أن تداعى عليكم الأمم كما تداعى الأكلة على قصعتها قيل: يا رسول الله أمن قلة بنا؟ قال: لا، ولكنكم غثاء كغثاء السيل، تنزع المهابة من قلوب عدوكم منكم ويوضع في قلوبكم الوهن قالوا يا رسول الله وما الوهن؟ قال: حب الدنيا وكراهية الموت
الست الجميله مش محتاجه تقلع ملط او تتكلم بسفالة عشان يبقي لها معجبين.. بتبقي واثقه من نفسها مش مضطرة ترخص روحها.. و ماحدش بياخد واحدة جد و هو عارف انها رخيصة
دخلت محل أشتري حاجة..البياع اللي واقف لا عارف يحاسبني و لا عارف يحط الحاجه ف شنطه و عطلني اوي ف بقوله في ايه؟! قالي أصل حضرتك مُربكة أوي..😁😁😁 يا بني أنا كلمتك؟! أنا واقفه ف حالي 😂😂😂 إيه العيال اللي قلبها ضعيف دي 🙈🙈🙈
بنت كاتبه تويته بتقول فيها: بوس الشفايف احلي و لا الرقبة؟!
بجد عي البنات جرى لها ايه!!
ايه اللي بيحصل ف الدنيا ده ؟!
انا لما كنت قدها كنت اتكسف افكر مع نفسي ف سؤال زي ده 😃😃😃
في ناس متخلفه متخيلين ان الحب له سن.. يعني من بعد سن معين ماينفعش حد يحب و يتحب.. و ده عين الجهل و التخلف الحقيقه.. المشاعر مالهاش سن..ممكن بني آدم عنده ٦٠ و ٧٠ سنة يحب و يتحب عادي..الحب مش للمراهقين و العيال اللي قدك بس..المشاعر يا عديم المشاعر مالهاش سن تقاعد
كل الرجالة تقولك المهم الست تكون بتعرف ترقص مش مهم تطبخ.. و يوم ما يرجع مايلاقيش أكل بيولع فيها 😂😂😂 ينفع بقي تقوله مافيش يا حبيبي أكل بس في بدلة رقص حاقوم اتحزم و اجيلك؟!
بنتي بتتفرج معايا علي فيلم الحفيد ف لاقيتها بتقولي هم ازاي البنات والستات كانوا بيمشوا باللبس ده عادي ف الشارع والكلية وبيركبوا اتوبيس؟! إزاي ماحدش بيضايقهم؟! و ليه دلوقتي البنت حتي لو محجبه بيتحرشوا بيها ؟! حد يرد يا جماعه عشان انا ماعنديش إجابة مقنعه
أتفق أو أختلف بس ماتقدرش تمحي تاريخ.. رحم الله محمد حسني مبارك صاحب أول طلعه جويه و اكثرها جسارة و قوة.. رحم الله من قام بملحمه حقيقيه كان بطلها سلاح الطيران اللي كان بيقوده.. ✌🏻❤️
رجاء خاص يا ستات..
ماتنزلوش أجوازكم متنكدين من البيت عشان اول ما بيوصلوا الشغل بيفضلوا يبعتوا لنا رسايل ف الدي إم يشتكوا منكم و يقفلوا لنا اليوم و إحنا أصلاً ماشيين بالعلاج و الله مالناش ذنب 😁😁😁
كنت بتفرج علي فيلم عربي قديم..حسين رياض فيه راجل محترم بس مراته طول الوقت بتفكره انه راجل كبير وأنهم كبروا و اولادهم علي وش جواز..قابل تحية كاريوكا دلعته وحسسته إنه لسه شباب ف إتجنن عليها..ما عنده حق..ساعات الست بتبقي غبيه ف التعامل مع جوزها وبتفتكر انها كده بتحبطه وحاتخليه ييأس
والدي الحبيب.. وحشتني فوق ما أعرف أعبر بالكلمات.. غبت بدري أوي أوي..اللَّهم أقبضني علي طاعة زيك يا رب ❤️❤️❤️ حامل القرآن و محفظه اللي قبضت روحه صائم فوق سجادة الصلاة
حاسة إن في حاجة بتتدبر.. حاجة فوق مستوى توقعتنا.. حاجة أكبر من فكرة تهجير الفلسطينين و دك غزة.. المنطقة كلها ف خطر..مصر اليمن العراق سوريا لبنان .. في حاجة مش مظبوطة.. بدأتها حماس يوم ٧ أكتوبر و كأنه سيناريو مكتوب..يمكن اكون غلط..الله أعلم
الراجل المشغول اوي طول الوقت مايلزمنيش.. حتي لو رئيس جمهورية مراجيح مولد النبي.. إزاي أبقي مرتبطة براجل بشوفه صدف..و اكلمه بالعافيه..و أحس إني وحيدة و هو ف حياتي..!! إزاي!؟
عندي مجموعه من الشباب علي الفيس بوك سنهم مابين ١٦ إلي ٢٣..جمعتهم و سألتهم رأيكم إيه في اللي بيحصل؟! كارثة..بجد كارثة..ماحدش عارف حاجه ولا حتي عايز يعرف..الوعي صفرررر..ماحدش مرتبط لا ببلده ولا بعروبته و لا بدينه حتي..العيال مغيبه تماماً..أرجوكم ماتموتوش القضيه،أرجوكم كلموا عيالكم
- حضرتك مافيش دفع إلا بالفيزا
- تمام اتفضل أسحب بالفيزا
- لا و الله عطلانه
- طب ايه الحل ؟!
- تدفع غرامة ١٠٠ جنيه عشان مش حاتدفع بالفيزا
حصل بالفعل في المرور..
فيلم عسل اسود ده بيخليني عكس الناس كلها مكتئبه مش مبسوطة.. هو حطلك السم ف العسل.. خلاك تضحك علي أوضاع لا تطاق كلها..و لا تحتمل..مش عشان بنقعد سوا نعمل كحك او ننزل نجيب فول من عربية ف الشارع يبقي فيها حاجه حلوة..
علي فكرة مافيش بني آدم يقدر يدعي إنه سعيد ف حياته من غير ما قلبه يكون بيحب.. الحب بيلون الحياة و بيديها شكل و طعم و لون.. يمكن بييجي منه هم و غم و مشاكل ساعات لكن ماينفعش برضه تبقي سعيد بجد من غير ونيس تحبه و يحبك..
بقول لشاب منهم إن دي خطة عشان الفلسطينين يتهجروا لسينا مقابل تسديد الديون.. قالي فكرة كويسه.. ياخدوا سينا و يدفعوا.. شايفين الكارثة يا جماعة؟؟؟ اقوله أرضك يا بني..يقولي لو فيها مكسب ياخدوها.. صاعقه نزلت علي دماغي