كيف للإنسان أن يحمي نفسه من الفتن وفي نفس الوقت تfit in ولا تعيش وحيدًا في عالم بينورماليز كل حاجة حتى إنك تنسى لماذا كنت لا تنورماليز إت زمان زي الناس دي كلها ما عادي اهوه وأنا عارف بعمل ايه؟
ثريد عن الحاجات اللي مبتتقالش في سبيس الامتياز بس لازم تتقال:
الامتياز مبيشيلش عينة بايده يوديها المعمل ولا عينة ببي ولا عينة ستول ولا عينة باثولوچي ولا عينة TB أكيد ولا عينة أي حاجة.
لما تقبل تعمل حاجات زي دي ده بيوقعك في مشكلتين:
- بتلبس زمايلك
- الطلبات بتكون أكثر تدني
هنسجل إن شاء الله أو هتسمعوا مني كل الجراحة نظري كلينكال Operative X-ray حتى الـ Revision هنتعلم ازاي نكتب نظري هنتعلم ازاي نجاوب عملي، ازاي نتصرف في Problem Solving، القصة دي هي سيستم A H سيستم الدكتور علي حسيب، مرحب بيكم يا ولاد في السيستم، بالتوفيق إن شاء الله.
أميرة النباتات والنونّهات
أميرة سيرچيتونز
أميرة سيرچيتونز النونّهات
صبارة مستشفى الكلب
أميرة911/ أميرة طوارئ الضحك
أميرة المتخصصة بالفاكهة الاستوائية
يومياتي مع ولاد الذين آمنوا
أميرة الأم والطفل والأسرة والمجتمع
الأميرة والنساء(الحلقة الأخيرة)
لقد كانت سنة عشوائية رائعة❤️
المُعلمة امبارح في الدرس قالتلنا حاجة جميلة أوي بمناسبة إن رمضان قرب يخلص، يقول إبن القيم رحمه الله:
"اذا كنت تدعُو وضاقَ عليك الوقت وتزاحمَت في قلبك حوائجُك فاجعل كل دُعائك أن يعفُو الله عنك فإن عفَا عنك أتتك حوائجُك من دون مسألة"
اجتهدوا في الدعاء أن يعفو الله عنكم
جيت اقعد على السلالم بتاعت البسين لقيت ولد صغير بيزعق وبيقولي السلم ده بتاعي قولتله طب هقعد خمس دقايق زمزق في الأول وفي الآخر وافق وبعدين لقيته شخط فيا وقالي أنا طالع آكل سندوتيش متخليش حد يقعد على السلم بتاعنا ولو حد جه احتجزيه لحد ما آجي ودي كانت أروع شخطة اتشخطت فيا في حياتي
الڤيديو ده سارة عملتهولي آخر يوم نظري كنت حاسة إني عايزة اعيط لما شفته عشان دايمًا عندي إحساس إني مقصرة ومستاهلش الفرحة، النهارده خلصت البكالوريوس مش قادرة اصدق مريت بكل ده ازاي وكل الحاجات اللي حصلت عدت ازاي فمقدرش اقول غير الحمد لله الذي هدانا لهذا وما كنا نهتدي له إلا بإذنه
في الرواند النهارده الدكتور بيقول عارفين ايه هو ال"percious baby" كلهم ردوا فأنا وسط الزحمة قولت جه على شوقة قفشني وقالي شوف بقالي اد ايه بدرس عمري ما حد قالي تعبير بالبلاغة دي وبقى كل ما يكلمني يقولي يا بتاعة على شوقة والحمد لله اتسمح بكرامتي قسم جراحة التجميل والأقسام المجاورة
في نايبة رمد مش عارفة اقول عليها ايه بلغت شاب عنده ٢٥ سنة إن عينه راحت وإن العملية مش هترجع نظره بأكتر طريقة سافلة ومتخلفة شوفتها في حياتي، دي عينه وده حدث كبير جدًا وهيفرق في حياته ما براحة شوية يا روح أمك
في الرواند النهارده الدكتور بيسأل على حاجة فرديت بصوت واطي فبيقولي ها يا دكتورة قولي فقمت تحمست ورديت بصوت عالي قالي هايل .. دي أسوأ إجابة ممكن اسمعها في حياتي
حصل حاجات كتير النهارده ملهاش أي لزمة وعادية جدًا بالنسبة لكل الناس بس بالنسبالي حاجة كبيرة:
-لبست طرحة فيها وردات صنفلاور
-رديت على واحدة سخفت عليا في ساعتها
-روحت قعدت مع صحابي وضحكت وانبسطت من قلبي الحمد لله
-مجاش ولا حالة اريست
-واخيرًا اجازتي بكرة
الدكتور النهارده لما عرف إني طالبة طب قال للسكرتيرة ترجعلي الكشف😭
وماما بتقوله مينفعش يا دكتور وبتاع قالها ده مش عشانك ده عشان خاطر زميلتي 😭😭😭
أنا خفيت خلاص😭😭
ماما بقت في كل مناسبة بتديني فلوس وتقولي دي بتاعت تيتا أنا افتكرتها بتعمل كده عشان تحسسنا إن مفيش حاجة اتغيرت يعني اكتشفت إن تيتا عاملة أظرف لكل مناسباتنا بالتفصيل"عيدية عيد الأضحى لأحفادي، عيد ميلاد أميرة ومصطفى، .." والله مشتاقين يا تيتا وما غبتِ عننا لحظة ربنا يرحمك يا حبيبتي
كل مرة وأنا بشد الرحال من حلوان بالسكرب عادي واركب بيه المترو بقعد افكر يا ترى هل الناس فاكراني العاملة اللي بتمسح المترو ولا دكتورة؟، أكيد هم معتقدين إن الدكاترة مبيركبوش مترو وبيتحركوا بالBMW، يا ترى فين الBMW بتاعتي؟، هو المرتب هينزل امتى؟ يا رب اوصل الشيفت قبل ما النايبة تصيح
"سما صافية، جو جميل، سرب حمام طائر، وجوه كتير مألوفة حوالينا، صوت ماريا في الخلفية وايد أميرة ❤️
صورة عشوائية جدا بتجمع ما بين حاجات كتير بحبها للغاية ❤️❤️"
Kasraliny 14/11/2022, 2:30 pm.
By Sara Mustafa قلبي 🥰
بتضايق أوي لما اعمل انترڤيو لولد في تانية أو تالتة واقوله أنا أميرة في سنة ساتة يقولي مش باين عليكِ خالص.. ايه مش باين عليكي دي مش باين عليا ايه يا وله هو أنا بقولك إني قد الست الوالدة
افتكر أيام المحاضرات التعريفية أحد الزملاء كان بيقولنا أنا اللي علّى ترتيبي إن طلعت التلاتين على الدفعة في سنة من السنين حاولوا تعملوا كده وخليكو دايمًا في أول ٢٥٠، أنا فاكرة كويس جدًا إني قولت في عقلي تلاتين ايه و٢٥٠ ايه يا شوية فشلة ده أنا بطلع الأولى على المدرسة كل سنة :(
الولد اللي حقنتله الصبغة ده لو كان جاله حساسية ومات بسببي مكنتش هكمل في الطب، مكنتش هكمل الامتياز حتى، أنا بكره الامتياز من كل قلبي.
قلة خبرة+ عدم اهتمام+ أنت لا تعني أي شيء لأي حد= أنت وحظك بطولك حرفيًا
على عكس الناس، النهارده نزلت مش مستوعبة ولا مصدقة نفسي ومجرد ما بدأوا يهيصوا قعدت اعيط وأنا مش فاهمة ليه عيطت من التعب ومن الفرحة ومن الخوف ومن التوتر عيطت عشان مش واثقة من مشاعري إني فرحانة فعلًا زي الناس دي، طب هو احنا هننجح فعلًا؟ حقيقي حسيت بكل حاجة وولا حاجة في نفس الوقت
الكلية دي فتنة والله، بتشوف مبادئك وحدودك بتنهار قدامك مع الوقت وعادي مبتحسش بالذنب حتى مع إن الموضوع مش بسيط ولا هين ابدًا، اللهم يا مقلب القلوب ثبّتنا
صورة عفوية رائعة 👍🏼
أنا وماما بس بدون رجال أكا بدون نكد👍🏼
نزلت البحر 👍🏼
اتمرجحت على المورجيحة👍🏼
أكلت أكتر أكلة بحبها أكا كفتة مشوية👍🏼
رجعنا بدري عشان نلحق ننام ونستكمل أعمالنا غدًا إن شاء الله 👍🏼
تقييم اليوم جمودية/١٠
ماما لما دخلت الكلية قالتلي زمايلك اللي في الكلية دول ولاد ناس زيك وزي اخواتك اتصرفي بطبيعتك دي أجمل أي��م حياتكو وبكرة تكبروا وتنسوا كل الهبل اللي بتعملوه أو اللي حصل وتتذكروا الذكريات الحلوة بس ومعرفش ماما بركة ولا ايه بس بالفعل كلامها عمره ما خذلني أو حسيت إن الكلية غابة يعني
البنات بتذاكر في المكتبة عشان عاوزة تتشقط الولاد بيذاكروا في المكتبة عشان يشقطوا
الولاد بيساعدوا البنات عشان يشقطوا
البنات بيحبوا يبانوا ضعاف و يطلبوا مساعدة الولاد عشان يتشقطوا
يا جماعة احنا عايشين مع بعض في نفس الكوكب فخليكوا لطاف و خلوا المركب تمشي
في كشك لما تدخل من باب سموم تلاقيه داخل لجوا شوية في حارة صغيرة كدا ده كنت بشتري من عنده نسكافيه واتدلق مني رجعتله تاني اجيب واحد تاني لما عرف إنه اتدلق حلف مياخدش فلوس ابدًا ابدًا برغم إنه ملوش ذنب وقعد يقولي ولا يهمك ياريت تروحوا تجيبوا من الراجل المحترم ده بدل بوز الأخص عربي
من أيام الامتياز وأنا مكتشفة شيء مهم خالص إن طب الطوارئ مينفعليش تمامًا لإني درامية جدًا جدًا، قسمًا بالله في الطوارئ كأني في كاميرا في ضهري بصوّر مسلسل من كتر مانت بقلب وشي بتوتر وبمسك قلبي وبلطم على وشي واشهق واطلع اعيط عشان حالاتي مش اد كدا أو حاجتهم مش راضية تخلص
هو انتي ممكن ترتبطي بحد من محافظه تانيه ؟ — ممكن اسافر اعيش في بلد تانية سعيًا في تحقيق مستوى أفضل أو بيئة أحسن لعيلتي وأولادي عادي هتأقلم، إنما اعيش في محافظة تانية كده وخلاص لأ طبعًا شقتي تبقا جنب أمي معروفة
اولًا حسبنا الله ونعم الوكيل فيكو يا دكتورة ثانيًا ابني بيكح واكتشفت بالصدفة البحتة قدام باب الوحدة هنا انه بيهرش فهل فيه احتمال طفيف يكون اتعدى من اخوه اللي عنده جدري في البيت عامة انا حبيت ادخله على حضراتكم العيادة وسط العيال العيانين يقعد يكح براحته عشان مبحبش ابني يعيا لوحده
مش اسكت شوية بقى لأ في السبشيال الدكتور بيسأل الfracture base of the skull بييجي من ايه قولت وسط الزحمة بيقع على دماغه زرع بصل واتقفشت برضه واعطاني من وقته عدد ربع ساعة تحفيل ووالله أنا لو باخد الطب في فسحة الغيط بتاعنا مش هبقا كده ربنا يهديني