و اليوم مليت منها و بسلامتها
من تجربتها قصيدي مثري الساحة
وان كانها تو غرتكم بضحكتها
كلٍ يحث الركاب و يلبس وشاحه
تجودوا في علابيها و شوشتها
شمطاءً تبجح حراميه و مزاحه
بكرة تعرفونها على حقيقتها
لا شال كلٍ عصاه و طش ملواحه
عبدالعزيز بن سدحان
الحمد لله على توفيقه تم أختياري وتأهلت للمنافسة على بيرق #شاعر_المليون10
الموسم العاشر
أتمنى أن أكون عند حسن ظن الجمهور وان أقدم ما يليق بهم... دعواتكم 🙏
#شاعر_المليون10
أمسية جديدة ومنافسة جديدة .. 6 شعراء يتنافسون على مسرح شاطئ الراحة لحجز مقعد في قائمة الـ 24
- ثابت الدهام الصخري 🇯🇴
- يوسف الشنيني 🇸🇦
- أيمن شداد الرويلي 🇸🇦
- عبدالعزيز بن سدحان 🇸🇦
- علي حامد العازمي 🇰🇼
- صقر عبدالله المزروعي 🇴🇲
غداً الساعة 9:30 مساءً بتوقيت الإمارات 📺
حتى يتضح المبداء الذي قام عليه اعتراضنا بشأن ما تم الاعلان عنه من قبل الاستاذ / عبدالله حمير القحطاني
هنا توضيح
و سوف نتوجه للاعتراض قانونياً على تسمية الجمعية فقط
اعتراضنا على المسمى ( جمعية الشعراء السعوديين )
#اليوم_الوطني_السعودي_92
سارعي ! ماني بـ قايل سارعي وانتي وصلتي
يا بلادي واعتليتي ذروة المجد وسنامه
احترم من قالها من قبل بس اليوم صرتي
غير ،، ويش يصير لا غيرت كلمة من كلامه
(باقية في المجد والعليا ) ما عمرك نزلتي
(باقية في المجد والعليا ) الى يوم القيامة
#عبدالعزيز_بن_سدحان
يا وجد حالي كل ما حان المغيب
جتني هواجيس السهر متحدّيه
كني سجينٍ موعد اعدامه قريب
وعيا ولي الدم يقبل بالدّيه
بديت احس من الضغوط اني كئيب
والنفس ماهي للقلق متصدّيه
يا اصحابي الغالين شوفوا لي طبيب
خلوه يعطيني حبوب مهدّيه !
#عبدالعزيز_بن_سدحان
إلى محمد بن الذيب والأحجام غير ثابتت القياس!
انته عليك السامري مشى الأفلام
وتقول هارون النبي ما نهانا
وهارون اخو موسى يقول لـ بني سام
السامري يا قوم ماهو بــ أخانا
عبدالعزيز بن سدحان
القصيدة كاملة 👇
سلام الله على الصدر الوسيع ودامح الزلات
مخيب ظن نقال الهروج وراعي الفتنه
تقول مركبٍ بذنه جهازٍ لانكر الأصوات
يعرف الهرجة اللي طالعة من جيفةٍ نتنه
إليا جته العلوم التافهه راحت تقل ما جات
وإذا جته الحمول الكايده عرض لها متنه
عبدالعزيز بن سدحان
اكتملت قائمة الـ24.. تهانينا للشاعر عبدالعزيز بن سدحان الحربي من المملكة العربية السعودية الفائز بتصويت الجمهور 👏👏
#شاعر_المليون #شاعر_المليون10 #صح_لسانك
رح لسعه وش دخلك بالنوايا
مالك بغيب الخلق لك في علنها
و كانك من اللي يبحثون الخفايا
حنا من اللي لا لقاها دفنها
والله تكفل في حساب البرايا
و الله يحاسبها على ما أتمنها
و لا فيه احد ماله ذنوب و خطايا
لا تشغل العالم و لا تمتحنها
ابك الرجال الكاملين المزايا
اللي يروح و يرجع
كل حاجة ماشية بأمر الله و تدبيره
لا تكلّـف بالحياة ولا تحب وتكره
يتعب الإنسان في شيٍ يروح لـغيره
وياخذ المرتاح شيٍ ما خطر في فكره
وكلنا في درب واحد قدمنا تدويره
بالزمان اللي يلف العمر لف المكره
عبدالعزيز بن سدحان
ماني خلي... والناس ماهم خليين
الكل عنده حقه من المشاكل
ما دامنا نمشي على الأرض حيين
ولا بعد صرنا تحتها هياكل
بنبكي ونضحك وبتشين وتزين
بنجوع وبنضمى بنشرب وناكل
ولا فيه احد مستانس الا المجانين
اللي مغير يسحبون الجراكل
#عبدالعزيز_بن_سدحان
سناب ابو يزيد obid_24
مع #خالد_الردادي
الجديد
العصير الشمس قامت تسرق الظل انسراقه
والشفق دوبه يبين وبين نور وبين عتمه
والسماء جنح الظلام الحالك يكفكف زراقه
والقمر قرصه على خد السماء مرسوم رسمه
قمت اسوق الجيب والطاروق بفنون السواقه
ذاك لين اقطع به الطرقه وهذا لين اختمه
عبدالعزيز بن سدحان
الف شكر
الف شكر
الف شكر…
لكل من دعم ،،لكل من ساند ،،لكل من وقف
لكل من ارسل،،لكل من غرد
ودي ارد على كل شخص يعلم الله ولكن الرسايل كثيرة
بيض الله وجيهكم جميعًا 🙏
...
عليك يا حثلان شرهة محبين
وشلون مشيت القضية عليه
غشيتني يا شيخ غش الكريمين
ماهو بغش أهل النفوس الرديه
لك نيتين وكلبوهن على الزين
النيتين اللي تغلب ابو نيه
جيتك وأبشري نقد مبعد عن الدين
ومطلقٍ عن العطاء والهدية
و تـبيعني ناقه بــ 25
وانشد ويطلع سعرها فوق 100
#ابيات
ولا فيه احد ماله ذنوب وخطايا
لا تشغل العالم ولا تمتحنها
وابك الرجال الكاملين المزايا
اللي يروح ويرجع العلم منها
نوبٍ تزل أقدامهم في قضايا
كانوا يردون الجهاهيل عنها
عبدالعزيز بن سدحان
الى ابناء قبيلة حرب
الى جمهور عبدالعزيز بن سدحان
من كل قبيلة وعائلة،،،
( بقي على البيرق خطوة )
وقفتكم وهمتكم في التصويت والدعم هذي هي المرحلة المفصلية
مرفق في التغريدة المقتبسة رابط التصويت
#شاعر_المليون10
أمسية واحدة تفصلنا عن تحقيق حلم بيرق شاعر المليون.. صوت الآن لشاعرك المفضل 📱
صوت لشاعرك المفضل من خلال الموقع الإلكتروني
أو تطبيق شاعر المليون
#شاعرالمليون | #شاعرالمليون10 | #صح_لسانك
يا ولي العهد ،،، تستقبلك أهازيج المدينة
( طلع البدر علينا من ثنيات المطار )
-
جابتك خطوة عزيزة من خطاويك الثمينة
واجتمع " خيرة رجال العصر في خير الديار "
#ولي_العهد #محمد_بن_سلمان #المدينة__المنورة
شاعر و من صغره براسه نعاره
من قبل عاد يهيم في كل وادي
ما كان لا عادي … و لا بـ أختياره
إنه يكون إنسان ماهو بـعادي
و لا في قرارة نفسه و لا قراره
ولا في إعتقاد العالم ،، الاعتقادي
دايم و الاشياء الملفته با انتظاره
و لا يلتفت للي تطول الأيادي
يقدر يخلي كل شي بجداره
و يقدر
شوف المنازل عصير عروشها خاوية
و آبارٍ معطله … و اعجازٍ بلا تمر
حطت على القلب مضرب ميسم مداويه
اربع و عشرين ساعة يصطلي بالجمر
يا راوية خبريني ما انتي الراوية
اللي رواياتها فيها تجارب عمر
الجذع لو هزته بيدينها غاوية
ما اهتز بيدينها و لا تساقط ثمر
و الحمر ما استنفرت و
ومن منظومة الشيخ محمد سالم ولد عدود في الصحابة وعلى طريقة إلقاء شيخنا سعيد الكملي
فإن خير الأمة الصحابة
با العدل والمعروف والإصابة
مفضلاً على الجميع الأربعة
مقدماً من كان في الغار معه
ثمَ الأولى يلونهم ثمَ الأولى
يلونهم معظماً مبجلا
#عاشوراء_1442
#ابو_بكر_الصديق
يا راكب اللي يشعشع كنه ألماسه
لاهو بمطفي و لاهو غامقٍ لونه
اقرب وصوف العلامة عروة الكاسه
في خشم كبوته و خدّة دركسونه
.
.
و اللي من الضيق دوبه يأخذ انفاسه
يوم ادّرج فيه قام يكوسر لحونه
عبدالعزيز بن سدحان
ما تنفع السجه على رجليه
لو اطلع اللي شاهقه قمتها
والا أركب أقرب رحلةٍ دوليه
لا حلقت بالجو طيارتها
لو إن الأرض اجواءها ليليه
حنا نشوف الشمس مع طاقتها
#عبدالعزيز_بن_سدحان
لو يركض العبد بيدينه ورجلينه
الصفقه الخاسرة ماهو برابحها
إن كان مالله معاه.. ولا الله معينه
بيخرّب اللي يحسب إنه يصلحها
والعمر مهما يطول بتقضي سنينه
وأول ما يشهد على نفسك جوارحها
يالله بقلبٍ سليم ونيةٍ زينه
تفتح لنا أبواب ما نقدر نفتّحها
عبدالعزيز بن سدحان
يا ولي العهد ،،، تستقبلك أهازيج المدينة
( طلع البدر علينا من ثنيات الوداع )
-
جابتك خطوة عزيزة من خطاويك الثمينة
واجتمع " خيرة رجال العصر في خير البقاع "
#ولي_العهد
#المدينة_المنورة
#محمد_بن_سلمان_الاعلى_شعبية
قامت سنين العمر تمضي عجوله
أنا غفلت وراح من عمري أعوام
اللي تقول البارحه صك حوله
واللي تقول أمس الضحى كملت عام
بحل ياصرف الذهب والعموله
الصرف صرف العمر من بنك الأيام
#عبدالعزيز_بن_سدحان
#عام_هجري_جديد_١٤٤٣
متى تمل اقدامنا سكة التيه
ولا تودينا لدرب المتاهه
الصد أخير من العتب والمشاريه
متضايق و محتاج فترة نقاهه
حتى المكان اللي ليا ضاقت اجيه
صايرةٍ الضيقة تجي من تجاهه !!
عنيت له فوق جيبٍ قبل لا اسوقه
ما ركب فيه الغشيم ولا حدٍ ساقه
كنه من التكنولوجيا... معه مخلوقه
من يوم تقبل عليه تنور اشناقه
علامته كنها كوكب زحل فوقه
اطواقها بيضويه تشبه اطواقه
ومن سرعته كن سواقه على موقه
ينظم عيون القطط بخيوطٍ دقاقه
عبدالعزيز بن سدحان
ليا منّـه تكاثرك النصيب ولا عطانيّ إياك
تكاثرت الغلا فيّ من سواك وعشت وحداني
و أنا المتفـرّد المغرور مع غيرك وقبل ألقاك !
و معك أنتي بديت أصير متواضع و عـقلانـي
رجاحة عقلك و لذة حكاك وطلة محياك
عليها مسحة السحر الحلال .. و حسن رباني
لا تعبد الحلم... والدنيا قصيرة
ولا يصيبك يأس لكن... لا تشفّق
وكل ما فاتتك فرصة قول خيرة
الهدف ما حققه سعي المطفّق!!
(والحظوظ تطيب من طيب السريرة
والنوايا البيض..... راعيها موفق)
عبدالعزيز بن سدحان
إن ما كتب لك هاجسي شعرٍ على قد المقام
تبت يدينه مثل ما تبت يدين ابو لهب
عليك يا بنت السلام … و لا على الدنيا سلام
اليا أزعلتك و لك حبيبٍ راسه يشم المهب
انتي ولو انك بشر .. مفروض وزنك بالجرام
لابد نتعامل معك مثل التعامل بالذهب
اقول ما شاء الله عليك ان شفت وجهك بـ اللثام
و أنسى
قصيدة مناسبتها دعوة الشيخ المحامي ذيب بن سلطان بن وقيان الدوسري بأسم ربعه أحفاد هذال بن وقيان لي وان شاء الله اني اصلهم قريب ولي الفخر والشرف ويستاهلون ويازين المدح لا جاء له مجال وتوجه للي يستاهلونه.
إرشيفيه وقعت في يد المصمم أحمد العتيبي وظهرت بهذا الشكل..
وصف اللكزس
ماهو على خشمها تمثال الانباله
لا جيت أوصف علامتها واحليها
كنك بعينك تناظر في يد بياله
بدريق والقهوجي قدمك موطيها
وإلا كما يد هنوفٍ بس في حاله ✋
لحظة على خصرها حطت حدى يديها
عبدالعزيز بن سدحان
الصبر ماهو حل في كل الأحوال
الصبر نوب يزوّد الطين بلّه
اللي مثل صبرك على بعض الأشكال
خاسرةٍ حتى من توالي الله
لابد ما تجزع ليا صرت رجال
وش حادك تصبر على كل عله
ترى الصبر محمود في حال و بـ حال
ترى الجزع محمود والصبر زله
#عبدالعزيز_بن_سدحان
#سنابي
يا عاصم اسمع هالقصيده وانا ابيك
إن كان تنشد عن بيوت الجزالة
تبيني أوصيك... ماني موصيك!
لو أكثر الشعار وصى عياله
انا على سنة نبيك بربيك
وإلا السطر والمرجلة والشكالة
هذي معك تولد وتكبر وهي فيك
توفيقٍ من الله على هالسلاله
عبدالعزيز بن سدحان
يتلى من طفل في أدغال أفريقيا بلا زيادة ولا نقص
كما نزل قبل 1400 عام...
لا يمكن أن يكون هذا أمر عادي إنه معجزة خالده
سبحان القائل ( وإنا له لحافظون)
و هنيئاً لمن استعمله الله لحفظه
#القران_الكريم
تنفس الصبح معها و أنبلج نوره
و لا فيه طيرٍ على الأغصان ما غرد
ياللي من النور مخلوقه و منثوره
عجزت توصفك كل أبياتي الشرد
حوريةٍ بالخيام البيض مقصورة
و الا ملاكٍ تعيش بصرحٍ ممرد
والا بشر مختلف بالصوت و الصورة
انا علي اسألك .. و انتي عليك الرد
عبدالعزيز بن سدحان
قبيلة #حرب متمثله بالشيخ حميد بن رجاح القريقري تضرب أروع الأمثلة في العفو والصفح والتسامح..
عفى اليوم الشيخ حميد القريقري عن قاتل ابنه #احمد_القريقري
(رحمه الله) لوجه الله ودون مقابل..
نسأل الله أن يجعل ذلك في ميزان حسناته ويجزاه خير الجزاء
#قبيله_حرب
#مترك_عايض_المسردي
#اليوم_الوطني_السعودي90
ودي آخذ هالوطن بيديني من أطرافه
لو تضاريسه وسكانه تجي بيديني
واحفظه في نون عيني والجفون لحافه
وأظهره.. وأقبله.. و ارجعه في عيني
عبدالعزيز بن سدحان
#RiyadhExpo2030
سارعي! ماني بـ قايل سارعي وانتي وصلتي
يا بلادي واعتليتي ذروة المجد وسنامه
احترم من قالها من قبل بس اليوم صرتي
غير ،، ويش يصير لا غيرت كلمة من كلامه
(باقية في المجد والعليا) ما عمرك نزلتي
(باقية في المجد والعليا) إلى يوم القيامة .
#اكسبو_السعودية
يارب و الدنيا متاع … و لا على الدنيا مقيم
إغفر ذنوبي كلها و إستر عيوبي كلها
خذني من دروب الجهل يم الطريق المستقيم
محجةٍ بيضا بدون عنايتك ما ادلـها
#غرد_الان_بذكر_الله
يوم تأسيس البلاد وذكر فعل أسلافه
يبعث شعور الحماسة والتفاخر فيني
ودي آخذ هالبلد بيديني من أطرافه
لو تضاريسه وسكانه تجي في يديني
و احفظه في نون عيني والجفون لحافه
و أظهره و اقبّله و ارجعه في عيني
#يوم_التأسيس_السعودي #يوم_بدينا #يوم_التاسيس #عبدالعزيز_بن_سدحان