ثريد عن القطط لمن يرغب في تبني قطة او للمربيين الجدد
دير ريتويت و منشن لصاحبك المهتم و الجديد في التربية
قبل ماتتقرر تربي قطوسة لازم تعرف انها روح انت مسؤول عنها من اليوم الي تاخذها
و انها كيف ماتلعب و تقعد معك تجيها اوقات تمرض و تبي من يعانيها
اليوم و زحمة اليوم
في طريق البحر سيارة ما وقفش تبييب (كلاكس) وفريتشات والعة في وسط الزحمة وطول الطريق وهو بس بشكل ملفت للنظر
لما جيت جنبه فتح الروشن وناداني وكانت بنته صغيرة جنبه طلعلي الشهادة من الروشن و قالي "بنيتي نجحت" 🤣❤
يحسس فيها بجمال الانجاز
حـنين القدّاري
13 سنة - مدينة بنغازي
الفائزة بالنسخة الثانية من مشروع صناعة القرّاء
بعد تحدي 113 مشترك بين مدينتين بنغازي و الزاوية
و تحدي قراءة 30 كتاب لعام 2019 مع الملخصات و التقييم من لجان التقييم
#شنو_تعرف_علي_الليبين
رغم الحرب الي انفرضت علينا
ماوقفنش القراية و رغم الدمار في الجامعة ومكانها في منطقة حرب تقسمت الكليات وتقاسمت مع المدارس اوقات الدراسة
ماوقفنش معارض ثقافية و فنية
ماوقفنش على فعل الخير
ماوقفنش عاللعب
ماوقفنش الاحتفالات بالاعياد
عايشين حياتنا رغم ظروفنا
طلب بسيط
درجة الحرارة برا مايقارب ال 40°
توا خشيت لشارعنا لقيت قطوسة ماحوتك تتحرك و لسانها برا قريب تموت من العطش
قطوسة شارع قبل كانت تهرب بمجرد ماتقرب منها توا مش مهتمة حطيت امية جت تشرب
الطلب البسيط انك تحط امية قدام حوشكم و عالسور او روشنك او السطاح و لك اجرها
الحمد لله الذي بنعمته تتم الصالحات
الحمدلله تمت خطبتي اليوم لمن ارتضيت دينها و خُلقها و قلبها و نسبها
@AminaElfarjani
🤍
اللهم اجعلها لي كما احب و اجعلني لها كما تحب و اجعلنا معاً كما تحب و ترضى
اللهم بارك لنا وبارك علينا واجمع بيننا في خير
من كم سنة الكورنيش ماتلقش فيه الا الطلبة المعكسين عالمدارس
مؤخرا ثقافة الكورنيش في الصبح تزداد
الناس الي تتريض و ناس تشرب قهوتها وناس مقعمزة تتفرج عالبحر ومجموعة تسترزق وتصيد
ومؤخرا جمال الحمام الي مالي ارضية الكورنيش والعيال الصغار في وسطه يوكل فيه ❤
صباح بنغازي ❤
في كارثة درنة تأخر علينا الدعم الدولي لمدة يوم حسينا بخذلان كبير
فما بالك بأهل غزة وبكمية الخذلان الي حاسينها من المسلمين والعرب والعالم
شعوبا و حكومات
نحن اسفين والله
اليوم ٢٧ للحرب على غزة،،
لم أنم سوى ٣ ساعات بسبب القصف الذي لم يتوقف حتى هذه اللحظة.
كل ثانية نسمع صوت قذيفة مدفعية أو صوت صاروخ.
كانت ليلة ثقيلة وكأن العالم بأكمله يعتصرنا!
ولكن من نجا سيحيا ليعيش ليلة أخرى،
ومن مات هو فعلاً قد نجا.
#غزة
منزلنا قاداته امرأة
كان نتاجة مهندسين و اخصائيين اجتماعيين
لا عمرنا درنا الحرام ولا فكرنا فيه
علمتنا نحترموا الي اكبر منا
علمتنا نوصلوا رحمنا
علمتنا الود والاحترام
علمتنا نعتمدو على انفسنا
علمتنا خواتنا لا نمدو يدنا عليهن ولا نعلوا صوتنا
حالنا افضل بكثير من منازل قادها رجال
بنتك او اختك مش منتج ممكن ينتهي صلاحيته في الحوش لو ماتزوجتش او تأخر نصيبها
وتقعد تفكر كيف تتريح منها و تعطيها لأي شخص ممكن يكون مدمن او مختل عقلي او ناقص اخلاق وتربية ويكون نتيجة فعلك ه��ا تعنيف لها ولأطفالها في وقت كانت حتعيش معززة مكرمة في حوشها افضل لها
عيد ميلاد جميلتنا حفيدتنا الاولى
اجمل شي صار من فترة طويلة
يوم زيارتها لنا يكون اجمل يوم في الاسبوع
فيه ايام غبت عن العمل عشان جايتنا 😂
بداية يوم حيكون جميل ان شاء الله ❤
لو كانت حرب لتكالبوا على دعم الاطراف وزيادة الشق والفتنة بين الليبيين
لكن كارثة يمر بها الشعب لا مكاسب لدولهم فيها الكل يأخذ وضع النعامة
#انقذوا_الشرق_الليبي
#انقذوا_ليبيا
الانتهاء من اعمال صيانة مكتبة بنغازي سيكون داخل المبني باذن الله ، ركن خاص بالاطفال، مقهي ثقافي، ركن خاص بالقراءة، قاعات تدريب، قاعات مطالعة الاكترونية، هذا العمل قامت به بلدية بنغازي، عن طريق البرنامج الانمائي للامم المتحدة وبأشراف جهاز المدينة القديمة بنغازي
ماهر الغرياني
محاكاة لجميع مراحل لخسوف اليوم
صورة مكونة من 21 صورة جميعها من تصويري (دمج) + (صورة المنارة قديمة)
#بنغازي #ليبيا #خسوف #خسوف_القمر #القمر_الدامي #القمر_الأحمر
هي حاجة سيئة بعد الانسان يهتم بروحه و يطور نفسه و يدير كيان لروحه؟
مش بس في الصور و لا الشكل
مودة من اكثر الناس الي اشتغلت و دارت اسم و كونت شركتها
الشيء السيء هو انك تكون نفس الانسان الي كان سنة 2011 بدون اي تغيير ايجابي في حياتك
مش من فراغ لما وصفوا المحبوبة و قالوا
"محبوبتي عند المساء طلت كما بدر السماء"
البدر اجمل مراحل القمر مرحلة اكتماله
بدر شهر محرم
قمر 14
14 محرم 1444 هجري
رحم الله (دعاء الشريف)
وافاها الاجل قبل ايام قليلة من حفلة تخرجها اثر حادث أليم
.
من حفلة اليوم لصورة #تخرج الدفعة 22 كلية الصيدلة - جامعة #بنغازي #ليبيا
هذا سبب من الاسباب الي تخليك لو مش جاهز ماتخطبش
لكن يقعد وراك سكن و بني وصيانة و اثاث ومصاريف خطوبة و ومصاريف فرح وانت ماعندك شي منهن وتمشي تخطب و كل شهرين تطلعلك مناسبة
خلك منه موضوع هدية بسيطة في الاخير حيطلعوك شكلك شين وبخيل
وانت راكبك هم المشروع الي قاعد فيه
خاطرنا في حفلة تخرج كلاسيكية رسمية كل واحد في مكانه حفل تخرج حقيقي
مش مهرجان وسيرك واغاني مهرجانات وفقرات مالهش علاقة لا بالتخرج لا بالخريجين
ممكن يكون اي شيء الا انه حفل تخرج
الانتهاء من اعمال صيانة مكتبة بنغازي سيكون داخل المبني باذن الله ، ركن خاص بالاطفال، مقهي ثقافي، ركن خاص بالقراءة، قاعات تدريب، قاعات مطالعة الاكترونية، هذا العمل قامت به بلدية بنغازي، عن طريق البرنامج الانمائي للامم المتحدة وبأشراف جهاز المدينة القديمة بنغازي
ماهر الغرياني
طالما انت مش مربي حيوان و مش مجرب شعور ان حيوان يكون كأنه فرد من العائلة
حاول انك ماتخففش دمك بعد تشوف ردة فعل الشخص على مرض او موت حيوانه
لأنه صدقني حيكرهك
اليوم الصبح لقيت جزار مفتوح قلت نسأل عالمفروم شن وضعه
خشيت سألته و قالي السعر و طلعت
الراجل يحسابني اني مانقدرش عالسعر
طلع ورايا صاحب الجزار قالي تعال ياشاب خوذ الي تبيها حتى كان ماعندكش
الدنيا فيها خير و الله
والله ياخوتي لا صعبوها عليكم ولا شي الحالات هذه تعتبر شاذة يعني الي بتاخذها حالتها تقريبا كيفك انت انوي واعطيها على قد الي تقدر عليه (بلا بخل) وهي لو تبيك اكيد عارفة الي فيها
والي يقدر بعطي هكي ربي يزيده ويباركله
مازال اعتراضي على عرض الفلوس الي تعطيها لشخص على عامة الناس
ديما انشوف في منشورات وتغريدات تمجيد للشغل في القطاع الخاص وكأنه حاجة فوق المستوى عندنا
القطاع الخاص كان مش انت صاحب العمل فأغلب الشركات(مش كلها) تعمل في موظفيها معاملة عبيد
مافيش اي قوانين تحميك
حتى بعد تبي تجي توقع معهم عقد تشوف البنود تلقاها كلها حماية لهم ومافيش اي بند يحميك