هو حد يقدر ينكر ان سطوة السيسي والجيش عالبلد مش سبب رئيسي لاكتئاب معظم جيلنا ! مين فينا مش خايف وهو بيعدي من اَي مطار ؟ او مش خايف وهو في بيته يتكسر فوق دماغة ويتجر عالحبس ،؟ مين مالوش حد مرمي في السجن او مش عارف يرجع مصر . سبونا ننبسط ان في حد طالع بيشتمه لايف
هما ادوك خرابة ملهاش لازمة وخلصت المدتين بتوعك ممشتش بعدها ليه ؟عدلت الدستور في ٢٠١٨ ليه ؟ حبست الناس الي كانت ناويه تترشح ضدك في ٢٠١٨ ليه ؟ منعت أنصار طنطاوي يعملوا توكيلات ليه؟
رحت السفارة المصرية في الرياض علشان اعمل التوكيل قالوا لي اصل معندناش نموذج الترشيح لسه مجلناش والله استني شويه فضلت مستنية ساعتين ومكنتش لوحدي في كذا حد كان عاوز يعمل توكيل لطنطاوي وبردوا معرفناش نعمله ومشينا
رايي في موضوع الفيديوهات المنتشره لناس بسيطة بتعارض النظام ان الموضوع ده مفيهوش اي نظريات مؤامرة.كان في كتله حرجة واقفه ورا السيسي فعلا وكان عندها امل ان الدنيا تبقي احسن وطبعا زي ما احنا عارفين حتي الامل خدوه من الناس فالكتلة دي انقلبت عليه وبتعبر عن غضبها بدون اي توجيه من حد
ممكن اسال سؤال بسيط : هو لو الاعتصام كان غير سلمي ليه مفيش ناس ماتت من الشرطة اثناء الفض؟ مهو لو الناس دي كان معاها سلاح اكيد كانوا طلعوه يعني ولا قتلوا نفسهم مش فاهمه !
الشرطة قبضت على محمد سعيد إللي صور مظاهرات السويس وبثها مباشر ، انا قلبي اتقطع حرفيا وانا بشوف الفيديو بتاعه ياريت الي يقدر من الأفاضل المحامين يتابع هو فين يطمنا عليه
انا من امبارح عندي احباط من الي شوفته من ناس كنت فاكرة انهم على درجة معينة من الوعي ، والصراحة انا شايفه ان مفيش فايده . للاسف الناس الي مرميه في السجون والي ماتت جوه السجون ضيعوا عمرهم هدر .
المستشار عبدالوهاب عبد الرازق رئيس مجلس الشيوخ هو رئيس حزب مستقبل وطن، وصاحب قرار حل مجلسي الشعب والشورى المنتخبين في عامي 2012 و2013 وهو الي اصدر حكم بعدم دستورية قانون العزل السياسي في 2012 ورئيس المحكمة الدستورية العليا الي حكم ببطلان مصرية جزيرتي تيران و صنافير
انا مش مستغربه ان النظام بيحاول بكل قوته انه يفشل الحراك الاجتماعي في قضايا الاغتصاب والتحرش لانه ببساطة انت لو كسبت معركة زي دي هتثق في نفسك وتتجرأ تقف قدامة وطبعا ده غير مسموح بالنسبه لهم .
السيسي عامل زي الشرير في الافلام العربية القديمة. شاحن لنا شويه من المصريين الغلابة بميت جنية وكرتونة يرقصوا قدام اللجان علشان يشاور ويقولنا : شايفين الي بتدافعوا عنهم اهم هيعملوا لي توكيلات وهيضربوكم كمان لو حبيت . هو بيلعب علي حتة اننا نفقد الامل.
اوسخ نقابيين في التاريخ هما النقابيين المصريين . اه والله الواحد مشفتش المستوي ده من الانبطاح للسلطة في اي دولة . الدنيا تتشال وتتحط وتقوم وناس يتقبض عليها وهما ولا هنا . علشان لما نقول عليهم امنجيه محدش يزعل
أسعار اشتراكات النوادي في مصر بقي مبالغ فيها بشكل رهيب يعني علشان اودي ابني يلعب كورة في نادي الاتحاد السكندري الي المفروض انه نادي الطبقة المتوسطة ادفع ١٧١ الف جنيه ليه يا جماعة ؟ ايه الي بيحصل في البلد دي بالظبط . هخليه ينزل يلعب في الشارع وخلاص 😰
امبارح اتخبطت في عيني وحصلي جروح في القرنيه حجبت الرؤية عن عيني الشمال وشوفت ٢٤ ساعه رعب من اني مشوفش بيها تاني . ربنا سترها الواحد مش بيحس بقيمة الصحة الا لما يتعرض لمشكله زي لي ربنا يديم علينا نعمة الصحه ويشفي كل مريض
بصراحة انا عارفه ان ترند الشعرواي ده ممكن يكون إلهاء بس انا الراجل ده كان غايظني من وأنا صغيرة،كنت بسمعه مع امي واكتم في نفسي قهرتي من كلامه عن عمل المرأة ومظهرها وامتهانه ليها ،فحلو اننا نعبر عن غضبنا من فتاويه الي كان ليها دور مهم في اضطهاد وامتهان المرأة في السنوات الأخيرة
#الحرية_لفتاة_العياط
بنت في العياط أخدت ٤ أيام علي ذمة القضية بعد ما سواق ميكروباص خطفها في ميكروباص وخلها قلعت هدومها تحت تهديد السلاح وبعد ما سمعت كلامه ولما اتيحت لها الفرصة وأتمكنت من السلاح قتلتة وسلمت نفسها ياريت ندعمها ونتكلم عنها .
وصلني ان الست الجدعة بتاعت دكرنس اللي كانت بتساعد الناس وطلعت اتكلمت من كام شهر عن حال البلد والفقر والفساد، مسكوها بعد الفيديو بتاعها ما بقى تريند وأدوها علقة معتبرة في قسم شرطة دكرنس، لم يراعوا سنها ولا كونها امرأة، وحاليا بيتجددلها كل ١٤ يوم.
مبارك الي قتل الآلاف هو وحبيب العادلي برة السجن ولسه عايشين عادي جدا يتمتعوا بالصحة والمال علشان العسكر عاوزين كده. فبلاش والنبي شماته في الراجل أيا كانت أخطائه لم يرتكب ١٪ من الي بيعمله السيسي دلوقت احنا كنا بننتقد مرسي والراجل أخطأ وكان غبي لكنه مقارنة بالسيسي والي عمله ملاك .
هي البروموهات الي بيعرضها التليفزيون بصوت السيسي وهو بيحلف ان الي هيقرب لها هيشيله من علي وش الأرض لمين بالظبط؟ لينا احنا يعني ؟!
لان تصريحات الخارجية كلها مخزية الحقيقة .
انتهز السيسي فرصة حرب غزة لينتقم من خصومه السياسيين في خسة لا تقل إطلاقا عن خسة الصهاينة، فصدق منذ عدة ايام على الحكم بحبس ابو الفتوح واليوم يحاكم احمد طنطاوي.