↴ ✿
يقولون من لاخاف درب الخطايا زل
وتمام العقل من خاف من وجه خلاّقه
'
َ
تذكر رقابة خالق الكون .. عز وجل
وتذكر عطاه وستره وفايض آرزاقه
'
َ
وتذكر وقوفك يوم تاقف ماعندك حل
في يومٍ يشيب الراس من شدة آرهاقه
'
َ
آقوله وأنا عليّ من ستر ربي ظل
نحاول نتوب .. وعادة النفس تواقه !
↴ ✿
يا راسي عسى الله لايحدك على اي إنسان
وياعزمي تقوى وأنطح الشده بـ شدهّ
ٓ
وياقلبي تصبر عادة الصبر والسلوان
تواسي قوي البأس لو الزمن ضدهّ
ٓ
وياعيني لاترجين المقفي نظر وإحسان
مدامه مقفـيّ بين وده .. ولا ودهّ
↴ ✿
يوم شفت الوصل وجهه من جفاك مشوّه
استخرت وقلت يـ الله خيرةٍ مخفيها
'
ما تعودت اترجّى لاجل حب و خوّه
لو نغايضها على جوفي بكى تاليها
'
ياحبيبي قلت لك واللي تشوفه سوّه
كان تبغى رفقتي فـ انا بعد شاريها
'
وكان قلبك في عماه وفي عناده توّه
يمكن ابعاد القلوب من العمى يشفيها :)
↴ ✿
شلون بشرح لك اللهفه بـ قلبٍ شغوف
و أنت المشاعر من أولها إلى أخيرها
ٰ
لد النظر في عيون اللي يحبّك و شوف
أشياء واجد .. بتعرف وش تفسيرها
ٰ
ماهو ضروري أحبك تنقرأ بـ الحروف
عيون الأحباب .. تغني عن تعابيرها
↴ ✿
لا هب الهوى ليته على صدري المخنوق
" انا فاقدٍ لي فرحةٍ كيف أبلقاها "
'
أنا و الرجا مثل البدو يتبعون بروق
ورى غيمةٍ غابت ولا حصّلوا ماها
'
تلاعب بنا الأيااام وأثر العمر مسروق
طردنا ورى الدنيا ولا جابت أقصاها
↴ ✿
يشبهك صبح النسايم ويكسيه الضباب
مثل ما تكسي ضلوعي نسانيس الغلا
'
وتشبهك صدفة ملاقى على مسلك غياب
لا امتلتْ منك المشاريه والشوق امتلى
'
وصار هذا الحب قوّة و نوع مِن الرهاب
وأصبح التعبير يصعب على قولة هلا
'
يا هلا يا نار فردوس يا جنّة عذاب ..
إن خلت منك المودة عساني ما خلا!
↴ ✿
أحبك ولو يمطر سحاب الدروب أحباب
رضيت بْـ ضماك وخل الأنسام تسري به
'
وأحبك ولو عادت جميع الوجيه أغراب
خذيتك أمان يْشرّد الخوف من طيبه
'
وأحبك لو أعذارك ماهي تقنع الكذّاب
أنا الصدق بعض أحيان ما ودي أدري به "
↴ ✿
يا خاطري لو عليك الوقت كثّر و مال
تذكر إن التعاسة ماضيه .. ماضيه
بدون الأعذار نفتح للتسامح مجال
ترتاح لو نظرتك بـِ الناس متغاضيه ..
من البساطه يفرحنا ( مسج و اتصال )
و مْن العتب و الظنون قلوبنا فاضيه
وْجيهنا مسفهله لو تشين الليال
صدورنا لو كلاها حزنها .. راضيه .
↴ ✿
عند وجهك؟ عاقلٍ ضاعت علومه
خص لا جادت ثمانك في شهدها
قبل أعرفك ؟ واحدٍ شغله همومه
والحياه إنْ جات .. ولّا ما طردها!
من لقى صادق غرامك ؟ لا تلومه
لا تجوّد في الحياه وفي رغدها :)
↴ ✿
أنا تدري اني شخص ماني سريع اعجاب
ولا كل حاجه عابره تكسب اعجابي
.
َغلبت الهوى فتره لكن الهوى غلاب
تمادى و وقف في طريقي و انا مابي
.
َدخلت فـ حياتي عرض من اوسع الابواب
وانا للحبايب ماني مشرّع ابوابي
.
َوعطاك الله من الود و الحب والاعجاب
مايجعلك سيد قلبي و سيد احبابي
↴ ✿
دريت ان المحبه وقفت من يوم جر خطاه
ودريت ان كبدي بتبطي من الفرقا ولا ارتاحت
.
ياكم مره نويت انساه لكن مستحيل انساه
هو اللي وسّم ضلوعي , هو الرسام والناحت
.
صحيح ان الجفا طوّل ولكن حشمه لـ ذكراه
بقلطها ليّا مرت واودعها ليا راحت .
↴ ✿
العُمر غالي وأنا بعّته عشان أشتريك
قبلك كرهت الحياة ومعك حبّيتها
أزعل على الوقت والدنيا ولا أزعل عليك
يا أكبر من ظروفي اللي ما تعديتها
لو أتمنّى حياتي قلت ضحكتك ذيك
ضحكتك ذيك الحياه اللي تمنيتها .
↴ ✿
جل شان اللي خضوعي له وذلي وإنكساري
كل ما يخضع له المؤمن رفع قدره وشانه
'
أطلبه توفيقه اللي يجعل الصعب اختياريّ
و أستعين بقدرته ولا يخيب امْن أستعانه
'
جعلني ماسوق وجهي عند من يجهل وقاري
وجعلني ما اعرِضّ النفس العزيزه " للإهانه ".
↴ ✿
ولله إني ما أتردى ولا أحب القصور
وأتجاهل كل من هو ضعيف ومبتلي
َ
رافعتني عزة النفس لـ حد الغرور
والثقه بالنفس لـ أعلى مكانٍ معتلي
َ
لا دعولي والديني بـ تيسير الأمور
ما علي من باقي الناس لو تدعي علي (:
↴ ✿
سولف الليلة على قلبي و ناجه
من بقى لي غيرك افخر به و أباهي
'
يا بعد من كدّر غيابي مزاجه
ويا بعد من مرت حروفه شفاهي
'
رغم حيرة قلبك و رغم انزعاجه
الزمن ما غير احساسه تجاهي
'
ورغم وحشة بعدك و قسوة سياجه
كل حاجه فيك ظلّت مثل ما هي ،
↴ ✿
والله اني له شفوقٍ وكل ليل احتريه
حاشمٍ وده بـ قلبي و يبشر بسعده
ٰ
يا نسيم الليل بالله سلم لي عليه
عند وعدي كانه الحين ماخان وعده
ٰ
ما عذلني في غرامه سوى هرج السفيه
جاهلٍ جاله من الغيظ قومه و قعده
ٰ
خابرٍ قلبي على الود دايم يرتجيه
انتظر وصله من الحين و بكره وبعده .
↴ ✿
لا صار في قلبك من الحب غيري خشير
خلك معه! وأسعده!وافرح معه يا حلو
أنت تعرفني مثل ما أنا أعرفك كثير
كلي عطا !!تضحيه !! والحب فيني غلو
ِ
أعطي مالا تعطي الطيبه فالقلب الكبير
وأعيف عوفة شيوخ القوم لامن جلو
ِ
وأعيش ضامي ولا اشرب من قراحٍ غزير
لاصار في جمة الماء غير دلوي دلو
↴ ✿
'
غلبني الهوى وانا ادري ان الهوى غلاب
مع راعي اسلوب خذا القلب بـ اسلوبه
على بالي إن الوضع كلّه ما غير إعجاب
لكن يوم اخذت شوي لا الوضع ماهوبه
وانا ماني بـ من يترك الضيف عند الباب
فراش الغلا مفروش والضو مشبوبه
↴ ✿
تلاقو فيك عرقين الاطايب يا عميق الساس
و سال المسك في وادي الرحيق و جيت يالفارق
'
ولدت في يوم ثامن ماله أسم و ما عليه اقواس
وقف فيه الزمن يستقبلك يالمغرب الشارق
'
خلقك الله تحتٍ من ملايكته و فوق الناس
يغرقون البشر ف الحسن ، وانت الحسن بك غااارق ..
↴ ✿
إن كنت تنشد يا رفيقي عن الحال
مالــي علـى كتمـانها عنـك حيـله
'
الصبـر عـن بـوح الاحاسيس قتــال
والبوح في بعض المواقف ، فشيله
'
لـو كـل مـا يطري على البال ينقال
مــا كـان شفـت ان الثقيــله ثقيـله.!
↴ ✿
أداري خطّر أحبابي ولا يدخل شعوري غِلّ
أخذت من القسا أكثر من اللي كان يكفيني
'
يمروني وأنا تحرقني ظروفي .. وهم فـ الظلّ
يشوفون أحتراقي .. بس ما كنهم حواليني
'
على ويش انتظر ؟ مادام ترديد المعاتب مَلّ
انا حتى معاذير الندم .. ما عاد تعنيني !
↴ ✿
يقولون لو تاب الهواوي يرده صوعَ
وانا اقول راعي الحب ما هوب ينلامي
'
علي الهوى من وين ماهَب جيته طوع
الى جاب لي ذكراك من سّالف أيامي
'
وترى الشوق من عقب الهجر يافريد النوع
يكفّر عن الي قد مضى لي من آثامي
'
وانا والله اني من وصالك لحقني جوع
تمناك قلبي منوة المّاء على الضامي
↴ ✿
لي وليفٍ طول الوقت ماجاني
جيته طامع بها واتحراها
'
له شهر ماشفت زوله ولا باني
مادرى ان روحي البعد يبراها
'
طيفه لا نامو الناس سراني
ونفسي لطرق الهواجيس جراها
↴ ✿
تعشمت في وجهك لإن ماهو بوجهين
صدوقٍ تصير الناس لا جيت كذابه
'
أنا ما بقى لي غير ضحكة ودمعة عين
تناقَض مشاعرها ، لكن معك تتشابه
'
متى ما خذلك الوقت دوني خذ الإثنين
أنا واحدٍ . .ما يذخر بشيء لأحبابه .
↴ ✿
ماملكت الا عقل فاهم وقلب غبي..!
ان فهم عقلي ..على ظن قلبي فايته
'
وقلبي اللي كل ظن تعلق به سبي ..!
ماخذا من ضحكة الحظ كفايته
'
كن وقتي يحتري منه كلمه ابي !
وان سمع كلمه ابي شال عنه غايته
'
مؤمنه واحتاج معجزة ربي لنبي
ي عصى موسي عليه السلام وآيته
↴ ✿
اشغلت راعى الصيدليه على شان
عيوني اللي لعب فيها السهر لعب
'
النوم قد هو عقب ماكان سلطان
مواطن مثله مثل باقي الشعب
'
عيا لايرجع خاطري مثل ماكان
تعبت من كثر المعاتب وهو تعب
'
حاولت احل المشكله قدر الامكان
والظاهر ان المشكله حلها صعب
↴ ✿
عفا الله عن حالٍ ترازم عليه هموم
وصدرٍ غدى له يا عرب داخلي لجّة
'
ومن غصةٍ تقبل وتقفي على البلعوم
وزرلٍ يجيني وين ما اروح واوجّه
'
بقى له بـ جوفي مدهل خاليٍ و رسوم
عليه الضلوع تحنّ والصدر له لجّة
'
الا واهني اللي عيونه تذوق النوم
ورجلٍ من المشراف تاخذ لها سجّة
↴ ✿
أعيش الغلا عفه و أكنّ العفاف أسرار
و أموت ومماتي حاجةٍ ميّتٍ منها
ㅤ
سترتك ورى طرفٍ عليه الرموش ستار
ضمنتك بعيني والمقادير ما أضمنها
ㅤ
مدام السحا من فطرته يرتديه خمار
فـ أنا اللي تعييّ شيمتي ماتعاينها
مثل ما يراعون العرب حقوق الجار
أراعيك عن همس المناقيد وألسنها
↴ ✿
قصر على صوت الحياه وبسمعك
تكلم وبحط روحي في يديك
.
انا تحت رهن اشارة اصبعك
اجيك بشعورٍ يجي لك قبل اجيك
.
لو يخدعك وقتك وناسك تخدعك
انا معك لو كل هالدنيا عليك
.
ولا تخاف من الحياه ( انا معك )
ان ماقدرت اعيش لك بموت فيك .
↴ ✿
بتمرك أيام تشكي الحّزن واحراجه
و بتمرك ايام تورق لك حدايقها
'
اصبر على الضيق لين يجيك بافراجه
ولاتِخضع " الهام " الا عند خالقها
'
يضحك لك الوقت لوهو عقّد حجاجه
و تقسيم الأرزاق حكمه بيد رازقها.
↴ ✿
#صلوا_علي_النبي_لاجل_شفاعته
" اللهُم الإتزان في الطريق ، اللهُم الحكمة في الاختيار ، اللهُم اليقين في الأماني ، اللهُم الخير حيثُما مررت "
اللهم صل وسلم وبارك على نبينا محمد